تعديل التخصص والمرحلة للمعلم المساعد

[الدكتور المهندس]

المشاركة الأصلية كتبت بواسطة عصام شاهين

فيه تعديل فعلا وانا كنت معلم فصل عدلت لمعلم فلسفه واتنقلت فعلا بالامر التنفيذى وانا الان معلم ثانوى

ممكن اعرف حضرتك عدلت امتى وازاى وحضرتك تتبع انهى محافظة او مديرية تعليمية وشكراً ولو فيه وسيلة اتصال بينى وبين حضرتك ممكن

[alassal]

المشاركة الأصلية كتبت بواسطة hazem ali

اعتقد انه مينفعش دلوقتى وانت قبلت ليه مدرس فصل من الاول انا تربية عام وجالى تعليم ابتدائى وراضى بيه ومش هغير لان ده نصيبى وانا راضي به احمد ربنا وارضا بنصيبك ياولدى الغلطة كانت من البداية وبعدين تربية تعليم ابتدائى من حقه جدا يشتغل اعدادى لانها اسمها حلقة التعليم الاساسي يعنى من حقه يشتغل فى الاعدادى والابتدائي فى حاجة كمان ممكن واحد يوكن تربية ابتداشى وعنده كفاءة يدرس ثانوى وممكن واحد يكون تربية عام ووالله مايعرف يدى حضانة اساسا فمش مقياس اساسا ارضى بنصيبك ياصاحبي

10/10

مش عارف حتفرق ايه يعنى

هى نفس الدرجه ونفس المرتب

وكمان راحت بال من المشاكل مع تلك المرحله المراهقه

ولا يكون علشان الدروس

التعليم الابتدائى افضل بكثير

[محمد أحمد عبد الراضي]

الادارات لا تعترف الا بتغير التخصص عبر الاكاديميات لذا لابد ان نطالب الاكاديمية بفتح باب تعديل التخصص طبقا للمؤهلات لمن يرغب في تعديل تخصصه لان هناك من يعجبه الوضع او انه لم يجرب العمل في الاعدادي او الثانوي...............الاسكندرية

[wa7ed_bey7ebak]

إلى كل سلبي يرضى بالأمر الواقع الذى فرض عليه ولم يكن بيده " اسكت وخليك فى حالك أحسن " فأنت من بقايا سلبية النظام الفاسد لأنك ترضى بظلمه على نفسك أو على غيرك . قلبي مع كل من يطالب بحقه الذى سلب منه .

[الصصاروخ]

احنا مدرسي الفصل فرضوا عليهم للتحويل جواب يثبت انهم اشتغلوا قبل كده تخصص والتوجيه ما شغلهم في منهم حصل على الجواب من وراء اوبالمحسربية وحول تخصص والباقي قاعد زي ماهو
هذا هو العدل عند المسؤلين
ياربي امتحنوا تخصص وماحولوا وامتحنوا فصل وحولوا ربي ارفع الظلم واهلك الظالمين

[السيد دهب]

يا سيدي الفاضل الدكتور المهندس حضرتك بتسخر من تربية تعليم ابتدائي وبتسميه معلم فصل مفيش مشكله عندنا نحن خريجي التربية تعليم اساسي بس متنساش ان انت وافقت علي هذا العقد بالتعليم الابتدائي ولولا كده مكنتش شغال طول عمرك وخصوصا ان كل تقديراتكم مقبول ولو عندك الشجاعة الادبية يا ريت ترد علي المشاركة بتاعتي

[شيموشيمو]

ما ضاع حق وراءه مطالب

[fatema2004]

المشاركة الأصلية كتبت بواسطة السيد دهب

يا سيدي الفاضل الدكتور المهندس حضرتك بتسخر من تربية تعليم ابتدائي وبتسميه معلم فصل مفيش مشكله عندنا نحن خريجي التربية تعليم اساسي بس متنساش ان انت وافقت علي هذا العقد بالتعليم الابتدائي ولولا كده مكنتش شغال طول عمرك وخصوصا ان كل تقديراتكم مقبول ولو عندك الشجاعة الادبية يا ريت ترد علي المشاركة بتاعتي

عفوا حضرتك نحن لا نسخر من معلم الابتدائي
والحمد للهه تقديرتنا ليست مقبول
وأعتقد الكثير منا كذلك
لكنه حق لابد من الحصول عليه
ولما رضينا بالعقد كان بهدف التغيير يوما ما

[الدكتور المهندس]

المشاركة الأصلية كتبت بواسطة السيد دهب

يا سيدي الفاضل الدكتور المهندس حضرتك بتسخر من تربية تعليم ابتدائي وبتسميه معلم فصل مفيش مشكله عندنا نحن خريجي التربية تعليم اساسي بس متنساش ان انت وافقت علي هذا العقد بالتعليم الابتدائي ولولا كده مكنتش شغال طول عمرك وخصوصا ان كل تقديراتكم مقبول ولو عندك الشجاعة الادبية يا ريت ترد علي المشاركة بتاعتي

