أول سنة فى جامعة الأزهر.مواقف وطرائف

[yasssmine]

لالالالالالالالالالالالالالالالالالالالالالالا لازم تفتكر وتقول انت والبشمهندس الزعيم

[المشتاقة للنقاب]

السلام عليكم ورحمة الله وبركاتة
موضوع جميل اوى ويستاهل المشاركة
بس انا بحاول افتكر ياجماعة اول يوم لى فى الكلية
مش فكرة خالص
لانى مخلصة من 3 سنين وحاليا بشتغل
بس حبيت اشارك معاكم
ربنا يوفقكم يارب

[هانى الشرقاوى]

وإن منكم إلا ورادها كان على ربك حتما مقضيا
ده شعار طلبة اللغات
فى كل مكان هتلاقينا
ههههههههه
أول يوم ده كان غريب أوى

سألت واحد مدرج اولى فورى فين ؟
قالى انت فى أولى ...قلتله أه ...أخدنى معاه وحضرت محاضرة ...وفضلت أحضر كذا يوم لحد لما اكتشفت فى الأخر إنى كنت بحضر غلط ...لأانى فى تمهيدى مش فى أولى

وبعد لما عرفت مدرج التمهيدى فين ..مدرج 11 ...أبص للطلبة ...شكلهم حلو أوى
نصهم مش طايق نفسه ودول طلبة العلمى ...كلهم راحت منهم الهندسة على نصف درجة وعلى درجة وكبيرهم على درجتين
وطلبة الأدبى بيقولوا على القسم طب أدبى وفرحانين على الأخر
العيال شكلها مش عاطفى ...والكلية شكلها مش عاطفى
وكل دكتور يدخل يفضل يرطن بالأنجليزية لحد ما العيال كانت هتنتحر

كل ما أقابل واحد يقولى انت علمى ولاى ادبى ؟؟
أقوله علمى
يقولى جبت كام
أقوله جبت 98.3 .يبقى عايز ينزل ضرب فيا
وأكتر كلمة سمعتها فى اليومين دول كلمة ليه ؟
ليه مرحتش طب ؟ ولا صيدلية ؟ وايه اللى جابك هنا
طب لما انت عايز لغات ...ليه دخلت علمى من الأول
هههههههههههه ليه ؟؟؟
ليييييييييييييييييييييييييييييييييه ؟؟؟؟

[yasssmine]

شعار كليه هندسه( ربنا اخرجنا منها فان عدنا فانا ظالمون )هههههههههه

[م.الزعيم]

فيه شعار فى قسم نظم (خدعوك فقالوا الهندسة خمس سنوات)
انا اول يوم روحت فيه كنت رايح مع اتنين من البلد واحد منهم كان فى اخر سنة والتانى كان فى اولى بس كان مدبلر سنة
المهم ركبنا القطار وكنت اول مرة اركبه القطر وصل ولقيت البشرية كلها عايزة تركب القطر المشكلة ان اللى فى القطر نفسه مش عارفين ينزلوا
المهم ركبنا القطر اللى بعده وطبعا كان زحمة مووت
ما علينا جيت عند احمد حلمى لقيتها زحمة وشوية كده وصلت عربية والتباع فتح الباب قدامى لقيت نفسى لزقت فى زجاج العربية
روحت الجامعة وشوفت الجدول ولقيت واحد عمال يشرح فى الجدول بصراحة انا كرهت الكلية واصلا انا كنت بكره هندسة
روحت يومها بعد مواقف عجيبة وانا بقول لنفسى مش هرجع تانى
نمت اسبوع بحاله

المرة الجاية نكمل بعد ما اصحى من النوم

[sa_ali]

انا هقول الموقف اللى شفتة فى احدى المدرجات داخل كلية التربية
ونحن اثناء المحاضرة لفت نظرة لجملة مكتوبة على البنش
وهى دعاء (ربنا اخرجنا منها فان عدنا اليها فانا ظالمون )
وفعلا بعد كل المساوئ اللتى تراها لايبقى نفس لتمشى امامها

