فيه بنت محترمة تدخل المنتدي بعد الساعة 12 بالليل؟

[bondosh]

مفهاش حاجة طالما البنت محترمة وتشوف مواضيع وتطلع
اما دى وجهة نظر غريبة والبنت بتبقى قاعدة ع النت من البيت مش فى الشارع

[عز الدين يار]

مش مشكله طالما انه فى العام ومش بتعمل حاجه غلط

[رفيدة2020]

عادى خالص
الاهم من الساعة كام والصبح ولا بالليل
هو اخلاقها وبسسسسسسسسسسسسسسسس

[رانيا الريان]

عادى جدا لما تقعد بعد الساعه 12
انا عن نفسى بقعد من الساعه1 لما للساعه6 الصبح وبعدين بقوم انام طبعا عشان فى رمضان انما غير كده اخرى الساعه11
وبعدين بدخل فى النوم

[شذى العطر]

البنت الي مش محترمة لو قعدت في وقت الظهر هيه هيه لانها رسائل خاصة ومحدش شايفهالا صبح ولا ليل فده مش مقياس وخصوصا ان احنا الايام ديه (مش قصدي رمضان) بس اغلبية الشباب والبنات بيسهروا الايام ديه بقت حاجة عادي خالص

فجحة قعود على النت بليل مفهاش اي شبهة لان الوضع اتغير

[كيمو رشاش]

لو كان غلط كان بابايا و أخويا الكبير ماسمحوليش أقعد ف وقت كده !!!!

[Soaad-532]

هى ذكرت فى القرآن ان بعد الساعة 12 بالليل حرام أولا يجوز
ياناس أنا طول عمرى لا أبدع الا بعد12 بالليل
فكرتونى بأيام زمان
كنت أسهر للصبا ح وباب غرفتى مغلق وأنا بارسم واحيانا أخرى باكتب شعر
والله كنت انسى نفسى ... وتمر ساعات وأحسبها لحظات
الغريب فعلا ان تانى يوم عندما أرى ما أبدعته يعجبنى جدا وكأننى مش أنا اللى كتبته أو رسمته من روعته
ولايمكن بالنهار استطيع الابداع والاتقان والآن وأنا أم لا أستطيع الجلوس كثيرا بالنهار بسببأعمال المنزل فكنت لوقت قريب أدخل المنتدى عندما ينام الجميع

[Ra2fat Jego]

في رأيي

ان الفعل هو اللي بيحدد البنت اخلاقها ايه::
يعني ممكن بنت تدخل على اي موقع تواصل اجنماعي في عز النهار وتكون طريقة كلامها واسلوبها مش محترمين خالص

وبنت تانية داخلة في عز الليل وتسمع من كل اللي حواليها عن اخلاقها وطيب كلامها
شتان ما بين تلك والأخرى

الفساد وسوء الاخلاق مش محتاجله وقت خاص بيه عشان يبقى موجود فيه
اللي نيته حسنة هيعمل الخير في اي وقت

واللي نيته سيئة هيعمل الشر في اي وقت
فيا ريت اللي حاكم اخلاق البنت بالوقت اللي بتقعد فيه على النت يغير فكره
لان مش كله بامظهر المهم الجوهر

شكرا على الطرح الجميل للموضوع
تقبلي مروري

[كاسر العظام]

المنتدى ده منتدى تعليمى مش شات للتعـارف و الصداقه
هو ده الكلام الى الاخ الى بعاتلك الرسائل ميعـرفهوش
هوااصلا داخل المنتدى علشان الرغى و الكلام مـع البنات

من وجهه نظرى المفروض الاخوات البنات يلغوا خاصيه الرسائل الخاصه منعا للمواقف الى من النوع دى .

[Hanan Hamdy]

ايه الفرق يعنى ؟؟
اللى عاوزة تغلط هتغلط حتى لو قاعدة فى وسط أهلها الظهر ولا العصر وماسكة التليفون بتاعها وشغالة شات مع أى حد
يعنى مافيش فرق
المحترمة محترمة فى أى وقت
واللى بتعمل حاجة غلط ربنا يهديها ويهدينا جميعا نحن أمة الاسلام
بس هتعمل الغلط برده فى أى وقت ...
ده مش تفكير انسان عاقل