لحسم الجدل العاشر ولا الشروق هندسة

[Eng.Ahmed Hagag]

بسم الله الرحمن الرحيم
لحسم الجدل سنعقد مقارنه موضوعيه وصريحه تتلخص في عدة نقاط والهدف تحديد أوجه الأفضليه :
1- نظام الدراسه : نظام الدراسه في هندسة العاشر قائم علي نظام الوحدات وهو يسمي بالنظام الأمريكي ويقوم الطالب فيه بأختيار المواد التي يريد دراستها مع ملاحظة أن كل ماده يدرسها الطالب هي بعدد معين من الوحدات فمثلا ماده مثل الرياضيات تمثل 3 وحدات بينما ماده مثل الفيزياء تمثل وحدتان وماده مثل الفكر التكنولوجي تمثل وحده واحده...مع العلم بأن الطالب لكي يتخرج يحتاج أن ينهي مقدار معين من الوحدات يختلف من قسم لأخر...مع ملاحظة أن الطالب لا يستطيع تسجيل أكثر من 20 وحده في الترمين الأساسين أما الترم الصيفي فلا يتم فيه تسجيل أكثر من 6 وحدات ...وعموما نجد أن نظام الوحدات معقد وقاس ولا يلائم أغلبية الطلبه المصريين وهو بأعتراف الأغلبيه في هندسة العاشر..وما يزيد الطين بله وجود العديد من المواد التي لا يحتاجها من يدرس الهندسة كالتربيه الرياضيه والفن التشكيلي علي سبيل المثال وليس الحصر فيكفي طالب الهندسة المسكين بلاء المواد المتعلقه بتخصصه ..وجدير بالمعرفة أيضا أن أغلبية الطلبه في هندسة العاشر يستغرقون في الدراسه في مده زمنيه قدرها من6-8 سنوات والبعض قد يستغرقون أكثر!!...وبصراحه شديده فالغايه من نظام الوحدات الأمريكي هي شفط أكبر قدر من فلوس أهالي الطلبه !!
علي الجانب الأخر نجد أن نظام الدراسه في هندسة الشروق سهل وتقليدي وهو النظام المعتاد بالنسبه للطالب المصري ونحن هنا نتكلم عن نظام الفرق المطبق في جميع الجامعات الحكوميه وبالنسبه لكلية الهندسه فنظام الفرق هو (اعدادي,4,3,2,1) وبالتالي فمواد كل فرقه محدده سلفآ ومعروفه لكل طالب وما عليه ألا أن يدرسها ويجتازهاوبالتالي ينتقل الى الفرقه الاعلي الي أن ينهي دراسته الجامعيه ان شاء الله .
2- وجود سكاشن : توجد في هندسة الشروق ولا توجد في هندسة العاشر .
3- ميزة وجود مجموعات تقويه : توجد تلك الميزه في هندسة الشروق ولا توجد في هندسة العاشر .
4 - مستوي الدكاتره : بوجه عام متقارب...مع ملاحظة أن بعض الدكاتره في هندسة العاشر متطرفون للغايه
5 - قوة الشهاده : يكفي أن نقول أن شهادة هندسة الشروق معترف بها من نقابة المهندسيين المصريين ونقابة المهندسيين العرب!أي ان الخريج من هندسة الشروق يستطيع أن يعمل في مصر وبقية الدول العربيه في سهوله ان شاء الله أما شهادة هندسة العاشر فتعترف بها نقابة المهندسيين المصريين فقط.
في النهايه أعتقد أن تلك النقاط كافيه تمامآ للحكم ولا يسعني الا أن أقول الحمد لله رب العالمين .

[matrix4ever]

استغفر الله العظيم يعنى النظام الامريكي او الاوروبى دة طلعتوه عيب دة انا اخترت العاشر و الشركات مش بتختار هندسة الخاصة غير منها عللشان نظام 3 ترمات دول لانهم عارفين الدراسة هناك صعب جدا بالاضافة الى الترم عملى يعنى تتخرج تشتغل فى الحديد و فى اى حتة و عمى شغال فى شركة كبيرة اوى اوى قالى ادخل العاشر و انا اشغلك فى حتة عندنا بص دة راحة نفسية اختار اللى انت عاوزوا بس احنا عاوزين مستقبل سيبك من المناظر و كلام الهجس دة و بعدين اول كلام النقابات دة كلام اونطة العاشر معترف بيها فى اى حتة فى العالم اما نظام الشروق نظام تقليدي زى الحكومى مفيش حاجة مميزة و دكاترة العاشر هم هم دكاترة عين شمس و ما ادراك دكاترة عين شمس فاكيد اوى اى واحد يدخل حتة معينة بيحاول يخليها احسن مكان فى مصر خد دى عندك بقى اكشف فى جوجل و شوف مين اللى بيكسب جوايز جمهورية و عالمية و السنة اللى فاتت هى اللى كسبت مسابقة الروبوكون فى الهندسة و الشروق عمرها ما كان ليها فى المسابقة دى و دة ان دل دل على مدى كفاءة المهندسين اللى بيتعلموا فى العاشر انا جبتلك من الاخر شوف انت لو عاوز او مصر ع الشروق دة حاجة ترجعلك و مش حكلمك فى الموضوع تانى غيرت رايك يبقى انت بتفهم و عايز مصلحتك سلام

