دبلوم خاص بدون دبلوم مهني

مروه ياسين · #1 24-08-2015, 09:24 PM

ارجو الإفاده هل من عمل دبلوم عام في التربيه بتقدير جيد جدا يحق له عمل عمل دبلوم خاص بدون عمل دبلوم مهني

ايمن صلاح توني · #2 25-08-2015, 02:17 PM

السلام عليكم
اعتقد ان الكلام ده كان زمان
دلوقتي لازم تعملي الدبلومة المهنية وتختاري التخصص فيها قبل الدبلومة الخاصة
انتي جامعة ايه

مروه ياسين · #3 25-08-2015, 02:22 PM

جامعة الزقازيق

سمسم طه · #4 26-08-2015, 05:35 PM

اه يافندم عادى طبعا
ماهى الدبلوم العام بمثابة المهنى للتربويين
لانك لو قراتى قانون الدراسات العليا
هتلاقيه بيقولك من شورط التقدم للدبلوم الخاصة
ان يكون حاصلا على الدبلوم العام او المهنى من احدى كليت التربية
ف مش هتاخدى دبلومة عامة وبعدعا مهنى وبعدها خاص
لالالالالالالالالالالا طبعا طالما اخدتى العام بتدخلى على الخاصة على طول
وبالتوفيق يارب

بنت الأزهـر · #5 27-08-2015, 12:34 PM

كل جامعة غير التانية اسالي النظام في الزقازيق ايه وربنا يوفقك

مروه ياسين · #6 29-08-2015, 11:51 PM

شكرا علي الرد من جميع الاعضاء الافاضل لو حد عارف جامعه بتدي دبلوم خاص علي طول بدون المهني ياريت يعرفني بيها وكمان انا اعلام شعبة ازاعه وبشتغل مكتبات وبعمل تغيير مسمي وظيفير الي مدرس اعلام فايه ممكن يكون التخصص المفيد ليه علشان اعمل فيه

بنت الأزهـر · #7 30-08-2015, 01:01 PM

طنطا الخاص فيها مباشرة بعد العام
بس صراحة معرفش اي قسم تدخليه
بالتوفيق

مروه ياسين · #8 30-08-2015, 07:45 PM

شكرا علي الاهتمام والمتابعه هل يمكن اخذ الدبلوم الخاص من طنطا والماجستير من الزقازيق

بنت الأزهـر · #9 30-08-2015, 08:35 PM

اكيد ينفع الا لو الزقازيق لها لايحة معقدة
اسالي في الشؤون احتياطي
بالتوفيق

مروه ياسين · #10 30-08-2015, 11:10 PM

هل لديك معرفه بالمسافه]بين فاقوس وطنطا ونركب ايه

بنت الأزهـر · #11 31-08-2015, 10:51 AM

فاقوس دي فين؟
انا اعرف من الزقازيق في مكانين انا جربت واحد بس
من بعد الكوبري االي قصاد الجامعة هتلاقي على اليمين عربيات بيجو اول الموقف دا هو طنطا
العربية دي هتوصلك الى سبرباي اللي هو موقف طنطا الخارجي
اركبي منه اتوبيس رايخ شارع اابحر وقوليله نزلني تربية اما تلاقيه بينادل محافظة انزلي هي عند تربية
يدوب هتعدي الشارع تلاقي الكلية بس هتمشي 3 دقايق كدا لان الباب جانبي للطلاب

المواصلات دي تاخد ساعتين من الزقازيق لطنطا
في حل تاني القطار بس مجربتوش لان هو واحد بس ااسريع والباقي عادي بيقف في كل المحطات

بس كدا هذا ما اعرف
بس انجزي لان التقديم مفتوح دلوقتي
وربنا يوفقك وييسرلك كل خير

مروه ياسين · #12 31-08-2015, 09:27 PM

والله ربنا يباركلك علي الرًد بنت الازهر
بس المسافه بين فاقوس والزقازيق ساعه وبعدين ساعتين الي طنطا يعني 3ساعات دي مشكله
مفيش جامعه غير طنطا وآخر موعد بطنطا امتي

بنت الأزهـر · #13 01-09-2015, 02:40 PM

عاوزة اقولك ان مشوار البيجو ساعتين دا كان صادم بالنسبة لي لان انا عارفة الطريق التاني بتاع القطار او الاتوبي بياخدها في وقت اقل من ساعة وربع الى ساعة ونص بس عيبه المطبات دا الاتوبيس والمحطات الكتير دا القطار
اسالي يمكن في من فاقوس لطنطا مباشر
وانا حقيقي معرفش جامعة تانية
وطنطا كانوا كاتبين لنص سبتمبر
ربنا يوفقك لكل خير

مروه ياسين · #14 01-09-2015, 09:13 PM

جزاك الله كل خير ربنا يكرمك

محمود جلال عبد العزيز · #15 01-09-2015, 09:50 PM

لازم الحصول على دبلوم مهنى اولا حتى لو تم الحصول على الدبلوم العام