فحص الوثائق لمجال المعلم منفردة

[لبنى555]

على الرغم من اننى لست مقتنعا من اسلوب تطبيق الجودة بالمدارس والعبء الثقيل من الاوراق والملفات والجمل الفلسفية النظرية التى تطرح الا اننى اثرت بالمشاركة الاولى لى فى هذا المجال وارجو نقد بناء يجعلنا نطور من انفسنا لعل الله ينفع بنا ان شاء الله

[صالح الجمال]

مجهود ممتاز استاذة لبني ... لكن أحب أعرف من حضرتك لماذا أنت غير مقتنعة بنظام الجودة

[لبنى555]

لما تكون معلم خبير فى الاربعينات ولك جدول 15 حصة واشراف على المادة واشراف يومى ومكلف بوحدة التدريب من الالف الى الياء وبعدين ما تلاقيش حد متعاون معاك قوم تعمل كل حاجة لوحدك وبعدين يقولوا لك انت مسؤول وحدة التدريب يبقى تكون رئيس مجال القيادة والحوكمة ....... وما ادراك .......... فى النهاية مش ها تنفع فى اى حاجة لكن ..... !

[صالح الجمال]

طبعا نصاب حضرتك كده تمام ومخفض للإشراف
أما كونك مسئول وحدة التدريب فهذا ليس معناه تحملك المسئولية من الألف للياء لانه من المعروف أن وحدة التدريب عبارة عن فريق .... وانا قابلت ناس لسه حديثي التعيين وشايلين 24 حصة ويديرون وحدة التدريب باسلوب الفريق
أما كون من يشغل موقع مسئول وحدة التدريب ان يكون قائدا لمجال القيادة والحوكمة فهذا ليس اصلا وإنما هو فرع وممارسات وحدة التدريب في المجال لا تتعدى الاثنين
وممكن تبلغي الأستاذة / مسئولة إدارة ابوصوير بأن كلامها مش فرض وإن القيادة والحوكمة بيكون مسئول عنها أحد القيادات بالمدرسة
بارك الله بك ونفع بك

[لبنى555]

اخى العزيز استاذ صالح
عندك حق فى كلامك واشكرك على اللمحة الذكية اللى عرفت بيها الادارة التعليمية
لكن المعلم الخبير ده نصابه بالفعل وغير مخفض وكمان انا اعطيته كمثال مش اكثر وبعدين القيادة اللى بتقول عليها دى رافعة ايديها من كل حاجة الا ما ندر منهم
ما اجمل ان يكون هناك اخلاصا فى العمل يسانده تعاون من الاخرين بجد ما كنش ده حالنا
شكرا على مروركم الكريم

[صالح الجمال]

النصاب للمعلم الخبير في المرحلة الاعدادية حسب قانون الكادر 17 حصة
القرار 137 ينص على إسناد وحدة التدريب لوكيل المدرسة
اما اللمحة فعرفتها من خلال البطاقة وعملت بحث فلقيت صفحة على الفيس لادارة ابوصوير وبصراحة شكلهم عاملين شغل تمام وكمان لقيت صفحة لفريق الجودة بإدارة ابوصوير حتى عاملين حفلة لمدرسة عندهم تم اعتمادها
بارك الله في عملكم وجزاكم خيرا ونفع بكم

[Mohamed attiya 17]

رائعععععععععععععععععععععععععععععععععع

[أبورغد]

عمل عظيم جدااااااااااااااااا