أي حد نفسه يسأل عالكلية او أي استفسار يخش هنا ويسأل براحته - الصفحة 11

Eng.Mo'men · #**151** 20-06-2014, 01:42 AM

اقتباس:

المشاركة الأصلية كتبت بواسطة sup~zero

هى حاسبات ومعلومات بتاخد من شعبه علمى علوم ؟ اصل سمعت انها تقبل من علمى كولو متضمنا علوم ورياضه ..... ولو مينفعش ايه الي تساويها وانا في علمى علوم ؟

من علمي رياضة بس .. مافيش

Eng.Mo'men · #**152** 20-06-2014, 01:43 AM

اقتباس:

المشاركة الأصلية كتبت بواسطة ahmed2211

انا طالب ثانوية عامة و قررت انشاء الله حاسبات
بس عندى استفسار ادخل جامعة ايه بالظبط
مين اﻻحسن حاسبات جامعة حكومية وﻻ حاسبات جامعة مصر للعلوم والتكنولوجيا ؟؟
و لو جامعة حكومية مين اﻻفضل فى المستوى التعليمى
القاهرة .. عين شمس .. بنها ؟؟؟
و ايه رايك فى حاسبات بنها ؟

افضل حاسبات حكومية عين شمس ثم القاهرة ثم حلون والمنصورة قريبين من بعض
افضل حاسبات خاص الشروق ثم العاشر ثم العبور
بالنسبة لحاسبات بنها لسة جديدة بالتالي مش انصحك بيها لانك هتتعب فيها شوية

AG184 · #**153** 20-06-2014, 08:04 AM

كتبت بوست بخصوص المجموع والاسعار واسامى الجامعات عشان اشوف الكليه الانسب مستنى ردك ياكبير

mado95 · #**154** 20-06-2014, 10:30 AM

القسم الخاص يقبل الحد الادنى للكلية المحددة ولا الحد الادنى لحاسبات بشكل عام ؟؟

Eng.Mo'men · #**155** 20-06-2014, 09:03 PM

اقتباس:

المشاركة الأصلية كتبت بواسطة ag184

كتبت بوست بخصوص المجموع والاسعار واسامى الجامعات عشان اشوف الكليه الانسب مستنى ردك ياكبير

ان شاء الله قريب جدا هنزل بوست بكل كليات الحاسبات ومصاريفها

Eng.Mo'men · #**156** 20-06-2014, 09:06 PM

اقتباس:

المشاركة الأصلية كتبت بواسطة mado95

القسم الخاص يقبل الحد الادنى للكلية المحددة ولا الحد الادنى لحاسبات بشكل عام ؟؟

القسم الخاص عاوز حاجتين .. تجيب مجموع الكلية وتجيب الفلوس بتاعة القسم

الحد الادنى لحاسبات بشكل عام .. دا لو تحويلك اتقبل بس الاضمن انك تجيب مجموع حلوان عشان تريح نفسك وتروحها على طول

mado95 · #**157** 20-06-2014, 11:38 PM

موضوع الفلوس الحمدلله مقدور عليها لكن موضوع المجموع ربنا يسترها بقى

انا والله مرعوب انزل عن 92%
اقسم بالله السنه ديه تعبت فيها جدا

mado95 · #**158** 20-06-2014, 11:49 PM

وصحيح هي حلوان ممكن تاخد مجموع كام

بعد امتحان التفاضبل ده ربنا يسترها ان شاء الله

لاني سمعت ان فيها احسن قسم حاسبات خاص
وهل فعلا قسم عين شمس بتاع الاحياء وهم ؟؟
لاني قريت موضوع بيقول ان الدكاترة مش متخصصين فيه

Eng.Mo'men · #**159** 21-06-2014, 01:35 PM

اقتباس:

المشاركة الأصلية كتبت بواسطة mado95

وصحيح هي حلوان ممكن تاخد مجموع كام

بعد امتحان التفاضبل ده ربنا يسترها ان شاء الله

لاني سمعت ان فيها احسن قسم حاسبات خاص
وهل فعلا قسم عين شمس بتاع الاحياء وهم ؟؟
لاني قريت موضوع بيقول ان الدكاترة مش متخصصين فيه

93% بس الله اعلم عشان الامتحانات واعداد الطلبة بيختلفوا كل سنة .... لالا مش احسن قسم ولا حاجة هو اسم بس وعلى فكرة هو زي معلوماتية حيوية بتاع عين شمس والقسمين مصالح وخلاص عاوزين يجمعوا فلوس وبس انما فى الآخر الشهادة هي هي .. ايوة مافيش حد فى كلية حاسبات متخصص اصلا لان الكلية لسة جديدة

بس بدأ يبقا فيه متخصصين فى علوم الحاسب وفى نظم المعلومات وبالوقت الدنيا بتتحسن

AG184 · #**160** 30-06-2014, 10:02 AM

ايه افضل الاماكن يامؤمن اللى ممكن تاخد فيها كورسات فى لغاات البرمجه بالتحديد php وايه اسعارهم

Eng.Mo'men · #**161** 30-06-2014, 04:12 PM

افضل الاماكن واشهرهم itshare و yat و yamit وفيه غيرهم برده كتييير

http://amit-learning.com/

http://www.yatlearning.com/Front/Eng...obal/Home.aspx

www.iteshare.com

AG184 · #**162** 30-06-2014, 08:26 PM

شكرا يابشمهندس واقرب حاجه ليا Amit بالرغم من انها بعيده برده وكلمتهم مش بيردوا وهحاول معاهم تانى لانى لقيت فيها كورسات كنت فاكرها اون لاين بس وتشكر ع المساعده ياكبير وربنا يبارك فيك

Eng.Mo'men · #**163** 02-07-2014, 05:46 PM

اقتباس:

المشاركة الأصلية كتبت بواسطة ag184

شكرا يابشمهندس واقرب حاجه ليا amit بالرغم من انها بعيده برده وكلمتهم مش بيردوا وهحاول معاهم تانى لانى لقيت فيها كورسات كنت فاكرها اون لاين بس وتشكر ع المساعده ياكبير وربنا يبارك فيك

لا يا حبيبي فى اي وقت كلمني

EhabAmmar · #**164** 11-07-2014, 03:53 AM

Yat -Amit

ده افضل مركزين على مستوى الجمهوريه مفيش غيرهم بالنسبه لمحتويات كل دبلومه او كورس

فكر وابتكر واحلم · #**165** 19-07-2014, 08:19 PM

طيب انا جايب 91.1 % ما هي احتمالات فبولي بهذه الكليه كلية حاسبات ومعلومات