اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > قصر الثقافة > الصور والفنون المتنوعة

إضافة رد
 
أدوات الموضوع انواع عرض الموضوع
  #1  
قديم 19-06-2015, 11:52 PM
bahaaeldeen bahaaeldeen غير متواجد حالياً
مشرف متميز قسم كلية الفنون الجميلة والتطبيقية
 
تاريخ التسجيل: Jun 2008
المشاركات: 1,127
معدل تقييم المستوى: 17
bahaaeldeen is on a distinguished road
News2 لكل واحد خايف وقلقان ع امتحانات الثانوية العامة


امتحانات بايخة؟ عكيت فى امتحان والعياذ بالله؟
حاسس انك مش قادر تركز فى الامتحانات وخايف متجيبش مجموع هندسة او طب؟
بتدور على كلية ممتازة وتكون حكومية عشان متتعبش اهلك فى المصاريف وتنجح فيها؟
بتفكر تدخل كلية بجد تخليك قوى فى سوق العمل وتكون حكومية وعملية زى هندسة وطب وصيدلة؟؟
اقرا البوست دة هيغير حياتك للاحسن بس ركز فيه من فضلك

دلوقتى فى كليات عملية جدا هتخليك تشتغل بجد وتوصل للى عايزه وتضمنلك مستقبلك
كليات فنون جميلة وفنون تطبيقية وتربية فنية
خلى بالك من الاشاعات فى معلومات غلط منتشرة ودة بيخلى الناس تبعد عن دخول الكليات دى مع انهم لو عرفوها مش هيقدموا الا فيها


لو انت عايز تدخل هندسة بمجموع عالى اوى وتبقى ف نقابة المهندسين وتدخل القسم ف هندسة بتنسيق اعدادى,
طب مانت ممكن تدخل فنون جميلة عمارى بمجموع اقل حوالى 2 او 3% وساعات 4% بس لازم تنجح فى امتحان القدرات بتاع عمارة
هتدرس 5 سنين عمارة من اعدادى وتدرس مواد فنية جنب مواد العمارة والهندسة يبقى انت هتدرس اكتر وخمس سنين من غير تنسيق داخلى ولا بهدلة,
وكمان شهادتك هتبقى تبع نقابة المهندسين بكالريوس قد الدنيا وتتخرج من ضمن 600 مهندس كل سنة بيشتغلوا اكتر ناس لان معاهم قوة فنية وهندسية طبعا مع احترامنا لكل الكليات والاقسام
مش بتدرس فيها نظرى الا 2% والكلية بتطور موهبتك جداااا بشكل غير عادى

طب مجموعك قل حوالى 5% عن هندسة او طب او صيدلة وراحت خالص بشكل كبير وكنت علمى علوم او رياضة وجبت 90 او 91% مثلا بحد اقصي
طل مانت ممكن تدخل فنون جميلة قسم هندسة الديكور او فنون تطبيقية تصميم داخلى واثاث
اقسام ممتازة بتدرس كل مواد هندسة عمارة وتصميم داخلى كمان ودة قسم مجالاته مفتوحة وناجحة اوى جوة وبرة مصر وخصوصا انك بتبقى مصمم عمارة داخلية ومهندس ديكور وينفع كمان معمارى ناجح لو اخدت خبرة وبتدرس كل اقسام فنون وقسم يتبع نقابة المصممين ومهندسي الديكور بمصر وقريبا فى نقابة المهندسين وبتدرس كل مواد هندسة وتصميم وفن وبتتخرج ديزاينر ممتاااااااااز فى كل المجالات
كل اللى عليك هتمتحن قدرات فنون جميلة فنون او فنون تطبيقية او الاتنين لو حابب

طب لو انت ادبي ممكن تدخل فنون جميلة فنون برضو بمجموع قليل حوالى 80 81% بس ليك جرافيك وتصوير ونحت وكل قسم فيهم عاملينلهم توبيك فى القسم بتاعنا على المنتدى
وممكن تدخل ديكور لادبي بس ف اسكندرية بس بتنسيق داخلى
بدل ما تدخل كلية نظرى تتخرج منها مش قوى فى سوق العمل وتشتغل بواسطة عشان معاك اكتر من 10 الاف خريج زيك

نيجى بقة لتربية فنية بتدخلها من اى شعب وبرضو ليها امتحان قدرات ودى الكلية الوحيدة هى وتربية نوعية اللى بتخرج مدرس رسم وكمان مش اجبار وبتاخد حوالى 70% ويمكن اقل كمان
لانك بتختار عايز تربوى او تثقيفى يعنى تدرس الرسم للتدريس ولا للفن زى باقى الكليات وبالكورسات العملية فى التصميم والخبرات هتلاقى نفسك ديزاينر ممتاز ليك مجالك وشاطر فيه بطريق مختصر وسهل

المهم ان فنون جميلة وتطبيقية عمرها ما تخرج مدرس رسم ودة ببساطة لانك مش بتدرس مواد تربوية والمعلومات دى غلط تماما
فنون جميلة وتطبيقية كليات ممتازة ليها مستقبل جميل وبتخرج عدد طلبة قليل ومش شرط تكون ممتاز فى الرسم ويكفي اوى اوى ان بيتخرج كل سنة 400 طالب بس ف كل الكليات

كل اللى هتقدر تعمله عشان تمتحن قدرات وتضمن دخول الكلية انك تدخل على القسم بتاعنا وهنرد على اى استفسار وهتعرف كل حاجة من الالف للياء من اول مواعيد القدرات لحد ازاى تعدى الامتحان لحد كل التفاصيل

اضغط هنا عشان تدخل القسم بتاعنا
وريح دماغك ومتتعبش نفسك ومتضغطش على نفسك محدش بياخد نصيب ولا رزق حد بس شغل مخك كويس وفكر فى كلامى الموضوع مش نصب ولا كدب انت كل اللى عليك هتقدم للامتحان ف الاجازة من مكتب التنسيق وهنقول كل المواعيد عندنا فى القسم بتاعنا
الموضوع سهل وبسيط عايز بس تعرف الدنيا ماشية ازاى
على فكرة امتحان القدرات سهل مش لازمله موهبة فذة ولا شغل فنانين كبار كل اللى عليك تقدر تاخد فيه كورسات والموضوع بسيط اوى اوى اوى اوى طالما نفسك وحابب

مستنيينك فى القسم بتاعنا وتحت امرك فى اى وقت

رد مع اقتباس
  #2  
قديم 19-10-2015, 04:44 PM
mahmooooud mahmooooud غير متواجد حالياً
عضو مجتهد
 
تاريخ التسجيل: Dec 2011
المشاركات: 117
معدل تقييم المستوى: 13
mahmooooud is on a distinguished road
افتراضي

بارك الله فيك
رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 03:40 AM.