الف مبروك لاخواننا الاداريين

[Gh.eid]

هو القرار ده وزارى ولا تبع المحافظة فقط

[M..osama]

هذه اشاعات اشاعات اشاعات
يبدوا ان الخبر خاص بمحافظة الغربية فقط وهذه المبالغ تصرف من المحافظة كما كان يحدث مع محافظة الشرقية العام الماضي
ولكن الى مشكك الواحد انهم يقولوا انهم صرفوا وهذا صعب جدا قرار طلع ممكن صرفوا أشك

[mohammed4405]

الموضوع كله اشاعات

ومحافظة الغربية عملت مظاهرات للاداريين ولكن لم يحدث شئ لا فاكس ولا صرف

وانا لا حاقد على الاداريين ولكن زعلان منهم لانهم باشاعاتهم بينوا انهم متغاظين من المعلمين ومخبيين وبان ده فى اشاعتهم

وانا مش مطالب باثبات الاشاعة ولكن هم المطالبون باثبات انهم كلامهم صح


لان فى دلائل كثيرة على انها اشاعة هما اللى طلعوها

وهتثبت الايام كلامى بس ساعتها تكونوا عرفتوا الاداريين وحقيقة انهم كانوا متغاظين والدليل تلك الاشاعة

الاستاذ صاحب الموضوع انت قلت فى موضوعك هذا بتاريخ 25-10 ان المحافظ اخد قرار وفاكس شفته بعينك فى الادارة باحقية الصرف


وبتاريخ 1-11

قلت ان طلع قرار الصرف وكله صرف


هو مش برده فى حاجه اسمها كشوف و وحسابات

انا مش ضد الاداريين وكان المفروض الاداريين نفسهم ميترموش نفسهم على الخبر كده وهما اداريين وفاهمين كانوا هما الاولى بمهاجمة واستنكار الخبر

وبالنسبة للاخ صفاء فهو معذور لان الموضوع وكذبه وانه اشاعة وخطأ الاداريين فى البداية جعله يخرج عن شعورة بالغضب


وهناك اداريين نفوا ايه صحة لهذا الخبر وانا باطالب المعلمين والاداريين بان يتحدوا ضد كل ما يفرقهم

[نسمة محمد 3]

انا مش ضد الاداريين وكان المفروض الاداريين نفسهم ميترموش نفسهم على الخبر كده وهما اداريين وفاهمين كانوا هما الاولى بمهاجمة واستنكار الخبر

وبالنسبة للاخ صفاء فهو معذور لان الموضوع وكذبه وانه اشاعة وخطأ الاداريين فى البداية جعله يخرج عن شعورة بالغضب


وهناك اداريين نفوا ايه صحة لهذا الخبر وانا باطالب المعلمين والاداريين بان يتحدوا ضد كل ما يفرقهم

انا ادارية وكمان مسئولة الصرف وعمل كشوفالمرتبات بمدرستى

ومفيش اى صحة للكلام ده

واحنا مش متغاظين او مرمين على اى اشاعة

وكان المفروض ان كل الاداريين ينفوا الخبر لاننا اداريين وفاهمين ومش منصدق حد يضحك علينا ويوقعنا مع المدرسين

ولازم نكون عقلاء ده احنا كبار مش عيال علشان نتخانق على فلوس واحنا اكبر من كده وكلنا زملاء

ولم حد من وسطنا يغلط سواء كان معلم او ادارى نقله بلاش فتنة ونخاطبه بالعقل علشان الحب يدوم بينا

ولو ادارى غلط المعلمين مش ميصدقوا يهاجموا لاء بالعكس بيطالبه بالعقل

هو احنا سهل كده نقع مع بعض وده يقول اسياد واسياد

نسينا ايام الثورة لم كنا اخوات وبنكره اللى يقول اسياد وفى السلطة

انا فى انتظار الاداريين اللى انا منهم وعارفه طيبتهم بدعوة السيد صفاء للحوار واننا اخوة وانت لو غلطت فينا فانت غلطت فى اخواتك اللى هيستحملوك وهيخدوك فى حضنهم


وانا هبادر بكده واقول لاخينا صفاء حقك علينا وشكرا وكنا نامل انك تطالب معانا بزيادة مرتباتنا جميعا فكلنا فى الهوا سوا

ومش الفلوس اللى هتفرقنا

[alkateem12]

كل عام وأنتم يخير يمناسبة عيد الأضجى النبارك
ولا تعليق على السفهاء فى المداحلات بس ياريت تتذكروا أنكم تنتمون لوزارة التربية
ابوفياض

[shalbi_123]

يا جماعة و الله الموضوع صحيح مش إشاعة . الكلام ده في محافظة الغربية زى ما حصل فى محافظة الشرقية . واللى مش مصدق يتصل بأى حد من محافظة الغربية وهو هيأكد له الكلام . أنا مدرس من الغربية والإداريين صرفوا تكملة ال 200 % من 7/1 .

