يلا نساعد بعض يا شباب !!!

[h-h-y]

السلام عليكم

دلوقتى فى كتير مننا كان جايب مجموع ضعيف فى تانية وقرر يكمل علمى رياضة او علوم عشان يدخل خاص سواءا (هندسة - صيدلة - طب _ طب اسنان - حاسبات )
المهم : دلوقتى بنقدم فعلا فى الكليات بس فى مننا تايه مش جايب الحد الادنى وحس خلاص بالضياع لانه خلاص مش حيلحق وانا منهم .. فعملت الموضوع ده نتجمع هنا ممكن حد يدخل وعارف جامعة بتاخد مجموعنا او معهد بياخد مصاريف اقل ونتشارك المعلومات . وده التنسيقات اللى فى مصر عن الخاص واللى يعرف جامعات بتقبل من المجاميع يقول هنا ونتنشارك الرأى :

الكليات ::::

الطب : 80 %

75%

علاج طبيعى : 75%

73 %

70%

الصيدلة : 75%

70%

الاسنان : 73%

70%

الهندسة : 70%

67%

65%

62%

الحاسبات والمعلومات : 60 %

57%

اى حد يعرف اى كلية من اللى فاتت و جامعة بتاخد مجموع معين يتفضل يعرضه علينا .. انا مثلا عايز اعرف هل فى جامعة بتاخد هندسة 62 %.

[$ Hager $]

والله موضوع كتير حلوو
وياريت فعلا حد يفيدنا باى معلومات عنده
وانا برضه عايزة اعرف الحد الادنى لكلية الطب البشرى فى اى جامعة اى كانت
لانى همووووت وادخل طب
وكتير بيقولوا نسب ومش عارف اصدق مين
عايزة حد يكون واثق فعلا من كلامه
وانا لو عرفت اى حاجه عشان هندسة اكيد هرد واقلك

[منى عاشقة الكيمياء]

بالزمه مش حرااام لما فااااشل جاب 70 او 60 %ويدفعلوا كاااام الف عشان يتقلوا يا باش مهندس ليه ده حرررام اه مفيش مانع انها تقل 3%او4%عن هندسه الحكومه خلاص يبقى الحد الادنى 80%وكده يبقى اخرها يعنى ده حرااام بجد واحد مرحله تالته واجيب اكيد مجموع زفت وهو كده كده مش هيمشى فى هندسه لانه اكيد جايب مجموع زباله فى رياضه 2 يبقى مهندس ليه يعنى منه لله اللى عامل كده

[Mido MashakiL]

زعلان ليه ياباشا فى ناس مش بتزاكر مش علشان هى فشله لا بيبقى ممكن عندهم ظروف او حجات مش لازم يبقى فاشل

[منى عاشقة الكيمياء]

بس مش كل اللى جايبن مجموع وحش عنه ظروف

[منى عاشقة الكيمياء]

وبعدين انا بنت مش ولد تمااااام

[Mido MashakiL]

اوك تمااااام

[التلاوى]

هو انتى بتدفعى من جيبك يامنى علشان تزعلى

وبعدين مش معنى ان واحد محصلش ليه توفيق فى الثانويه انه ادمر لا طبعا
الثانويه مش كل حاجه يعنى انتى هتقدرى تمنعى الجامعات الخاصه انها تشتغل لا طبعا وبعدين فى حاجه اسمها اعداد لازم يبقى مرتبط بيها

هو حضرتك جبتى كام وانتى محموقه اوى كدا

[rimaza]

على اساس ان بتوع الكليات والجامعات الخاصة بيشتغلو مثلا ولا مميزين ؟؟؟؟

دول افشل الفاشلييين

[soley93]

المشاركة الأصلية كتبت بواسطة rimaza

على اساس ان بتوع الكليات والجامعات الخاصة بيشتغلو مثلا ولا مميزين ؟؟؟؟

دول افشل الفاشلييين

بأي حق حضرتك بتعمم وتقول افشل الفاشليين

[$ Hager $]

