هندسة المنيــــــــا ... اجمع هناااااااا

[Alex_mfs]

إلي كل من حول إلي هندسة المطرية
الموضوع دة خطير جداا
انا لقيتة علي الفيس
بعنوان : اضحك انت في هندسة المطرية
معلش لم استطع إضافة اللينك علشان انا عضو جديد
ولمن يريد التاكد فليبحث علي الجوجل بهاذا العنوان


ديه شوية حقائق طريفة على كليتنا يا جماعة مجرد تسلية

1- أما تنزل من المترو وتبقى المواصلات بتاعتك عباره عن صندوووووق وفى كراسى جواه يبقى أنت رايح هندسه المطريه



2- أما تلاقى ان سواق الصندوق قصدى الميكروباص بيقول على الكليه ( الكلبــــه ) يبقى اكيد انت فى هندسه المطريه



3- أما تيجى داخل الكليه ويوقفك بتاع الأمن عشان شكلك يمكن يكون مش عاجبه ومن دون البنى أدمين كلها ينولك شرف أنه يشوف الكارنيه تبقى انت أكيد فى هندسه المطريه



4- اما تلتزم لرجل الأمن وتطلع الكارنيه بكل أحتراااام وفجأأأأأه تلاقى أن الكارنيه اللى موقفك عشانه عباره عن كارتونه أو حته من ورق لحمه يبقى أنت فى هندسه المطريه



5- أما تيجى تدخل ناحيه مدرج عبد الرازق وتلاقى التلاجه بتاعه الميه دى (اللى عمرى مبشرب منها ) الصرف بتاعها مغررررررق الارض تبقى أنت فى هندسه المطريه



6- أما متلاقيش غير مدرررررررررررررج واااااااااااااااااحد لدفعه كامله متقلش عن 1000 (ألف) يبقى أنت فى هندسه المطريه



7- أما تيجى على نفسك وترضى بالأمر الواقع وتدخل تحضر فى المدرج ده وتلاقيه مكسررررررر (البنشات مكسوووورة ) يبقى أنت أكيد فى هندسه المطريه



8- أما وأنت قاعد فى أمان اللــــه ومركز فى المحاضره وتلاقى بنوته كل ذنبها انها بتحضر فى المدرج تصوت يبقى انت اكيد فى هندسه المطريه



9- أما تركز وعاوز تعرف البنت دى صوتت ليه وتلاقى أن فى وسط المدرج قطـــــــه (حيوان داخل المدرج ) البنت دى أتخضت منها يبقى أنت أكيد وربنا فى هندسه المطريه



10- أما وانت قاعد تلاقى جنبك أو وراك طلاب مهندسين يعنى بس للاسف أطفااااااااااااااااال فى أفعالهم ويقعدوا يشغلوا أغانى وسط المحاضره يبقى أنت فى هندسه المطريه



11- أما تلاقى واحد أو واحده بنت أو ولد يعنى تقول للبنى أدم لو سمحت اسكت عشان نفهم يقول لك بكل دبلوماسيه مش عاجبك أطلع اقعد قدام او يكبر دماغه ولا كأنك قلت له حاجه يبقى أنت اكيد فى هندسه المطريه



12- أما تلاقى ان المايك الوحيد اليتيم للدفعه كلها باااااااااااااايظ وبيووووووش والمعلومه اللى الدكتور بيقوله فيه بيقولها صح لكن أحنا بنسمعها غلط عشان بايظ يبقى أنت فى هندسه المطريه



13- أما دكتوررررررر عارفين يعنى ايه دكتوررررررررررر اما يدخل والمايك بايظ يضايق ويقول مش هشرح غير أما تصلحوا المايك (بيقول للطلبه سبحان الله العقل زينه وربنا ) يبقى أنت فى هندسه المطريه



14- أما تروح عشان تحضر سكشن فى معمل الميكانيكا وتكتشف فجأه أنك دخلت ساوناااااااا يبقى انت فى هندسه المطريه



15- اما تيجى بعد متخرج من الساونا وتكتشف انك مش قادر تعباااااان وعاوز تغسل وشك او تغسلى وشك وتدخل التواليت أو الحمام ( المراحيض يعنى فى هندسه المطريه ) وتكتشف ان مراحيض ميدان التحرير وربنا وربنا أنظف من اللى فى الكليه تبقى أنت فى هندسه المطريه



