اى شىء عن الهندسة اتفضل هنا

[titi1]

المشاركة الأصلية كتبت بواسطة hobahoby

للأسف مع ان فى اكاديميات سمعتها احسن من جامعات بس احنا فى مصر
فهمت حضرتك خلاص ان شاء الله هرتب الموضوع و هقول لحضرتك
و شكرااا جدااا و بجد اسفة انى تعبتك ربنا يجازيك كل حير يا رب

العفو

تحياتى

[Code IT]

ممكن تقولى رايك فى :-

1- اكاديمية نيوكايرو (المعهد العالى للهندسة والتكنولوجيا بالتجمع الخامس)
--> سمعت انها كلية محترمة والمناهج بتاعتها بتاعت هندسة عين شمس

2- معهد الاهرامات العالى (6 اكتوبر)

[titi1]

المشاركة الأصلية كتبت بواسطة code it

ممكن تقولى رايك فى :-

1- اكاديمية نيوكايرو (المعهد العالى للهندسة والتكنولوجيا بالتجمع الخامس)
--> سمعت انها كلية محترمة والمناهج بتاعتها بتاعت هندسة عين شمس

2- معهد الاهرامات العالى (6 اكتوبر)

اكاديمية نيو كايروا انت واخد فكرة غلط عنها تماما لانها العكس انا معايا واحد زميلى كان فية نيو كايرو

وقالى ان هناك المناهج عادى زى اى جامعة بس التدريس والادارة زى المية يعنى اقل واحد ينجح لان مافيش مستويات وامتحانات صعبة مافيش اى حد بيهتم بيك فى الدراسة

الشكل من برة باين انها كويسة لاكن من جوة لا

معهد الاهرام .. كويس

[Code IT]

مهو انا كل الفكرة .. انى عايز معهد يكون كويس فى المستوى التعليمى

ومشكلتى ان مجموعى ميجبش العاشر ولا الشروق

فكنت عايزك تقولى على البدائل الى ممكن ادخلها وتكون محترمة والتعليم فيها كويس

[titi1]

المشاركة الأصلية كتبت بواسطة code it

مهو انا كل الفكرة .. انى عايز معهد يكون كويس فى المستوى التعليمى

ومشكلتى ان مجموعى ميجبش العاشر ولا الشروق

فكنت عايزك تقولى على البدائل الى ممكن ادخلها وتكون محترمة والتعليم فيها كويس

لما تنزل تنسيق المرحلة التانية شوف اقل المعاهد واقعد فيها سنة وجيب تقدير وبعدها تقدر تحول لاى معهد تانى عادى

[Code IT]

تقلت عليك ..
بس ياريت تفهمنى النظام دا

يعنى انا مثلا لو دخلت الاهرامات العالى .. السنة دى .. وجبت تقدير محترم وليكن "جيد جدا"
اقدر احول اى معهد حتى لو العاشر او الشروق

وهل التحويل عادى .. يعنى مش بنزل سنة؟؟

ببقى فى اولى زى منا؟

ووممكن اختار اى قسم؟

[titi1]

المشاركة الأصلية كتبت بواسطة code it

تقلت عليك ..
بس ياريت تفهمنى النظام دا

يعنى انا مثلا لو دخلت الاهرامات العالى .. السنة دى .. وجبت تقدير محترم وليكن "جيد جدا"
اقدر احول اى معهد حتى لو العاشر او الشروق

وهل التحويل عادى .. يعنى مش بنزل سنة؟؟

ببقى فى اولى زى منا؟

ووممكن اختار اى قسم؟

ايوة طبعا ينفع لانك بتحول من معهد معتمد لمعهد معتمد تانى فمافيش فرق طالما جايب تقدير حلو زى جيد جدا

وتقدر تحول لاى معهد انت عاوزة مافيش مشكلة ومش بينزل سنة بتروح على سنتك مش بتقل يعنى

وبالنسبة لاختيار القسم دة ايوة عادى

[Code IT]

طيب حضرتك فى موقع العاشر
مكتوب فى شروط التحويل الى المعهد "نقطتين مش فاهمهم"

اولاً : حملة شهادة الثانوية العامة الحديثة والثانوية الأزهرية الحديثة و الشهادات الفنية الحديثة:
1- يشترط الحصول على الحد الأدنى للمجموع الذى قبله المعهد سنة التقد

--> يعنى ايه الثانوية العامة الحديثة .. هل المقصود بيها نظام السنة الواحدة؟؟ .. وايه معنى الكلام الى انا محدده بالاحمر دا ؟؟



الشروط العامة :
1-1- لا يقبل المعهد التحويل من معاهد متوسطة .
22ان يكون حاصل على الحد الأدنى للقبول للدراسة بالمعهد سنة حصوله على المؤهل الدراسي .




