مرتب المتعاقد زاد 4.80جنيه (( الأزهر الشريف))

[tarekezzat2005]

فوجئنا نحن مدرسى الأزهر المتعاقدين هذا الشهر بأن الزيادة السنوية للمرتب كانت 10 % بس من الأجر الأساسى المجرد يعنى اللى هوه 48 جنيه , يعنى تبقى الزياده أربعة جنيه وثمانين قرش ,,,,,,, بالزمة مش دى مسخرة وكلام فارغ , وحاجة تخنق بجد يعنى المرتب يزيد كل سنة أربعه جنيه ,, وده على المدرسين المتعاقين بس ,,, يعنى بحسبة بسيطة كده المرتب بتاع أى مدرس متعاقد هيزيد 100 جنيه فى كام سنة بقى ؟؟ فى 25 سنة ,,,, وكأن المدرس المتعاقد ده ابن ......... آسف بس فعلا أنا مخنوق جدا ,,, بنعمل شغلنا زى المدرس العادى ويمكن أكتر وساعات بناخد شغل زياده عن شغلنا وبنعمله والجز....... فى بقنا وساكتين علشان منقدرش نتكلم ليه ؟ علشان احنا متعاقدين ,,, زمايلنا اللى راحو اشتغلو فى شرم الشيخ ووزعوا الخمور على الأجانب دلوقتى اتجوزوا وجابو شقه زى الفل وعايشين أحلى عيشة ( ربنا يكرمهم يارب ) واحنا زى محنا , ,,,,,,,, بقول لشيخ الأزهر احنا اتفائلنا كتير لما سيادته مسك الأزهر وقلنا ان شاء الله هتفرج , بس واضح ان احنا حلمنا كتييييير , وصحينا على كابوس ,,,,بصراحة أنا مخنووووووووووووووووووق جدا , وياريت نناقش الموضوع ده ونكبره لأعلى مستوى يمكن ناخد حقنا , ونقدر نشيل كلمة ( متعاقد ) دى اللى بقت وصمة عار وصخرة على راس كل مدرس

[Black thema]

اخى الفاضل
احنا كلنا حاسين بحالة الغضب الا جواك لان دية فعلا حاجة فوق الاحتمال و الكلام معدش بيجيب فايدة لكن اوعا غضبك يخليك تقتصر الطريق زى اصحابك دول و تغضب ربنا مش معنى انهم بيوزعوا خمره على الاجانب و جابوا شقة و عربية انهم خلاص ارتاحوا ابدا والله دول دخلوا فى سكة الحرام و انت راجل ازهرى و عارف السكة دية اخرتها اية استعذ بالله من الشيطان الرجيم و ارضاء بالى ربنا كتبهولك و انشاء الله حقنا حنخده و حنبقا احسن من غيرنا لان ربنا عارف احنا تعبنين قد اية فى شغلنا متخليش شيطانك يغلبك ربنا يوفقك و يوفقنا كلنا

[Observer]

عندك حق فى كل كلمة وكل حرف

[احمدشمس]

يااخي ال4 جنية دول ثروة ممكن تعمل بيهم كل حاجة تقدر تتجوز وتجهز نفسك بيهم كمان صبرني يارب

[احمدشمس]

دبلوم تربوي بأد كدة ودورة كمبيوتر بأد كدة والاخر 4 جنية حسبي الله ونعم الوكيل

[طارق الشعواطى]

بسم الله الرحمن الرحيم

السيد الأستاذ الدكتور/

السلام عليكم ورحمة الله وبركاته

نرفع إليك شكوانا نحن المدرسون المتعاقدون بالأزهر الشريف ونطلب من سيادتكم أن ترفعوا الظلم الواقععلينا وتعيدوا إلينا حقوقنا المهضومة فنحنمن تم اختيارنا للعمل كمدرسين في المعاهد الأزهرية عن طريق المسابقات الرسمية المنشورة في الصحف القومية وأثبتناكفاءة كبيرة في عملنا بشهادة الرؤساء والتقارير الفنية للموجهين .

