هل مستقبلى هيضيع ولافى امل ؟؟؟؟؟؟؟

[zamalek1]

اللى يخلص ثانوى عام علمى ياضة وملحقش هندسة
بيدخل معهد فنى صناعى وبعد كده هندسة
ولا ممكن يعمل معادلة ويدخل اى كلية هندسة هو عايزها
وكمان هل صح الكلام انو يدخل على سنة تانية هندسة عالطول طب ممكن ربنا كرمه ودخل بترول ازاى وهو مخدش سنة اولى هيعرف يكمل
ايه الفرق بين المعادلة والمعهد السنتين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يارب حد يرد عليا
عشان انا نظريا خرجت من حسابات الهندسة عشان جبت 88% فى سنة تانية حد يريح قلبى وعقلى عشان اركز فى ثالثة ثانوى

[Eng.Ahmed Hagag]

يا أستاذ أول حاجة إن المعهد السنتين ده مش مضمون افرض مثلا لا قدر الله مجبتش مجموع هندسة هيبقى معاك تعليم متوسط والمستقبل لا يقبل أي احتمال ولو واحد فالمية مخاطرة يعني مثلا أدخل تجارة وابقى ضامن إني تعليم عالي واجتهد فيها و اكون فالنهاية حاجة كويسة احسن مدخل معهد سنتين وفي الاخر مع عدم توفيق أو ظلم أو أي حاجة إنت على فكرة متضمنش ظروفك هتكون عاملة إزاي فاهم قصدي تلاقي نفسك مستقبلك فعلا ضاع بالفعل و شاهدة التجارة ديه هتكون ساعتها بتحلم مجرد حلم إنها تكون معاك .
بص إنت قدامك حلين من الاخر أول واحد تدخل هندسة خاص بس تشد حيلك شوية عشان السنة دي الخاص الكويس واخد من 89 90%يعني متعملش في حسابك إنها 70 و 80 والكلام ده .
الحل التاني إنك تحول ادبي وتكون إن شاء الله ضامن تجارة انجليش واثار ويمكن كمان لو شديت حيلك شوية تلحق السن أو اعلام إلى هي كليات القمة في ادبي .
وبصراحة شديدة والله أنا بنصحك مش قصدي اصدمك إنك تتصدم دلوقتي احسن متتصدم السنة الجاية احتمال دخول هندسة حكومة لا يتعدى 5% ليك .
اللهم بلغت اللهم فاشهد .

[شريف سرحان]

ادخل خاص وريح نفسك يا اخى

[تاية ف الثانوية العامة]

وهو لما مثلا اخش معهد علشان ادخل هندسة لازم اجيب كام

[rehab rehab]

المعهد بيدخل على اعدادى مش تانية

[zamalek1]

الصراحة انا ظروفى المادية متحتملش هندسة خاص انا هلعب لحد صفارة الحكم لحد اخر نفس من سنة ثالثة ثانوى واللى يحصل يحصل خلاص مبقتش فارقة معايا خاااااااااااااااالص

[Eng.Ahmed Hagag]

المشاركة الأصلية كتبت بواسطة zamalek1

الصراحة انا ظروفى المادية متحتملش هندسة خاص انا هلعب لحد صفارة الحكم لحد اخر نفس من سنة ثالثة ثانوى واللى يحصل يحصل خلاص مبقتش فارقة معايا خاااااااااااااااالص

خلاص بلاش تشاؤم ادي نفسك جرعة امل عشان التشاؤم مش كويس عليك اسال مجرب .

[تاية ف الثانوية العامة]

الصراحة انا ظروفى المادية متحتملش هندسة خاص انا هلعب لحد صفارة الحكم لحد اخر نفس من سنة ثالثة ثانوى واللى يحصل يحصل خلاص مبقتش فارقة معايا خاااااااااااااااالص

مين سمعك يا ابنى والله ظروفى عاملة زيك ويمكن اكتر منك كمان
واللى يزيد ويغطى انهم عندى نجحوا ولاد الناس الكبار اللى ف المنطقة ودهسوا الباقى تحت قطار ولاد الاعيان ف ابورواش عندنا كلهم منزلوش عن 90% والباقى بقى 60 . 70 . 80 .% ربنا يهدى ويدى كل واحد الكلية اللى هو عايزها

[eng/yasmeen]

بلاش موضوع المعهد ده احسن ممكن لاقدر الله متقدرش تجيب الامتياز وكده تبقى خسرت كل حاجة

[om_2000]

موضوع انك تدخل هندسة من معهد دا موضوع مش مضمون لأن الدخول بتكون فى حدود نسبة قليلة جدااااااااااا ، وكمان مش كل المعاهد ممكن تدخل منها هندسة ، واللى بيدخل هندسة من معهد بيدخل من سنة أعدادى

[om_2000]

وبعدين مين اللى قال انك لو مادخلتش هندسة مستقبلك هيضيع ، أديك شايف فى ناس تجاريين ومحاميين ومدرسين فى أعلى الستويات ورنا بيرزقهم أكثر من المهندسين
يعنى الرزق بيد الله وحده ، المهم انك تعمل وتجتهد بصدق فى المجال اللى هتدخله

[zamalek1]

شكرااااااااااااااااااا بس هعمل اللى عليها واللى فى الخير يقدمه المولى

[abdelRhman772007]

معهد سنتين إلى حد ما مضمون لأن لما بتدخل المعهد بيبقوا متعاطفين جدًا مع الناس اللى من ثانوى
و بيروقولهم أعمال السنة و بيبقى قدامك مجهود فى حجات معينة تعمله

يعنى لو كانت مش مضمونة فهى مش غدارة
بمعنى لو دخلت معهد و اجتهدت إن شاء الله هتدخل هندسة يا جميل

بالتوفيق ،،،،،،،

[zamalek1]

هتذاكر= مش هاتسقط (1)
مش هتذاكر= هاتسقط (2)
بجمع المعادلتين (1) و(2)
هتذاكر+مش هتذاكر =هاتسقط+مش هاتسقط
هتذاكر (1+مش) =هاتسقط (1+مش)
بالقسمة على (1+مش)
هتذاكر=هاتسقط

[zamalek1]

هتذاكر= مش هاتسقط (1)
مش هتذاكر= هاتسقط (2)
بجمع المعادلتين (1) و(2)
هتذاكر+مش هتذاكر =هاتسقط+مش هاتسقط
هتذاكر (1+مش) =هاتسقط (1+مش)
بالقسمة على (1+مش)
هتذاكر=هاتسقط