أولى بيطرى المنصورة

[a.badran]

طبعا بعد انتهاء مرحلة الثانوية العامة ودخلنا طب بيطري المنصورة بدأنا نحس اننا مش فاهميين أى حاجة وفى دماغنا أسئلة كتير محتاجين لها توضيح

نفسنا نعرف احنا رايحين فين ؟
يعنى ايه كلية أساسا ؟
وليه بيطرى المنصورة ؟
طب نفتخر اننا دخلنا الكلية دى ولا ده شئ بيسببلنا حرج ؟
طب هاندرس ايه فى الكلية ؟ الدراسة صعبة ولا سهلة ؟؟
طب بعد خمس سنين ان شاء الله هانلاقى شغل كويس يليق بينا ولا هنكون من مترددى الكافيهات والقهاوى ؟؟!!!!!!!!!!

-*-*-*-*-*-*-*-*-*-*-*-*-*-*-*-*-*-*-*-*

توكلنا على الله -- بسم الله نبدأ

-*-*-*-*-*-*-*-*-*-*-*-*-*-*-*-*-*-*-*-*

أول حاجة لازم تعرف يعنى إيه طب بيطرى ؟؟؟؟؟؟؟؟!!!!!!!
- طب بيطرى بكل بساطة يعنى الطب الخاص بمعالجة الحيوانات و رعايتها وكمان وقاية الإنسان من الأمراض اللى ممكن تصيبه من تناول المنتجات الحيوانية ( الرقابة على الأغذية ) و ايضاً وقاية الإنسان من الامراض المصيبة للحيوان والمعدية للإنسان

( دي حاجة ان الطب البيطرى مهم ازاى للحيوان ولحياة الإنسان )

-*-*-*-*-*-*-*-*-*-*-*-*-*-*-*-*-*-*-*-*
بعد ما فهمت معنى كلمة طب بيطرى يا ترى انت فخور انك دخلت الكلية دى ولا لأ ؟؟

طب تعالى نشوف ليه كمان انت لازم تكون فخور بدخولك الكلية

مهنة الطب البيطرى من أكثر المهن التى تتجسد فيها معانى الرحمة و الانسانية والعطف وهى من خصال المؤمن
فالطبيب البيطرى مطلوب منه العطف على الحيوان والرحمة به والخوف عليه فما بالك بهذا الانسان مع البشر أنفسهم

طب انت عارف أن بغياً دخلت الجنة بسبب كلب كاد أن يموت عطشاً أسقته ، ودخلت امرأة النار بسبب هرة حبستها فهلكت ، فلا هي التي أطعمتها ، ولا هي تركتها حرة تبحث عن رزقها في الأرض. دخلت إحدى المرأتين الجنة رغم كل ذنوبها وخطاياها الظاهرة، فقد كان قلبها عامراً بالرحمة والحب والحنان، فيما لم تنتفع الأخرى من تقواها الظاهرة، فقد كان قلبها كالحجارة أو أشد قسوة، فدخلت النار بسبب هرة لا قيمة لها في عين تلك المرأة، وهي لا تدرك كم كانت قيمة تلك الروح في عين خالقها، حين نزعت الرحمة من قلبها، فنزعت بذلك الإنسان من داخلها.

(أظن بعد ما عرفت مكانة الطبيب البيطرى المخلص عند ربه ما بقاش عندك ذرة حرج أو ضيق من كونك طبيب بيطرى)

-*-*-*-*-*-*-*-*-*-*-*-*-*-*-*-*-*-*-*-*
بالنسبة للمواد اللى هندرسها فى الفرقة الأولى :
هندرس :
anatomy : تشريح
physiology : علم وظائف الأعضاء
BioChemistry : الكيمياء الحيوية
Histology : علم تشريح الخلايا والانسجة
Genetics : علم الوراثة شبه الوراثة اللي في الاحياء بالظبط ومسائل بردو وكدة
Biostatistics : الاحصاء الحيوية شبه إحصاء ثانوية عامة
English : ودة بييجي دكتور من برة الكلية يدرسلنا أساسيات اللغة والمصطلحات الطبية

-*-*-*-*-*-*-*-*-*-*-*-*-*-*-*-*-*-*-*-*

ودا بإذن الله هنتكلم عليه بالتفصيل وهنعرفكم بكل حاجة فى الكلية فى الندوة اللى هنحددها مع إدارة الكلية بإذن الله ــ وهنعرفكم نظام المذاكرة يبقى ازاى وكمان هنكلمكم عن مجالات الشغل فى كلية الطب البيطرى

طبعا هيشرفنا حضور الاستاذ الدكتور/ محمد الشربينى
رئيس قسم الرقابة الصحية على الاغذية والمشرف على مجموعات التقوية بكلية الطب البيطري جامعة المنصورة

-*-*-*-*-*-*-*-*-*-*-*-*-*-*-*-*-*-*-*-*

[COLOR="rgb(46, 139, 87)"]ملحوظة :
[/COLOR]قامت أسرة صناع الحياة بكلية الطب البيطري جامعة المنصورة بعمل مجموعات للتقوية وهي دروس خصوصيه ولكن مجانيه بعلم ادارة الكليه وتتم في الكليه نفسها وهي تغني عن ظاهرة الكورسات الموجوده حاليا

المسؤلين عن مجموعات التقوية : احمد بدران - احمد خليل

من الاخر سيبك من اي حد يقولك لازم تاخد كورس كل حاجه هتلاقيها في كليتك من غير ما تروح في مكان بره كليتك

وان شاء الله هيتم الاعلان عن ميعاد الندة بالتحديد قريبا ان شاء الله بعد نزول جدول الفرقة الاولى

[dr.ahmed hessien]

بصراحه
بسم الله ماشاء الله موضوع ممتاز جدا

[la docteur.]

Perfect.................

[Dr.Mohamed Attia]

ثانكس يا دكتور وبالتوفيق وياريت تقولنا ميعا الندوة امتى بالظبط