16- أما تعرف أن مراحيض الكليه المهندسين الكراااااااام بيقطعوا فيها حته الحشيش ويلفوا فيها سجاير الحشيش يبقى أنت فى هندسه المطريه



17- اما تخرج بئى من المغامره فى عالم المراحيض الخاصه بالكليه وتكتشف أن أنت حاسس أنك لسه جواه مع أن أنت دخلت معمل الفيزياء يبقى أنت فى هندسه المطريه



18- أما تيجى على نفسك وتدخل معمل الكيمياء وتكتشف أن ورشه الأسطى بليه العبيط أنظف من معمل الكيمياء يبقى ان فى هندسه المطريه



19- أما تدخل الوررررررررش وفجأه تكتشف انك بقيت الاسطى بليه عشان ماده ملهاش لزمه وياررررريت ورش ذات مواصفااااااات كويسه يبقى انت فى هندسه المطريه



20- اما تبقى فرحااااااااان بئى وفجأه تكتشف أن عندك رســــــــــــم هندســــى وتروح الصاله وتقعد تدور على لوحه مش منقره ولا مكسره عشان ترسم عليها يبقى انت فى هندسه المطريه



21- أما تخلص رسم وتبقى تعباااااااااااااااان مش قادر ومصدع (الف سلامه يابشمهندس الف سلامه يابشمهندسه ) وتبقى لازم تفطر بئى وتروح الكافتيريا وتتصدم يبقى انت فى هندسه المطريه



22- اما يبقى الصدمه أنك متلقيش أكل زى مهو مكتوب لأنك ببساطه اى سندويتش بيبقى تلات ارباعه بصل وطماطم وخس وكاتشب وتدور على اللى انت طالبه تلاقى منه عينات فى السندويتش يبقى أنت فى هندسه المطريه



23- أما تيجى على نفسك وتشترى سندويتش بصل لأنك مش قادر بجد تطلع بره الكليه وتيجى تدور على مكان عشان تقعد تلاقى ان الأماكن المخصصه للطلبه عشان يرتاحوا الاماكن المكسره أكتر من السليمه زى عند مبنى عماره كده يبقى أنت فى هندسه المطريه



24- اما تكون أنت بئى لسه عندك صحه وتعترض وتقول لأه أنا هجيب سندويتشات من بره وتخرج وفجأه تكتشف انك هتختار من بين فول أو فول (طعميه يعنى مهى بردوا فول ) او بطاطس مهريه قصدى مقليه يبقى انت فى هندسه المطريه



25- او لو أنت فى يوم عاوز تغير وتاكل كبده أو سجق من جنب بتاع الفول وتكتشف أنك لو أكلت من عنده هيجى لك تسمم تبقى انت فى هندسه المطريه



26- بعد مفطرت والحمدلله قلت ترجع على الكليه تانى وفجأه فجأه تلاقى بتاع الأمن يقول الكارنيه لو سمحت تااااااااااانى فى نفس اليوم اللى أنت وريته الكارنيه الكارتون أو بعدها بيوم يبقى انت فى هندسه المطريه



27- أما تكون خلصت دراستك وتحب تلعب فى ملعب الكليه وفجأه تكتشف أنك مش محتاج الزى الرياضى لأ محتاج مايووووووه لا أوعا تكون فاكر انك هتلعب كره ماء لأ هتلعب كره قدم بين مياه الصرف الصحى يبقى انت اكيد فى هندسه المطريه



28- اما تبص فى ساعتك وتلاقى ان الساعه خمسه المغرب وأنت جااااااى من الساعه ثمانيه الصبح وتكون ناوى تروح بيتك وتكتشف أنك لازم تحضر سكش هيخلص الساعه سته ونص يبقى انت أكيد مش انسان انت فى الحاله دى شوال ايوه شوال بيملوه معلومات بالعافيه يبقى أنت فى هندسه المطريه



29- أما تيجى ماشى من ورا مبنى عماره وأنت داخل على الورش وفجأه تلاقى اتنين مهييسين قصدى مهندسين بيحششوا يبقى انت فى هندسه المطريه



