حوار مع المتحدث الاعلامى للاخوان

عبد الحميد بدوي · #1 23-11-2014, 01:01 PM

حوار مع أخوانى
ومش أى أخوانى
دا كان المتحدث الاعلامى باسم جماعة الاخوان
الحوار كان فى عز حكم مرسى
السنة اللى شاف فيها الشعب
الهنا اشكال والوان
وسى مرسى
اللى كنت مفكره اصلى طلع تايوان
فى اول الحوار بقوله انتم فين من الجيش؟
قلى الجيش فى جبنا
قلتله الجيش المصرى
عمره ماكان فى جيب حد
ولو حتى كان السيسى اخوان
قلتله انتم فين من الشرطة؟
قلى الشرطة ما بين وبين
قلتله انتم فين من الشعب؟
قلى الشعب يجى بعدين
قلتله يجى فين ؟؟؟
قلتله انتم فاكرين مبارك
حصل فيه اية
قلى ايوة طبعا
الشعب قام عليه
قلتله طيب ليه مستبعدين
ان زى ما حصل مع مبارك
يحصل معاكم ومع مرسى
قلى ببساطة
احنا اللى بنحشدوا الحشود
قلتله ربنا موجود
واللى يشيل مبارك يشيل اى حد
انتم كسرتوا كل الحدود
بعد ما ***تم الامل المنشود
قلتله تعرف مشكلة الاخوان اية؟؟؟؟
قلى اية
قلتله انكم عايزين تعملوا الطهور مع السبوع
والطمع دايما يقل ما جمع
وانتهى الموضوع
وفين مشروع النهضة يا اصحاب المشروع؟
قلتله عارف مرسى عمل اية؟
قلى اية
قلتله
خلى الشعب كله يترحم
على ايام مبارك
وعلى الثورة اللى قامت
وابهرت العالم وغيرت الكون
وفى الاخر لا فيه ثورة ولا يحزنون
ضعيتوا حلم شعب ضعيتوا 80 مليون
وان شاء الله بكرة من غيركم هايبقى
اجمل مهما يكون

الشاعر
عبد الحميد بدوى

نور الندى · #2 24-11-2014, 07:11 PM

حفظ الله مصر وستحيا مصر أم الدنيا دوما شامخة يكفى أنها مذكورة فى قرآننا الكريم

بارك الله فيك