اعتصام جميع المعلمين الغير مثبتين علي مستوي الجمهورية . نبدأ بالدقهلية..ارجو التثبيت

[m_adel_143]

السلام عليكم ورحمة الله وبركاته


بداية .. شكرا لكل واحد دخل الصفحة وشكرا لاهتمامكم بالموضوع


طبعا مش محتاجين كلام كتير لكن خلاصة الموضوع


لحد امتي هنفضل شغالين في الاحلام وبس ولامتي هنفضل ناخد 134 جنيه و105 جنيه

بالذمة فيه خريج جامعة يقبض كده



لازم نطلب حقنا



صفوت النحاس " التنظيم والادارة " نفسه قال .. أنا مش متخيل موظف حكومي وغير مثبت يعني الناس عارفة ان لينا حق في طلبنا بالتثبيت



المطلوب




كل معلمي الحصة علي مستوي الجمهورية تعمل اعتصام مفتوح بداية من يوم 1 فبراير القادم علي اساس ان الكل هيكون خلص امتحانات وفي اجازة


كل مجموعة في محافظتها هتقف قدام المحافظة لان قرار التثبيت من المحافظ مش وكيل الوزارة


وهنطلب التثبيت كلنا مع بعض ولا تنازل





انا من الدقهلية وباذن الله كل معلمي الدقهلية اللي بالحصة والعقد العادي هيكونوا معايا


يوم 1 فبراير الساعة 9 بالضبط امام المحافظة ومفيش حد هيتأخر




الهمة يارجالة .. صوتنا لما يكون مع بعض الكل هيسمعه وهيعمله الف حساب




معادنا 1 فبراير 2012
وبالمناسبة انا هتصل ببرنامج معتز الدمرداش " مصر الجديدة " .. وبرنامج مني الشاذلي " العاشرة مساءا " وهعرفهم معاد الاعتصام عشان يذاع علي الفضائيات وصوتنا يوصل !!


مفيش تأخير




الثبيت حقنا

[samaa_114]

بس الليشغال لسة بالعقد المؤقت نظام 130 جنيه يروح برضه الاعتصام ولا لازم يعديسنة عليالعقد المؤقت عشان التثبيت

[مصطفى العبادى]

الكل ان شاء الله يشارك ولا ضاع حق وراءه مطالب

[m-farouk]

الله المستعان لا بديل عن التثبيت

[محمد سلامة فهمى محمد]

المعياد يوم 22 يناير فى القليوبية امام مبنى المحافظة احنا اتفقنا على كده مش اول فيراير فى صفحة المعلمين الجدد

[hossamrozza]

والله عنك حق كفايه قلة قيمة ومهزلة . كنت متخيل ان بعد الثورة هتنتهى الاسماء الكاريكاتيرية ( عقد مكافاة شاملة - عقد مميز - او حتى المسميات القديمة الحصة )

انا مش عارف الشخص المسئول عن الماليات الخاصة بينا الى هى 110 - 115 - 130 ازاى بيجيلو قلب وادية بتسمحلو انه يمضى على هذا الاعتماد الهزيل .

مازال هناك شخص او مجموعة اشخاص لا تريد الخير لنا ومازالت الايدى الطويلة التى تسطوا على حق الغير موجودة

[m_adel_143]

الدقهلية .. موعدنا اول يوم في شهر فبراير



الاربعاء 1 فبراير 2012



اعتصام المعلمين بالدقهلية



اما م مبني المحافظة الساعة 9 صباحا

[كتبغا]

هل مؤقتين الغربية تم تثبتهم أرجو الرد

[m_adel_143]

آخر المستجدات


الوقفة هتبدأ من يوم 30 يناير 2011

وهنبات هناك ومش ماشيين خااااااااالص

عقد مميز او تثبيت .. هو ده طلبنا

الناس كلها استجابت وهتكون موجودة


ليه متكونش انت كمان معانا ؟





تم التنسيق مع ادارات

نبروه ..
بلقاس ..
بني عبيد ..
منية النصر ..
دكرنس ..


