طريقة امتحانات الكادر الجديدة والأسئلة

[nice time]

أنا امتحنت كادر يا جماعة انهارده 18/8/2011
الامتحان كان سهل جداً ، وكله من مراجعات النت ، ماعدا بعض من أسئلة التربوي
الشبكة ولله الحمد كانت زي الفل ، أنا خلصت الامتحان في 60 دقيقة وراجعت على الاسئلة في 30 دقيقة
لازم تاخد الرقم السري بتاعك معاك
كل واحد من الممتحنين بيبدأ امتحانه غير التاني يعني واحد يبدأ بالتخصص ، وواحد يبدأ بمهارات اللغة العربية ،وواحد يبدأ بالتربوي ، ممكن بعد ما تخلص الامتحان تجيبه من الأول علشان تراجع على الاسئلة ، وممكن وانت في سؤال ترجع للي قبله بسهولة وممكن تسيب سؤال وترجع تحله بعدين ، مش زي icdl ، السؤال اللي يتسلم خلاص هنا مفيش تسليم هنا في السؤال التالي على طول.
على فكرة يا جماعة مع اني التجربة جديدة بس جميلة ووممتعة
إن شاء الله أنا هجمع الاسئلة اللي جت في الامتحان وارفعها لكم كلها
انا فاكر منها في المهارات قطعة الموسيقى والبحر والحكيم الصيني
دعواتكم لي بالنجاح ، وفقكم الله لما يحبه ويرضاه وكل عام وأنتم بخير

[mahmoud1011]

مبروووووووووووووووووووك مقدما يا نايس وربنا يبشرك بالخير يارب بجد انت طمنتنا وفي انتظارك علشان تورينا الاسئلة

[fatata]

يا رب النجاح

[nice time]

المشاركة الأصلية كتبت بواسطة mahmoud1011

مبروووووووووووووووووووك مقدما يا نايس وربنا يبشرك بالخير يارب بجد انت طمنتنا وفي انتظارك علشان تورينا الاسئلة

شكراً لك مستر محمود وان شاء الله انتظر الاسئلة غداً مساءً بأذن الله .

[هيثم عبدالله]

جزاك الله خير وياريت ترفع لنا الاسئلة

[احمد ماهر حامد]

المشاركة الأصلية كتبت بواسطة nice time

أنا امتحنت كادر يا جماعة انهارده 18/8/2011
الامتحان كان سهل جداً ، وكله من مراجعات النت ، ماعدا بعض من أسئلة التربوي
الشبكة ولله الحمد كانت زي الفل ، أنا خلصت الامتحان في 60 دقيقة وراجعت على الاسئلة في 30 دقيقة
لازم تاخد الرقم السري بتاعك معاك
كل واحد من الممتحنين بيبدأ امتحانه غير التاني يعني واحد يبدأ بالتخصص ، وواحد يبدأ بمهارات اللغة العربية ،وواحد يبدأ بالتربوي ، ممكن بعد ما تخلص الامتحان تجيبه من الأول علشان تراجع على الاسئلة ، وممكن وانت في سؤال ترجع للي قبله بسهولة وممكن تسيب سؤال وترجع تحله بعدين ، مش زي icdl ، السؤال اللي يتسلم خلاص هنا مفيش تسليم هنا في السؤال التالي على طول.
على فكرة يا جماعة مع اني التجربة جديدة بس جميلة ووممتعة
إن شاء الله أنا هجمع الاسئلة اللي جت في الامتحان وارفعها لكم كلها
انا فاكر منها في المهارات قطعة الموسيقى والبحر والحكيم الصيني
دعواتكم لي بالنجاح ، وفقكم الله لما يحبه ويرضاه وكل عام وأنتم بخير

شكرا جزيلا

[مسز إيمي]

شكرا جدا nice time إنك طمأنت ااناس اللي لم تمتحن بعد
جزاك الله خيرا

[أنور بدوي]

يا أختي الكل ركزعلى اللغة العربية
فين التربوي؟

[محمدفياض]

شكراً لكي يا استاذة nice time و في انتظار كتابة الأسئلة اللي تتذكريها لكي يستفيد منها الزملاء

[استاذة روفة]

جزاك الله خيرا وفي انتظار الاسئلة

[مينا لوقا]

[size="6"]هو لازم طباعة ورقة الاكادمية واخدها معايا
بيطلبوها ولا لأ[/size]

[أنور بدوي]

يا أستاذ مينا صباح الخير الأول
ثانيا اقرأ اللي مكتوب في نهاية الأشعار الخاص برقم الجلوس ومقر وميعاد الاختبار



تنبيه هام ‏: ‏لن يسمح بدخول الاختبار إلا بعد التحقق من شخصية المعلم عن طريق بطاقة الرقم القومي وبصحبته هذا ‏
الاخطار وكلمة السر الخاصة بالموقع الالكتروني ‏

[البطاطس]

بالتوفيق ان شاء الله والسداد ياريت اخي بارك الله فيك تمدنا بالاساله انا عندي امتحان يوم 23-8-2011
ويا ريت لو تدلنا علي المواقع اللي نلاقي فيها الاسئلة والاجابة الخاصة بالكادر وبارك الله فيك

[nice time]

السلام عليكم ورحمة الله
أولاً : الاستاذة CAMELA بعتت رسالة خاصة بتقول لو خلصت الاسئلة بتعت الامتحان وخرجت من الامتحان من log out هل اخسر الاجابات ،
لا اطمأني لان احنا لما خلصنا الامتحان الملاحظين بتوعنا خرجوا من الامتحان عن طريق log out ، ومعلش لان مشاركاتي اقل من 50
ثانياً يا جماعه اسئلة التربوي مختلفة شوية عن مراجعات النت انا بحا ول اجمع اكبر عدد منها بس على فكرة التربوي مش مشكلة لانك لو ركزت في السؤال تقدرتجاوب من خلال خبرتك او من خلال مرجعات النت في التربوي

[nice time]

على فكره يا جماعة هتروح تلاقي قائمة باسماء الناس اللي هاتمتحن موزعة على القاعات لازم تمضي حضور وانصراف
ولازم تاخد اخلاء طرف يثبت انك انت امتحنت الكادر اوعوا تنسوا الكلام ده يا جماعة