فقد تم خصم مبالغ مالية من رواتبنا تتراوح ما بين الـ (50) وال (70) جنيهاً من بداية السنة المالية 2009/2010م وعندماقمنا بالاستفسار عن ذلك أخبرونا بأننامتعاقدون وأنهم كانوا يحسبون العلاوة الاجتماعية في السنوات السابقة على أساسالأجر الشامل 148.80 جنيها كما كانوايحسبونها للمثبتين ولأننا متعاقدون فلا يمكن أن نتساوى بالمثبتين ولذلك سوف يخصم ما كنا نتقاضاه ونحاسبعلى مربوط الدرجة والذي هو48 جنيها وبالتالي حسبوا كل زيادات السنوات السابقة على أساس 48 جنيها وخصموا الفارق ماعدا زيادة30 %لأن لها حد أدنى بمعنى أن أي زيادة تأتي ليس لها حد أدنى سوفتحسب على أساس مربوط الدرجة 48 جنيه. وبالتحديد فإن الخصم وضح في مفردات مرتباتنا في بند علاوة غلاء المعيشة ( عغ م ( 4 ) ) تم الخصم من 20.88جنيهاإلى 7.20 جنيها وفي بند ( ع غ م ( 5 ) ) تم الخصم من 43.20 إلى 14.40جنيها أي خصم 42.48 جنيها شهريا منراتبنا نحن المتعاقدون .ثم تم حساب العلاوة الاجتماعية عن أعوام 2009 و 2010 بمبلغ 4.80 جنيها عن كل عام
علما بأن هذا الإجراء خاطئ لانالعلاوة تحسب من اساسى آخر مرتب قبضه المتعاقد قبل نزول قرار العلاوةوهذا طبقا للمادة الثانية من القانون 128 لسنه 2009 والقوانين السابقة بشأن منحالعلاوة الخاصة للعاملين وكذلك المادة الثانية من قرارات وزير المالية التي تنصباحتساب العلاوة الخاصة المقررة من الأجر الأساسي والمكافآت الشاملة المستحقةللعامل فانه يتم حساب العلاوات الخاصة لهم على اساسى المرتب في آخر شهر قبل العلاوة
وهذا يعنى أن العلاوةتحسب من الأساسي وليس من مربوط الدرجة وبما أن اساسى مرتب المتعاقدين في الأزهر فيسنه 2008 وسنه 2009 كان 148ج فمن المفروض أن تكون علاوة غلاء معيشة 4 لسنه 2008قدرها44.40ج وعلاوة غلاء معيشة 5 لسنه 2009 من المفترض أن تكون 14.8ج وعلاوة 2010من المفترض أن تكون 15.3 لان اساسى العام الماضي 153ج

ولقد تم تدارك هذا الخطأ بالنسبة لمتعاقدي التربية والتعليم حيث تم تحرير فوارق هذه العلاوات وصرفها بأثر رجعى عن العامين السابقين بواقع 30 جنيها لكل شهر أما في الأزهر فلا حياة لمن تنادى !!!!!!!!!!!!!!!
ألسنا نحن أيضا نواجه الغلاء وجشع التجار وارتفاعالأسعار كزملائنا المثبتين ؟!! ألسنا مسئولونعن أسرنا وأولادنا واحتياجاتهم المتزايدة يوما بعد يوم ؟ !!

لذا نرفع هذه الشكوى إلى سيادتكم مطالبين برفع شكواناإلى من له الأمر بمساواتنا بزملائناالأساسيين في كافة الحقوق
نطالب برفع الخصم الجـائر من المرتباتوبأثررجعى كما تم الخصم بأثر رجعىأسوة بزملائنا المتعاقدين بالتربية والتعليم
والذين تخطى راتبهم الشهرى388جنيها في حين أصبح راتبنا بعد العلاوة الأخيرة 314جنيها .

ولسيادتكم جزيل الشكر

مقدمه لسيادتكم
المتعاقدين بمنطقة سوهاج الأزهرية
عنهم /

[طارق الشعواطى]

هذه الصيغة جاهزة للارسال فقط اكتب عليها بعض اسماء المتعاقدين وشكرا

النيابة الادارية فاكس 25792303
التنظيم والادارة فاكس 22637804
شيخ الازهر فاكس 0225883064
الرقابة الادارية فاكس 22915403


ارجوكم ابعتوا علشان صوتنا يوصل

[محمدطعيمة]

يا جماعة
مع احترامي ليكم
ومصدقكم ، لكن فيه أساسي (( 48 )) جنيه ؟!!!!!!!!!!!!!!!
كيف يحدث هذا
أساسينا في التربية التعليم كان ( 153)) جنيه وبعد الزيادة في (( 7)) أصبح أساسينا في التربية والتعليم
((183)) جنيه يعني الأساسي زاد (( 30 )) جنيه .
والمرتب كان ((364)) لمن متعاقد (2008) و((336)) لمن هو تعاقد (2009)
والحاجات دي أنا عارفها بالتفصيل لأنني ((ولأننا متعاقدين ولا يسأل فيناأحد )) كل شهر أنا الذ ي أقوم بإرسال استمارة المرتب الإدارة ثم أحضر الشيك وأصرفه وأقوم بصرف الراتب للزملاء في المدرسة ، يعني معلم + سكرتير يعني وكله بصوابه
أكيد فيه حاجة غلط فتشوا عنها يا رجال ولا تيأسوا ولا تستسلموا وربنا معاكم

[Black thema]

