|
||||||
| اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
 |
|
|
أدوات الموضوع | انواع عرض الموضوع |
|
#1
30-07-2014, 01:46 PM
|
|||
|
|||
استفسار مهم اوي
بالنسبة للعربي انا عاوز اعرف الامتحانات نظامها ايه ازاي اذاكر الفروع اذاكر كل فرع ازاي وايه احسن الكتب اللي تشرح النصوص كويس وي مواطن جمال ومعاني وايه افضل كتاب للتدريبات وشرح النحو ويا ريت كل واحد يشرح كل فرع لوحدة ويفهمني ايه نظامه وازاي اقفله وهل لما اجي اذاكر عربي اذاكر فرع واحد ولا اكتر من فرع علي فكرة انا ضايع في النحو والبلاغة فلو حليت كل يوم قعتين نحو وبلاغة لحد اخر السنة ان شاء الله هظبط فيهم ولا ايه وايه التكات في الامتحانات اللي بتبقي في النصوص والنحو والبلاغة والقصة والادب والقراءة وبالنسة للرياضة 3 ثانوي هل الافكار بتخرج عن كتاب المدرسة ولو حليت كتير هضمن اني اقفل واعمل ايه في امه وهل هو لازم يتحل عليه كل يوم ونحل فرح واحد بردو والانجليزي كلمات تعبان مش عارف هكتب برجراف ازاي ده اعمل في ايه والترجمة بردو وبالنسبة للفيزياء والكيمياء دول ربنا سهلنا فيهم 
|
|
#2
30-07-2014, 02:28 PM
|
||||
|
||||
|
اقتباس:
العربى ده حاجة فخيمة  النصوص اهم شئ فيها حفظ النص نفسه والتعليق العام عليه .. مع الوقت هتلاقى ان استخراج الصور والمحسنات شئ سهل مش محتاج حاجة بعينها يعنى النحو الحل الكتير هو الحل واعتقد ان قطعتين فى اليوم تكفى وتزيد كمان الادب انت مضطر تحفظ كلام بالعبيط وفى الاخر ممكن يجيلك سؤال فهم اسهل مليون مرة من الحفظ زى ما حصل السنادى بس مضطر تحفظ برضوه القراءة قراءة الدرس اكتر من مرة كفاية الرياضة هى الخازوق الاعظم انا نقصت السنادى 8% منهم اربعة فى المائة فى الرياضة بس برغم انها اكتر مادة انا شاطر فيها واكتر مادة حليت فيها ربنا يعينك بقى  الانجليزى= كلمات بس كده البرجراف اتعود كل اسبوع او اتنين تكتب واحد وتصر انك تخلى الاستاذ يعلمه بس كده
__________________
ورا كل عيون بتلمع كلام كتير مستخبى خوف ,, وحلم متشعلق فى الفضا
|
|
#4
30-07-2014, 04:05 PM
|
||||
|
||||
|
بالنسبة للعربى فده اتقل مادة عندكم السنة دى وأرخم فرعين النصوص والأدب
بالنسبة للادب اكيد هتروح الدرس سواء المدرس عامل مذكرة او بتكتبوا وراه وهو بيشرح ... اهم حاجة بعد متأخد درس الأدب تذاكره من كتاب المدرسة وتركز جامد اهم حاجة والله فى الادب كتاب المدرس بالنسبة للنصوص فأحسن كتآب فيها هو الوسآم بعد بردة متاخده فى الدرس وتخلصوه تذاكر التعليق من كتاب المدرسة اهم حاجة التعليق بردة وتركز فى الايحآءات ومفردآت الكلمات ساعات أصلاً بتكون غلط والمدرس يديك الصح بس انت ملزم بكتاب بكتآب المدرسة هتلاقى عندك مثلاً ( مفرد كلمة خوآطر الاصح خاطرة بس فى كتاب المدرسة مكتوب خاطر بس يبقى لو خيرك تختار خاطر ) الوسام شارح الجماليات حاجة جميلة جدا وبيربط تعليقه بالادب بس زى مقلنا اهم حاجة فى ده كله كتاب المدرسة ... نصيحة احفظ كل النصوص سواء هى دراسة بردة هتفيدك كتير ومتتعبش نفسك فى حفظ الاستشهآدات بتاع الادب ... حاول تجيبها من نص بتاع المدرسة هيسهل عليك كتير بعنى مثلاً عندكم اول مدرسة فى الادب ( الاحياء والبعث + الكلاسيكية ) من ضمن سمات الكلاسيكية التعبير عن مخترعات عصرهم طبعا فى شرح الادب فى