أهم الاكلات الخاصة باللحوم بمناسبة عيد الاضحى

محمد محمود بدر · #1 13-09-2016, 03:31 PM

ورقة اللحم
**********
المكونات:
** كيلو لحم شرايح رفيعه
** كيلو بطاطس
**بسله
**جزر
**كوسه
** بصلة كبيرة
** معلقتين سمنه
** معقة ونص بهارات لحمه
** معلقتين ملح صغيرين
** معلقة فلفل اسمر صغيرة
** جوزة الطيب رشه صغيرة
الطريقة:
اولا نسخن الفرن على درجة حرارة اعلى من المتوسط وبعدين نقطع البصلة شرايح رفيعه ونقطع البطاطس شرايح متوسطه و ونحط عليها ثلاثه ارباع معلقة ملح صغيرة معلقة فلفل صغيرة.وباقى الخضار
نحط شرايح اللحم فى وعاء ونضيف لها شرايح البصل وباقى الملح والفلف والبهارات ونقلبهم فى بعض كويس ، بعدين نفرد ورقة زبده و ورقه فويل فى صينية فرن كبيرة ونرص نص البصل وشرايح البطاطس فى قاع الصينية مع الخضار وعليها اللحم ونغطى اللحم بباقى شرايح البطاطس ونحط عالوش معلقه سمنه ونغطيه بورق الزبدة والفويل كويس ونسبها فى الفرن لمدة ساعه او ساعة وربع على نار متوسطه تضيفى ربع كباية ميه لو لقتيها هتنشف وتتحرق وبالهنا والشفا

محمد محمود بدر · #2 13-09-2016, 03:32 PM

كباب حلة

المقادير :
كيلو لحم
3بصلة متوسطة
3فص ثوم
سمن
ملح وفلفل وبهارات

الطريقة :
1- يقطع اللحم مكعبات صغيرة أو كبيرة حسب رغبتك.
2- يفرم البصل والثوم فرما خشنا
1- يشوح البصل لمدة دقيقة مع السمنة ويضاف له اللحم ويقلب حتى يتغير لون اللحم إلى الون الغامق ثم تقلل النار تحته
2- يضاف للحم نصف كوب ماء كل فترة حتى لا ينشف اللحم.
3- عندما يبدأ اللحم في تمام النضج يضاف له التوابل كلها ويترك حتى يكتمل نضجه.
4- بعد إغلاق النار من تحته توضع ملعقة سمن كبيرة في طبق صغير من الألومنيوم ويوضع عليها قطعة فحم مشتعل ويوضع الطبق بسرعة على اللحم في الحلة وتغطى الحلة لمدة 10 دقائق ثم يغرف اللحم ساخنا.

وبالهنااااا وبالشفاااااا

محمد محمود بدر · #3 13-09-2016, 03:32 PM

رقاق باللحمة
***********
المفادير
*******
مكونات طبقة الرقاق:

3 كوب مرقة لحم
ملح وفلفل أسود حسب الرغبة
1 كيلو رقاق
نص كوب سمن بلدى او نباتى او زبده سايحه

مقادير الحشوة:
*************
½ كيلو لحم مفروم
2 حبة بصل مفروم
1 ملعقة سمن
صنوبر محمر حسب الحاجة
ملح وفلفل أسود حسب الرغبة

الطريقة ا:
********
يشوح البصل في السمن
يضاف اللحم إلى البصل وشوح حتى يتشرب مائه ثم يضاف الصنوبر المحمر
توضع مرقة اللحم في حلة صغيرة ويتبلوا بالملح والفلفل الأسود وتكون دافئة
في صينية فرن توضع السمن وتضوع طبقة من الرقاق وتبلل بخليط المرق
تضاف الحشوة فوق الطبقة الرابعه من الرقاق ثم يضاف طبقات أخرى من الرقاق المبلل بالمرق وبصب فوقها باقي كمية خليط المرقة ولاكن مش كثير
عند الإنتهاء من عمل صينية ووضع القليل من السمن عليها يجب وضعها في الثلاجة (البراد) لمدة نصف ساعة إلى أن تلين الرقاق
عندما تلين الرقاق يكون من الأسهل تقطيعها قبل الخبز
تدخل صينية الرقاق في الفرن مسخن على 180 درجة مئوية لمدة 30 دقيقة حتى يأخذ اللون الذهبي وتكون مقرمش
وبالهنااااوالشفاااااا

