|
قسم المطبخ والنصائح المنزلية قسم خاص بعالم المطبخ والحلويات والمشروبات |
|
أدوات الموضوع | انواع عرض الموضوع |
|
#1
|
|||
|
|||
18 يناير 2009((الطبخة الاولى))
شكلكوا كدة ياعينى جعانين وبتزكروا ومش ملاحقين تعملوا اكل لنفسكوا
المهم النهاردة هعملكوا اول طبخة وهى بانية ومكرونة وشوربة لسان عصفور وهنحمر بطاطس للى عاوز الاول الفراخ هنجبها ونغسلها بالخل والدقيق حلو وبعدين نغسلها بالمية وبعدين نجيب الكابة ونقطع فيها بصلتين حلوين كدة ونحطهم عالفراخ ومعاهم ملح وفلفل وليمون كتير ونقطتين خل عشان الفراخ تحب الليمون وقلب قلب قلب خلصنا من البانية نحطها فالتلاجة بقى تتبل يجى ساعة ولا اتنين نروح عالمكرونة بقى هنجيب طمطماية ونقطعها حتت واهنا بنقطعها هنكون حطين مية عالنار تغلى شان نسلق المكرونة وبعدين هنسلق الكرونة تكون حلوة كدة مش نسبها لحد ما تتعجن وبعدين نحطها فى مصفة ونغسلها كويس عشان النشا الى فيه تنزل نرجع للطمطماية خرطناها كويس وسلقنا المكرونة نروح جيبين حلة ونحط فيها شوية زيت يسخنوا حلو اوى ونروح رمين الطماطماية فيه وقلب قلب قلب لحد ما تتشوح حلو ونلاقيها نزلت ميتها كدة نكون محضرين الصلصة ازاى؟؟هنجيب كوباية ونحط فيها معلقتين ونص صلصة وعليهم مية مل الكوباية وقلب قلب قلب ونروح حطنهم عالطماطم ونسيب الصلصة لحد ما تعزل ونحط ملح وفلفل وشطة وياسلام بقى لو فى شوية عصاج نحطهم مع الصلصة المهم خلصنا الصلصة وعزلت نحط عليها المكرونة وقلب قلب قلب ونهدى النار ونسيبها تسخن نروح للسان عصفور حلة برضه ونحط فيها سمنه تسيح حلو اوى وبعدين نحط اللسان عصفور وقلب قلب قلب لحد ما لونه يبقى حلو مصفر كدة ونروح حطين عليه مية ومعاهم مكعبين شوربة ماجى وملح وفلفل واتنين حبهان ونغطى عليه ونعلى النار لحد ما يغلى ويفور ويقع على البوتاجاز وبعدين نقفل النار ونسيبه مع نفسه نرجع للبانية اتبلت وبقت تمام التمام هنجيب بيضة ونربها قلب قلب قلب مع شعرة فلفل وطبق فيه الفيجتار الحار ونطلع الفرخاية من التتبيله ونزل من عليها البصل ونحطها فاليض وبعدين نطلعها ونحطها فالفيجتار ونغطيها بالفيجتار ونحمرها فالزيت اكيد والبطاطس بقى سهل امرها ممكن نجيب زينب تقطعها وتعملها ها شبعتوا ياولادى حد بقى يجى يروق المطبخ عشان ضهرى اتقطم
__________________
laugh at the time when people wait ur tears
|
#2
|
|||
|
|||
اقتباس:
لحد ما يغلى ويفور ويقع على البوتاجاز طباخة فاشلة هابقى اجى اتغدى عندك كل يوم
بس انا ثانوية عامة ماليش دعوة بترويق المطبخ |
#3
|
|||
|
|||
اقتباس:
هو الاكل الى هعمله فى بيتى هتكلوا منه هو انتوا اتأكلونا على مزاجكوا اقتباس:
يابنتى لازم يغلى كويس اوى
ساعات بتلحقيه قبل ما يقع برة وساعات لا بس الاغلبية مش بتلحقيه بيقع وماشى ياستى عشان انتى بتزاكرى مش هنشغلك هنجيب حد من الى مش بيزاكروا
__________________
laugh at the time when people wait ur tears
آخر تعديل بواسطة Sharp Nails ، 18-01-2009 الساعة 10:40 AM |
#4
|
||||
|
||||
اقتباس:
اية ياحاجة بدون تريقة كدة يعنى نحط ملح قد اية يعنى ؟؟ ههههههههههه لسة بكمل الموضوع بس نعرف دى الاول شكرا يانسمة على الاكل الجميل ربنا يسترها ومولعش فى المطبخ هههههههههههههههه فى رعاية الله
__________________
لا اله الا الله ... محمد رسول الله
|
#5
|
|||
|
|||
اقتباس:
ولو المطبخ ولع يبقى فدايا
__________________
laugh at the time when people wait ur tears
|
#6
|
||||
|
||||
كده يا نسوم بتنافسينى يا بت
مش انتى عارفة انى عاملة برنامج فتافيت هنا بس ماشى مش هعديهالك بالساهل كلها اسبوع و هرجع الموضوع تانى و يا أنا يا انتى فى المطبخ ده ::::::: فكرتك كميلة يا نسومتى و أهى شغلانة تلمك بدل ما انتى مابتعمليش بلقمتك يلا يا سيدة أنا عايزاكى تطبخيلى محشى بتنجان بس أسود مش أبيض و ليلتك هتبقى لون البتنجان لو طلع مش حلو سلام يا سيدة قصدى يا نسوم
__________________
إذا فقدت كل شىء و بقيت ثقتك بالله فإنك لم تفقد شيئاً
|
#7
|
||||
|
||||
اقتباس:
مفيش دليفرى اقتباس:
اه شبعنا من قبل ما ناكل اكلا مسموما ملى كملى ياااااااااااه لو الاعضاء فكرت تجرب الاكل ده بجد هنقلل الكثافة السكانية
__________________
عجبتني كلمة من كلام الورق .. النور شرق من بين حروفها و برق حبيت أشيلها ف قلبي .. قالت حرام ده أنا كل قلب دخلت فيه اتحرق
|
العلامات المرجعية |
|
|