[Eng.Ahmed Hagag]

بص من الاخر مفيش حاجة كاملة كل حاجة ليها مميزات وعيوب
1/يعني نقابة المهندسين العرب ومتقولش ملوش لازمة ده بتتيح ليك إنك تشتغل بره بسهولة اكتر من العاشر
2/ موضوع التدريب اللي فالعاشر طبعا ميزة مقدرش أقول إلى كده
3/اما الدراسة من جوه في ال 2 كويسين بشاهدة الخريجين من العاشر والشروق
3/وأنا والدي مهندس كهربه وقال لي أدخل الشروق احسن في قسم كهربة ممكن العاشر تكون احسن في اقسام تانية أنا بصراحة مش عارف
4/الشروق واخدة شاهدت isoاللي هي بتاعت الجودة طبعا متقدرش تقول حاجة على كده
5/والعاشر واخدة مركز في مسابقات دولية على حسب منتا قلت
6/اما بخصوص موضوع الدكاترة أنا كاتب إن مستواهم متقارب وال 2 كويسن
إنت عندكم من عين شمس احنا عندنا من عين شمس والقاهرة وحلوان
أنا عن نفسي لقت موضوع التدريب اللي فالعشر مش هيفيدني هتقولي ليه !!
هقولك أنا والدي هيدربني معاه فالشركة فأنا مش محتاج موضوع التدريب الصيفي مع إنه مهم جدا محدش يقدر يقول غير كده بس معايا أنا مش هيفيد في حاجة
وهقولك تاني كل حاجة ليها مميزات وعيوب
وكل واحد يختار على قد استفدته من المكان ده يعني أنا شايف إن الشروق هتفدني اكتر إنت شايف العاشر
وعلى فكرة ال 2 كويسين جدا وكل الخريجين بتوعهم بيشتغلوا متقدرش تقول غير كده والكلام ده قدامي أقسم بالله
ويا ريت بقى تقتنع إن الشروق كويسة زي منا مقتنع إن العاشر كويسة !!

[eng/ yasmine]

الشغل ده بتاع ربنا وتوفيق من عنده
ماينفعش نقول ان بتوع العاشر بيشتغلوا والشروق لأ !!!!!!!!
دى حاجات بتاعت ربنا
والاتنين كويسين ومعتمدين بس انا مايالاة للشروق
طيب ما الجامعة الالمانية والبريطانية ممكن ياخدوا شاهدات من برة
ده معناه ان باقى مهندسين مصر مش بيشتغلوا!!!!!!!
المهم ان الدراسة فى الاتنين كويسين وكل واحد حر فى اختياروا

[Eng.Ahmed Hagag]

المشاركة الأصلية كتبت بواسطة yasmine ibrahim

الشغل ده بتاع ربنا وتوفيق من عنده
ماينفعش نقول ان بتوع العاشر بيشتغلوا والشروق لأ !!!!!!!!
دى حاجات بتاعت ربنا
والاتنين كويسين ومعتمدين بس انا مايالاة للشروق
طيب ما الجامعة الالمانية والبريطانية ممكن ياخدوا شاهدات من برة
ده معناه ان باقى مهندسين مصر مش بيشتغلوا!!!!!!!
المهم ان الدراسة فى الاتنين كويسين وكل واحد حر فى اختياروا

والله الكلام زي الفل ومفيش احسن من كده أنا إن شاء الله أكاديمية الشروق وإن شاء الله نكون زمايل

[ابو شيكا]