30- أما تعرف أن فى طلبه بتتثبت جوه الكليه يبقى انت أكيد وربنا فى هندسه المطريه



31- أما تيجى تبص فى شكل المهندس اللى بيثبت المهندسين الغلابه اللى ملهومش فى حاجه( عشان كل ذنبهم أنهم درسوا الثانويه بره مصر )وتلاقى أن فى جوه الكليه معاك متشردين يبقى انت فى هندسه المطريه



32- أما تيجى قاعد فى سكش رياضه لاحد عمالقه الكليه فى الرياضه أحدى اسدين قصر النيل فى هندسه المطريه (أنا مش بقول كده تقليل لا والله بقول كده لأنهم بجد جامدين علميا ) وتلاقى ان فى مهندس جنبك مش عارف يعنى ايه تحليل أو مش عارف انت خرجت المقدار ده بعد اليساوى ويسأل انت غيرت الاشاره بتاعته ليه يبقى أنت فى هندسه المطريه



33- أما تيجى بئى فى أول الترم وتدور على مكتبه الكليه اللى هتشترى منها الكتب وفجأه تكتشف أن الصندوق اللى انت بتيجى بيه من محطه المترو لحد الكليه أنظف من الصندوق الكارتون اللى بيبيعوا لنا فيه الكتب يبقى انت فى هندسه المطريه



34- أما تشترى الكتب كلها وتذاكر من ورق المحاضرات او الكورسات وتيجى أخر الترم وتكتشف ان الكتب لسه بالكيس بتاعها لأنك بجد مستفدتش منها يبقى أنت فى هندسه المطريه



35- لما الدكتور أو الدكتورة يخليك تشترى الكتاب بالطريقه وغصب عنك لأن فيه شيت هيتقدم ومينفعش يتقدم الالو اشتريت الكتاب يبقى أنت فى هندسه المطريه



36- أما تيجى ماشى فى الكليه وفجأه تلاقى زحمه( زحمه يادنيا زحمه ) وتكتشف أن الطلبه دى واقفين عشان يمتحنوا عملى وهيدوسوا على بعض ياعينى يبقى أنت فى هندسه المطريه



37- أما تلاقى الأمن بيطردك من الكليه ويقول لك يلا يابشمهندسين عشان الكليه هتقفل يبقى أنت فى هندسه المطريه



38- اما تكتشف ان الكليه اللى أنت فيها بتقفل قبل ميعاد حديقه الحيوانات بربع ساعه ويمكن فى نفس الوقت يبقى انت فى هندسه المطريه



39- أما تبقى رايح الكليه على الصبح وبتقول يارزاق ياكريم على الصبح وتلاقى أن زميلك فى الكليه بيقول لك أزيك ياشقيق أو أزيك ياأسطى أو أزيك يامعلم أو أزيك ياشبح وتحس أنك فى غرزه مش فى كليه يبقى انت فى هندسه المطريه



40- أما تبقى الكليه اللى أنت فيها مفهاش غير مبنى واحد عليه القيمه (عماره ) يبقى أنت فى هندسه المطريه



41- أما يبقى الجدوووول فيه سكشن أول سكشن الساعه ثمانيه الصبح واللى بعدها تبقى المحاضره الخامسه وانت تفضل قاعد فى الكليه مش عارف تعمل ايه فى الوقت الفاضى يبقى أنت اكيد فى هندسه المطريه



42- أما يبقى عندك امتحان ميد تيرم وتيجى عشان الامتحااان تفضل تدور على الاماكن اللى هتمتحن فيها لحد قبل الامتحان بحاجه بسيطه يبقى انت فى هندسه المطريه



43- أما تلاقى أن معهد المطريه معرووووووووووووووف ومشهوووووور أكتر من الكليه اللى انت فيها يبقى أنت أكيد فى هندسه المطريه



44- أما تقرأوا كل المميزات الجامده أخر حاجه دى وانت عاااااااادى خالص ومش مستغرب يبقى أنت أكيد عارف كل المميزات دى يبقى أنت أكيد طالب فى هندسه المطريه



45- أما واحد صاحبك يقول لك أنت فين دلوقتى تروح بكل فخر تقول له انا فى هندسه المطريه يروح قايل لك ايه هندسه المطريه دى دأنا ولا عمرى سمعت عنها فى مجله ميكى يابنى ولا حتى فى طبق اليوم يبقى انت اكيد فى هندسه المطريه