محمد محمود بدر · #4 13-09-2016, 03:34 PM

انواع مختلفه من تتبيلات المشاوي

1- تتبيلة الزبادى والقرفة (تُفضل للدجاج)

المكونات:
كوب ونصف زبادى قليل الدسم
ملعقة صلصة صغيرة
3 فصوص ثوم مفروم
نصف بصلة صغيرة الحجم
رشة زنجبيل
ملعقة صغيرة خل
ملعقة صغيرة كارى
فلفل اسود وملح (حسب الرغبة)
ملعقة قرفة أو بابريكا

2- تتبيلة الزبادى وصلصة الباربيكيو (تُفضل للدجاج)

المكونات:
ربع كوب زبادى قليل الدسم
ربع كوب شطة (حسب الرغبة)
مقدار 2 ملعقة صغيرة خليط من الكمون والفلفل الاسود والقرفة والكزبرة
عصير ليمونة
ملح
بصلة مفرومة
5 فصوص ثوم مفروم
ملعقتين صلصة طماطم
ملعقة من صلصة البابريكا (متوفرة بالأسواق)
ملعقتين مايونيز
زيت ذرة

3- تتبيلة الزبادى والمايونيز والمسطردة (للشيش طاووق)

المكونات:
ملعقتين من صلصة الطماطم
ربع كوب صلصة حارة
بابريكا وفلفل اسود وكمون وكزبرة وكركم وقرفة
ملعقتين خل
رشة ملح
كوب زبادى قليل الدسم
مايونيز ومسطردة
زيت ذرة

4- تتبيلة زيت الزيتون والفلفل الأحمر (للشيش طاووق)

المكونات:
نصف كوب زيت زيتون
ملعقتين كبيرتين صلصة طماطم
5 فصوص ثوم مفروم
ملح وفلفل اسود
ملعقة كبيرة زعتر
ربع كوب خل
ربع ملعقة كبيرة فلفل احمر

5- تتبيلة الـ 7UP والمايونيز (للحوم خاصة وأيضاً تصلح للدجاج)

المكونات:
كوب زبادى قليل الدسم
ملعقتين مايونيز
جميع البهارات المتاحة لديكِ
كاتشب ( حسب الحاجة)
عصير ليمونة
ملح وفلفل اسود
نصف كانز 7UP أو SPIRIT

6- تتبيلة الليمون والزعتر (للحوم والدجاج)

المكونات:
2 ملعقة ليمون مبشور
ثلث كوب عصير ليمون
2 ملعقة ريحان مفروم
ملعقة صغيرة مسطردة
فلفل اسود وملح
ربع ملعقة صغيرة زعتر

7- تتبيلة الصلصة الفرنسية وزيت الزيتون (تُفضل للدجاج)

المكونات:
2 حبة بصل مفروم
5 فصوص ثوم مفروم
2 ثمرة طماطم مفرومة
فنجان خل
ملح وفلفل اسود
قرفة ناعمة
بهارات الدجاج
ملعقة زيت الزيتون
ملعقة كاتشب حار
ملعقة صلصة فرنسية

8- تتبيلة الكارى والبقدونس (تُفضل للدجاج)

المكونات:
4 ملاعق بقدونس مفروم
نصف كوب من عصير الليمون
3 فصوص ثوم مفرومة ناعما
ملعقة فلفل حلو
ملعقتان من بودرة الكاري الحارة
ربع ملعقة كمون
ملح وفلفل أسود
نصف بصلة حمراء

9- تتبيلة الزبادى والليمون (للحوم أو الدجاج)

