قبل دخول الدراسه!!!!!!

[mmagdy_81]

ياجماعه لاشك ان الجميع فى انتظار اليوم الموعود وهو 1/8 اول شهر اغسطس وان ياتى هذا الشهر بالجديد لكل متعاقد وهو التعيين او التثبيت ولكن ماذا لو لم يحدث شىء وهذا ليس دعوه للتشائم فقط للتذكير سوف يدخل علينا شهر رمضان المبارك والكل يحتاج في هذا الشهر الى التفرغ للعباده والطاعه وليس للوقفات والاحتجاجات وبانتهاء شهر رمضان والعيد نصطدم بدخول الدراسه فماذا نفعل وقتها؟
اخشى ان تكون الحكومه فى حالة استدراج او تنويم للمتعاقدين حتى تدخل عليهم الدراسه ولا يستطيع اى متعاقد الفرار من الامر الواقع المفروض عليه وبالتالى الاستسلام حتى يدخل علينا 1/7/2011 واعتقدان هذا ماتصبو اليه الحكومه والله اعلم

لكن اريد ان اعرف ماهو موقف كل معلم مساعد الان وما هو رايه لقد خدعونا بتصريح من مسئولين كعادة الشعب البسيط وضيعوا علينا شهر 7 اللى كنا ممكن فيه نقلب البلد واحنا مش مشغولين باى شىء سوى مستقبلنا والتثبيت ولكن الان ماذا نحن فاعلين ؟

[البرهان الرياضى]

إحنا نستاهل أكتر من كده
أنا مش عارف الناس دى خايفه من إيه ؟
***********

[نسمات هادئة]

احنا للاسف كدبنا الكدبة وصدقناها كل شهر نقول الشهر الجاي والاكاديمية ل يوم تمد في مواعيد تقديم الاي سي دي ال ومحدش يقو متشائمة احنا بقالنا سنه ممتحنين الكادر ولا فيه اي جديد وبصراحة هييجي 1\8 وهيمدوا الفترة تاني واحنا نقول هننتظر ل1\9 وهكذا شهر يجر شهر

[elfeky]

بالمناسبة يا جماعة لو لا قدر الله ومحصلش تثبيت في الشهرين القادمين انسو التثبيت لانة بالعقل كدة السنة دي مليئة بالاحداث الي مش هتخلي الحكومة تنظر لاحد ومنها انتخبات مجلس الشعب وطبعا لازم تدخل بقل قوتهاعشان الحزب يسيطر علي المجلس وطبعا البعد كدة انتخبات الرئسة ودي هتاخد ليها فترة من الحكومة لالاعداد لها ومفيش مسئول هيكون فاضي انة يشغل بالة بحد

[محمد عبد الحكم]

في الجيزة مفيش تعين
تعاقد لمده سنة
وتعاقدات جديدة لمدرسي الاجر

[mohammad00]

السلام عليكم ورحمة الله وبركاتة
والله يا أخي دار في رأسي هذا الكلام منذ التصريح لكن قولت أتصل رأس الوزير مثل هذه الفكرة وهي استغلال شهر مبارك رباني لأفعال شيطانية ... فإذا كان هذا هو التفكير فأبشر يا سيادة الرئيس لدينا صهيوني رائع ... وأكرر تهنئتي للحكومة بمثل هذه الوزراء .... ولا تعليق أكثر من هذا.. وعجبي!!!!!!!!!!!!!!!

[رضا عبد الحميد عبد الرازق]

انا عارف ان كل ده تنويم لغاية الانتخابات الرئاسية القادمة عشان يبقى التثبيت لسى طازة ويعمل شغل
بس لو ده حصل انا عن نفسى سوف اعطى صوتى لأى مخلوق تانى وربنا شاهد على كلامى

[Ahmed Salah kaseb]

مماطلة الى ابعد الحدوووووووووود

[hossam_azazi]

رب ضارة نافعة يخلونا كدا لايام الدراسة حتى يكون لاضرابنا لازمة عندما نترك التلاميذ فى الفصول بدون معلمين وتسود حالة الهرج والمرج ويشعر بينا كل الناس وليس الحكومة فقط فانا اعتقد انا لكل بيت تلميذ او طالب باحدى المراحل فيصل صوتنا لاعلى مدى دا بجانب متابعة وسائل الاعلام لبء العام الدراسى

[احمد الكوامي]

احنا يا جماعة هنصبر الي 1\8 وبعد كدة هنعمل وقفة واحتجاج قال في المثل هيسخطوك يا قرد قال هيعملو فية اية احنا مش خيفييين علي حاجة احنا عوزيين حقنا

[mratwa7]

