فرحي في التليفزيون

[**تسابيح**]

السلام عليكم ورحمة الله وبركاته
بما اني فاضية فأنا مقضية وقتي ادام التليفزيون
انك تكون فاضي حاجة وحشة مش فاضية اوي يعني بس كثير
المهم فيه قناة اسمها مسايا كل لما اتفرج عليها اتقعد
ايه الناس دي بجد ...مين دول ونقعد بئا نحسب في الأسعار
مسايا دي قناة للأفراح بتذيع الفرح وكمان بالمرة مكان الكوافير اللي العروسة راحت عملت فيه شعرها
والحلاق اللي العريس عمل فيه القصة الجديدة إعلان بمعني أصح
والقاعة ...
بصراحة يعني الواحد لما يتأمل في الأفراح دي وخلي بالكم من التأمل دا
بيكتشف ان الأفراح دي بتبقي باهظة الثمن بالنسبة للقاعة وكمان الكوافير وكمان هتطلع ع التليفزيون
السؤال المهم هو العريس دا بيشتغل فين ؟ مش فاهمة ؟
ومش عارفة ليه بيسرفوا كل الحاجات الباهظة علي ليلة يعني مش يأخذها يعملها عمرة أحسن
والأغرب أن العروسة بتغير كل شوية فستان هي الناس دي بتغظنا ولا ايه
والأغرب بئا ان واحد وخطيبته عارضين الخطوبة في القناة
انا مش من أنصار الخطوبة اللي ع الواسع ,لان محدش عارف النصيب فين
كل واحد حر ..بس شايفة ان دلوقتي القناة تعتبر الوحيدة
بعد كدااا ...هتنتشر القنوات دي ..وكل عروسة هتطالبها بحقها في عرض فرحها في التليفززيون
المشكلة بجد أن العروسة بتبقي محجبة وزي الفل
وتلاقي هاتك يارقص بئا ...ومش بس اللي في القاعة بتفرجوا دا كل العالم بيتفرج
بس العقل حلو بس
هيرد حد يقول احنا لاقيين نتجوز
اومال اللي في التليفزيون دول جايين منين

[الأستاذة ام فيصل]

اهلا بعودتك تسابيح نورتي المنتدى
ليك حق الدنيا اصبحت مظاهر وبس
واي قناة تلفزيونيه اعتمادها على الاعلانات
فما بالك في قناة كلها اعلانات
كل مايهم اصحاب هذه القنوات الحصول على اكبر وارد مادي ولا يهتمون بما يفكر فيه الاخرين
وكنا مرتاحين لما كانت القنوان التلفزيونيه تبع الدوله
شكرا على الموضوع وربما مناقشة الشابات في الموضوع ستكون مجديه اكثر
تحياتي

[مس منه]

كل البنات بتحلم باليوم ده يا تسابيح ولو دخلت جوه دماغك دلوقتى هتلاقى انك انتى كمان نفسك فرحك يبقى كده والدنيا كلها تشوفه
صح ولا لالالالا
لكن بقى الامكانيات هى اللى بتتحكم الناس دى هتلاقى عندها بابى ومامى ومشاريع وشركات ومصروف فايد الولاد قد مرتب 10 من المدرسين اللى هنا
لو اتقدملك شاب كويس على خلق وشغله مناسب وحالته الماديه والاجتماعيه مناسبه وفيه قبول هتلاقى نفسك بتوافقى من غير تفكير ولو يستاهل هتلاقى نفسك بتتنازلى عن حاجات كتير كنتى رسماها علشان هو يستاهل
ربنا يرزقك بالزوج الصالح اللى يراعى ربنا فيكى ويحققلك كل اللى بتتمنيه

[**تسابيح**]

المشاركة الأصلية كتبت بواسطة الأستاذة ام فيصل

اهلا بعودتك تسابيح نورتي المنتدى
ليك حق الدنيا اصبحت مظاهر وبس
واي قناة تلفزيونيه اعتمادها على الاعلانات
فما بالك في قناة كلها اعلانات
كل مايهم اصحاب هذه القنوات الحصول على اكبر وارد مادي ولا يهتمون بما يفكر فيه الاخرين
وكنا مرتاحين لما كانت القنوان التلفزيونيه تبع الدوله
شكرا على الموضوع وربما مناقشة الشابات في الموضوع ستكون مجديه اكثر
تحياتي

ع فكرة الموضوع مش بس انه بيعرضوا فرحهم وبيسرفوا مصاريف باهظة
لا كمان بيبقي العملية هايصة جداا في الفرح
بمعني ان العروسة حاطة ميك اب وكمان بترقص ودا ادام الملايين في العالم وعادي بئا ...!!
ربنا يهدي
شكراا لحضرتك

[**تسابيح**]

المشاركة الأصلية كتبت بواسطة مس منه

كل البنات بتحلم باليوم ده يا تسابيح ولو دخلت جوه دماغك دلوقتى هتلاقى انك انتى كمان نفسك فرحك يبقى كده والدنيا كلها تشوفه
صح ولا لالالالا
لكن بقى الامكانيات هى اللى بتتحكم الناس دى هتلاقى عندها بابى ومامى ومشاريع وشركات ومصروف فايد الولاد قد مرتب 10 من المدرسين اللى هنا
لو اتقدملك شاب كويس على خلق وشغله مناسب وحالته الماديه والاجتماعيه مناسبه وفيه قبول هتلاقى نفسك بتوافقى من غير تفكير ولو يستاهل هتلاقى نفسك بتتنازلى عن حاجات كتير كنتى رسماها علشان هو يستاهل
ربنا يرزقك بالزوج الصالح اللى يراعى ربنا فيكى ويحققلك كل اللى بتتمنيه

ههههههههههههههههههه
انت بتهزري
هو فيه حد بيعمل فرحه مرتين
يعني انت ضامنة لما تعملي فرحك ع التليفزيون والناس تشوفك وانت في احلي صورك
مفيش حد ف الفرح يتهور ولا حتي العروسة
دا كفاية جمال الميك اب
ربنا يسعد الجميع يابنتي
شكراااااااا