وعموما نجد أن نظام الوحدات معقد وقاس ولا يلائم أغلبية الطلبه المصريين وهو بأعتراف الأغلبيه في هندسة العاشر..وما يزيد الطين بله وجود العديد من المواد التي لا يحتاجها من يدرس الهندسة كالتربيه الرياضيه والفن التشكيلي علي سبيل المثال وليس الحصر فيكفي طالب الهندسة المسكين بلاء المواد المتعلقه بتخصصه ..وجدير بالمعرفة أيضا أن أغلبية الطلبه في هندسة العاشر يستغرقون في الدراسه في مده زمنيه قدرها من6-8 سنوات والبعض قد يستغرقون أكثر!!...وبصراحه شديده فالغايه من نظام الوحدات الأمريكي هي شفط أكبر قدر من فلوس أهالي الطلبه !!
بما ان نظام الوحدات معقد ولا يلائم الطلبه الكصريين يبقى المنطق بيقول ان العاشر كانت اما تقفل (عشان هيا فاتحه فى مصر )او ما حدش كان التحق بيها اصلا عشان النظام القاسى ده
اما مقوله جدير بالذكر ان اغلبيه طلبه العاشر ياخدو من 6 الى 8 سنوات أعتقد الكلام دة مش علمى ولا منطقى الا لما تحصر الاعداد بدقه وتعرف الناس ان كلامك بمستندات
ولو ان تلك المعلومه صحيحه كده وجديره بالذكر يبقى اكيد اهل الطلبه اللى بيدخلو العاشر كل سنه مش بالسذاجه انهم يحطوا ولادهم فى مكان زى ده
اما عن الشغل فهو فعلا من عند الله وممكن اوى هندسات حكوميه كتير قاعدين بدون عمل وطلبه لسه بتدرس فى معاهد بتشتغل
عموما الاتنين كويسين بس كنت متوقع مقارنه موضوعيه بارقام موثوق فيها وليس كلام مرسل

[Eng.Ahmed Hagag]

المشاركة الأصلية كتبت بواسطة ابو شيكا

وعموما نجد أن نظام الوحدات معقد وقاس ولا يلائم أغلبية الطلبه المصريين وهو بأعتراف الأغلبيه في هندسة العاشر..وما يزيد الطين بله وجود العديد من المواد التي لا يحتاجها من يدرس الهندسة كالتربيه الرياضيه والفن التشكيلي علي سبيل المثال وليس الحصر فيكفي طالب الهندسة المسكين بلاء المواد المتعلقه بتخصصه ..وجدير بالمعرفة أيضا أن أغلبية الطلبه في هندسة العاشر يستغرقون في الدراسه في مده زمنيه قدرها من6-8 سنوات والبعض قد يستغرقون أكثر!!...وبصراحه شديده فالغايه من نظام الوحدات الأمريكي هي شفط أكبر قدر من فلوس أهالي الطلبه !!
بما ان نظام الوحدات معقد ولا يلائم الطلبه الكصريين يبقى المنطق بيقول ان العاشر كانت اما تقفل (عشان هيا فاتحه فى مصر )او ما حدش كان التحق بيها اصلا عشان النظام القاسى ده
اما مقوله جدير بالذكر ان اغلبيه طلبه العاشر ياخدو من 6 الى 8 سنوات أعتقد الكلام دة مش علمى ولا منطقى الا لما تحصر الاعداد بدقه وتعرف الناس ان كلامك بمستندات
ولو ان تلك المعلومه صحيحه كده وجديره بالذكر يبقى اكيد اهل الطلبه اللى بيدخلو العاشر كل سنه مش بالسذاجه انهم يحطوا ولادهم فى مكان زى ده
اما عن الشغل فهو فعلا من عند الله وممكن اوى هندسات حكوميه كتير قاعدين بدون عمل وطلبه لسه بتدرس فى معاهد بتشتغل
عموما الاتنين كويسين بس كنت متوقع مقارنه موضوعيه بارقام موثوق فيها وليس كلام مرسل

الحمد لله إن حضرتك اعترفت إن ال 2 كويسين
اما بخصوص موضوع ال 6/8 سنين ده فعلا بيحصل والله العظيم بشاهدة الناس اللي جوه مش بكلامي أنا
أكيد مش كله كده بس بيقولوا المعظم لازم يقع في سنة واللي مبيزاكرش ومريح نفسه بيقع في 3 ويمكن اكتر

[mmm_mohamed]

انا كطالب فى معهد العاشر ومن خلال دراستى فى المعهد اقدر اقلوكم على كل حاجة بالتفصيل الممل . بس انت فضيلي نفسك كدة .. بسم الله