المشاركة الأصلية كتبت بواسطة elsalafy

ياجماعه لاشك ان الجميع فى انتظار اليوم الموعود وهو 1/8 اول شهر اغسطس وان ياتى هذا الشهر بالجديد لكل متعاقد وهو التعيين او التثبيت ولكن ماذا لو لم يحدث شىء وهذا ليس دعوه للتشائم فقط للتذكير سوف يدخل علينا شهر رمضان المبارك والكل يحتاج في هذا الشهر الى التفرغ للعباده والطاعه وليس للوقفات والاحتجاجات وبانتهاء شهر رمضان والعيد نصطدم بدخول الدراسه فماذا نفعل وقتها؟
اخشى ان تكون الحكومه فى حالة استدراج او تنويم للمتعاقدين حتى تدخل عليهم الدراسه ولا يستطيع اى متعاقد الفرار من الامر الواقع المفروض عليه وبالتالى الاستسلام حتى يدخل علينا 1/7/2011 واعتقدان هذا ماتصبو اليه الحكومه والله اعلم

لكن اريد ان اعرف ماهو موقف كل معلم مساعد الان وما هو رايه لقد خدعونا بتصريح من مسئولين كعادة الشعب البسيط وضيعوا علينا شهر 7 اللى كنا ممكن فيه نقلب البلد واحنا مش مشغولين باى شىء سوى مستقبلنا والتثبيت ولكن الان ماذا نحن فاعلين ؟

ان شاء الله التثبيت قادم
ولكن هافترض معاك ان الحكومة ووزرائها هيغامروا بمصدقيتهم مع المواطنين فى المرحله الحرجه ديه <انتخابات شعب و رياسه>
اذا لم يحدث تثبيت للمرحله الاولى فى شهر8 المفروض كلنا نبقى يد واحده ونعمل اضرابات و اعتصامات سلميه لا تتوقف الى بتثبيتنا واخد حقوقنا كامله
و بعدين رمضان هو شهر الخير والجهاد ودائما ما حمل الشهر الكريم انتصارات و اخبار عظيمه للمسلمين

[أ/سلوى]

ان شاء الله فى تثبيت
لكن كام ؟؟ 25 او 40 الف والباقى ......... يستنى بقى سنة اتنين خمسة ...........

هو ليه اصلا يكون فى تعاقد ؟؟؟؟؟؟؟؟؟؟
هو ليه المدرسين بس اللى يمتحنوا عشان الكادر والتعيين ؟؟؟؟؟؟؟؟؟؟
هو ليه الحكومة بقت نموذجية بس مع المتعاقدين ؟؟؟؟؟؟؟؟؟؟
وياترى لما يكون المتعاقدين بالمستوى ( اختبار وانجليزى وكمبيوتر وتربوى و...) مرتباتهم حتكون زى غيرهم خارج مصر؟؟؟؟؟؟؟؟؟؟
ياترى الوزير الحالى واللى قبله ايه علاقتهم بالتعليم رغم ان تخصصهم مالوش اى علاقة بالتعليم ؟؟؟؟؟؟؟؟؟؟
ياترى الوزير ليه مش تربوى ؟؟؟؟؟؟؟؟؟؟
ياترى الوزير لو امتحن كادر حينجح ؟؟؟؟؟؟؟؟؟؟
ياترى التعيين بالصورة اللى عايزينها هو ده حق المتعاقدين اللى ضايع ؟؟؟؟؟؟؟؟؟؟
طيب والسنين اللى فاتت فين ؟؟؟؟؟؟؟؟؟؟
طيب وايه ذنب المتعاقدين منذ اكثر من 5-6 سنوات ؟؟؟؟؟؟؟؟؟؟؟؟

[alassal]

ماذا اقول

غير انا عايش ومش عايش
ومش قادر على بعدك ----------------------------------------------------(عقد وزارى)

[رضاالوادي]

المشاركة الأصلية كتبت بواسطة elfeky

بالمناسبة يا جماعة لو لا قدر الله ومحصلش تثبيت في الشهرين القادمين انسو التثبيت لانة بالعقل كدة السنة دي مليئة بالاحداث الي مش هتخلي الحكومة تنظر لاحد ومنها انتخبات مجلس الشعب وطبعا لازم تدخل بقل قوتهاعشان الحزب يسيطر علي المجلس وطبعا البعد كدة انتخبات الرئسة ودي هتاخد ليها فترة من الحكومة لالاعداد لها ومفيش مسئول هيكون فاضي انة يشغل بالة بحد

وعلشان كده ان شاء الله هنتثبت

[mmagdy_81]

يارب يخلف ظنى