عايز تعرف كل حاجة عن طب العلاج الطبيعى ادخل بسرعة

[Dr.moamen]

بسم الله الرحمن الرحيم

الاول كدة الموضوع دة هيبقى بالعامية علشان نسهل على بعض ونفهم بسرعة كدة المهم بقى احب اققول لاى حد دخل او ناوى وحابب يدخل كلية العلاج الطبيعى انت عملت الصح ودخلت كلية عريقة فريدة دخلت طب المستقبل الاول كدة احب اققول النقاط الى هتكلم فيها بعدين نكلم عن كل نقطة تخطر فى بالك عن العلاج الطبيعى وانا متأكدة بعد ربنا سبحانه وتعالى هتغير وجهة نظرك كتيييييييير اوى يلا بينا يا دكاترة .


اية العلاج الطبيعى واية وضعة فى مصر بالذات

اية التخصصات بتاعتة
طب لو انا دكتور اية المشاكل الى كانت حاصلة مع الطب الطبيعى والروماتيزم


لما بقول لحد عايز علاج طبيعى بيقولى لية

طيب اية موضوع فصل اطباء العلاج الطبيعى عن اطباء الروماتيزم

واية كمان موضوع نقابة المهن الطبية

طيب مجبتش مجموع حكومة اية الافضل جامعة 6 اكتوبر ولا جامعة مصر ولا فاروس


صحيح هتبقى شهادتى معادلة لامريكا

صحيح مصر رقم 3 على العالم فى العلاج الطبيعى

بيقولوا العلاج الطبيعى طب المستقبل واية الى يخلينى اسيب طب واسنان وصيدلة وادخلها

طيب بيقولوا فى اول سنتين بلبس لبس عملى وشورت هو انا فى تربية رياضية ولا اية

طيب بسمع انى ممكن انزل شغل وتدريب فى المستشفيات من سنة اولى دة بجد

طيب بيقولوا انت هتبقى دكتور وبسماعة وليك برستيجك اشمعنا السماعة صحيح

طيب دخلت الكلية خلاص اية الى هاخدة فى الكلية


بيقولولى على ال حاجة اسمها ال DPT وانا مش فاهم اية دى

طيب بيقولولى انى الكلية تعتبر 6 سنين مش 5 ممكن اعرف لية

طيب اتخرجت اية مستقبلى ان شاء الله لما اتخرج

هو انا ليا تكليف ولا لاء

يعنى انا اخترت صح



يمكن دى اغلب التساؤلات الى بتيجى فى بال الى عايز او بيفكر او مجموعة جبرة انة يدخل علاج طبيعى هناخد نقطة نقطة


*اية العلاج الطبيعى واية وضعة فى مصر بالذات


يا دكاترة المستقبل العلاج الطبيعى دة مهنة طبية تتبع فروع الطب بتساعد الانسان طبعا بعد ربنا سبحانة وتعالى على الحركة وعلاج العجز لو كان عندة مرض من الامراض الى هنكلم عليها وتخلية يقدر يستعيد حركتة مرة تانية ويساعد فى تطوير الصحة وتخفيف اثار المرض طيب اية وضعة فى مصر وضعة فى مصر ممتاز جدا الحمد لله اى مستشفى فيها قسم بدور كامل للعلاج الطبيعى بتقدر تفتح عيادتين او مركزين ليك نقابتك الخاصة بيك طيب علشان تبقى فاهم يقولك انت مش تبع نقابة الاطباء قلهم هو اسنان ولا صيدلة تبع الاطباء ولا بيطرى لاء كل مهنة حتى لو كلهم مهن طبية فبيكون ليها نقابة خاصة بيها وانت ليك نقابة خاصة بيك وهى النقابة العامة للعلاج الطبيعى صحيح انت بتتخرج ممارس علاج طبيعى بعدين 6 سنين او تعمل ماجستير وتبقى اخصائى وتقدر تفتح بعدها عيادة او تفتحها تحت اشراف دكتور علاج طبيعى اكبر لحد متكمل 5 سنين او تاخد ماجستير ان شاء الله .