المكونات:
كوب زبادى قليل الدسم
ملح وفلفل اسود
نصف كوب خل
عصير ليمونة
تشكيلة بهارات حسب الرغبة
صوص الصويا

10- تتبيلة صوص الصويا (تُفضل اللحوم)

المكونات:
ربع كوب صويا
ربع كأس خل
ربع كاس زيت نباتى
رشة ملح وفلفل اسود
5 فصوص ثوم مفروم
ملعقتان زنجبيل مطحون
ملاحظات عامة:

- تتبع هذه التتبيلات المختلفة نفس الخطوات، فعليكِ بتحضير المكونات وخلطهم جيداً معاً فى وعاء عميق، ثم إضافة قطع الدجاج أو اللحم الى الوعاء، مع التقليب مرة أخرى ليتشرب الدجاج أو اللحم طعم ورائحة التتبيلة جيداً، ويجب ترك الوعاء مغلقاً أو مغلفاً بكيس المطبخ البلاستيكى فى الثلاجة لمدة لا تقل عن 6 ساعات قبل تحضيرها للشوى للفائدة الكاملة من التتبيلة، ثم شي الدجاج أو اللحم على الشواية الكهربائية، أو شواية الفحم، وبالهنا والشفا.

محمد محمود بدر · #5 13-09-2016, 03:36 PM

الكباب المشوى

المقادير :
1 كيلو لحم بتلو او بقرى مقطع مكعبات وياريت يكون بتلو عشان يستوى معاكى بسرعه
مكعبات بصل وفلفل الوان

تتبيله الكباب :
عصير 2 بصله كبيره بدون تفل البصل
نصف كوب من الخل
1 طماطم كبيره
نصف كوب من الزيت
5 ورقه لوره
1 جوز الطيب
1 معلقه حبهان
1 معلقه قرنفل
ربع فنجان كاتشب
1 معلقه زر ورد
ملح وفلفل اسود
معلقه كزبره ناشفه

الطريقه :
هضرب كل المكونات اللى قلت عليها دى فى الخلاط لحد ما تنعم معايا كويس بعد كده هجيب مكعبات اللحمه وهحط عليها التتبيله دى لمده لا تقل عن 4 ساعات ولو باتت فى التتبيله هتبقى اروع فى الطعم والريحه وبعد كده هجيب اسياخ الشيش واشك المكعبات اللحمه مع مكعبات بصل وفلفل الوان وابتدى اشويها على الشوايه الفحم او الشوايه الكهرباء او حتى فى الفرن واقدم جنبه احلى سلاطات زى البابا غنوج والطحينه والسلطه البلدى
وبالهنا والشفا

محمد محمود بدر · #6 13-09-2016, 03:37 PM

كفته الحاتى
***********
المقادير:

نصف كيلو لحم ضاني مفروم خشن
ملعقة صغيرة دهن (ليّة) ﻹعطاء نفس مذاق كفتة الحاتي
بصلة متوسطة مبشورة
حبّة طماطم مقشرة ومفرومة
ملعقتين طعام خل أبيض
3 ملاعق طعام بقسماط ناعم
بهارات لحم
زعتر
فحمة
الطريقة:

اخلطي جميع المكّونات معًا ماعدا البصل والطماطم المبشورين.
قلبيهم جيدًا ثم ضعي الخليط في الثلاجة 15 دقيقة قبل التسوية.
احضري أسياخ معدنية أو خشبية للف الكفتة، أثناء ذلك بللّي يديكِ مع كل أصبع كفتة في ماء البصل والطماطم.
كرري الخطوة السابقة حتي تنتهي كمية اللحم المفروم.
يمكنكِ تسويتها في الفرن على الشواية، ثم أخرجيها ولفيها بورق الفويل وهي ساخنة وضعي معها قطعة الفحم التي تمت تحميتها ع النار واتركيها لمدة 10 دقائق مرّة أخري بالفرن
اخرجيها من الفويل بعدما أخذت رائحة وطعم الشواء ع الفحم
رصيها في طبق مفروش بالبقدونس وقدميها ساخنة مع الخبز أو المكرونة بالصوص الأحمر، والسلاطات الخضراء وسلاطة الحمص والطحينة والثومية.

