فساد في ادارة شرق الزقازيق

[غزالة جروب]

قام مدير عام ادارة شرق الزقازيق بنقل الاستاذ عصام خليل المعلاوي ( اخصائي اول ثانوي اعلام ؟) الي مدرسة اعدادي علما بانة اقدم اخصائي اعلام بالادارة وذلك مجاملة لمديرة المدرسة الذي هي في الاصل منتدبة من مدرسة اعدادي ولا تصلح اساسا لقيادة مدرسة ثانوي اسمها ( ........... )

[سامى الجنانى]

لا نوافق على التشهير نرجو عدم ذكر الاسماء رفع هذا الموضوع من الموقع

[ميرو1988]

مينفعش خالص النقل ده
بلد بقت كوسة
العهد الجديد المديرين بيدوا التعليمات للتوجيه ولسه

[ميرو1988]

النقل اصلا بين المراحل المختلفة له موال طويل عشان تتنقل
لكن لو انت مغضوب عليك تتنقل ايه صاروخ

[ugd ugd ugd]

أكيد الأستاذ سامي الجناني يقرب لمديرة المدرسة أولمدير الإدارة التعليمية أوعايز منهم حاجة
- ماتسيبوه يقول اللي هو عايزه خليه يفضفض هو ظلم وكتمة كمان

[سامى الجنانى]

والله العظيم لا اعرف احد منهم ولكن عندك دليل ادكر لان التشهير بالاسماء ليس هينا والله يسامحك .......................

[ahmad alex]

واحنا مالنا
روح اشتكى للمسئولين
نرجو الحذف

[CAMELA]

المشاركة الأصلية كتبت بواسطة ahmad alex

واحنا مالنا
روح اشتكى للمسئولين
نرجو الحذف

غريبه قوى الناس اليومين دول
ايه يا اخى احنا مالنا دى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هو ده اللى ربنا قدرك عليه
لا مالنا ونص وثلاث ارباع كمان
حط نفسك مكانه يا أخى
انت لا بترحم ولا بتسيب رحمة ربنا تنزل
مش لاقى كلام تقوله اسكت
مش هرتله وخلاص
حسبنا الله ونعم الوكيل فى المتخاذلين
والله لا اعرف صاحب الموضوع ولا اعرف من يشتكيهم
ولكنى مررت بظلم كبير منذ بدء تعيينى
ونوعية حضرتك دى قابلتها كتيييييييييييييييييييير
للاسف كترتوا فى البلد

[CAMELA]

أخى كاتب الموضوع
اذا كنت انت صاحب المشكلة او غيرك
انصحك بإرسال شكاوى بالفاكس للنيابة الإدارية
والتعليم الثانوى فى المديريه
وإن وصلت كمان لوزير التعليم
الناس دول شايفين نفسهم اصحاب العمل
مش حاسين انهم موظفين
لازم كل واحد يلزم حدوده
هى مش هيصه
وقال -صلى الله عليه وسلم-: مثل القائم على حدود الله والمدهن فيها كمثل قوم استهموا على سفينة في البحر، فأصاب بعضهم أسفلها وبعضهم أعلاها، وكان الذين في أسفلها يخرجون ويستقون الماء، ويصبون على الذين أعلاها فيؤذونهم، فقالوا: لا ندعكم تمرون علينا فتؤذوننا، فقال الذين في أسفلها: أما إذا منعتمونا فننقب السفينة من أسفلها فنستقي. قال: فإن أخذوا على أيديهم فمنعوهم نجوا جميعا، وإن تركوهم هلكوا جميعا .

[ahmad alex]

المشاركة الأصلية كتبت بواسطة camela

غريبه قوى الناس اليومين دول
ايه يا اخى احنا مالنا دى ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
هو ده اللى ربنا قدرك عليه
لا مالنا ونص وثلاث ارباع كمان
حط نفسك مكانه يا أخى
انت لا بترحم ولا بتسيب رحمة ربنا تنزل
مش لاقى كلام تقوله اسكت
مش هرتله وخلاص
حسبنا الله ونعم الوكيل فى المتخاذلين
والله لا اعرف صاحب الموضوع ولا اعرف من يشتكيهم
ولكنى مررت بظلم كبير منذ بدء تعيينى
ونوعية حضرتك دى قابلتها كتيييييييييييييييييييير
للاسف كترتوا فى البلد

حمد الله عالسلامة
المهم هل المشكلة اتحلت بعد محاضرة سيادتك الطويلة دى ؟!

[سامى الجنانى]

يا اخوة ليه هذا التراشق بالالفاظ هذه مشكلة فردية يجب على صاحبها اخذ حقه عن طريق الادارة التابع لها والله يوفق الجميع

[ahmad alex]

المشاركة الأصلية كتبت بواسطة سامى الجنانى

هذه مشكلة فردية يجب على صاحبها اخذ حقه عن طريق الادارة التابع لها

مظبووووووووووووط

[CAMELA]

المشاركة الأصلية كتبت بواسطة سامى الجنانى

يا اخوة ليه هذا التراشق بالالفاظ هذه مشكلة فردية يجب على صاحبها اخذ حقه عن طريق الادارة التابع لها والله يوفق الجميع

معذرة أخى الكريم
ما فيش حاجه اسمها فرديه
المنتدى هنا لمناقشة مشاكلنا
كثيير من المعلمين ماشيين جانب الحيط ذى ما بيقولوا بس لما بيواجهوا مشكله ما بيكونوش عارفين يتوجهوا لمين
او يعملوا ايه
ولما بيروحوا للمديريات اغلب الموظفين بيكونوا عارفين ان الشخص معه حق ومع ذلك بيسكتوا ده طبعا غير اللى بيبدأ فى الهجوم عليه علشان يخرسه وما يعرفش يتحرك يمين ولا شمال
احنا هنا فى المنتدى لمحاولة مساندة بعضنا
اللى يعرف معلومه يقولها لنصرة الحق
مش احنا مالنا
دى مشكله فرديه
صاحب المشكله داخل يكتب الموضوع علشان يستغيث ويستنجد بينا ويعرف إذاى يتصرف
كزملاء له
اللى عنده معلومه تفيده يقولها
ما عندوش
يبقى على الاقل ما يهاجمهوش ويحبطه اكتر من اللى هو فيه