حد يسمع بمعهد هندسة المرج؟

[dsoky2020]

المشاركة الأصلية كتبت بواسطة ابراهيم بلال

هو فيه معاهد هندسة تانيه هتنزل مرحله 3

ممكن انا سمعت معهد هندسه في الاقصر نازل تنسيق مرحلة 3

[ابراهيم بلال]

معهد هندسة الاقصر ده موجود اتصلت بيه قالى لسه هنحدد الحد الادنى الاسبوع ده يا dsoky لما روحت معهد المرج اخدوا منك بيانات ايه وبعد ازنك يعنى هو انته جايب كام فى الميه عشان قالك احنا هنتصل بيك

[ahmed-r]

ممكن بعد اذنك توصفلنا شكله يعنى كبير صغير محترم ولا لانى مرحتش ونفسى اطمن وخايف يكون زى معهد الصفوة يعنى شبه بيت [/center]

[/quote]

ممكن تفهمني ايه موضوع بطاقة الترشيح ده وايه الي هيحصل يعني لو انا قدمت في المعهد نفسه مش في التنسيق ممكن تفهمني اكتر بعد اذنك وانا عمال بتصل بيهم عشان اعرف هقدم ازاي ومحدش بيرد معندكش اي خلفية عن الموضوع ده

ولك جزيل الشكر[/quote]

لا شكر على واجب بص مينفعش اصلا تقدم من غير تنسيق ولو تعرف حد قدم من غير تنسيق فيها بلغنى لانى انا اتصلت بيهم وهما طلعوا الحمد لله تبع التنسيق يعنى هينزلوا مرحلة ثالثة بأذن الله وهما قلولى تعالى جيب اوراقك وبياناتك وده اجراء انت ممكن متعملهوش لانه ملهوش اى لزمة هما فقط بيبقوا عايزين يضمنوا انك جاى عندهم لكن الاول والاخر هو التنسيق لو التنسيق جابك عندهم يبقى انت عندهم غصب عنهم ولو مجلكش يبقى هما نفسهم مش هيقدروا يعملولك حاجة وهيرجعولك ورقك وعلى فكرة انا اتأكد من اكتر من اكاديمية زى مودرن وطيبة و15مايو هل لو انا روحت اول سنة المعهد ده وعايز احولكم ينفع وكان جاوبهم طبعا مفيش مشكلة المهم تعدى السنة الاولى من غير مواد وهنقبلك السنة الجاية يعنى علشان لو طلع اى كلام نبقى مطمنين وربنا يوفقك ويوفقنى يارب اتمنى اكون فدك واسف معرفتش ارد فى رسالة علشان مشاركاتى لم تكتمل 50 ولو اى استفسارات انا تحت امرك السلام عليكم

ممكن اعرف انت جايب كام ؟؟؟

وياريت لو حد قدم يقول ياجماعة قدم مش خده منه بيانات بس ؟؟؟؟؟؟

[ابراهيم بلال]

نازل تنسيق يبقى هياخد من 79.9 هههههههههههههههه

[Broly]

انا ان شاء الله ناوى ادخله وانا جايب 79.62 بس انا مش فاهم حكتبه ازاى فى التنسيق وهو ملهوش طابع تنسيق انا بس عاوز اعرف وخايف لحسم ملحقوش ده اخر امل و اخر قشاية بالنسبة لى وربنا يسهلها لكل الطلبة من عنده

[ahmed-r]

المشاركة الأصلية كتبت بواسطة ابراهيم بلال

نازل تنسيق يبقى هياخد من 79.9 هههههههههههههههه

ياعم حرام عليك ده بجد اخر امل بالنسبالى بالنسبة للهندسة مكنش كده هيبقى علوم حاسب ويعالم دية كمان هتاخد من كام بالتنسيق ده

المشاركة الأصلية كتبت بواسطة broly

انا ان شاء الله ناوى ادخله وانا جايب 79.62 بس انا مش فاهم حكتبه ازاى فى التنسيق وهو ملهوش طابع تنسيق انا بس عاوز اعرف وخايف لحسم ملحقوش ده اخر امل و اخر قشاية بالنسبة لى وربنا يسهلها لكل الطلبة من عنده