محمد محمود بدر · #7 13-09-2016, 03:38 PM

طريقة عمل ريش مشوية علي الفحم
المقادير
نص كيلو ريش غنم
التبيلة
٣ بصلة كبيرة مفرومة ناعم جدا
٢ حبة طماطم مفرومة ( مبشورة)
٢ معلقة فلفل اسود وملح وبهارات شوي
معلقة كزبرة خضرة او ناشفة
عود كرفس اخضر مفروم
معلقة زبادي وملعقة لبن وملعقة خل

الطريقة
ضعي في طبق ضعي كل المقادير البصل والملح والفلفل والكزبرة وعود الكرفس وعصير الطماطم وباقى التتبيلة وقومي بدعكة بايدك حتي تحصلي علي عصير ( ينفع للحم والحمام والفراخ المشوية) ضعي الريش في الخطة وضعيها التلاجة لمدة ٣ ساعة ويفضل من الليل باكملة
احضري كمية مناسبة من الفحم وضعي عليها القليل من الدهن ثم ضعي الريش دون ان تلامس الفحم ويتم تقلب الريش من ان الاخر الي ان تتم التسوية ويحمر الوجه تقدم مع بطاطس وسلطة طحينة والعيش البلدي وبالهنا

محمد محمود بدر · #8 13-09-2016, 03:39 PM

ريش مشوية بزيت الزيتون

المقادير
1 كيلو ريش ضأن
1/2 كوب ماء بصل *
3 ملعقة كبيرة زيت زيتون
2 ملعقة كبيرة عصير ليمون
1/2 ملعقة صغيرة بابريكا
ملح وفلفل

للسلطة
2 طماطم متوسطة (مكعبات صغيرة)
1 بصل متوسط (مكعبات صغيرة)
3 ملعقة كبيرة خليط بقدونس ونعناع مفروم
ملح وفلفل
1 ملعقة كبيرة دبس رمان
2 ملعقة كبيرة زيت زيتون
2 ملعقة كبيرة عصير ليمون

الطريقة
-تُوضع الريش في وعاء عميق وتُخلط مع ماء البصل، زيت الزيتون وعصير الليمون.
-تُتبل الريش بالبابريكا، الملح والفلفل وتُقلب المكونات جيداً حتى تتداخل.
-تُغطى الريش وتُوضع بالبراد ( الثلاجة) لمدة ساعتين على الأقل قبل الشواء.
-تُشوى الريش على سطح شواء ساخن ( أو على الفحم) لمدة 5 دقائق لكل جانب أو حتى تمام النضج.
-في نفس الأثناء، تُخلط مكونات السلطة ( طماطم- بصل- أعشاب مفرومة- ) في وعاء وتُتبل. بالملح والفلفل، دبس الرمان، زيت الزيتون وعصير الليمون مع التقليب حتى تتجانس مكونات السلطة.
-تُوضع السلطة في طبق التقديم وتُرص فوقها الريش المشوية.

•لعمل ماء البصل، تُفرم كمية كبيرة من البصل ناعماً ( أو تُبشر) ثم تُعصر جيداً وتُستخدم العصارة السائلة فقط لتتبيل الريش.

