كلية سياحة وفنادق جامعة حلوان...هنا

[Cave Man]

ايون يا جماعه انا بردو سياحه وفنادق بس انا مش متفائل لأنى مكنتش عايزها اساسا يلا كل اللى يجيبه ربنا كويس فرقت اثار معايا ع درجتين يلا
والانترفيو 16/8 بس بردو كالعاده انا مش متفائل وبيقولوا انه معلومات عامه ربنا يستر
يا جماعه احنا كلنا اخوات اللى يعرف حاجه او اللى عارف حاجه من السنه اللى فاتت ياريت يقولنا
والله ما متفائل

[sympathique]

- قسم ادارة فنادق (دراسات فندقية)


تعد الدراسة فى قسم ادارة فنادق من وجهة نظرى المتواضعة من افضل الدراسات بانسبة للاقسام لان مجال العمل بالنسبة لقسم ادارة فنادق واسعة بشكل كبير اوى.

حيث ان الحاصل على بكالوريوس سياحة وفنادق قسم ادارة فنادق

يستطيع العمل فى اى قسم من اقسام الفندق المختلفة .

ويحق للحاصل على بكالوريوس السياحة والفنادق شغل الوظيفة الشاغرة بدلا من الحاصل على المعاهد الخاصة للسياحة والفنادق وبمرتب اعلى .

ومن مجالات العمل :
1- العمل فى المطعم والتدرج فى الوظائف الى ان توصل لمدير مطعم او مدير قاعة او مدير حفلات .
2- العمل كموظف فى المكاتب الامامية ويشترط ان تكون متمكن فى اللغة الانجليزية بشكل رئيسى ولغة اخرى على الاقل ويفضل ان تكون لغة منفردة كالروسى او الاسبانى او اى لغة اخرى حيث ان ذلك يوفر عليك كثيرا فى التدرج فى الوظائف داخل الفندق وفى القسم الذى تنتمى اليه؟

3- العمل كطاهى فى قسم المطبخ(شيف) وذلك يشترط ان تكون على قدر من السرعة فى الاداء ومتمكن فى عمل الوجبات وللعلم الكلية بتقوم بتدريب الطالب على كل ذلك وبيكون عنده خلفية كبيرة اوى عن جميع الاصناف .

قسم ادارة فنادق:
القسم ده بيحظى باهتمام كبير اوى فى الكلية بس فيه حاجة عايز اوضحها ان دراسة المطبخ اساسية فى هذا القسم بمعنى ان الطالب اللى مش بيحب المطبخ ميدخلش القسم ده؟
ويقوم قسم المطبخ فى الكلية بعمل الوجبات امام الطلاب ومشاركتهم فى العمل وعمل جميع الاصناف من لحوم واسماك وخضار وارز وحلويات وغيرها .

وايضا هناك المطعم وبيتم التدريب على اكمل وجه فى المطعم ومعرفى طريقة التقديم المناسبة للمطعم حيث ان هناك الخدمة على الطريقة الامريكية والخدمة بالسرفيس الفضى وخدمة الجريدون وغيرها من الخدمات ولكل منها خصائصها.


ثم ان الكلية بتقوم بتدريب الطلاب لمدة شهرين كل سنة بعد انتهاء الامتحانات وذلك يتيح للطلاب معرفة وطبيعة العمل فى مجال السياحة واكتساب الخبرات ؟

اكرر مرة اخرى فيه وظائف كتيرة اوى .

[Cave Man]

شكرا جدا جدا جدا يا شريف ويارب عقبال منتخرج منها ونلاقى شغلانه كويسه
( تفائلت نوعا ما .... فى امل )

[dodo gogo]

ياجماعه انا خلود انا اتقبلت سياحه وفنادق حلوان وخايفه جدا من الانترفيو وربنا يستر انشاء الله

[a7med.kimo]

علي فكرة محدش رد عليا عموما .. انا حولت حلوان . ونتيجة التحويل كمان بعد 3 ايام من النهاردة ومعني كدة ان لو نفع وحولت حلوان الانترفيو هيفوتني في حلوان والفيوم ... قي معاد تاني
ولو عاوز اسال اسال فين بالظبط .. وياريت تردوا عليا

[محسن عبدة]

السلام عليكم يا اعضاء المنتدى انا مصطفى محسن بازن اللة هبقى فى سياحة وفنادق بس لسا الانترفيو يوم 16 عندى سؤال معلش هوتقديم الاستمارة يوم16 بس مكنش نفس يوم السحب
ياريت والنبى حد يرد عليا بسرعة لحسن انا مخنوق وخايف

[soha fouad]

يا احمد مادام انت في القاهرة
روح بكرة ع طول الكلية اللي في المنيل العنوان مكتوب في اول صفحة وتدخل شئون الطلبة وتسأل الميعاد امتي وتسألهم ع انك محول والحكاية دي
وياريت تروح الجامعة قبل نتيجة التنحويل عشان يمكن تكون في خطوة المفروض تتاخد

[soha fouad]

بص يا محسن انت رحت الكلية اللي في المنيل تمام
و وريتلهم ورقة الترشيح واخدت وصل يثبت انك رحت ودفعت الفلوس وكله حاجة مظبوطة واختاروا ليك يوم الانترفيو بتاعك

الخطوة اللي بعد كده انك هتروح الكلية يوم الحد الجاي عشان الانترفيو وبعدين تطلع النتيجة
ونبقي بعدين نقدم في الكلية

[محسن عبدة]

هاى يا جماعة اى حد موجود عيزين نتكلم شوية
ويجوبنى هنقدم اة يوم16

[محسن عبدة]

بصى انتى اسمك سوها انا مصطفى محسن المهم انا بسال على الاستمارة هتتقدم 16 بس مع صورى والبطاقة صح

[محسن عبدة]

هى الاستمارة معاكى قصدى وهنقدمها يوم 16 صح بس متخدتش فى نفس يوم سحب الاستمارة صح

[soha fouad]

يا محسن مش هنقدم حاجه احنا هنروح نمتحن بس تديهم الوصل اللي اخدته و وورقة النجاح بتاعك والورقة بتاعت الرغبات اللي المفروض تبقي معاك


وان شاء الله خير

[محسن عبدة]

هو مفيش حد بيرد عليا لية

[soha fouad]

بص يا محسن انت هتروح ومعاك استمارة النجاح
ورقة الرغبات اللي بتملي فيها بياناتك وتدبس فيها واحد من الوصلين وصورة

ويستحسن تاخد معاك صورتين للظروف وانا هاخد معايا بطاقة الترشيح (ضمانا للظروف)

[محسن عبدة]

انا مصطفى ومحسن يبقى ابويا وانتى عاملة اة دلوقتى انتى يوم16 معانا عيزين كلنا نبقى مع بعض ونجهز نفسناواللة بقالى تلات ايام قاعد من الشغل عشان اظبط حالى بس انا خايف يارب استر
هو مفيش حد الا انا وانتى اللى فتحين