اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الجامعات المصرية > المجموعة العلمية > كلية العلاج الطبيعي

إضافة رد
 
أدوات الموضوع انواع عرض الموضوع
  #1  
قديم 18-08-2015, 05:11 PM
DPT-Blue Phoenix DPT-Blue Phoenix غير متواجد حالياً
عضو ممتاز
 
تاريخ التسجيل: Jul 2014
المشاركات: 253
معدل تقييم المستوى: 10
DPT-Blue Phoenix is on a distinguished road
Impp الأقسام والتخصصات والدكتوراة المهنية فى العلاج الطبيعى


#أقسام_وتخصصات_العلاج_الطبيعى
#مجالنا_حاجة_كبيرة_أوى_الى_ميعرفش_يعرف 3


- تعرف ايه عن تخصصات العلاج الطبيعى B| ؟!
- هو العلاج الطبيعى فى اقسام وكدا :v دا انا سمعت
عن العلاج الطبيعى كلام كدا مش مظبوط تخسيس وتدليك :P

- هههههههه لا يا حبيبى معلوماتك غلط .. معلش الناس جهلة نقول ايه بس بكره هيعرفوا يعنى ايه علاج طبيعى على العموم انت الى جبته لنفسك تعالى بقى واسمع مش هسيبك النهاردة 3 =D

---------------------------------------------------

- دلوقت بقى ايه اقسام العلاج الطبيعى ؟! ايه التخصصات الى فى العلاج الطبيعى الى ممكن اخد فيها الماجستير ؟! طيب ايه التخصصات الى ممكن احضر فيها برنامج ال DPT ؟! :/

#أقسام_الكلية =D :-

1- العلوم الأساسية للعلاج الطبيعي .
2- الميكانيكا الحيوية .
3- العلاج الطبيعي للجراحة ( وحروق وجلدية وتجميل )
4- العلاج الطبيعي لأمراض الجهاز الدوري التنفسي والمسنين . ( الباطنة )
5- العلاج الطبيعي لأمراض النساء والتوليد.
6- العلاج الطبيعي لإضطرابات الجهاز العضلي الحركي وجراحتها. ( العظام )
7- العلاج الطبيعي لاضطرابات الجهاز العصبي العضلي وجراحتها. ( الأعصاب )
8- العلاج الطبيعي لاضطرابات مراحل النمو والتطور وجراحتها عند الأطفال. ( الأطفال )

------------------------------------------

1- قسم العلوم الأساسية 3 :-

والقسم دا هو المسئول عن جميع المواد الأساسية فى الكلية زى وسائل العلاج منها التمارين العلاجية والعلاج اليدوى والعلاج الكهربى والمائى والاختبارات والمقاييس وفسيولوجى التمارين وعلم الأعصاب وغيرها .. وبيشرف على مواد الطب البشرى زى التشريح والفسيولوجى والهستولوجى والكيمياء الحيوية وغيرها ..

----------------------------------------

2- قسم الميكانيكا الحيوية :-


هو القسم المسئول عن تدريس مادة الميكانيكا الحيوية وعلم الحركة .. ودا مهم فى فهم ميكانيكية جسم الانسان وكيفية حساب القوي المؤثره علي الجسم زى دراسه الفيزياء بعض الشئ للجسم وقوانين الفيزياء نطبقها علي الجسم وحساب الضغط علي كل مفصل وتحليل الحركة وفى معمل متخصص لتحليل حركه الجسم لكشف اى مشكلة فيها على احدث اجهزة وتقنيات ..

وبرده بيتدرس فيه علم الارجونوميكس ( علاقة الانسان بالآلات ) Ergonomics
دا علم جديد بيهتم بالعلاقه بين الانسان والآلات التي يستخدمها في العمل..
.لتحقيق اقصي كفاءه ممكنه للعامل بدون التعرض لأي اخطار او مشاكل صحيه ...
مما يرفع كفاءه الانتاج ويحمي العمال او الموظفين من اصابات العمل وبالتالي تقل نسبة التغيب عن العمل..

----------------------------------------

3- الجراحة والحروق :-

أ- يهتم بعلاج المرضي قبل وبعد العمليات الجراحيه المختلفة

ب- تأهيل المرضي بعد التعرض للحروق...والمساعده علي الاحتفاظ بالمدي الحركي للجسم ومنع التشوهات التي قد تنشأ بالجسم

ج- يساعد علي تقليل الام ما بعد الحروق... وفى اجهزه علاج طبيعي تساعد علي التئام الجروح وسرعه التعافي من الحروق

د- بعض مشاكل الجلد وتجميله

----------------------------------------

4- الباطنة 8-) :-

اهم الأمراض الى فيه :-
أ- أمراض الاوعية الدمويه vascular diseases
زى تصلب الشرايين ودوالي الساقين وامراض نقص الدوره الدمويه للاطراف Peripheral Vascular diseases وغيرها الكثير...