<LI id=post64461 class="pvm uiUnifiedStory uiStreamStory genericStreamStory uiListItem uiListLight uiListVerticalItemBorder">وخدوا دول كمان

1- لما تبدأ تنزل كشوفات الطلبة والسكاشن بعد بداية الدراسة بشهر تأكد انك فى هندسة المطرية

2- لما تنزلك الكتب قبل امتحنات المدترم بالسبوع فا ابتسم انت فى هندسة المطرية

3- لما تمتحن امتحان العملى الفينل فى اول السنة وتكتشف انه بيسألك شفوى فى النظرى والكرثة انك ماتعرفش تجاوب بالرغم انك مذاكر فتأكد انك فى هندسة المطرية

4- لما تكون فى الامتحان ومشعارف تحل ويجيلك الدكتور ويقولك هاع اصل الامتحان كله تركات مش هايحله غير اللى فاهم بيتفنن فى عذاب الطلبة طبعا وخدين دالكوا معايا علشام كدة لازم تفرجوا انتوا فى هندسة المطرية

5- لما يجيلك الدكتور يقولك اوعوا تخافوا من مدتى وتكتشفوا فى الاخر انه كان بس بيهديكم علشان تخدوا على دمغكم وكل شوية عروستى تأكدوا انكم فى هندسة المطرية

6-لما تيجى الصبح شايل ادوات الرسم كلها مع الكميا ويجى حارس الامن بكل غباء فين كرنيهك تقولش جايب الحجات ديه كلها علشان ابيعها فى الكلية علشان كدة لازم تفرح انت اكيد فى هندسة المطرية


7- لما تلاقى ان كليتك الحمد لله مفهاش غير 4 اقسام فقط لاغير فتأكد على طول انت فى هندسة المطرية


8- لما تلاقى ان اقوى قسم فى كليتك بيقبل من مجموع جايب الارض اعرف انك فى هندسة المطرية

9- لما تلاقى ان كليتك بيدخلها حيوانات مفترسة من الشارع (كلاب) تقولش جاين يتعلموا كلاب مثقفة بقى طبعا يبقى انت فى هندسة المطرية

10- لما تروح عند شباك شئون الطلاب وتلاقى ان الاستاذة المحترمة موظفة الشئون طرشة او بتاكل اعرف انك فى هندسة المطرية

11- لما تلاقى ان ملعب الكورة عندك فى الكلية فيه ابار من ابار الصرف الصحى والدنيا عايمة وكله مشمر وبيلعب ومحدش عاوز يصلحه تقولش بير بترول فا متتعجبش انت فى هندسة المطرية

12- لما تلاقى ان الملعب ده مبيتصلحش غير فى الاجازة وفى الدراسة بقدرة قادر البير ده بينفجر اعرف انك فى هندسة المطرية
13- لما تيجى المدرج علشان تستنى الاستاذ الدكتور علشان يحكيلك عن ابنه اللى فى (الجامعة الامريكية) وبنته اللى فى (الجامعة الالمانية) وعن مغامراته فى دول العالم الاول (اوربا وامريكا) تقولش بحكى مغامرات هركليز وزينا فتأكد انك فى هندسة المطرية

14- لما يدخلك الدكتور فى المدرج ويحسسك انك مابتفهمش وانك ولا حاجة يبقى انت فى هندسة المطرية

15- لما تحضر محاضرة لغة الساعة 6.30 باليل وتلاقى واحد مبتسم للحياه تقولش عامل دعايا لاحسن معجون سنان ويخليك تعرب جمل بالانجليزى اعرف انك فى هندسة المطرية
16- لما تلاقى ان كليتك الوحدة على مستوى الجمهورية بتاخد المتلاب بالاضافة لدورة ال (I C D L) فابتسم انت فى هندسة الطرية


17-لما تلاقى ان نسبة نجاح الطلبة فى الكلية 62.5% و 535 واحد ساقط الحمد لله نسبة تفرح فأبتسم وتفائل انت فى هندسة المطرية

18-لما تلاقى ان اعلى قسم بياخد مجموع عندك هو العمارة بالرغم ان مهندس العمارة عندك اسمه معمارى فقد فى ايه انت وشطرتك فتأكد انك فى هندسة المطرية