*اية التخصصات بتاعتة

يا كتيييييييييييييييراوى بجد علاج طبيعى للاطفال والاعصاب والدماغ والنخاع الشوكى والنساء والتوليد والقلب والاوردة والشرايين
تأهيل الكسور.
التأهيل قبل وبعد عمليات البتر .
التأهيل ما بعد تركيب المفاصل الاصطناعية.
تأهيل الأم قيل وبعد الولادة .
دورة في تعليم وارشاد المريض في كيفية التعامل مع حالته بصفته شريكا أساسيا في العلاج.

والباطنة والعظام والمفاصل والعمود الفقرى والغضاريف والاربطة والاوتار والعضلات والمسنين والشيخوخة والعناية المركزة وعلاج الالم و علاج الحروق وامراض الصدر والجهاز التنفسى والجراحة والتأهيل والطب الرياضى.

*طب لو انا دكتور اية المشاكل الى كانت حاصلة مع الطب الطبيعى والروماتيزم


طبعا انت بتكون دكتور وانت فى المستشفى من اكبر لاصغر عامل بيقولك يا دكتور دا انت كمان معاك العرف والقانون قبل ما اققولك الدليل احب احكيلك الحكاية بالتفاصيل كان فى دكتور طب طبيعى وروماتيزم واحب اققول ان مفيش تخصص اسمة طب طبيعى اساسا برا لو حد فتح مركز طب طبيعى بيتحبس ودة دوليا
ممنوع لكن نحن نختلف عن الاخرون المهم كان فاتح جنبة دكتور علاج طبيعى المهم لاقى بتاع الروماتيزم ان الكل بيروح عند دكتور العلاج الطبيعى وهو قاعد يهش وينش راح عمنا بتاع الطب الطبيعى رفع قضية على بتاع العلاج الطبيعى انة مش من حقة يكتب دكتور اهو تلكيك المهم بقى يمكرون ويمكر الله والله خير الماكرين بقى معاك العرف بكلمة دكتور والقانون بالحكم دة



ودى كمان


ودى كمان


طبعا اتاكدت دلوقتى انك دكتور وطبيب اخصائى علاج طبيعى


*لما بقول لحد عايز علاج طبيعى بيقولى لية

طبعا بقى فية وعى عند الناس مش كتير اوى بقوا يقولوا كدة بس قلة علشان دة مجال رائع علشان هقدر بعد ربنا اعالج امراض محدش يعالجها عيرى لانة شئ غير تقليدى لانى هكون انسان ناجح ان شاء الله وقلة علشان انا بحب المجال ودة كفاية

*طيب اية موضوع فصل اطباء العلاج الطبيعى عن اطباء الروماتيزم

حكيتة وطلع قرار من المحكمة بفصل اطباء الروماتيزم عن العلاج الطبيعى من المحكمة



واية كمان موضوع نقابة المهن الطبية

بيقلولك انت مش تبع نقابة المهن الطبية اولا هى اجرائات فى الاوراق وهتتدخل ودة مش علشان انت مش دكتور دة بسبب لوائح مالية وحاجات ملهاش علاقة بانك دكتور او مهنة طبية اتمنى تكون وضحت دى

*طيب مجبتش مجموع حكومة اية الافضل جامعة 6 اكتوبر ولا جلمعة مصر ولا فاروس

بص دة حسب رغبتك وميولك يعنى اكتوبر اقوى كشهادة وكلهم سواء مصر او اكتوبر او فاروس كويسين فانت حسب منطقة سكنك يعنى لو فى اسكندرية اققولك فاروس لية البهدلة لكن لو فى القاهرة عامة ممكن افضلك اكتوبر علشان الشهادة اقوى من مصر وفاروس وفى الاخر حسب رغبتك ورايك وفى الاخر هتطلع دكتور شاطر ان شاء الله


*صحيح هتبقى شهادتى معادلة لامريكا

اة يا دكاترة ودى من الحاجات الى بتميز العلاج الطبيعى جدا ان شهادتك معادلة لامريكا ومش محتاج معادلة لو سافرت ان شاء الله