ب- تأهيل المسنين Geriatrics :-
-و دا علم وفرع كامل لواحده زى ما شفنا فى المواد وليه كتب ومراجع خاصة بيه بس ..
- الفرع دا لو حد اتخصص فيه محتاجينه هنا جداااااااااا

ج-تأهيل امراض القلب Heart Diseases :-
قبل وبعد العمليات الجراحيه واثناء العمليات

د-تأهيل الامراض الصدرية chest diseases :-
ومشاكل التنفس خاصة زى ضعف عضلات التنفس وغيرها

ه- بعض الأمراض الباطنية التانية زى :-
أ- السمنه
ب- كيفيه تاهيل مرضي السكر

-----------------------------------------------

5- النساء والتوليد :-

أ- قبل الولادة :-
متابعه الحمل والعنايه بالام اثناء الحمل ..
وتقليل المشاكل التي قد تتعرض لها اثناء مراحل الحمل الاولي كآلام الظهر..ومتلازمه النفق الرسغي Carpal tunnel syndrome..
وتوعية الام الحامل بمراحل الحمل والولادة ..

ب- اثناء الولادة :-
اجهزه العلاج الطبيعي تساعد علي ولادة آمنه بدون الم ..

ج- بعد الولادة :-
مشاكل بعد الولادة ..

د- أمراض النساء:-
زى تكيس المبايض .. سلس البول .. مشاكل بعد انقطاع الطمث .. علاج سقوط الرحم او الاعضاء التناسلية ..

----------------------------------------------

6- العظام =D :-

بيتهم باضطرابات الجهاز العضلي الحركي :-

أ- تأهيل الكسور

ب- علاج بعض الحالات زى :-
الكتف ومشاكله مثل الكتف المتجمد او frozen shoulder ..مرض مرفق لاعب التنس او مرفق لاعب الجولف Tennis elbow and golfer elbow .. متلازمة النفق الرسغn carpal tunnel syndrome

ج- مشاكل الظهر : زى الانزلاق الغضروفي والام الظهر والديسك والتهابات المفاصل بين فقرات الظهر وغيرها

د- مشاكل الرقبه والعمود الفقري

ه- مشاكل المفاصل :-
زى التهابات مفصل الركبه واصابه اربطة الركبه والغضاريف

و- تاهيل بعد عمليات العظام واستبدال المفاصل وغيرها

-----------------------------------------------

7- الأعصاب B| :-

أ- تاهيل مرضي السكته الدماغيه ومن اشهر الحالات الشلل النصفي وباقى الشلل بانواعه والشلل الرعاش والشلل الوجهى

ب- علاج الامراض المتعلقه بالاعصاب الطرفيه للجسم Peripheral nerve diseases

ج - أمراض أخرى زى :-
-التصلب المتعدد multiple sclerosis
- غيره كتير من الأمراض العصبية

----------------------------------------------

8- الاطفال O :-

أ- بيتهم باكثر مرض يعتبر ملوش اي علاج غير العلاج الطبيعي وهو الشلل الدماغي cerebral palsy .. وأعداد الأطفال المعاقين فى مصر بالملايين وان شاء الله دول هيتعمل ليهم مركز لا اعاقة RICU على ارض 6 اكتوبر على مساحة 17 فدان باذن الله يكمل على خير ..

ب- من الحالات الاخري للاطفال ملخ الولاده او مايعرف ب Erb's palsy

-----------------------------------------------

-- #الماجستير_أو_الماستر :-

( يعنى من 3 ل 5 سنين او الادق نقول على حسب اجتهادك انت الشخصى بقى شوف هتخلصه فى كام سنة )

- تقدر تحضر اى ماجستير وتكمل بعده الدكتوراه فى أى قسم من الأقسام الى فاتت دى .. بس توضيح هعمل ماجستير فى علوم اساسية او ميكانيكا ليه ؟! طيب الباقى واضح دول ليه بقى لو فكرت ؟!

1- العلوم الأساسية : بتتعمق اكتر فى وسائل العلاج نفسها وكدا زى التمارين العلاجية والعلاج اليدوى والكهربى والمائى وفى انواع معينة من العلاج ..

2- الميكانيكا الحيوية : غالبا بياخد اوائل الدفعة القسم دا حتى فى المعيدين بتتعمق اكتر فى علوم الميكانيكا الحيوية والحركة وغيرها وممكن تعمل مراكز تحليل حركة زى ال Gait ****ysis and Isokinetic devices .. وغيرها ..