أولا : نظام الدراسة بالمعهد اللى هو نظام الساعات المعتمدة : الحقيقة النظام ده المفروض انو بيخلى الطالب حر نفسه ومتحكم فى كل حاجة يعنى 1- هوة اللى بيختار المواد اللى هيخدها
2- وهوة اللى بيختار الدكاترة
3- وهوة اللى بيختار مواعيد المحاضرات وايام الاجازة
4- وكمان بعد الميدترم لو جاب درجة وحشة ولقى نفسه مش هيقدر يكمل فى المادة او مش عجبه الدكتور او اي حاجة ممكن (يسحبها) والسحب معناه ان الطالب كأنه مسجلش المادة ولا خد فيهها حاجة ومش هتتحسبله فى التقدير (GPA) .

كل اللى فات ده جميل اوى صح .. انا عن نفسي لما سمعت الكلام ده قبل دخول معبد العاشر كنت فرحان اوى ان النظام ده موجود عندنا وانا اللى هختار كل حاجة براااحتى

لكن للأسف والندم الشديد .. الواقع مغاير تماما لكل المميزات المذكورة بالأعلى باستثناء رقم 4 وهقولك فى الاخر ليه .

هتقولى طب ازاي مش ده نظام امريكى واوروبي وبلا بلا بلا .... ؟! اقولك انا بقى اللى فيها :

أولا : التسجيل

فى بداية كل ترم هناك ما يعرف باسم التسجيل وما ادراك ما التسجيل ... التسجيل عبارة عن عمل جدول لنفسك تختار فيه المواد اللى عايز تدرسها والدكتور ومعاد المحاضرة وكل الكلام الجميل اللى قلناه فوق ده .
وبيتم عن طريق النت او بطريقة يدوية (ورق) .. التسجيل عن طريق النت بيتم من خلال سيرفر غريب وعجيب الشكل ! تحس انه من ايام كمبيوتر الصخرة و لازم تحمل برامج معينة ومتصفح مخصوص لفتح هذا السيرفر اللعين . المتصفح ده اسمه net scape اغبى من internet explorer بكتيييير . فطبعا السيرفر بيكون عطلان معظم الوقت وتعد بقى تعمل ******* و restart للصبح وطبعا متعصب عشان انت مش قدامك غير ساعتين بس تسجل فيهم وكل مجموعة من الطلبة ليهم ساعتين فقط وده عشان السيرفر اللذيذ مبيستحملش عدد كبير يخش عليه ومع ذلك السيرفر بيديك error ومبيفتحش معاك .. وعلى هذا الحال لغاية مربنا يفرجها والسيرفر يفتح معاك ... فتتفاجئ بقى يا سيدى بأن مجموعات الدكاترة اللى انت عايز تسجل معاهم مغلقة لان كل مجموعة بتاخد عدد معين من الطلاب (60 طالب مثلا) وبطبيعة الحال الطلاب بيسيبوا الدكاترة الصعبة (اللى بيسقطوا اكتر من نص الطلبة اللى معاهم) ويروحو للدكاترة ولاد الحلال اللى هما قليلين اوى عندنا عشان كدة المجاميع بتاعة الدكاترة الكويسين بتقفل وميبقاش قدامك غير الدكاترة اللى انت مش عيزهم .. واللى بيزود الطين بلة ان عدد المجموعات اساسا قليل بالنسبة لعدد طلاب المعهد .. ده غير ان فيه مواد بيحتكرها بعض الدكاترة يعنى غصب عنك هتسجلها معاه يا إما تأجلها بقى لأجل غير مسمى (لغاية لما الدكتور ده يمشى من المعهد او يحصله حاجة ) . وتنتهى فترة تسجيلك وتعد تلطم لانك معرفتش تسجل حاجة من العشرين يونت اللى المفروض تسجلهم ... طبعا الكلام ده بيبقى فى الاسبوع اللى قبل الدراسة مباشرة و اول اسبوع فى الدراسة بيفتحوا التسجيل بس كل واحد فى يومه بردو (يعنى انت مثلا ليك يوم التلات تسجل فيه فيمنفش تسجل فيوم تانى) وطبعا الناس كلها تقريبا مسجلتش لسة .. اللى سجل 15 يونت ده يبقى عالمى واللى سجل 12 واللى 5 واللى لسة مسجلش خالص اما عن الشخص اللى سجل العشرين يونت بتوعه فده بقى بنعمله حفلة صغيرة كدة عالضيق .. فبتلاقى المعهد كله سايب الدراسة اللى بدأت وواقف عند مبنى التسجيل .. وطبعا عشان تفتح المجموعة اللى عايز تسجل فيها يطلع عينك .. كأنك فى مصلحة حكومية بالظبط .. بتجيب ورقة مخصوصة للموضوع ده اسمها ورقة فتح مجموعة وتملاها وتديها لرئيس القسم وهوة بقى على حسب مزاجه يمضيلك او ميمضيش انت وحظك بقى .. لو مضالك بتروح تقف فى طابور مبنى التسجيل عشان تدى الورقة للموظف ويسجلك المادة . هتعمل كدة فى كل المواد اللى انت عايز تفتحها وطبعا هتنجح فى فتح بعض المجاميع وتفشل فى اخرى وتضطر تسجل بقى اى مواد مع اي دكاترة وفى اى معاد عشان تملا جدولك وتسجل العشرين يونت اللى انت دافع فلوسهم مقدما .
وبعد انتهاء فترة التسجيل وضياع اول اسبوع او اسبوعين من الدراسة فى التسجيل .. ندخل بقى على مرحلة الدراسة نفسها .