المشاركة الأصلية كتبت بواسطة طارق الشعواطى

هذه الصيغة جاهزة للارسال فقط اكتب عليها بعض اسماء المتعاقدين وشكرا

النيابة الادارية فاكس 25792303
التنظيم والادارة فاكس 22637804
شيخ الازهر فاكس 0225883064
الرقابة الادارية فاكس 22915403


ارجوكم ابعتوا علشان صوتنا يوصل

الله ينور عليك بجد اهو هو ده الكلام

[Eslam Farouk]

المشاركة الأصلية كتبت بواسطة محمدطعيمة

يا جماعة
مع احترامي ليكم
ومصدقكم ، لكن فيه أساسي (( 48 )) جنيه ؟!!!!!!!!!!!!!!!
كيف يحدث هذا
أساسينا في التربية التعليم كان ( 153)) جنيه وبعد الزيادة في (( 7)) أصبح أساسينا في التربية والتعليم
((183)) جنيه يعني الأساسي زاد (( 30 )) جنيه .
والمرتب كان ((364)) لمن متعاقد (2008) و((336)) لمن هو تعاقد (2009)
والحاجات دي أنا عارفها بالتفصيل لأنني ((ولأننا متعاقدين ولا يسأل فيناأحد )) كل شهر أنا الذ ي أقوم بإرسال استمارة المرتب الإدارة ثم أحضر الشيك وأصرفه وأقوم بصرف الراتب للزملاء في المدرسة ، يعني معلم + سكرتير يعني وكله بصوابه
أكيد فيه حاجة غلط فتشوا عنها يا رجال ولا تيأسوا ولا تستسلموا وربنا معاكم

فعلا فيه حاجة غلط مش مظبوطه !!

[the keng]

حسبي الله ونعم الوكيل

[tarekezzat2005]

اتعلم صح تتعين صح تاخد مرتب صح تعيش صح تتجوز صح تخلف صح تربى ولادك صح وتكبرهم صح ,,,,,, علشان مخكو ميروحش بعيد ,,,,,,,,, كل ده بره مصر
فضحونا جوة مصر وبرة مصر بأكذوبة الكادر ,, وان الكادر ده هو اللى هيعيشنا صح وللأسف معظمنا صدقهم ويمكن أكون واحد منهم مبنكرش ,,, فكر معايا كده أيها المدرس الشاب المتعاقد أو حتى الغير متعاقد ,, مرتبك بعد الكادر زاد كام ,,, اتحداك لو الزياده ده تتقدر تجيبلك قميص وبنطلون ,,, أو حتى ييجو نص ايجار شقه من الأسكان الشعبى ,,, او حتى يجيبو 2 أو 3 كيلو لحمة ,, ( فاكرين اللحمة ياجماعة ؟؟؟؟ ) احدى القنوات الفضائية كانت جايبة فيلم تسجيلى من الهند وبلاد شرق آسيا وكان التقرير عن الناس اللى عايشين تحت خط الفقر وركز معايا ,,, اللى تحت خط الفقر وطلع دخلهم أكثر من 125 دولار يعنى بالمصرى حوالى تقريبا 650 جنيه مصرى , دول اللى هما مش عايشين أصلا ,,, يبقى انت بقى يامدرس ياشاب ( يامتعاقد ) من سنة ولا اتنين ولا تلاتة ولا حتى أربعة بتاخد كام وقارن بين نفسك وبين اللى مش عايشين فى الهند ,,, هتلاقى نفسك ميت من زمااااااااااان ,,,,,
فى سؤال كان دايما بيخطر فى بالى وياريت تجاوبولى عليه ,,, عمرى ماسمعت ان وزير من الوزرا عين ابنه مدرس او فى أى وظيفة من الوظائف اللى فى نفس مستوى المدرس , وطبعا انتو عارفين الإجابة ,,, وبوجه كلامى لشيخ الأزهر تخيل ان ابن فضيلتك اشتغل مدرس متعاقد ورجعلك آخر الشهر ومعاه 150 جنيه اذا كان مش مميز ,,, أو 234 جنيه مرتب أول شهر لو كان مميز تخيل كنت سيادتك هتقوله ايه علشان تشيل حالة الإحباط اللى عنده ,,,,وياريت تتخيل حضرتك ان احنا كلنا ولادك ومحبطين جدا من هذه المرتبات المُحبطة ,,, ياترى ايه اللى ممكن سيادتك تعمله علشان نخرج من الحالة دى ,, ونرجع نشتغل بنفس ,,, ياريت

[mano2010220]

حسبي الله ونعم الوكيل

[hishamhassan]

حسبي الله ونعم الوكيل

[طارق الشعواطى]

عايز الكل يشارك ويبعت فاكسات ارجوكم اتحركوا