موضوع خاص باستفسارات وطلبات بشمهندسين وبشمهندسات المستقبل

جعلتني مهندسا · #1 24-09-2009, 04:15 PM

بسم الله الرحمن الرحيم

طبعا الموضوع واضح من عنوانه

أي حد عنده أي استفسار أو طلب

يتفضل يحطه هنا واحنا ان شاء الله نحاول نفيده

وأي حد يكون عنده اجابة يقولها ما يتكسفش

يلا

مستنينكم

على فكرة الموضوع ده عشان نستفيد بيه كلنا

............................

YEHY · #2 24-09-2009, 05:32 PM

انا احمد داخل اعدادى هندسة شبين الكوم

YEHY · #3 24-09-2009, 05:33 PM

ايه مفيش اى حد هنا

Eng_lfc · #4 24-09-2009, 05:48 PM

اقتباس:

المشاركة الأصلية كتبت بواسطة yehy

ايه مفيش اى حد هنا

ماشى كلنا معاك هنا
انا محمد هندسة اسيوط

YEHY · #5 24-09-2009, 10:12 PM

الو فى حد هنا الان يا باش مهندسين

BaNZeR · #6 24-09-2009, 10:35 PM

اقتباس:

المشاركة الأصلية كتبت بواسطة yehy

انا احمد داخل اعدادى هندسة شبين الكوم

لو سمحت يا بشمهندس ده مش موضوع تعارف ده معمول للاسفسارات

وعشان الموضوع ميخرجش عن هدفه ياريت تتكلم في صلب الموضوع بس

وانا موجود حالياً اهه لو عندك سؤال اعرفه اجاوبك عليه

YEHY · #7 25-09-2009, 02:24 PM

طيب ممكن اسالك الان

جعلتني مهندسا · #8 25-09-2009, 03:18 PM

يا عم اسأل أي سؤال في أي وقت وأي حد هيقدر يساعدك هيساعدك

يحيى عزت · #9 25-09-2009, 03:24 PM

ممكن اعرف اي هى المواد والادوات اللى هنشتريها بالتفصيل

جعلتني مهندسا · #10 25-09-2009, 03:36 PM

بص يا سيدي

أولا بالنسبة للمواد

مواد اعدادي هندسة

الرياضيات
مادة ترمين
امتحانها ترمين
من 300 درجة
150 لكل ترم منهم 40 اعمال سنة و 10 شيت و100 امتحان التيرم

الفيزياء
مادة ترمين
امتحانها ترمين

الميكانيكا
مادة ترمين
امتحانها آخر العام فقط
30 درجة امتحان ميد تيرم لكل تيرم
10 شيت
كده 40 لكل تيرم
+امتحان الفاينل آخر العام كده 200 درجة اجمالي

الحاسب والبرمجة
مادة ترم اول فقط
امتحان ترم اول فقط
حتدرس فيها لغة البيزيك
BASIC
وطبعاً المادة بالانجليزي

اللغة
ترم اول فقط
وامتحان ترم اول فقط
حتدرس مبادئ بسيطة جداً وكلها من اللى فات عليك
يعني من الآخر آخرك فيها الجيد جداً لو بتفهم انجليزي
من 50 درجة منهم 15 الميد تيرم

الرسم الهندسي
مادة ترمين
امتحان آخر العام فقط
اتقل مادة على قلبك
مش عشان صعوبتها لكن عشان الادوات اللى بتيجي بيها
من 150 درجة
30 درجة ميد تيرم لكل تيرم
90 درجة امتحان الفاينل
بيتوزعوا على رسمتين
رسمة كبيرة 60-70 درجة
رسمة صغيرة 20-30 درجة

الاسقاط الوصفي
مادة ترمين
امتحان آخر العام
100 درجة
15 امتحان الميد تيرم
كده 30 و10 هدية او شيت
+60 درجة لامتحان الفاينل موزع 15 درجة لكل رسمة
مادتي الاسقاط الوصفي والرسم الهندسي متلازمتين
100 وصفية + 150 رسم هندسي = 250 درجة
وامتحانهم آخر السنة مع بعض

تكنولوجيا الانتاج
مادة ترمين
وامتحانها آخر العام فقط
السكشن بتاع المادة ده هو الورش
حيث الورش هي التطبيق العملي للعمليات اللى بتدرسها
من حدادة وسباكة ونجارة وسمكرة وتخطيط وشنكرة
ودراسة بعض الماكينات مثل المخارط والمكاشط والفرايز الخ