كتآب المدرسة جايب بيت لاحمد شوقى عن الطائرة بس انت عندك نص احمد شوقى ذاكر فيه السفينة : يا ابنة اليم ما أبوك بخيل ... ماله مولعا بمنع وحبس يبقى تجيبه من النص بكدة انت تجنبت انك تحفز الاستشهادات وحفظت النص عشان يفيدك فى الشرح وكدة.. ازاى بقى تذاكر النصوص انت تقرأ النص 3 مرات مش شرط تحفظه من اول مذاكرة ولا من تانى حتى وتحفظ معانى الكلمات كويس وتركز فى الجماليات بعدها تمسك كتاب المدرسة وتقرأ النص منه وكل كلمة تقابلها تقوم قايلها معناها وجمعها وعكسها وانت بتقرأ النص بجد طريقة مفييييييييدة جدا وياريت يبقى بالقلم الرصاص عشان تذاكر النص اكتر من مرة... والنحو الوسام ممتاز بردة فى النحو هيغنيك وابقى هات كتاب الاضواء مراجعة سيبك من اضواء الشرح اصل بيخرف فى الاسئلة وبيناقض نفسه ... هتحسى ان المنهج تقيل وصعب فى الاول بس لو مشيت على كل درس كدة ان شاء الله ع شهر 3 هتلاقى كل حاجة سهلة جدا وهتراجع المنهج كتيييييييير جداً . بالنسبة للريآضة أنا كنت علوم  اما الانجليزى انت قاعد ع النت اهه دور ونزل كلمات اهم حاجة زى ممدرس كان بيقول انا ببنى بيت الكلمات دى هى الطوب واهم حاجة والممارسة الخرسانة والجرامر العمدان هات كتب انجليزى كتير وحل كتيييير جداً ممكن تدور هنا فى قسم الانجليزى فى المواضيع القديمة كان فى مذكرات كلمات ...وان م لاقيت هرفعهم لك ان شاء الله  ومتقلقش من الجرامر مش صعب وربنا يوفقك
__________________
أغيثوا معتقلى العقرب بالدّعاء
|
|
#5
30-07-2014, 04:24 PM
|
|||
|
|||
|
شكراا جدا علي الافادة يعني مجبش كتاب الاضواء طيب الرسالة كويس ولامتحان عامل ايه في الاسئلة كويس يعني من الاخر ايه افضل كتب خارجية اذاكر منها واحل منها واستفيد منها شرح نحو وبلاغة وكله وفي المعاني بردو ثانيا هل المعاني ممكن تيجي برة كتاب المدرسة ولا ايه نظامه والكيمياء الرموز نسيتها
اراجع عليها ولا ابدا كيمياء وكده كده مع المذاكرة هظبط نفسي ثانيا انت مقلتيش النحو انا تعبان في هل لو انا حليت هقدر اظبط نفسي فيه والبلاغة بردو وهل لازم اذاكر عربي كل يوم ولا عادي واذاكر فرع واحد ففي اليوم ولا اكتر من فرع وشكراااا ملحووووظة انا ولد
|
|
#6
30-07-2014, 08:08 PM
|
||||
|
||||
|
اقتباس:
الشكر لله
الرسآلة جميل جدا فى المراجعة فيه تقريبا 120 نموذج نحو و100 نموذج بلاغة ومجمع كل امتحانات الثانوية المصرية والسودان على كل درس هو بينزل فى شهر 3 تقريباً .. الامتحان ده أساس يكون معاك هو مش فيه منه شرح فده عامل زى اختبارات دورية على كل درس انا كان معايا كل ده ... بص يعنى انت هتسمع شرح الاستاذ وتذاكر من مذكرته + الوسام + كتاب المدرسة الحل : الامتحآن المرآجعة : الأضوآء + الرسآلة ولو مش عاوز تجيب الرسالة عادى بس لو عندك رهبة من الامتحانات هاتوا اهه تتعود عليه وتحل نحو كتير الوسآم شارح النحو والبلاغة جمييييييييييييييل جدا بصراحة احسن كتاب شرح الوسام بلا منافس احسن من الاضواء كمان ده اكيد فيه معانى مش هتكون مكتوبة فى كتاب المدرسة هو بكتيره فى الدرس 5 او 6 معانى بس 5 او 6 معانى يتحفظوااااا جامد لان وانت بتحل خاصة فى دليل التقويم هيخيرك بين كلمات تحس انها صح والمدرس مديلك الاتنين بس هتفتح كتاب المدرسة هتلاقى مديك معنى واحد وزى مقلت المعانى من الوسآم + مدرسك