مرحلة الدراسة

1- عدد المواد اللى بتخدها فى الترم الواحد حوالى 8 مواد او اكتر كمان .
2- مبتبقاش ملاحق بقى امتحانات طول الترم تقريبا من كويزات لميدترمات لشيتات ....
3- امتحانات الميدترم عندنا بتبقى وسط الدراسة عادى يعنى المحاضرات مش بتقف لالا بتدرس عادى خالص وتمتحن امتحان المادة فى المحاضرة بتعتها . يعنى مثلا : انت جدولك اليومى العادى عندك يوم الحد المحاضرة الاولى رياضة والتانية فيزيا والتالة انتاج .. وجت امتحانات الميدترم وامتحان الانتاج يوم الحد .. يبقى انت هتروح تاخد محاضرة رياضة وبعدين فيزيا وبعدين تروح تمتحن ميدترم الانتاج فى المحاضرة التالتة
4- ممكن يبقى عندك 2 او 3 ميدترم فى يوم واحد وحصلت معايا والله .
5- نظام الدرجات عندنا كل مادة 100 درجة متقسمين كالاتى : 30 ميدترم 30 اعمال سنة ودول فى ايد الدكتور بشكل كامل. و40 فينال . وده هنتكلم عليه فى الاخر .
6- عندنا مواد ثقافية وادارية وتجارية بالهبل ده غير بقى الــ8 كورسات بتوع التربية الرياضية (الألعاب) اللى مش موجودين فى اي حتة فى العالم ودول اجبارى وفيهم نظرى وعملى وميدترم وفينال وكل حاجة .. والله مبهزر الكلام ده بجد . وفيه ناس بتشيل المواد دى .
7- السحب بقى دى الحاجة الوحيدة اللى المعهد بيعملها صح لانه بيستفيد منها ماديا لأنك فى اول الترم بتدفع المصاريف بتاعة 20 يونت ولو سحبت مادة مبتخدش فلوسها ولا حاجة وهتضطر تسجلها تانى وتدفع فلوسها تانى وممكن السحب الكتير يأخرك فى التخرج فهتشرف بقى فى المعهد كام سنة زيادة كدة . فتلاقى المعهد بيفتح السحب لمدة اسبوع وبعدين يقفله وبعدين يفتحه تانى لمدة يومين عشان اللى مسحبش يلحق يسحب .
8- الفينال بقى : طبعا جدول الفينال مش بيبقى موحد عالكل لأن كل واحد مسجل مواد غير التانى فبتبقى الدنيا عك فى عك وتلاقى عندك 2 او 3 فينال في يوم واحد زي الميدترم (انا مرة كان جدولى فيه اربع مواد فى يومين ورا بعض يعني كل يوم مادتين ومادتين تقال ) والجديد فى الفينال بقى انك ممكن يبقى عندك مادتين فى نفس الوقت بالظبط وسعتها بقى بتقدم طلب انهم يأجلولك واحدة فيهم او يمتحنوك مع مجموعه تانية .
9- ضغط نفسي وعصبي طول الترم .
10- عندنا ترم تالت وده بيبقى تدريب وممكن تسجل فيه مواد بردو بس 6 يونت بس .

انا كدة خلصت معلش طولت عليكو بس انا حبيت احكى عن كل حاجة بالتفصيل الممل عشان لو حد هيخش يبقى عارف هوة داخل على ايه ولو حد عنده اي استفسار انا تحت امره .. وربنا يوفق الجميع .