مش فاكر ترتيب درجات المادة ده دلوقتي

المادة ده رخمة جداً للى مش بيبحها ولذيذة جداً للى بيعشق ميكانيكا

الكيمياء
مادة ترم ثان فقط
وامتحانها اكيد برده ترم تاني فقط

السكشن بتاع الكيميا هو العملي للتجارب

بتروح السكشن في الجامعة القديمة في معمل الكيمياء الكبير
سكشن ساعتين بتتمنى يكون تلات ساعات
بتفضل واقف طول السكشن
بتشوف اغلس معيدين ممكن تشوفهم هناك
بس بتبقى عايز برده وقت اطول عشان تلحق تعمل حاجة في التجارب
مش حتحس بيها في السكاشن الاولى

لازم في السكشن يكون معاك
(البالطو + النضارة الواقية) دول مش حتخش السكشن من غيرهم
(انابيب الاختبار + الماسك) دول عشان تشتغل بيهم
(حامل الانابيب + الفرشا ) دول موجود منهم في المعمل بس تقدر تجيب انت حاجة خاصة بيك
حيتم الاعلان عن كل ده في اول سكشن ومش حتحتاج تشتريهم اول سكشن
حيدوك هما اول مرة انابيب تشتغل بيها بس اللى حيتكسر على حسابك (كلها بـ 15 قرش الانبوبة )

المواد الفرعية

حقوق الانسان
ترم اول
امتحان ترم اول ولا يوجد امتحان ميد تيرم
50 درجة
لا تضاف للمجموع

تاريخ العلوم الهندسية
مادة جديدة انا كنت تالت دفعة تاخدها
يعني انتو الرابعة
المادة ترم تاني
لا يوجد امتحان ميد تيرم
50 درجة
لا تضاف للمجموع

*****
مدة المحاضرات والسكاشن الافتراضية هي ساعتين

محاضرات الاسقاط الوصفي وتكنولوجيا الانتاج ساعة واحدة

سكشن الرسم الهندسي ثلاث ساعات

بقلم BaNZeR

.................................................. ................................

والأدوات بعد قليل

يحيى عزت · #11 25-09-2009, 03:42 PM

بجد معلوماتك دقيقة جدا جدا

وانا بشكرك فعلا لانك نورتنى
بجد انت فعلا عضو مهم جدا للمنتدى

ومنتر الادوات
وتحياتى ليك...

جعلتني مهندسا · #12 25-09-2009, 03:59 PM

_قلمين رصاص 0.5ملم و 0.7
(نقوا القلم نضيف مش اى كلام)
روترنج ب 15 جنيه

2_كراسة سكتش للاسقاط

3_مثلث 45 وتلاتيني ستيني

4_لوحة خشب (60*80)
بورده يعني

5_3انابيب اختبار وماسك وفوطة صفراء
(شكلنا كدة حنمسح عربيات الدكاترة)
لمعمل الكيمياء

6_مسطرة30سم

7_برجل واحد فقط

8_سيلوتب

9_بالطو معمل ابيض

13_اله حاسبة

14_ممحاة نوع جيد
(مش ام ربع جنيه هاتوا واحدة نضيفة)

15_مسطرة حرف tبلاستيك او خشب 80سم
والبلاستك أحسن
الروترنج ب 75

بس نصيحة
متشتريش حاجة غير لما هما يطلبوا منك
وبس

وشكرا على كلامك اللذيذ ده

YEHY · #13 25-09-2009, 05:15 PM

يا باش مهندس ال حاجات بتاعت المعمل (مسح عربية الدكاتلره) نجيبها من وين وحضرتك جامعة ايه لو تعرف اى معلومات عن قسم كهرباء ال فى شبي او تعرف حد يعرف عنه حاجه وشكرا

جعلتني مهندسا · #14 25-09-2009, 06:13 PM

الحاجات دي ممكن تجيبها من مكتبة الجامعه

أو من أي مكتبة كبيرة عندكم

.................................................. .........
أنا في أكاديمية الشروق

.................................................. ..........
قسم الكهرباء في شبين زي أي قسم تاني

بسهولته وبصعوبته

ومع الأسف معرفش حد هناك

.................................................. ...........

لو عايز حاجة تانية أنا موجود

يحيى عزت · #15 25-09-2009, 08:48 PM

بجد فعلا انت ثروه لينا الف شكر ليك يا باشـ_مهندس