لو حب يلعب فى المعانى والكلمات اللى كلها زى بعضها يبقى من كتاب المدرسة انما المعانى السهلة من برة عادى وغالباً بتكون من الشرح اه والله ^^.. يعنى فى درس اسمه الشاعر وصورة الكامل عندكم كان فى امتحان ثانوية عامة 1997 و 2009 جايب كلمة وله معنيين مختلفين ومدهملك فى الاختيارات كانت كلمة ( هآئماً ) ولها معنيين محبا بشدة أو ضآلاً والمعنيين يمشوا على حسب متقرأ القصيدة وجت الاجابة فى النموذج محبا بشدة ! عشان فى الشرح القصد انك تفهم القصيدة من شرح كتاب المدرسة وهتقدر تخمن على فكرة المعانى بمرور الوقت... مش هيجيبولك معانى من السمآء ولا هيعقدوك ان شاء الله النحو : مع مذاكرة الدرس والتطبيق عليه اول بأول وحل قطع كتييير جدا هيقابلك كل انواع الاسئلة وهتدخل الامتحان وانت مطمن ع الاخر بإذن الله البلآغة ملهاش علاج الا الحل تحل نماذج كتير والاسئلة المقالية بتاعتها هتحفظ تعريف الوحدة العضوية ومقوماتها عشان لو طلبها منك وبردة حفظ معنى التجربة الشعرية وشروط القافية بس . يعنى عاوز تقفل نحو + بلاغة = حل كتير ونماذج كتير جداً دليل التقويم فيه حوالى 28 قطعة نحو والامتحان فيه 85 قطعة نحو وتقريبا 50 نموذج بلاغة ___ العربى مذاكرته : النصوص والادب تعتبرهم فى مذاكرتك فرع واحد الادب جزء لا يتجزأ من النصوص ^^ القرآءة تذاكرها سؤال وجوآب من مذكرة الاستاذ او على حسب الاستاذ اللى انت بتروح عنده وعشان تسهل على نفسك المعانى هتعمل زى النصوص بمعنى انك هتذاكر الدرس وتحفظه سؤال وجواب تفتح كتاب المدرسة او اى كتاب وتقرأ الدرس وتبدأ انت تحط الاسئلة من عندك  وتشد خط تحت الاجابة تعيد على الدرس التانى وكل كلمة موجود لها معنى او مفرد او جمع او عكس تشد تحتها خط وتكتبه فوقها بالرصاص تالت مرة بقى تقرأ الدرس هتكون كونت فكرته ومعانيه وكل حاجة فى دماغك وهتلاقيه سهل جدااااا هى دروس القرآءة دروس متقسمين 4 و 4 يعنى فى الامتحان بيجيب واحد من 4 الاولنيين وواحد من التانيين يعنى الدرس 3 مرآت ... تحل نحو وبلاغة مع بعض ____ بالنسبة للكيميا فالرموز مش مهمة اوى لان الحساب الكيميائى ده الحاجة الوحيدة اللى هتحتاج فيها الرموز وهو غصب عنه بيكتبلك الرموز والكتل الذرية بتاعتها عشان مش مطالب بحفظ كتلهم ومع الوقت هتحفظ الرموز وهم مبيجبوش عناصر معجزة دى حاجات متداولة واكترهم صوديوم وكلور و.... كدة انما فى العضوية انت اللى بتستنتج الرمز بنفسك ^^ متقلقش الكيميا سهلة محتاجة تركيز بس اول فصلين وسيبك من المسائل المعقدة مش بتيجى حل الامتحان وخلاص ولو عاوز تراجع تبقى تجيب الوسام عشان تطمن نفسك عآرفة ان حضرتك ولد ^^.. هى جت غلطة منى وانا بقول ( تحسى ) معلش
__________________
أغيثوا معتقلى العقرب بالدّعاء
|
|
#7
30-07-2014, 08:22 PM
|
||||
|
||||
|
ياريت تحمل الحلقآت دى
من اول فصل التبريد عشان ده المقرر عليكم وتنزلهم على موبايلك عشان تسمعهم وقت مانت عايز وبإذن الله مفيش حاجة هتقف قدامك وهتضمن 60 بعون الله  شرحه رآئع وهتحس ان الفيزيا اللى بيعقدوا فيها دى سهلة جداً http://www.thanwya.com/vb/showthread.php?t=521031
__________________
أغيثوا معتقلى العقرب بالدّعاء
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 08:24 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