[طالبة ازهرية مصرية]

انا بقى اول سنة ليا فى كلية اللغات والترجمة الفورية حضرت مع اولى شهر كامل وبعدين اكتشفت انى بحضر غلط لانى فى تمهيدى مش اولى وغير دا كمان اول 4 شهور فى الكلية كنت بحضر بس مش فاهمة الدكاترة بيقولوا ولا عارفة حتى اكتب وراهم وزى ما قال هانى الشرقاوى شعار لغات وان منكم لاورادها كان على ربك حتما مقضيا فى كل مكان هتلاقيها

[mnmn2000]

كنت فى كلية الدراسات الاسلامية بدمياط الجديدة فيها واحد كان من المحلة اول مادخل بيقول للدكتور هو انتة بتدرس يااستاذ فى جميع المواد ولو مادة واحدة
وفالدكتور بيقول لية ان مش بيعطى دورس
امال الطالب بيقول ازا هنجح

[خليل المسيرى]

أخوكم أحمد ابراهيم تربية الأزهر موقف لن انساه لما دخلت الفرقة الأولى كنت بذاكر فجه واحد وقلى ياعم بص شايف الا هناك ده قلته ايوه قلى ده هو الأول على الدفعه ومتتعبش نفسك المهم جيت فى الفرقه الولى خلصت الامتحنات وبقى لى القرىن وانا بمتحن جه واحد وقالى لى بتبص حوليلك ليه ليه قلته انا مابصتش قالى وكمان بترفع صوتك فى اللجنه قلته يا استاذ انا معملتش حاجه قلى إدنى ورقتك وجه شوية معيدين على كيفك وخرجت من اللجنه المهم طلعت النتيجه باعادة القرآن فمتحنته ونجحت فيه المهم كا نتقديرى فى النهايه أولى جيد جدا وبعدين مرة السنوات الأخيره وجاة ربعه وصحبى يقلى ما تتعبش نفسك المرتبه راحة قلته ياعم سبه على الله وبعدين خلصت كل المواد وبقى مادة بحث نظرى الدكتور الا بيمتحت لسه متعيين واظاهر كان قريب واحد فى الدفعه قلى فين بحثك قلته أهوه المهم فضل يسأل وأنا أجاوب أجاوب وبعيدين قالى لى انت ممتاز ممتاز المهم خرجت فرحنا وأنا بعد ما مشيت لقيت معيد بينادى عليه تعالى هو انت أحمد قلته ايوه قالى ادخل للدكتور عايزك فتدخلت قالى البحث ده كله مينفعش قلته يادكتور انت لسه قايل لى ممتاز قلى بره بصتله وخرجت وبعدين طلعت النتيجه لقين الزميل الأخر حصل على جيد جدا مرتبة شرف والله والله كان ممسوك ببرشامه بنقل بها لكن هو التليفون المحمول مصنوع ليه علشان ؟؟؟؟؟؟؟؟؟؟؟ وفى النهاية رحت اجيب التقديرات ببص لقيت زميل معاه (أربعه جيد جدا وحاصل على 80.5%) والعبد لله معايه ( 3 جيد جدا و1 ممتاز وحاصل على 83.5 % ) بص من غير مرتبه فلما سألت قالوا لى اصل القطن مكفاش غير مرتبه وحده !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !

[احمد هيونداي]

شعار كليه هندسه( ربنا اخرجنا منها فان عدنا فانا ظالمون )هههههههههه

[fatakat400]

ياجماعه انا لو زمايلى عرفوا انكم زعلانين من هندسه كده
هيعملوا على المنتدى هجوم
دول بيشموها من على بعد
تلاقى الوحده من دول تكلم نفسها وهى نايمه
وتفضل تقول طب طب طب
ولو هندسه فضل ونعمه

ده فيه بنات موافقه تدخلها ولو هيغسلوا هناك صحون
اللهم ادم علينا نعمه العقل

[لسه عندي أمل]

انا هشارك بس مش الوقتي
شويه كدا