اولاً السلام عليكم ورحمة الله وبركاته
ثانياً انا فى كلامى لا ولم اسخر اطلاقا من اى شخص مهما كانت مكانته
ثالثاً انا تحدثت وقلت ما جاء بالقرار نصاً وهو وظيفة معلم فصل يشغلها خريجو التربية التعليم الابتدائى

ثالثاً حضرتك فهمتها سخرية انت حر فى فهمك وقدره ولو لم تراها انت سخرية ما فهمتها سخرية
ولو عايزنى ارد عليك باكثر من كدا انا تحت امر حضرتك
وبالنسبة للتقديرات حضرتك تقديراتى جيد جداً مع دبلومة فى تدريس الماث بتقدير عام امتياز جامعة طنطا علماً بأنه يوجد دبولمة لمدة عام ويوجد قرص تعليميى لعدة ساعات فقط وانا على الرغم من عملى بالتجريبيات ولكن للأسف عقدى على المرحلة الابتدائية مع الرخصة الدولية مع
مع عمل دروس تفاعلية فى مادة الرياضيات ولو حضرتك عايز ابعت لك اى برامج او دروس فى مجال الكمبيوتر والرياضيات انا تحت امر حضرتك
وشكراً ورد علينا حضرتك
وبعدين عيب لما تقول لو عندك الشجاعة رد لو مافيش عندى الشجاعة مش هتعرف على ناس محترمة امثال حضرتك وكل اللى فى المنتدى

[reem_a]

المشاركة الأصلية كتبت بواسطة wa7ed_bey7ebak

إلى كل سلبي يرضى بالأمر الواقع الذى فرض عليه ولم يكن بيده " اسكت وخليك فى حالك أحسن " فأنت من بقايا سلبية النظام الفاسد لأنك ترضى بظلمه على نفسك أو على غيرك . قلبي مع كل من يطالب بحقه الذى سلب منه .

هو ده الكلام ولا بلاش

[hazem ali]

ياجماعة الكلام اللىانتوا بتقوله ده مش صحيح خريج التربية الاساسي من حقه يشتغل فى الاعدادى والابتدائى وارجوكم بقى كفاية تحقير من التربية الاساسي لانهم ناس بجد بيتعبوا جامد وناس عندهم كفاءة عالية لعلمكم انا تربية عام مش اساسي عشان محدش يفتكر حاجة بس بقول اللى يميليه عليا ضميرى وقلنا 100 مرة اسمها حلقة التعليم الاساسي يعنى ابتدائى واعدادى وبعدين المدرس يدرس فى اى مرحلة ميهموش ومحدش يقولي عام ولا اساسي يعنى هو التربوى اللى انت درسته بطبقه ؟ محنا عارفين كل حاجة وعارفين انها على حسب شخصية المعلم بيعرف يتعامل ياريت تبصلها بمنظور انها رسالة بغض النظر عن المرحلة والاخ اللى بيقول ان اللى مش راضى عن الواضع يبقى من النظام الفاسد اعذرنى انت غلطان تفكيرك انت اللى بيقول ان مدرس الاعدادى والثانوى افضل من الابتدائى هو اللى غلط ياريت نغير تفكيرنا ونقول ان كلنا بنأدى رسالة ولازم نراعى ضميرنا فيها خلص الكلام

[fatema2004]

http://www.thanwya.com/vb/showthread...84#post3171084
لكل من يشكو فى الأزهر مثل الدكتور المهندس
تمنيت لو نقلته مكتوب بدل الرابط
لكن الماوس خسان والكى بورد صعبة

الله معاكم للحصول على الحق المهدور من زمن
ولن أترك موجه يقول لى مرة أخرى احمد ربنا
لأننا ولله الحمد نحمده لأن الفضل الأول والأخير منه

لكن لابد من حقنا الذى منحه الله إيانا
وسلبه منا العباد

[tryurty]

انا حاصل علي ليسانس اداب قسم تاريخ وحاصل علي الماجستير في المناهج وطرق التدريس
واعمل معلم فصل ابتدائي؟؟؟
لله الامر

[محمد فيثاغورس]

المحبطين متكلموش خالص انتم اللى جيبنا لورا وبالنسبة لراغبى تغيير المسمى يريت حد يضع تليفون ونحدد مع بعض عليه كلنا من جميع المحافظات ميعاد الذهاب الى الوزارة

[محمودبكالكبير]

يا جماعه الموضوع مش استهزاء بس كان نفسنا يبقي موضوع الانتقال من ابتدائي لاعدادي ميبقاش صعب ويمكن مستحيل وكنك استغفر الله بتغير دينك
نفسنا بس نشتغل في شعبتنا اللي اتعلمناها