مشكلة طالب علمى

[mahamed farouk]

السلام عليكم ورحمة الله وبركاته

انا طالب رايح تالته ثانوى وكنت جايب فى سنة تانية91%وبحب المواد العلمية ومبعرفش احفظ المهم المراكز عندنا ابتدت رحت حضرت حصة فيزياء وحصة رياضة 2 وللاسف كان كلام صعب عليا وحاجات معقدة مفهمتش الجزء العلمى فى الحصة (المسائل) انا مش عارف احول ادبى ولا ايه و بابا كل امله انى اخش هندسة وانا كمان مش عارف اعمل ايه انا مكتئب ارجو المساعدة (مع العلم ان انا منذ الصغر واحب الرياضيا والمواد العلمية بس مش عارف ايه اللى حصل)

[smsm.com]

يمكن العقل كسل شوية من الاجازة
وشوية ان شاء الله والمسائل تتفهم
وخصوصا ان حضرتك بتقول بتحب الرياضيات
والله الموفق

[sasaatwa]

بص اصبر شوية علي نفسك وهتفهم المواد بس مش من الاول يعني انتا مجموعك حلو شد حيلك شوية والحق هندسة

[dr\villa]

mental block
بتحصل عادي يعني ..مفيش مشكله ..اهدي شويه وكل حاجه سهله ان شاء الله

[#sooma#]

انا بسمع اني رياضه 2 صعبه شويه
بس انت مجموعك كويس بس لو انت مش حاببها الحق نفسك من دلوقتي علشين مش تضيع
يعني اصبر شهر كده لو مش لاقيت انك كويس فيها حول ادبي

[Mostafa Walid]

احسنلك تدخل علمى رياضة ومجموعك كويس بردوا وكمل وربنا ان شاء الله حيوفقك وتدخل هندسة ومدام بتحب الرياضة يبقى متقلقش خالص وديه اول حصة فى المنهج لازم تكون صعبة شوية علشان رياضة 2 فيها حاجات جديدة وكنت عايز اعرف ايه اكتر مادة نقصتك السنة اللى فاتت وعلى فكرة ممكن يكون انت بتحسس مخك انك او كملت رياضة مش هتنفع مع انك بتحبها فممكن يكون ده اللى مقصر عليك ومخليك مش عارف تركز فشيل من دماغك الحكايه ديه خالص وربنا يوفقك

[fatakat400]

انا علمى وبدرس رياضه2
وبعشق الرياضه بداه من شهر8
اول مابدات مكنتش فاهمه حاجه
بس امشى فالمنهج وهتلاقيه بقى سهل
دلوقتى كل حاجه عندى واضحه

والفزيا بس اول الصوت والضوء رخمين شويه فالاول لما تذاكرهم تانى تافهين
والفزيا مفيش احسن منها صدقنى حتى احسن من الكميا

وكمل وربنا يوفقك يا باش مهندس

[سيد سامي قرقر]

ان شاء الله تكمل رياضة وتلحق هندسة حتي لو اقاليم
بس شد انت حيلك و فتح مخكك وابعد عن العصبية و القلق والتوتر
ملحوظة : في كتاب اسمه ( السر ) انصحك تقراه

[mahamed farouk]

المشاركة الأصلية كتبت بواسطة mostafawalid

احسنلك تدخل علمى رياضة ومجموعك كويس بردوا وكمل وربنا ان شاء الله حيوفقك وتدخل هندسة ومدام بتحب الرياضة يبقى متقلقش خالص وديه اول حصة فى المنهج لازم تكون صعبة شوية علشان رياضة 2 فيها حاجات جديدة وكنت عايز اعرف ايه اكتر مادة نقصتك السنة اللى فاتت وعلى فكرة ممكن يكون انت بتحسس مخك انك او كملت رياضة مش هتنفع مع انك بتحبها فممكن يكون ده اللى مقصر عليك ومخليك مش عارف تركز فشيل من دماغك الحكايه ديه خالص وربنا يوفقك

اكتر مادة نقصتنى التفاضل وحساب المثلثات 11 درجة وولاسف ده بسبب ان الاستاذ بتاعى توفى وفضلت شهرين ماخدش رياضة فى اخر شهر خدت مع مدرس ولكن ملحقتش الم غير الجبر

[ArabianPDA]

يمكن العقل كسل شوية من الاجازة
وشوية ان شاء الله والمسائل تتفهم
وخصوصا ان حضرتك بتقول بتحب الرياضيات
والله الموفق

انا حاسس انى بقيت غبى بعد الاجازه
معرفش ليه
حضرت حصه احياء مفهمتش اى حاااااااااااااجه خاااااااااااااالص
غير يعنى ايه الغذاء
منصحش اى حد بالاحياء دى زبااااااااااله كله دح دح دح
مفيش شتيمه خالص

[Mostafa Walid]

المشاركة الأصلية كتبت بواسطة mahamed farouk

اكتر مادة نقصتنى التفاضل وحساب المثلثات 11 درجة وولاسف ده بسبب ان الاستاذ بتاعى توفى وفضلت شهرين ماخدش رياضة فى اخر شهر خدت مع مدرس ولكن ملحقتش الم غير الجبر

الله يرحمه ويحسن اليه اكيد الاستاذ كان عزيز عليك بس عايزك مش تتاسر بكده بردوا وخلى املك بربنا كبير وربنا يوفقك وتبقى باش مهندس ان شاء الله

[الحمد والشكر لله]

كلنا فى اول السنه بنبقى كده
بس ان شاء الله تكمل علمى رياضه