[دكتور/ ياسر زكريا]

المشاركة الأصلية كتبت بواسطة shalbi_123

ألف مبروك للأخوة الإداريين . وشكراً أستاذ هاني على هذا الخبر .

ألف مبروك للزملاء

[Gh.eid]

مفيش اخبار عن السويس ?

[اداري تعليم عالي]

تم ارسال اقرارات للاداريين للموافقة عليها الى المدارس بالغاء مكافاة الامتحان اليس هى نظير عمل ارجو الرد

[سمسم11]

يا اخوانى الموضوع صحيح وهتلاقى فى موضوع فى منتدى الفنيين والاداريين باسم صورة قرار حوافز الـ 200% لإداريين الغربية

[اداري تعليم عالي]

يا جماعة هل قامت باقىالمحافظات بارسال اقرارات بالغاء مكافاة الامتحان مثل محافظة كفر الشيخ ام هذا القرار خاص بكفر الشيخ فقط

[شعبان علي مصطفى ريا]

ياليت يا اخواني مفيش احد يوقع على شيئ ويحتج بكل ما يستطيع لو شنقونا محدش يمضي على شيئ ربنا معانا احسن دي اصبحت حرب بينا وبين ال اسمه الوزير حرام في هذه الصفه

[شعبان علي مصطفى ريا]

ياجماعه الخير أعرفوا الحقيقه بإن دي باقي حوافز الإثابه وليست مكافأه وكانوا ناويين يضحكوا علينا ويوهومونا إنها مكافأه ويصرفوها وقت صرف المكافأه علشان إحنا مابنفهم زي بعض المدرسين مابيقولوا علينا إنما الحقيقه أحنا بنطالب بإعطائنا باقي حوافزنا أل 200 % زي باقي جمهورية مصر العربيه فهذا حقنا رسمي وقانوني ومفهوش أي أي شرح أو إستفسار أما المكفأه أل بيكلموا عليها سيادة وزير أل عايزه تربيه وأل عايزه تعليم أل بيسموها التربيه والتعليم سيادته حرمنا منها ليه علشان إحنا الإداريين والمشرفين والفنيين والعمال مش تبع وزارته جبونا غلط عليها كانت غلطه ولو كان يوم ما شغلونا فيها كان سيادته موجود على وجه الدنيا كان أحتج وقال لا وألف لا لتعيين هؤلاء البشريه على وزارة أبويا وجدي علشان أنا أل هكون الوريث الوحيد ليها ياوزير والله حرام علينا نقولك ياوزير الوزير ال بيفهم ويوازن الأمور مش بيعمل فرقه وحساسيه بين الجهاز الواحد الله يخرب بيتك ياوزير شوف جميع الوزاراة الأخرى بيعملوا إيه لجميع العاملين فيها من المدير إلى الخفير وأتعلم منهم علشان إنت ناقص علام في هذا الموضوع منك لله لك يوم ياظالم مش هنسامحك أبدا وطالما ما بتخاف علينا وزعنا على وزاراة أخرى هيكون أحسن من المخروبه دي مليون مره ولا الحوجه ليك علشان دي عزبة أبوك وحسبي الله ونعم الوكيل

[اداري تعليم عالي]

تم حفظ الاقرارات التى ارسلت للاداريين بمحافظة كفر الشيخ بالمدارس ولم ترسل الى الادارة بعد قيام اداريين الادارات و المديريات التعليمية بعدم التوقيع عليها بالغاء المكافاة وتوزيعها على الشهور ومطالبتهم بعدم الغاء المكافاة واستحقاقهم باقى ال200 بالمئة وتم ارسال الكشوف بال 83 عن شهر 7و8و9و10 الى الادارة يوم الاحد الماضى وسيتم صرفها يوم الاجد المقبل او الاثنين ان شاء الله الف الف مبروك لكل الاداريين والفنيين ز العمال

[اداري تعليم عالي]

رفض الاداريين بالمديرية والادارة وبعض المدارس بمحافظة كفرالشيخ التوقيع على الاقرارات المرسلة من قبل سيادة المحافظ التى تنص على الغاء المكافاة وتوزيعها غلى الشهور وتم تسليم كشوف الفروق الخاصة بال 83 بالمائة الى الادارة الاحد الماضى وسيتم صرفها غدا الاحد او الاثنين ان شاء الله الف الف مبروك للاداريين