العلم الحديث

[DPT-Blue Phoenix]

السلام عليكم و رحمة الله و بركاته
بسم الله الرحمن الرحيم

#‏العلم_الحديث_و_المستقبل‬ ؟!
‫#‏جنون_العلم‬

..........

‫#‏كيمياء_الكون‬

كيمياء الكون غريبة جدا جدا جدا ..
يعنى الى بيخلى دا عنصر و دا عنصر تانى خالص هو اختلاف العدد الذرى يعنى اختلاف عدد الشحنات الموجبة فى النواة ... يبقى مجرد اختلاف شوية شحنات موجبة عمل عنصر مختلف .. و اصل كل العناصر هو الهيدروجين الى هو شحنة موجبة واحدة و سالبة واحدة و متعادلة واحدة ..
طيب لو نفس العنصر و مجرد غيرت عدد النيترونات المتعادلة يعملك نظائر مشعة للعنصر دا ..

طيب مجرد اختلاف فى ترتيب ذرات عنصر معين .. يعملك عنصر جديد او حتى مركب جديد .. زى الماس و الجرافيت
حاجة غريبة اوى .. ليه الجسم الحى بيتكون من الكربون خاصة لان الكربون عنصر غير مستقر اساسا بيرتبط ارتباطات كتير جدااااا فيقدر يشكل معظم اشكال و انماط الحياة البسيطة و المعقدة الى شايفينها مينفعش عنصر زى الذهب مثلا خامل كيميائيا ..
الماء لولا ان الماء بتمتاز عن اى سائل فى الكون بمميزات خاصة كان زمان كل الاحياء على وجه الارض ماتت و ليكن مثلا خاصية الشحنة الموجبة و السالبة الجزئية لولا الخاصية دى كان كل المواد القطبية الى بناكلها متحللتش و دى كانت تعمل كارثة .. لولا الروابط الهيدروجينية كان زمان الماء اتبخرت او اتجمدت فى درجات الحرارة العادية و كنا زماننا متنا برده ..

لكن الاصل كله واحد و هو شوية شحنات الكون كله مادة واحدة بس .. و الى بيفرق الكائن الحى عن غير الحى الروح .. و قلنا حتى الحياة و الموت بينهم تداخل فما الموت الا حياة اخرى و ما الحياة الا موت و حياة مع بعض فانت طول ما انت حى بيموت منك خلايا و تتجدد خلايا تانية و الخلايا الى بتموت دى فى جزء منها لازم للاحتراق عشان تفضل حى و الطاقة فى جسمك ليها اشكال كتير حركة فى العضلات كهرباء فى الاعصاب كهرومغناطيسية فى المخ مجال مغناطيسى جذبى فى القلب و هكذا ..
حتى الطاقة ما هى الا مادة فى صورة محررة اصلاااا حاجة غريبة ..
.........



‫#‏فيزياء_الكون‬


اغرب .. نظرتنا للاشياء المشكلة انها معتمدة اساسا على البديهيات لكن عمرنا ما فكرنا مش يمكن الحاجات الى بنقول عنها بديهيات تكون اساسا غلط ليه مبنفكرش لو فكرنا لحظة هنعرف ان الكون مش زى ما احنا شايفينه ولا سامعينه ولا حاسينه اساسا ..
شوف يا سيدى الى انت بتحسه من الم و حرارة و برودة و غيره ما هى الا ترجمة جسمك للظواهر المختلفة .. لكن هل الالم دا مادى مثلا او كدا لا دا مستقبلات جسمك هى الى بترجم و بالتالى الشعور بيختلف من كل كائن حى للتانى ..

هل الى انت بتسمعه كله حقيقى لا طبعاااااا اهمها صوتك صوتك الى بتسمعه فى دماغك غير الى بيسمعه الناس عشان كدا تلاقى الناس كلها بتغنى و مستحلية صوتها ههههه ..
الى انت بتشوفه هل هو الحقيقة ؟! لالالالالا طبعاااااا السماء مش زرقاء او السماء الزرقاء دى ملهاش وجود اساسا دى مجرد انعكاس طيف اللون الازرق لعينك ..
العناصر الى انت بتشوفها ملونة هى فى الحقيقة مش كدا الحقيقة انها بتمتص كل الوان الطيف الا اللون الى بيتعكس لعينك فحواسك بترجم اللون دا على اساس كدا ..
......
هقولك على الاغرب بقى الى انت بتشوفه و فاكر انك بتشوف الحاضر لا دا مش حقيقى انت عمرك ما شفت حاضر ابدا انت بتشوف الماضى و المستقبل ؟! اييييييييه ؟! ايون زى ما بقولك كدا ..

النجوم الى انت شايفها فى السماء دى معظمها مااااااات من زمان و اتدمر لكن ضوءها هو الى لسه بيوصل لعينك ما انت بتشوف ازاى ؟! بتشوف لما الضوء يسقط على حاجة و ينعكس لعينك طيب لو الضوء انعكس من على حاجة و بعدها اتدمرت لكن الضوء هيمشى 100 سنة ضوئية يبقى بعد 100 سنة لما يوصل لعينك انت تشوف الحاجة الى ملهاش وجود بتشوف ماضيها من 100 سنة !؟
طيب المستقبل لو نفترض انك شفت النجم دا من 100 سنة .. تمام لكن فى كوكب تانى عليه ناس يبعدوا عنه 200 سنة ضوئية يبقى انت شفت المستقبل الى هيشوفه الناس للكوكب دا قبلهم ب 100 سنة كاملة تخيل ؟!
لكن اى فعل بيحصل فى الحياة واحد بيحرك ايده مثلا على ما الضوء ينزل على ايده و ينعكس لعينك بيكون فات مدة زمنية و دا معناه انك بتشوف الحاجة بعد حدوثها مش فى نفس اللحظة لكن سرعة الضوء هى الى عالية جدااااا ..
....


#هندسة_الكون

طيب الهندسة مثلا هل فعلا زوايا مثلا المثلث 180 درجة لا مش حقيقى هل فعلا الخطان المتوازيان لا يلتقيان لا مش حقيقى برده ..
لو انت رسمت خطين على الكرة الارضية فى الحقيقة هينحنوا و يقابلوا بعض لو هما متوازيان هينحنوا مع انحناء الكرة الارضية و يقابلوا بعض و اى حاجة فى الكون منحنية و اى خط بترسمه على الأرض بينحنى بدرجة ما و لو رسمت مثلث على الارض اضلاعه هتنحنى و مجموع زواياه هيكون 270 درجة ..
......
فى حاجات كتير بنشوفها مش حقيقة اصلااااا زى السراب و الالوان و كتير من الاصوات حتى الشم حتى كل حاجة .. جسدك و الحاجات الى بنضحك على عقلنا بيها و نسميها بديهيات ما هى الا سجن امام حقيقة الكون .. العبقرى و الانسان المتأمل الى بيخترق العادات و المالوف هيقدر يشوف الحقيقة ..
‫#‏مقدمة_خفيفة_عن_جنون_العلم_الحديث‬
اين نحن من هذا ؟! سؤال ؟!

[عبدالرازق العربى]

جزاكم الله خيرا

[مستر محمد سلام]

جزاكم الله خيرا وجعلها فى ميزان حسناتكم