وجاري التنسيق مع ادارات اخري( السنبلاوين .. شربين .. المنزلة .. ميت سلسيل .. ميت غمر )



سارع واحجز مكانك في ثورة المعلمين للمطالبة بحقوقنا


لامته هنفضل نايميين ياشباب

فات سنة علي ثورة 25 يناير ولسه الحال زي ماهو

وبرده بنقبض 150 جنيه وبيتخصم منهم كمان


هل انت راضي عن وضعك ؟!


طب ليه ساكت


عَلِّي صوتك وطالب بحقك



ثورة المعلمين بالدقهلية



ابتداءا من

30 يناير 2011

و31 يناير 2011

و 1 فبراير 2012

و...................

وحتي تلبية مطالبنا كاااااااااااااااااااااملة



عاش شباب الثورة

[هشام جيل]

في الشرقيه 22/1 ان شاء الله

[مدرس وخلاص]

مع كل من عمل ثلاث سنوات او اكثر دون تثبيت ولكن !!!!!!!!!!!!! لست مع من لم يقضى هذة المدة او انقطع بسبب سفرة للخارج فهناك من المنقطعين من بالبلدى كدا ( جرب حظة برا ومنفعش عاوز يرجع لنفس مكانة ويثبت كماااااااان عفوووووووووووووووووووا ليس لك الحق

[m_adel_143]

العاشرة مساءا

38552300

38552309

el3shera..dreams.tv


90 دقيقة

90min..elmehwar.tv


ابراهيم حجازي

ihegazy..ahram.org.eg


محمود سعد

saad.mashakel..gmail.com

مصر الجديدة .. معتز الدمرداش

09000200

اي نقطتين باللون الاسود اختصار لحرف at لأنه لا يظهرعلي المنتدي اي ايميل

[m_adel_143]

شعور سخيف
إنك تحس بإن وطنك شيء ضعيف
صوتك ضعيف
رأيك ضعيف

إنك تبيع قلبك وجسمك
وإنك تبيع قلمك وإسمك
ما يجيبوش حق الرغيف

سألوا جحا عن سر ضحكه
قالك أصل اتنين وشبكو
اللى كان من تحت ميت
واللى كان من فوق كفيف

دا شعور سخيف
وشعور سخيف
إنك تكون رمز الشحاتة
تبنى مبنى للشحاتة
تعمل وزراة للشحاتة

يا ساقية دورى ... عدى فوقى ودوسى
نصبوا عليا وشحتونى فلوسى
ربطونى فيكى .. حتى ما اتغميت
هما اللى فرحوا ووحدى أنا اتغميت

أنا اللى صاحب البيت
عايش بدون لازمة
ولما مرة شكيت
إدونى بالجزمة

[مدرس وخلاص]

مع كل من عمل ثلاث سنوات او اكثر دون تثبيت ولكن !!!!!!!!!!!!! لست مع من لم يقضى هذة المدة او انقطع بسبب سفرة للخارج فهناك من المنقطعين من بالبلدى كدا ( جرب حظة برا ومنفعش عاوز يرجع لنفس مكانة ويثبت كماااااااان عفوووووووووووووووووووا ليس لك الحق

[مدرس وخلاص]

ايها السادة بالبلدى كدا اعرف واحد راح الامارات وعمل انقطاع ولما لقا زمايلة اثبتوا رجع وعمل تظلم ورجعوة العمل على امل انة يثبت فى موضوع الاعتصامات دا ويعمل اجازة ويرجع تانى الامارات بأى حق واحد زى دا يطالب بتثبيت ؟؟؟؟؟؟؟؟؟؟؟؟؟؟؟؟؟؟؟؟؟؟؟ وطبعا لاينفع 130 جنية مرتب ربنا معااكو بس يااريت تفهموا المثال الللى قولتة والله العظيم دا واقعى وشفتة ادامى