والله ده اخر امل بالنسبالى وانا كمان بس انت ان شاء الله ضمنه واكتر منى كمان لانك فى بداية المرحلة ومش ممكن عدده يكتمل فى الفرق البسيط ده لكن انا 78 ربنا يستر بجد وبالنسبة لطابع التنسيق انا لسه معرفش عنه حاجة لانه اول سنة ينزل بس هيظهرلك طبعا فى التنسيق الالكترونى

وادعو ياجماعة انه المعهد اللى فى طنطا والاقصر دول يكونوا فعلا جداد وهينزلوا مرحلة ثالثة علشان الضغط يخف ويقللوا الحد الادنى

[ابراهيم بلال]

يا جدعان فيه معاهد احسن منه هتنزل زى معهد القناه فى السويس

[ابراهيم بلال]

على قكره معهد المرج ده عليه مشاكل اكتبوه فى الاخر خالص

[ahmed-r]

انت متأكد انى فى معاهد تانية هتنزل وهل اتصلت بالقناة ده ولا لا ومعلش فهمنى مشاكل ايه اللى قصدك عليها

[ابراهيم بلال]

ياريس فيه معهد فى القناه نازل وفيه معهد فى المنصورة اسمه المنصوره كولدج و كمان معهد الاقصر كل دول احسن من المرج و المشاكل كان المجلس الاعلى للجامعات مكنش عايز يفتح المعهد مش عارف ايه اللى حصل بقى كان المفروض يفتح السنه اللى فاتت بس انا مش هكتبوا رغبه اولى هكتب بتاع القناه او المنصوره

[ابراهيم بلال]

وكمان مفهوش مدنى ولا عماره

[ahmed-r]

المشاركة الأصلية كتبت بواسطة ابراهيم بلال

ياريس فيه معهد فى القناه نازل وفيه معهد فى المنصورة اسمه المنصوره كولدج و كمان معهد الاقصر كل دول احسن من المرج و المشاكل كان المجلس الاعلى للجامعات مكنش عايز يفتح المعهد مش عارف ايه اللى حصل بقى كان المفروض يفتح السنه اللى فاتت بس انا مش هكتبوا رغبه اولى هكتب بتاع القناه او المنصوره

ممكن اعرف مصدر معلوماتك انى المعاهد دية نازلة يعنى اتصلت بيهم ولا حد قلك ولا ايه لانى محدش اكلم عليها خالص ارجو الرد وممكن معلومات عنهم يعنى ارقام تليفوناتهم ومعلش هتعبك بس عايز اتأكد لانى بجد محدش اتكلم عنهم

[Broly]

يا اخوانا فعلا هندسة المرج عليها مشاكل وكدا ولا ايه

انا بالنسبة لى المنصورة والاقصر بعاد عنى والمرج كان اقرب لى بكتيير

ياريت حد يدخل يأكد الموضوع ده

[ابراهيم بلال]

انته جايب كام يا broly

[mr.toha93]

يا جماعه انا روحت المعهد اول امبارح والعنوان للى عايز يروحه ينزل محطه مترو المرج الجديده ويسأل على محطه بنزين امارات مصر ... هو قصادها وقالولى ان التقديم للمعهد هيكون عن طريق التنسيق من على النت .. وعلى فكره معتمد من وزير التعليم العالى والمصاريف 8002 .... وقالو ان المجوع لسه متتحددش بس مش هياخد اقل من 75% ....... وللاخ اللى بيقول عليه مشاكل يقول ايه هى المشاكل او يبطل فتى ...... المعه كويس مساحته متوسطه وفيه معامل وكل حاجه
...... وانا روحت مودرن وسألت ان كان ممكن احول منه على مودرن قالولى طالما هو معتمد من وزير التعاليم العاالى ممكن تحول منه علينا او على اي معهد ولو في حد عنده اى استفسار تانى انا موجود