الموضوع بجد

[موطف بالاكاديمية]

المشاركة الأصلية كتبت بواسطة alaaelden

ازاى يعنى ؟ يعنى الدفعة الاولى والتانى هيتعينوا والدفعة اللى بعد كدة اللى هى التالتة والرابعة هيتعينوا على السنة المالية الجديدة؟ يعنى على سبعة 2011 ؟ طيب الناس اللى لسة هيمحنوا هيتعينوا فى السنة المالية 2012 طيب والدفعة التالتة والرابعة مثلا لو زى ما قلت على السنة المالية الجديدة الجاية 2011 والناس اللى كانت مقدمها فى الدفعة التالتة والرابعة عقدهم هيخلص فى 1/3/2011 (ودية السنة التالتة بتاع المد) يبقى ازاى؟

انا باقول اللى عندى ويرضى ضميرى يابنى
اذا كنا مش عارفين الناس اللى اتمدت سنة 3 هيمتحنوا امتى الى الان واللى هيسقط هيمتحن امتى
والفاصل الزمنى بين الامتحانين 6 شهور
اه ممكن يثبتوهم قبلها او بعد دة شغل المالية والمحافظين وبتوع الدرجات المالية لا افهمة انا

[موطف بالاكاديمية]

اشكركم والله كل من اثنى عليا وكل من تقدنى واتريق عليا انت مثل اولادى
واتمنى من الله التثبيت لكم
اهم حاجة الادب والبعد عن الاسلوب الحاد فى الحوار
سلام عليكم

[ام مرام]

جزاك الله كل الخير عنا
ارجو من حضرتك ان تنتظر الثواب من الله وعدم الاهتمام بالنقد الموجه اليك ومرة أخرى
جزاك الله كل الخير والصحة والعافية

[AlaaElden]

المشاركة الأصلية كتبت بواسطة موطف بالاكاديمية

مش مهم شغال اية
كل محافظة ووزارة لها عدد من الدرجات المالية اللى راح الاول يبقي فرصتة احسن واولى
تفتكر لية الوزارة طالبة الاسماء على اربع دفعات يارب تقتنع
انت مجموعة رابعة بسبب الموظف لو مكنتش رحت كنت ضعت انت تبع اكاديمية اية دى مصيبة
والله انا ما بافهم فى الحاسب والنت الا الصبح فى العمل زميلى بيفتح ونرد او لما بيجي حد من العيال
وظيفتى مالكش دعوة بها والا اية

طيب اية معنى لما الموظف يدينى رقم 71قدا م اسمى فى الكمبيوتر لما قلتله انامقدم الاصل icdlفى شهر12

[savagexx2000]

كل واحد فى دماغة حاجة مصمم انها الصح يرفض الكلام الحقيقي

اصبت كبد الحقيقة. وجزاكم الله خيرا.
ابتغى بعملك وجه الله ولا تلتفت لاحد.

عن أبي هريرة رضي الله عنه عن النبي صلى الله عليه وسلم قال يقول الله تبارك وتعالى أنا أغنى الشركاء عن الشرك من عمل عملا أشرك معي فيه غيري تركته وشركه (صحيح مسلم)
وخرجه ابن ماجه ولفظه فأنا منه بريء وهو للذي أشرك )

[roosy]

طب هو فى سؤال معلش انا كنت مقدمه افاده النجاح فى icdl من مركز التطوير اللى تبع التربيه والتعليم
فى المنصوره وانا تبع اكاديميه دمياط طلبوها من مندوب الاداره الكلام دا فى شهر 12 بعتها ولسه راحه يوم 13/7 اودى الاصل اكتشفت ان اسمى مرحش الكلام دا مش لوحدى دا اكتر من زميل بنفس الطريقه المهم سجلنى وقتها وقالى انتى كده فى الدفعه الرابعه
السؤال ممكن اقدم شكوى والتحق بالدفعة التانيه لان الريبورت بتاعى اصلا الامتحانات فيه من شهر 10 ونهايتها 3/11/2009 واصل الشهاتده كمان بتاريخ 8/3/2010 يا ترى ايه رأى حضرتك ؟؟؟؟

[mena gerges123456]

حضرتك عند ذهابك الي الاكاديمية الرجاء التاكد هل وصل فاكس ايضا بمد تقديم icdel مرحله خامسة ام لا تنتهي في 30-7


الرجاء التاكد وابلااغنا ؟ علي يوم الاحد كدة يعني جزاك الله خيرا وشكرا علي اهتمامك وتعبك

[زياد الشلقامى]

شكرا لك ونرجوا الاستمرار معنا

[أ/سلوى]

