انتهى الظلم والمدة انضمت فى المنوفية

[حفنة تراب]

من حوالى شهرين جاء تقرير مفوضى الدولة فى المنوفية برفض الضم وكنا كتبنا هنا موضوع بعنوان الى متى الظلم ؟ ولكن اليوم القضاء بالفعل انصفنا والمحامى بشرنا ان انحكم لنا بضم المدة والحمدلله والمحامى قال صورة الحكم هتطلع بعد شهر ولا الحوجة بقى للسنتين اللى ضموهم اعتبارى وعقبال كل المحافظات وان شاء الله اول ما الحكم يطلع هنرفع صورة منه
ملحوظة:احنا اول تعاقد كان فى 1/12/2005.

[محمد قمرن]

نريد معرفة المزيد عن هذا الموضوع ونرجو رفع صورة الضم وفي اي ادارة أنت وما اسم المحامي الذي وكلته وما رقم تليفونه نرجو الاهتمام والرد أخيك من المنوفية

[حفنة تراب]

انا من ادارة بركة السبع والمحامى اسمه الاستاذ محمد رزق وان شاء الله عندما نحصل على صيغة الحكم سوف ننشره لكى يستفيد منه زملاءنا المعلمين فى كل مكان

[محمد قمرن]

بارك الله فيك نرجو كتابة وسيلة اتصال لهذا المحامي وننتظر متابعة المزيد

[Niven Omar]

مبررررررررررررررررررررررررررررررررررررررررروك

[doaabadawy320]

الف مبروك أنا رافعه قضية بردو بقالي سنتين ولسه مافي جديد مع محامي من الباجور ياريت تبقي ترفعلنا صورة الحكم

[مسستر]

انا بشكر القاضى الجليل الى حكم بضم المدد ولم ياخد بقرار مفوضى الدولة. والف مبروك- لكن يبق تساؤلا ما مصير الدرجة المالية بعد الضم/ اعتقد انها تظل ثابتة

[حفنة تراب]

سوف تتغير الدرجة بتاريخ اول تعاقد كما نص عليه الحكم

[arafat sherif]

عقبلنا فى القليوبية( ورغم وكيل الوزارة اللى عندكم عبدالله عماره جاى من عندنا ومعبرناش بالقرار الضم ده)

[حفنة تراب]

للتوضيح تم ضم مدة التعاقد بالمكافاة الشاملة وفترة المعلم المساعد عن طريق المحكمة الادارية وليس عن طريق قرار من المدرية قامت مدرية التربية والتعليم بالمنوفيه باصدارقرار فى21/11/2014 ينص على ضم سنتين من فترة المعلم المساعد للدرجه دون اضافة اى زيادات فى الراتب او الاساسى وهذا قرار ظالم ورفضت ضم فترة المكافاة الشاملة

[الأمير محمد السيد حمودة]

ياريت لو حضرتك تعرفنا ايه الاوراق التى احتاجها المحلمى فى رفع القضية ....وياريت او حضرتك ترفع صورة الحكم عندما يصدر ....ولكم جزيل الشكر

[حفنة تراب]

الاوراق المطلوبة لرفع القضية بيان حالة/ صورة طبق الاصل من اول عقد /صورة طبق لاقرار القيام بالعمل

[م هاجر]

اولا الف مبروك ...... بس يا ريت تكمل وتابع معانا بالاخبار وتقولنا شئون العاملين عندكم سوت قرار ضم المدة الصادر من المحكمة ازاى .... لان عندنا هنا فى محافظة المنيا اعرف ناس كتير حصلت على حكم ضم المدة بقرار المحكمة ... وشئون عاملين المديرية رجعت تاريخ التعيين
من 15 /3 /2011 الى 2004 ولكن دون تغيير فى الدرجة ( الدرجة الثالثة ) وتاريخ القرار كما هو دون تغيير 1/3/2011 قرار 74 الناس راحت الاكاديمية وطالبت بالترقى لكن الاكاديمية رفضت وقالت ان تاريخ القرار لم يتغير .
لذلك ارجو ان ربنا يكرمكم وتبلغونا باللى هيحصل معاكم وربنا يوفق الجميع

[حفنة تراب]

ان شاء الله هعرفكم الجديد اول باول ولكن ان شاء الله سوف يتم ضم المدة لتاريخ التعيين والدرجة

[الفيروزة]

مبررررررررررررررررررررررررررررررررررررررررروك