هو ليه الناس واخده فكرة عن الجامعات الخاصة بأنها للفاشلين
و بأى حق أصلا تعمموا الفكرة دى
أعرف ناس كتيير اوى معدين الــ 90 % ودخلين خاص
يعنى مش فاشلين بالشكل الناس متخيلاه دى فرقت معاهم على درجات بسيطة
بلاش تحسسونا ان انتم عباقرة عشان دخلتوا كلية حكومية
واحنا الفشله عشان فى كليات خاصة

[التلاوى]

اللى بيتكلم وهو مش عارف بيبقى افشل اهل الارض واجهلهم كماااان فياريت الاستاذ اللى اتهمنا بالفشل يبقى يورينا نفسه لما يتخرج

[ayah25]

موضوعك ممتاز وفيه طلبة مش بيكونوا عارفين يخططوا لحياتهم صح
ولما يدخلو ا هندسة خاص بيكونوا قد المسئولية وبيجتهدوا وربنا يوفقهم

[h-h-y]

بعد مرور خمس سنوات على كتابتى لهذا الموضوع .. الحمد لله انا الان تخرجت من كلية الهندسة قسم الهندسة المدنية من احد الجامعات (بدون ذكر اسم) بتقدير عام جيد جدا و تقدير المشروع امتياز احببت استرجاع الذكريات ووجدت هنا بعض التعليقات السلبية وواجب علي الرد بعد انتهائى من رحلة التعليم وخوض تجربة التعليم الخاص .

دعونا نتفق فلا شك ان مسواة المجتهد بالمهمل ظلم ولكن لا تحكم على الامر من الخارج.. فى وقتنا هذا اذا نظرت الى نظام التعليم الخاص ستجده انجح من التعليم الحكومى من حيث الانضباط فى الحضور و نظام الامتحانات الدورية المكثفة و تحديد اعداد الطلاب فى المحاضرات والسكاشن وعمل جروبات محددة العدد .. صحيح ان جودة التعليم ليست متساوية فى كل الجامعات الخاصة كما هو الحال فى التعليم الحكومى ولكن اصبح الان هناك خريجين لهم ثقلهم من التعليم الخاص ودرسوا تحت يد أستاذة متخصصين على درجة عالية من العلم وبنظام تقييم عادل و مرهق وجاد و لكن الاهم من كل هذه الرسميات ان ثقافة المصريين تحتسب التعليم الخاص قسم للفشلة ولا تعترف بان هناك ظروف او عدم نضوج اثناء مرحلة الثانوية يؤدى ببعض الطلاب الى ضعف مجموعهم وضياع اهدافهم .

تجربتى الخاصة عيرت فى شخصيتى كثيرا وأصبحت بحمد لله ونعمته مهندس تصميم متميز فى مجالى بشهادة أستاذتى وزملائى ولى طابع خاص فى عملى واصبح الان ذكريات الثانوية من الماضى وليس له اى اعتبار عندى غير انه كانت مرحلة اخفاق يتلوها مرحلة ادراك ونجاح واعتماد على النفس .

لذلك اوجه رسالة للطلبة بعدم الانصات لاى نداء سلبى من اشخاص حاقدين او اصحاب عقول غير ناضجة وان كانت هناك فرصة لتحسين موقفك من الثانوية فلا تترد سواءا معهد او كلية حسب ظروفك المادية فلا تقسو على نفسك واسعى فى اكمال او ايجاد هدفك فكل شئ ينسى ويموت ويبقا فى النهاية ناتج أعمالك وانك اصبحت شخص مسئول و تذكر من ضحك أخيرا ضحك كثيرا ...

بالتوفيق لجميع الطلاب و لا تنسوا نصيبكم فى الحياة مكتوب ولا بد من الرضا به فكل شئ فان الا العمل الصالح وما الحياة الدنيا فى الآخرة الا متاع

[Abdelrhman Muhammed]

الف مبروك يا بشمهندس
معلش كنت عايز اسألك سؤال انا مجموعي مش هيقل عن 80% إن شاء الله السنادي
هل هلحق اي معهد هندسي خاص ولا ايه النظام
انا كنت سمعت من الوزير ان التعليم الخاص ف الهندسة من 80 و الطب من 95 و علوم الحاسب 70
و شكراً مقدماً