اة رقم 3 بعد امريكا وكندا يعنى حاجة جميلة وبتميز تخصصك انك بتكون طبيب مصنف عالميا

*بيقولوا العلاج الطبيعى طب المستقبل واية الى يخلينى اسيب طب واسنان وصيدلة وادخلها

مش هعد اققولك طب بشرى 7 سنين ونيابة وتكليف وماجستير ودكتوراة علشان التخصص يعنى مشوارة طويل لكن لو دة حلمك ادخلة وميهمكش واسنان انا محبش اعد 5 سنين ادرس فى فم شخص او روتينى بس برضة مجال حلو وجميل لو انت حابة وصيدلى انتشرت جدا بردة وملهاش تعامل غير فى الادوية يعنى مش هتكشف يعنى بس حلو بردة لو حابة اكتر حاجات تخليك تفضل علاج طبيعى ان عدد الخريجين لا يتعدى 1200 سنويا من جامعة القاهرة واكتوبر ومصر وفاروس يعنى كل سنة 1200 بقارنة اسنان وصيدلة وطب الى سنويا الاف الخريجين بيطلعوا منها ان شهادتك معادلة لامريكا يعنى خريج طب او اسنان او صيدلةعلشان يسافر امريكا يعد سنة ونص معادلة انت معادلة اساسا مش محتاج


*طيب بيقولوا فى اول سنتين بلبس لبس عملى وشورت هو انا فى تربية رياضية ولا اية

مع احترامى لتربية رياضية انت دكتور بس مش هينفع من اول سنة تتدرب على مريض فبيفصلوا فى السكاشن بين الولاد والبنات علشان تتدربوا على بعض بس هى دى الحكاية

*طيب بسمع انى ممكن انزل شغل وتدريب فى المستشفيات من سنة اولى دة بجد

اة والله تقدر وتتدرب من سنة اولى او تانية علشان تكون خدت خبرة اكتر


*طيب بيقولوا انت هتبقى دكتور وبسماعة وليك برستيجك اشمعنا السماعة صحيح

اة لان عندك حالات الباطنة والعناية المركزة اغلبة بالسماعة اشمعنا السماعة علشان فية امهات وابهات يقولوا عايزك دكتور بسماعة فهتمسكها وتستخدمها مع انى فى تخصصات من طب بشرى زى جلدية وعيون مفيهاش سماعة انا قلت اريحك بردة


*طيب دحلت الكلية خلاص اية الى هاخدة فى الكلية

مش هعد اوجعلك دماغك بس بتتدرس نفس مواد طب بشرى بالاضافة للعلاج الطبيعى الة هو 4 سنين وسنة امتياز

*بيقولولى على ال حاجة اسمها ال DPT وانا مش فاهم اية دى

دى هتخلى علاج طبيعى تبقى 6 سنين وسنة امتياز علشان هتاخد مواد زيادة علشان المريض يجى مباشرة ليك ودة بيحصل فى مصر علفكرة بس دة قانونى اكتر

*طيب بيقولولى انى الكلية تعتبر 6 سنين مش 5 ممكن اعرف لية

دة لان سنة 3 عندك 3 روندات او ترمات فمفيش اجازة يعنى اكنى5 سنين وسنة امتياز يعنى 6

*طيب اتخرجت اية مستقبلى ان شاء الله لما اتخرج
دة سهل ان شاء الله احب اققولك ان عقود العمل بتجيلك من كل حتة وكمان 60% من خريجى العلاج الطبيعى بيشتغلوا فى امريكا وتقدير تفتح مركزين فى مصر كمان

*هو انا ليا تكليف ولا لاء

طبعا ليك تكليف بعد متخلص

*يعنى انا اخترت صح


انت شايف اية انا شايفة اكيد صح وصح الصح كمان انت بعد كل دة هتسيب الكلية دى دة طب امستقبل ان شاء الله وافتخر بالكلية وبجد دة طب المستقبل.

اتمنى ان الموضوع يعجبكم

** منقول **