استفسار

[بلقيس الفاروق]

السلام عليكم ورحمة الله وبركاته
إخوتى الأعزاء أعضاء المنتدى والمختصين بالقرائية
كنت أود السؤال عن سجلات منسق القرائية بالمدرسة .. وأرجو أن يتسع صدركم لذلك لأنى سوف أكلف بذلك مع بدء الدراسة إن شاء الله

أولا : النسبة لورقة تشكيل وحدة القرائية هل يتم تشكيل الوحدة كل عام على حدة أم مرة واحدة منذ بدء فكرة القرائية منذ أعوام ؟؟

ثانيا .. بالنسبة لسجل الاجتماعات هلى يختص ذلك بالاجتماعات التى تجريها إدارة المدرسة بخصوص القرائية أم على المنسق أن يقوم باجتماعات خاصة بذلك .. وإن كان ذلك بالفعل هل ينبغى أن يحتفظ المنسق بأصل الاجتماع أم بصورة ضوئية ؟؟

ثالثا : فيما يتعلق يسجل الزيارات هل يعنى زيارات الموجهين للمعلمين أم يقوم المنسق بزيارة الفصل ومتابعته مع تدوين ذلك ؟؟

ولكم كل المودة والاحترام

[مامت هدير]

انا بعمل اجتماعات مع المدرسين القائمين بالتدريس والمدربين على البرنامج العلاجى وبسجل ده ويكون فيه صورة من محضر الاجتماع وبيكون معاكى سجل الاجتماعت الخاص بيكى بتسجلى فيه كل اجتماع وماتم فيه
واى شئ خاص بالقرائية سواء اجتماع مدير المدرسة باعضاء هيئة التدريس او الموجه المسئول بردو بترفقى صور منه وتحتفظى بيه فى السجل بتاعك ولو حضرتى اجتماعات الادارة بتيجى المدرسة تجتمعى بالمعلمين طبعا المدربين على القرائية وتخطريهم بمت تم فى اجتماع الادارة يعنى كل حاجة بتحتفظى بيها فى سجل الاجتماع الخاص بيكى
بالنسبى لوحدة تشكيل القرائية طبعا مش بيتغير الا لو حد من الاعضا اتنقل او اتحال على المعاش طبعا بيستبدل بالجديد
يارب اكون وضحتلك اللى انتى عايزاه ومعلش ان كنت بكتب بالعامية
اه بالنسبة لسجل الزيارات والمتابعات انتى بتعملى سجل خاص بكده وبترفقى فيه زياراتك انتى ومتابعتك لزملائك داخل الفصول مالوش علاقة بزيارت الموجهين لأ ده خاص بمتابعتك داخل المدرسة لزملائك

[بلقيس الفاروق]

جزاك ِ الله خيرا أختى مامت هدير
لكن معلش كان لى سؤال تانى و آسفة انى بتقل عليك ِ
هى تأسيس وحدة القرائية على كلام حضرتك المفروض يكون بقاله قد ايه على اعتبار ان محدش اتغير من الأعضاء يعنى المفروض التاريخ الصحيح او المناسب يكون امتى ؟؟
بعتذر مرة تانية ليكِ لكن انا مبسوطة جدا وما صدقت لقيت حد فاهم الموضوع علشان اقدر افهم اللى المفروض اعمله