----------------------------------------------

-- هى دى صحيح الأقسام الى معترف بيها فى الكلية بس مجالنا مش مقتصر على دا بس اعتبر كدا ان كل فى قسم فى الطب البشرى او المعظم بيقابله حاجة فى علاج طبيعى ولينا احنا حاجات مش موجودة فى الطب البشرى خالص وامراض احنا بنعاجلها مفيش مجال تانى بيقدر يعالجها .. ولينا دور فى الأطرف الصناعية Prosthetic limbs ودور فى الجبائر وغيرها كتير لو فضلنا نتكلم مش هنخلص ..

---------------------------------------------

-- #الدكتوراه_المهنية DPT <3 ؟!

- ناس كتير تسأل وتقولك ايه الاولى او اخده فى الاول ماستر ولا دى بى تى .. DPT افضل لانها بحلول 2020 هتكون شهادة ممارسة مهنة وحاجة اساسية انك لازم تاخدها حتى على الأقل عشان تعرف تسافر وكدا .. وبرا كمان هى حاجة اعلى من الماجستير غير كدا بتعمقك اكتر فى مواد مهنتك .. وان شاء الله تديك حق التشخيص الأولى للحالة وكتابة بعض الروشتات داخل مجالك قانونيا ( فى مواد معينة فى قانون مزاولة المهنة هيتم تعديلها باذن الله ) لكن الشهادة دى بتعمقك فى نواحى كتير جدا انت محتاجها سواء مواد طبية سواء مواد علاجية سواء علوم انسانية ومهارات تواصل وبحث وبتعلى منك كدكتور علاج طبيعى وبتديك معيار المفروض تمشى عليه Standard لبرامج العلاج الطبيعى يعنى مش اى واحد يوصف اى برنامج وتلاقى فلان بيوصف برنامج والتانى برنامج مختلف 180 درجة بدون اساس لا دا هتبقى المفروض برامج قائمة على اساس ومعايير علمية .. يعنى بتحول المجال من فن #لعلم_ليه_اسس

- هى مش شهادة هتفرق فى تدرجك الوظيفى يعنى لو اخدت ماستر هتبقى #اخصائى متخصص يعنى طبعا انت بتتخرج #ممارس_عام بتبقى اخصائى اما بالماجستير او 5 سنين بعد التخرج .. اما شهادة الدى بى تى مش هتخليك اخصائى لكنها شهادة مهنية بتعلى منك من نواحى تانية زى ما قلنا .. يبقى فى فرق بين الشهادتين ..

---------------------------------------------

- #برنامج_DPT (y) ؟!

#أولا : مواد #اجبارية .. لازم كله بيدرسها

#ثانيا : مواد #اختيارية .. بتختار منها حاجات تدرسها

#ثالثا : مواد #تخصص معين بتدرسها بتختار برده لكن اجبارى تختار تخصص طبعا .. والتخصصات الى موجودة هى :-

1- اضطرابات الجهاز التنفسى والدورى ( بندرس عن دا تبع قسم الباطنة ) Cardiovascular and Pulmonary Disorders

2- التشخيص الكهربى Clinical Electrodiagnosis

3- عظام Orthopedic Disorders

4- اصابات ملاعب Sports Injury

5- اطفال Pediatric Disorders

6- اعصاب Neurological Disorders

7- صحة المرأة Woman's Health

8- مسنين Geriatrics

9- Integumentary management اظنها حاجة تبع جلدية والله اعلم

10 - دا من ضمن وسائل العلاج المهمة جدا جدا جدا Manual Soft Tissue Mobilization

-- #لملعومات_أكتر_الموقع_الرسمى :-
http://fptcu.org/dpt/

-- برنامج DPT بيتاخد على سنتين 4 ترمات كل ترم ب 7500 يعنى التكلفة 30,000 :v > ههههههههه تفائلوا هى لسه متطبقة قريب فى 2013 ولسه كانت 3 دفعة بتقدم فيها لسه يعنى 3 دفعة فى مصر هتاخد DPT فان شاء الله على ايامنا احنا هتكون رخصت ولو هتبقى شهادة ممارسة مهنة بحلول 2020 وكدا اتوقع ان سعرها هيقل وربنا يستر ..


__________________



http://ask.fm/Elsareih

Hope + Faith + Love = Change
رد مع اقتباس
  #2  
قديم 17-09-2015, 04:44 AM
DPT-Blue Phoenix DPT-Blue Phoenix غير متواجد حالياً
عضو ممتاز
 
تاريخ التسجيل: Jul 2014
المشاركات: 253
معدل تقييم المستوى: 10
DPT-Blue Phoenix is on a distinguished road
افتراضي

الماستر متوسطه من 2 ونص : 3 سنين ونص ..

لكن الحد الادنى والاقصى من 2 : 5

وليس من 3 : 5 عفوا
__________________



http://ask.fm/Elsareih

Hope + Faith + Love = Change
رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 01:01 AM.