الأزهريون يمنعون مسئولى مجلس الوزراء من الخروج

[afathypc]

حاصر الأزهريون المعتصمون أمام مجلس الوزراء بوابات المجلس، ومنعوا المسئولين من الخروج، حيث أغلقوا طريق شارع مجلس الشعب بشكل تام.

ومنع المتظاهرون السيارات من العبور للشوارع الرئيسية الأخرى مفترشين الأرض، مما اضطر المسئولين للرجوع للمجلس من جديد.

من جانب آخر حاولت سيارة اقتحام الاعتصام وفتح الطريق ونتج عن ذلك أصابه ثلاثة من المعتصمين إصابات بسيطة، الأمر الذى جعل المعتصمون يقومون بتكسير زجاج السيارة الامامى.

وكان أوائل جامعة الأزهر دخلوا فى اعتصام مفتوح أمام مجلس الوزراء أمس للمطالبة بتعيينهم على الدرجات الخالية فى الجامعة.

المصدر

اليوم السابع

[ام رهف]

مش صح اللي بيحصل ده اعتصام سلمى اه انما قطعالطريق وحبس الموظفين غلط ومش حضاري

[شعبان عاشور]

ما ضاع حق وراءه مطالب

[MR.Mamdouh Ramadan]

مش صح اللي بيحصل ده

[Mr.Sayed El-Zayyat]

ده غلط اكيد

[khaledelsaed]

هو ده الصح ....... دي طريقه طلبنا لحقوقنا في مصر
لازم القوة .... وايقاف الدنيا عشان ناخد حقنا
انما لو تكلمنا وطالبنا بحقوقنا باحترام ... ابقى قابلني لو حد عبرك ولا سأل فيك
اسف على الكلام ده ... لكنه اصبح حقيقه واقعية

[ام رهف]

المشاركة الأصلية كتبت بواسطة khaledelsaed

هو ده الصح ....... دي طريقه طلبنا لحقوقنا في مصر
لازم القوة .... وايقاف الدنيا عشان ناخد حقنا
انما لو تكلمنا وطالبنا بحقوقنا باحترام ... ابقى قابلني لو حد عبرك ولا سأل فيك
اسف على الكلام ده ... لكنه اصبح حقيقه واقعية

الحقيقة المرة

[fatema2004]

والله رجالة أنهم منعوهم من الخروج
ولولا أولادى وصغر سنهم لكنت معاهم
كفاية 5 سنوات وداخلين على السادسة بورقة وقلم رصاص

[NazeeH]

[الاستاذة نجلاء علي]

• التعيين في الجامعة له نظامه و يعتمد علي الاحتياج الفعلي و ليؤمن كل انسان ان اللة لايضيع اجر من أحسن عملا فأنتم قد اجتهدتم فانشاء اللة سيوعوضكم اللة خيرا بس بالعقل كيف سيتم تعيين الاول و الثاني علي الدفعة من اول 2002حتي 2010 فكم يكون عدد المعيدين في كل كلية طبعا سيكون فائض عن احتياج الكلية وعلي فكرة انا كنت الثانية علي الدفعة 2005 و حصلت علي ماجستير و انا الآن في حيز التشكيل للدكتوراة و أعمل مدرسة بالعقد في الازهر و لكن عندي أمل في ربنا كبيربس غلط كل اللي بيحصل ده و انتم كنتم فين من زمان البلد ما تستاهلش مننا كل دا في هذا الوقت لم يستجد عليكم شيئا كأن مثلا كنتم معينين و تم تحويلكم لاداريين أو تم فصلكم من الجامعه فأين كنتم من 2002 ان كان لكم حق التعيين مش معني انكم من الاوائل ان يتم تعيينكم في الجامعة فالتعيين في الجامعة له شروطه و أولها الاحتياج الفعلي

[Hamada Radwan‏]

هذا من فبل الفساد ولا يصح من الازهرية ان يقطعوا على المارة

[ahmedelassal]

دى مش بلطجه البلطجه الصح شوفتها فى موقف عربيات فى طنطا اتنين بلطجيه ثبتوا راجل امام الناس وطلبوا منه فلوس ورافعين السكينه ومحدش قادر يتحرك من الدهشه