بردو عايز حضرتك تفهمنى معنى دى ؟؟ .. يعنى لازم مجموعى يكون زى تنسيق المعهد فى سنتى؟



ود

[titi1]

المشاركة الأصلية كتبت بواسطة code it

طيب حضرتك فى موقع العاشر
مكتوب فى شروط التحويل الى المعهد "نقطتين مش فاهمهم"

اولاً : حملة شهادة الثانوية العامة الحديثة والثانوية الأزهرية الحديثة و الشهادات الفنية الحديثة:
1- يشترط الحصول على الحد الأدنى للمجموع الذى قبله المعهد سنة التقد

--> يعنى ايه الثانوية العامة الحديثة .. هل المقصود بيها نظام السنة الواحدة؟؟ .. وايه معنى الكلام الى انا محدده بالاحمر دا ؟؟



الشروط العامة :
1-1- لا يقبل المعهد التحويل من معاهد متوسطة .
22ان يكون حاصل على الحد الأدنى للقبول للدراسة بالمعهد سنة حصوله على المؤهل الدراسي .




بردو عايز حضرتك تفهمنى معنى دى ؟؟ .. يعنى لازم مجموعى يكون زى تنسيق المعهد فى سنتى؟



ود

بص لازم المعهد يكتب صيغة عامة للكلام دة يعنى كلام عادى

عاوز تصدق اتصل بالمعهد على اساس انك من معهد تانى وقولهم انا عاوز احول ليكم اية الشروط وهما هيقولك

وسيبك من الكلام الى على النت

[Code IT]

تسلم ياشقيق والله..
واسف لو تعتبك معايا
والفكرة مكانتش فكرة انى بكدبك

كنت بتاكد بس

Thaaaaanks

[titi1]

المشاركة الأصلية كتبت بواسطة code it

تسلم ياشقيق والله..
واسف لو تعتبك معايا
والفكرة مكانتش فكرة انى بكدبك

كنت بتاكد بس

thaaaaanks

مافيش اى تعب وانت اسئل براحتك المهم تستفاد

ومافيش حاجة اسمها بتكدبنى انت محتار ولازم تطمن عادى ما انا كنت زيك

اى سؤال تانى اتفضل مافيش تعب

تحياتى ليك

[ahmed magdy 13]

انا جايب 75 فالميه ومش عارف ايه المعاهد الي ممكن تقبلني لهندسة خاص ارجو المساعدة في اسرع وقت

[titi1]

المشاركة الأصلية كتبت بواسطة ahmed magdy 13

انا جايب 75 فالميه ومش عارف ايه المعاهد الي ممكن تقبلني لهندسة خاص ارجو المساعدة في اسرع وقت

هو لية انت اتاخرت فى الموضوع يعنى انت جاى دلوقتى اغلب الجامعات الخاصة قفلت التقديم

بص دلوقتى اعمل كلاتى اتصل بكل الجامعات الخاصة واسئلهم التقديم مفتوح ولا لسة وروح قدم فى الى مفتوح

[hobahoby]

معلش هتقل على حضرتك تانى
اكتر حاجةدلوقتى سمعتها حلوة جدا ومنسبانى must بس فيها مشكلة كبيرة جدا انها فى 6 اكتوبر و هيبقا على كلام الناس من جسر السويس 3 ساعات رايح و 3 ساعات جى و الدائرى كمان مشكلة
فالكلام دة صح و لا اية

و لو فعلا صح يبقى انهى احسن الشروق ولا must
مع الفرق ان دى جامعة و اكادمية
و الشروق مش وحشة طبعا بس الجامعة احسن بردو بس لو 6 ساعات ضايعين كل يوم يبقى للأسف مش هينفع

[titi1]

المشاركة الأصلية كتبت بواسطة hobahoby

معلش هتقل على حضرتك تانى
اكتر حاجةدلوقتى سمعتها حلوة جدا ومنسبانى must بس فيها مشكلة كبيرة جدا انها فى 6 اكتوبر و هيبقا على كلام الناس من جسر السويس 3 ساعات رايح و 3 ساعات جى و الدائرى كمان مشكلة
فالكلام دة صح و لا اية

و لو فعلا صح يبقى انهى احسن الشروق ولا must
مع الفرق ان دى جامعة و اكادمية
و الشروق مش وحشة طبعا بس الجامعة احسن بردو بس لو 6 ساعات ضايعين كل يوم يبقى للأسف مش هينفع

يعنى المشكلة الان فى المواصلات

بصراحة ما اعرف مواصلات الجامعة من طريق بيتك لانى مش متابع طرق المواصلات

فالحل انك تاخدى سكن جانب الجامعة شقة انتى وبعض البنات زمايل فى الجامعة تاجروا شقة او الجامعة بتكون عندها شقق خاصة بالبنات

لو ما نفع موضوع الشقة يبقى ما قدامك الا الشروق