محمد محمود بدر · #9 13-09-2016, 03:40 PM

الكلاوى بالصلصه
المقادير:
نصف كيلو كلاوى منظفه ومغسوله
1 بصله مفرومه
1 عود كرفس مفروم
1 معلقه ثوم مفروم كبيره
1 معلقه كبيره كمون
1 معلقه كبيره كزبره ناشفه
1 ربطه كزبره مفرومه
1 معلقه كبيره عصير ليمون
1 معلقه صلصه طماطم
1 كوب عصير طماطم
2 معلقه زبده او سمنه او زيت زى متحبى
1 فلفل حامى اخضر مفروم حسب الرغبه
1 كوب ماء
ملح وفلفل
1 جوز الطيب مبشوره

الطريقه
بعد غسيل الكلاوى وتقطيعها مكعبات هجيب حله وهحط فيها الزبده وبعدين البصل والكرفس وهقلب كويس اوى وبعدين هحط الكلاوى عليهم مع التقليب ده هحط الثوم والكمون والكزبره الناشفه وجوز الطيب مع التقليب المستمر بعد كده هحط معجون الصلصه وعصير الطماطم والمايه وبعد كده ههدى النار عليهم واسيب الحله لحد ما الكلاوى تستوى هضيف فى الاخر الملح والفلفل الحامى والفلفل الاسود والكزبره الخضرا المفرومه وعصير الليمون
وبالهنا والشفا

محمد محمود بدر · #10 13-09-2016, 03:41 PM

كفتة الفلفل الملون

المكونات:
- 1 كيلو لحم ضأن مفروم.
- ¼ كيلو دهن غنم (ليّة).
- 2 بصلة كبيرة الحجم مفرية ناعماً .
- 1 كوب أوراق بقدونس
- ½ ملعقة صغيرة جوزة الطيب.
- 1 ½ ملعقة صغيرة ملح.
- 1 ملعقة صغيرة فلفل أسود.
- 2 ملعقة كبيرة زيت زيتون.
- 1 حبة فلفل أحمر حلو متوسطة الحجم.
- 1 حبة فلفل أخضر حلو متوسطة الحجم.
- 1 حبة فلفل أصفر حلو متوسطة الحجم.

الطريقة:
1 - يُغسل دهن الغنم بالماء ويجفف جيداً بورق المطبخ، ثم يقطع إلى مكعبات صغيرة ويُسكب فى وعاء الكّبة.
2 - تقطع حبات البصل إلى مكعبات متوسطة الحجم، وتضاف إلى وعاء الكّبة.
3 - يُضاف اللحم المفروم وأوراق البقدونس وجوزة الطيب والملح والفلفل الأسود والزيت إلى وعاء الكّبة، وتطحن المكونات معاً جيداً حتى تمتزج معاً جيداً.
4 - تُغسل حبات الفلفل الحلو وتجفف بورق المطبخ، ثم تقطع إلى نصفين ويزال منها العنق والبذور، وتقطع إلى شرائح وتضاف إلى وعاء الكّبة.
5 - تُطحن المكونات مرة أخرى، حتى تصبح عجيناً متجانساً.
6 - يُسكب عجين اللحم فى وعاء كبير، ويُغطى بورق النايلون ويترك فى الثلاجه لمدة ساعة على الأقل.
7 - تُسخن الشواية الخارجية جيداً على الفحم، كما يمكن إستخدام الشواية المنزلية على النار.
8 - يُشكل عجين اللحم إلى إسطوانات كبيرة الحجم حول الأسياخ المعدنية، ويفضل تركها مرة أخرى فى الثلاجه لمدة 20 دقيقة.
9 - تُرص أسياخ الكفتة على شبكة الشواية، وتُشوى لمدة 3 دقائق ثم تقلب على الجهة الأخرى وتترك لمدة 3 دقائق أخرى، ثم يَستمر شواء الكفتة حتى تنضج تماماً وتأخذ اللون البنى الداكن.
10- تُخرج الكفتة من الأسياخ بمساعدة منشفة مطبخ نظيفة، وتقطع إلى قطع طويلة.
11- تُرص كفتة الفلفل الملون فى صحن التقديم، وتُزين بشرائح البصل والفلفل الملون والبقدونس، ثم يُنثر عليها القليل من مكعبات الفلفل الملون، وتقدم مع السلطات والخُبز العربى.

