خبر تعييين 72 ألف معلم مساعد أكيد + القرار

[eslamic]

المشاركة الأصلية كتبت بواسطة سمراء الاسكندرية

معلش انا عندى سؤال حتى الناس اللى امتحنت الكادر ونجحت بس لسة مكملوش 3 سنين حتتعين انا تعاقد 1-12-2008 يعنى مكملتش 3 سنين على الرغم من انى كنت شغالة قبل كده سنتين بعقد عادى ب104 واشكرك على سعة صدرك

طالما حضرتك امتحنتي الكادر ونجحتي فيه يبقي خلاص مفيش شرط ال3 سنين وإن شاء الله من المعينين

[Amr 82]

مبروك يا جماعه

[سمر2011]

الف مبروووووووووووووووووووووووووووووووووووووووووووووك
وعقبال الجميع

[Amr 82]

80 مليووووووووووووووووووووووووووووووووووووووووووووووو وووووووووووووووووون
مبروك

[eslamic]

المشاركة الأصلية كتبت بواسطة لوجين20

مبروك لينا
وعقبال اللى بالحصه
ميرسي عالخبر
وفى انتظار التنفيذ وليس القرار
نحن نثق فى حضرتك

أولا شكرا علي ثقة حضرتك
ثانيا بالنسبة للتنفيذ فدا بياخد شوية وقت حوالي شهر
لإن المرحلة القادمة صدور قرار من المحافظ
بعد كدا لجنة من شئون العاملين بالمديرية ثم يصدر قرار من المديرية
بعد كدا يرسل القرار للإدارات وتبدأ في تنفيذه
( انا الحمد لله اتعينت دفعة 1/3 اللي فات القرار صدر يوم 14/2 واستلمت العمل يوم 20/3 دي تقريبا الفترة اللي ما بين صدور القرار وتنفيذه )
بس متقلقيش لإن التنفيذ هيكون بأثر رجعي من 1/7

[سمراء الاسكندرية]

الف شكر لحضرتك لردودك السريعة ولان حضرتك بتبعث فينا الامل من جديد

[rawda12]

مبرووووووووووووووووووووووووووووووووووووووووووووووو وووووووووووووووووووووووووووووووووك

[marwasamy]

المادة الثانية: يصدر المحافظون ـ كل فى نطاق تخصصه ـ القرارات اللازمة لتعيين المعلمين المساعدين وما يعادلها الى الوظيفة المستحقة لكل منهم ومنحهم بدل الاعتماد المقرر قانوناً، وذلك اعتباراً من 1/7/2011


ربنا يستر والمحافظين ما يلعبوش بينا


خوفى انهم جددوا لينا عقد لغاية 2012 وعلى درجة معلم مساعد بالرغم من تكملة الشروط

[eslamic]

المشاركة الأصلية كتبت بواسطة marwasamy

المادة الثانية: يصدر المحافظون ـ كل فى نطاق تخصصه ـ القرارات اللازمة لتعيين المعلمين المساعدين وما يعادلها الى الوظيفة المستحقة لكل منهم ومنحهم بدل الاعتماد المقرر قانوناً، وذلك اعتباراً من 1/7/2011


ربنا يستر والمحافظين ما يلعبوش بينا


خوفى انهم جددوا لينا عقد لغاية 2012 وعلى درجة معلم مساعد بالرغم من تكملة الشروط

لا متقلقيش المحافظ هينفذ القرار طالما انه قرار وزاري
وبالنسبة لتجديد العقود فدا كان إجراء طبيعي لإن السنتين بتوع عقد المعلم المساعد خلصو
لكن بعد قرار التعيين العقود دي خلاص ملهاش أي قيمة
ومبروك التعيين

[خالد خلف الله]

المشاركة الأصلية كتبت بواسطة eslamic

الأخ ( قلبك حنين ) اعتقد مشاركة حضرتك مالهاش علاقة بالموضوع وانا بقول الكلام دا لإني لاحظت ان الرد اتكرر في كذا موضوع اخر
طبعا الكلام لاغبار عليه علشان محدش يفهمني غلط ولكن ( لكل مقام مقال ) ولا إيه

لا خير في مجلس لا يذكر فيها اسم الله

[خالد خلف الله]

المشاركة الأصلية كتبت بواسطة لوجين20

عندك حق وانا سبق وعلقت عالموضوع ده

لا خير في مجلس لا يذكر فيها اسم الله فلا تنسوا ذكر الله جل وعلا

[salem177]

أصدر الدكتور أحمد جمال الدين موسى وزير التربية والتعليم قرارا إداريا بتعيين 72 ألف معلم مساعد فى وظيفة معلم، بعد اجتيازهم امتحان الكادر الأخير، والذى عقدته الوزارة فى 1 إبريل الماضى داخل مقار كليات التربية بالجامعات الحكومية.

وبموجب قرار الوزير سينتقل المعلمون المساعدون الناجحون فى الكادر إلى درجة معلم، ومن المقرر أن يبدأ تنفيذ القرار فى 1 يوليو المقبل.

من جهته، أكد مصدر مسئول بوزارة التعليم أن قرار التعيين سيشمل المعلمين المساعدين الذين حجبت الوزارة نتائجهم عند ظهور النتيجة العامة، ثم أنهت الحجز عند استكمالهم لبياناتهم بالمركز القومى للامتحانات التقويم التربوى والأكاديمية المهنية للمعلمين .

[سمر سيتى]

يارب يا مسهل

[heema44]

أصدر الأستاذ الدكتور أحمد جمال الدين موسى القرار الوزارى رقم 244 بتاريخ 27/6/2011 ونص على: المادة الأولى ( يتم اتخاذ إجراءات التعيين للمعلم المساعد وما يعادلها والذين اجتازوا الاختبارات الخاصة لكادر المعلم وحصلوا على شهادة الصلاحية واستوفوا الشروط المطلوبة فى وظيفة معلم أو مايعادلها وفقا للمادة 73 من القانون رقم 155 لسنة 2007 المشار اليه.
المادة الثانية: يصدر المحافظون ـ كل فى نطاق تخصصه ـ القرارات اللازمة لتعيين المعلمين المساعدين وما يعالها الى الوظيفة المستحقة لكل منهم ومنحهم بدل الاعتماد المقرر قانوناً، وذلك اعتباراً من 1/7/2011....
خالص التهنئة للزملاء الأفاضل...

[بحر العرب]

مبارك للجميع