المشاركة الأصلية كتبت بواسطة the keng

انا عايز واحد يرد عليا
هل لو فيه تثبيت مكنش الوزير نفسه طلع وقال الكلام ده في الجرائد الرسمية وكان خد شكر وثناء وتقدير ولو فيه تثبيت في الازهر شيخ الازهر ساكت ليه لحد دلوقتي
لكن الحقيقة اننا ندفن نفسنا في الرمال مثل النعام ونسمع اي كلمة حتي لو كذب ونطلع بيها السماء
انا مش بكدب العضو الجديد
ولكن بقولوه لا توجد نية لدي الحكومة بتثبيت المتعاقدين في التربية والتعليم او الازهر وكل اللي بيحصل في الاكاديميات مجرد انهاء اوراق وتضييع في الوقت يعني الاكاديمية من شهر 2 لدلوقتي مخلصتش
والله العظيم كله كلام فاضي والدولة دي مش دولتنا

بس في الاخر بقول لكل المتعاقدين متبكيش علي حالك لانك انت السبب فيه لو فيه رجالة من الاول ذي فرنسا مكنش بقي عقود دول ولعوا الدنيا

انا لا ادعو لل*** او التطرف ولكن بقول اني مكنشي فيه ولا رد فعل في مصر علي العمل بالعقود

و25/7 لازم يتنظم كويس

وإلا مش رايح يجيب نتيجة يعني لازم نتخلي عن خوفنا شويه

اسف علي طول تعليقي ولكن دمي محروق

جبت من الآخر

لكن مين يسمع؟؟
المتعاقدين اتهانوا كتييييييير
ولسه برضه مصدقييين
ويقولوا خليكوا متفائلييين
ورا كلام فاضى ماشييييين
وبكل الطرق خسرانييييين
ما انتواا اللى ساكتييين
وبكل انواع الذل راضيييين
امتى حتفوقوا يا نايميييييين
كفاية ..ده احنا بشر عايشين

[ticon55]

والله انت رجل محترم بس طمنا

[khalil elnaggar]

لم يأتي ولن يأتي دي اوهام لانهم اربع مراحل بس فعلا

[hishamhassan]

جزاك الله خيرا

[temos6]

انا قدمت الاصل بعد الامتحان لان انا واخد ال icdl من سنة 2007 بس قدمت بيان النجاح فى 25/6 والموظفة قالتلى انت مقدم صورة بس وبعدين روحت للمدير لقتهم مجمعين الاصول ولقيت شهادتى عندهم واخد صورة طبق الاصل وادنى الاصل يبقى انا دفعة كام وانا مقدم بيان النجاح فى 25/6

[AlaaElden]

المشاركة الأصلية كتبت بواسطة temos6

انا قدمت الاصل بعد الامتحان لان انا واخد ال icdl من سنة 2007 بس قدمت بيان النجاح فى 25/6 والموظفة قالتلى انت مقدم صورة بس وبعدين روحت للمدير لقتهم مجمعين الاصول ولقيت شهادتى عندهم واخد صورة طبق الاصل وادنى الاصل يبقى انا دفعة كام وانا مقدم بيان النجاح فى 25/6

دية ف الاكاديمية ولا الادارة؟

[mmagdy_81]

[quote=موطف بالاكاديمية;2413172]انا باقول اللى عندى ويرضى ضميرى يابنى
اذا كنا مش عارفين الناس اللى اتمدت سنة 3 هيمتحنوا امتى الى الان واللى هيسقط هيمتحن امتى
والفاصل الزمنى بين الامتحانين 6 شهور
اه ممكن يثبتوهم قبلها او بعد دة شغل المالية والمحافظين وبتوع الدرجات المالية لا افهمة انا[/quot

السلام عليكم لى عند حضرتك استفسارلو سمحت:انا مخلص الرخصه الدوليه الى هى الاى سى دى ال من شهر واحد ورحت قدمت الافاده بالاربع موديولات قبل ظهور النتيجه .تمام
وبعدين لما رحت رجعت الورق قبل 20/5 لقيت الموظف معلم قدامى انى دفعه اولى والحمد لله .تمام
ولما طلبوا السبع موديولات رحت اكترمن مره ووديت السبعه وسمعت الموظف بنفسه بيقول للمدام اللى معاها حطيه مرحله اولى الشرقيه والكلام ده كان قبل 10/6 واطمنت وروحت .تمام
وبعدين رحت اراجع ورقى يوم 29/6 لقيت البيه بيقولى انك مقدم اربعه فقط فاخد منى صوره تانيه وعلم قدام السبع موديولات على الكمبيوتر وانا شفتها والحمد لله
هل انا حضرتك كده دفعه اولى ام تالته ياريت تفدنى وتطمنى لو سمحت واسف على الاطاله ابنك السلفى