محمد محمود بدر · #11 13-09-2016, 03:42 PM

صينيه زند الضانى الامامى بالبطاطس

المقادير
الزند ( وهو يد الخروف الامامية )
6 فصوص ثوم
1 كيلو طماطم مقطع حلقات
4 ملعقه كبيرة سمن
6 فصوص ثوم
ملح وفلفل
1/2 كيلو بصل
1 كوب مرق

الطريقه
ينظف الزند من الجلد وعظم اللوحه الموجود بداخل الزند بالسكين الخاص ويمسح فقط دون غسله
يفرم البصل والثوم ويدعكان بالملح والفلفل ثم تفرش صينيه بهما ويوضع فوقهم الزند
ترص حلقات الطماطم والبطاطس فى الصينيه مع الزند
تسيح السمن وترش على الصينيه ثم يصب على الخليط كوب مرق او ماء
تزج فى فرن متوسط الحراة مدة ساعتين وقد تسقى من وقت لاخر من السائل المتخلف من طهى اللحم حتى يتم النضج تماما وتقدم

محمد محمود بدر · #12 13-09-2016, 03:43 PM

قطعيات اللحم

الانتركوت
*****
فيه جزئين الجزء المدور واسمه كونتر فيليه وده هو الستيك وممكن يتشوى بكل الصور والجزء العريض منه يستعمل في الصينيه او طواجن الفرن
وهومن النوعيات الطريه جدا لكن اشد من الفلتو
وممكن تتعمل منه الاسكالوب يعنى تتحمل الدق علشان تتفرد وتتهتك الانسجه

T بون ستيك او التيبون ستيك
******************
والجزء ده مشترك بين عمود الفلتو والانتركوت وهو عباره عن عظمه على شكل حرف T وبيكون على الناحيه اليمين العمود الفلتو وعلى الناحيه الشمال الانتركوت وتؤكل مشويه

الدوش
****
ده لحم البطن وهو لذيذ جدا لو انطبخ فى الفرن سواء صواني او طواجن لانه محتاج وقت لان لحمته ناشفه شويه بس الطهو البطىء فى الفرن يخلي طعمه يجنن

البريمو بتاع الدوش
************
فده يزال السمين منه ويربط رول زى اللحمه البارده

لحم الصدر (لحمه سن)(لحمة الضلوع)
************************
القطعه دي تختلف تماما مع السن لانها طريه جدا وبتنفع للسلق ومع الخضار

الرقبه
****
والنوع ده من اللحمه شديد جدا
على صغار وكبار السن لانها بتاخد وقت كتير على النار وحتى لو استوت بتكون شديده

السمانه
****
هى الجزء الغالى من الفخده ودى بيطلع منها البفتيك والبرشولى

وش الفخده
*******
وده الجزء الوحيد اللى ممكن يشوى من الفخده لانه طرى جدا وينفع للستيك بانواعه
و تقطع للخضار او مكعبات زى الكباب حله
والفرق بين الكباب حله وقطعيات لحمة الخضار ان الكباب حله بتكون خاليه من الدهون
لو قطع اللحم رفيعه تكون للشوى او الاستيك
عموما وش الفخذه
بيطلع منها الاسكالوب والبيكاتا وكباب الحله و الكباب

عمود الفخده(التربيانكو)
**************
والجزء ده شديد ومحتاج تسويه
ويستخدم فى السلق و الخضار وبيكون طعمه حلو في الخضار

الموزه
****
من الذ واطرى انواع اللحمه وبتكون ملبسه بالدهن الخفيف
وطبعا تنفع للسلق و الخضار والطبخ بالصوص

الزند
***
بيحتاج شويه سوا فيستعمل فى السلق والفته

العرق الرستو
********
ده للحمه البارده

العرق الفيليه او الفلتو
************
ده اغلى واحلى قطعيه ويستعمل فى الفيليهات ولا ياخذ سوا كتير

ريش بيت الكلاوى
***********
بتكون ريش صغيره ولحمتها ناعمه جدا وممكن بعد ما تتبل
تتحمر او تتشوى او تطبخ مع ورق العنب المحشى

و اخر جزء فى العجل هو الديل
وبنطلق عليها العكاوى
*************
وبنتعامل معاها على انها لحمه
بالرغم من ان فيها عضم لكن نسلقها عادى ونضعها على صواني الفرن او تطبخ وحدها

محمد محمود بدر · #13 13-09-2016, 03:44 PM

شاورما اللحم

المقادير :
* 1/2 كيلو لحم قطع.
*مقدار ماء بصل .
*3 ملعقة خل كبيرة.
* مقدار ملح وفلفل وبهارات.
*2 حزمة بقدونس .
*3 ثمرات طماطم جامدة كبيرة.
* 4 ثمرات فلفل أخضر كبيرة.

الطريقة :
قطع اللحم شرائح طويلة رفيعة ويتبل بماء البصل والخل لمدة ساعتين.
يقطع الطماطم والفلفل لمكعبات صغيرة والبقدونس يفرم .
- يوضع اللحم على النار ويقلب حتى يصبح لونه غامق ثم تقلل النار من تحته.
- كلما تشرب اللحم ماءه يزاد له نصف كوب ماء حتى يقارب على النضج.
- عندها يمكنك إضافة الملح والتوابل والفلفل الأخضر.
- بعد تمام نضجه يضاف الطماطم والبقدونس وتغلق النار مباشرة.
يستخدم شاورما اللحم في السندوتشات مع الطحينة.

وبالهنااااااو بالشفاااااا

محمد محمود بدر · #14 13-09-2016, 03:44 PM

شرائح اللحم مع الفلفل والصلصه

المقادير :
ملعقتين زيت-
حزمه بصل اخضر مقطعه-
نصف كيلو لحم مقطع شرائح
3 حبات فلفل رومي اخضر واحمر واصفر مقطع شرائح
-ملح وفلفل

الصلصه
ربع كوب صلصة طماطم-
ملعقتين صلصه الصويا-
ملعقه عصير تفاح او عصير عنب-
ملعقه نشا-
نصف كوب ماء
-جنزبيل مبشور

الطريقه
قلبى جميع مقادير الصلصله وتترك على جانب
نضع على النارطاسه ونضع ملعقه زيت ثم نحمر الفلفل ونرفعها على جنب ثم نحمر البصل ونرفعه على جنب ونضع الملعقه الثانيه من الزيت ثم نحمر اللحم على دفعات حتى تستوى اللحم تقريبا ونضيف الصلصه على اللحم والملح والفلفل ونقلب جيدا حتى يتقل ثم نعيد الفلفل والبصل ونضعة على اللحم ويقدم مع الرز الابيض

وبالهنااااااا والشفااااااااا

محمد محمود بدر · #15 13-09-2016, 03:45 PM

مخ بانيه
المقادير :
مخ كامل
ملعقة ملح
ملعقة صغيرة فلفل
بقسماط مطحون
بصلة صغيرة
2 بيض مخفوق ومتبل بالملح والفلفل
نصف كوب دقيق
ورق لورا

الطريقة :
_ يوضع الماء في إناء على النار ويوضع به الملح والفلفل و ورقة اللورا والبصلة
_ بعد غليان الماء يوضع المخ في الماء المغلي لمدة 3 دقائق حتى يسلق.
_ نرفع المخ من الماء ويوضع في طبق في الثلاجة لمدة نصف ساعة حتى يمكن تقطيعه.
_ يقطع المخ شرائح .
_ يوضع الدقيق في طبق والبيض في طبق بعد تتبيله والبقسماط في طبق
_ توضع شرائح المخ في الدقيق ثم البيض ثم في البقسماط.
_ يوضع الزيت على النار وعندما يسخن نبدأ في تحمير شرائح المخ حتى ينتهي المقدار.
_توضع على ورق ماص حتى يمتص الزيت الزائد.
_ يرص في طبق ويؤكل بالخبز مع سلاطة الطحينة والمخلل.

وبالهنااااااااااااااااا والشفا