|
#46
18-11-2009, 07:17 AM
|
||||
|
||||
الحلقة الثانية ( هنتغير بجد)
 حمــلة هنتغيــــر بجــــد يقدمه لكم / محمد عيــد  الحلقة الثانيــة بعنــوان ( الكلمـــة الطيبـــة صـــدقـــة )  +السلام عليكم ورحمه الله وبركاته =وعليكم السلام ورحمه الله وبركاته +ايه اخبار الحياه معاك ؟ =الحمد لله ماشيه تمام +حلقه النهارده لذيذه جدا = عن ايه ؟ +مش هقولك الا فى الاخر =ما انا عارف انت كده دايما +  ماشىبرضه هتعرف فى الاخر بص سؤال صغنون اوى فى الاول وغريب جدا فى نفس وذات الوقت = ايه هو ؟! +ما هى الكلمه ؟ = انا ماشى:  +  خد هنا بجد والله عاوز الاجابه =اجابه عن ايه ؟ +اجابه عن سؤال ما هى الكلمه ؟ =ياه على الصعوبه بس ماشى برضه هجاوبك يا صاحب الاسئله الغريبه الكلمه هو ما ينطقه اللسان وهى اما ان تكون اسم أو فعل أو حرف بس +ده انت شكلك حفيظ من اولى ابتائى = من بعض ما عندنا + ماشى طيب هات مما عندكم عاوز باللغه الدارجه وبصوره عامه وفى الحياه اللى عايشنها امثله للكلمه من حياتنا دلوقتى هقول مثلا شكرا دى كلمه وميرسى والسلام عليكم ورد السلام ولما اسأل عن حاجه وكده يعنى جميل اوى طيب انا هقول لك نماذج معينه من الكلمات مثلا ميرسى ،شكرا ،الحمد لله ، الله ينور ، عامل ايه ؟ ، برافو ، ولما واحد يغلط انت تشجعه على انه ما يغلطش تانى وتقوله كلمه ترفع من معنوياته وكده كلام كتيير اوى بس طبعا اى كلام ممكن يكون كويس او مش كويس =ماشى فهمت كده + طيب احنا بنقول الكلام ده قد ايه فى اليوم ؟ = قد ايه ... كتيييييييييير بتاع 75 % من كلامنا كده +طيب ايه رأيك لما كل الكلام ده ناخد عليه ثواب = طيب ازاى بقى يا فالح + صلى على حبيبك النبى الاول = صلى الله على محمد صلى الله عليه وسلم + حبيبك النبى ( الكلمه الطيبه صدقه ) وهنا حبيبك النبى حدد الكلمه الطيبه بس يعنى مش ترمى بالكلام وتقول انا قصدى خير يعنى النبى لما حدد حدد نوع الكلمه وليس اتجاه النيه يعنى ما تهزئش واحد وتقول علشان يفوق لاء حاول معاه واحده واحده وبرضه النبى قال ( من كان يؤمن بالله واليوم الاخر فليقل خيرا أو ليصمت ) يعنى اما تقول كلمه حلوه ولو ما عندكش كلمه حلوه يبقى ما تفتحش بُقك = ياااااااااااااه للدرجه دى حبيبنا النبى خايف على مشاعرنا والله بحبك يا رسول الله + شوفت اد ايه الدين وربنا والنبى بيتدخلوا فى كل شئ حتى نفسيتك وعلشان محدش يزعل التانى حتى لو كان مش قصده برضه لازم تراعى شعور اللى قدامك ولو رعيت شعور اللى قدامك وانت نيتك ان دى يارب انا عملها بنيه انها صدقه ده احنا كل يوم هنطلع صدقات كتيييييييييير اوى المهم دلوقتى نخلى نيتنا موجوده فى كل لفظ نقوله = طيب انا ساعات بنسى انوى ان الكلام ده بنيه الصدقه .. اعمل ايه ؟ + انوى من دلوقتى وخلى النيه جواك من اللحظه دى وكل لما تفتكر جدد نيتك علشان الثواب يتضاعف وخلى نيتك يارب انا عاوز احيى سنه قد اماتها الناس علشان ربنا يحيى قلبك يوم ما القلوب تموت = ازاى هو مش كلنا هنموت!! + مش ده معناها .. ولكن معناها ان يوم ما القلوب تموت يعنى يوم ما الناس مثلا ما تتأثرش ومش تخشع وقلبها يتملى ذنوب ويبعدوا عن ربنا ده معناها والنيه التانيه يارب ده بنيه ان الكلمه الطيبه صدقه =ماشى و يا حبيبى فكرنى ديما اجدد نيتى + حاضر بس كده دى حلقتنا النهارده ممكن تكون قليله بس بتلفت انتبهنا لشئ مهم جدا يا رب نكون كلنا اخدنا بالنا منه يلا سبحانك اللهم وبحمدك نشهد ان لا اله الا انت نستغفرك ونتوب اليك = سبحانك اللهم وبحمدك نشهد ان لا اله الا انت نستغفرك ونتوب اليك + السلام عليكم ورحمه الله وبركاته = وعليكم السلام ورحمه الله وبركاته  انتهــت حلقتنـــا انتظرونـــا ان شاء الله تعالى
__________________
إيد فى إيد .....نبدأ حياتنا من جديد حملة هنتغير بجد مين معانا مين عايز يتغير ويغير 
|
|
#47
18-11-2009, 07:47 AM
|
||||
|
||||
خليكى أجمل (الحلقة الثانية)
 حلقات خليكـــى اجمـــل ( للبنات وبـــس ) يقدمه لكم همسات قلب & ASMAA   الحلقة الثانيـــة بعنوان الثقــــة بــــالله _السلام عليكم ورحمة الله وبركاته _وعليكم السلام ورحمة الله وبركاته _إيه الاخبار؟! _اهو..كله ماشى _ماشى رايح فين؟ رايح مشوار_ماشى ياستى...المهم قولى إيه المزاج النهارده؟ _والله النهارده انا أوت مود خالص  _ليه كده؟ _حاسه انى مخنوقه..وكمان فقدت الثقة فى كل اللى اعرفهم..تخيلى صحباتى وطلعوا مش اد ثقتى بيهم...!!! _ياااااه..ده بقى اللى مزعلك أوى كده!!ولا تزعلى نفسك خالص..انا معاكى اهو..ثقى فى براحتك واتكلمى وانا كلى أذان صاغية..!! _فاكره لما قولتى لى المرة اللى فاتت عن أخلاقى؟!! _أكيد فاكره..السبب؟! _انا بجد حاولت..بس حاسه أنى مش هاقدر أكمل..انا بصراحة مش واثقه من نفسى اننى ممكن انجح _ليه بس الكلام ده؟!! _أنت شايفه مافيش حد معايا يستاهل أثق فيه ونتغير سوا _لاء مش صح..فى حد معاكى ويستحق الثقة كمان..وهيساعدك _.....؟!!وياترى مين ده؟! _ربنا.... _........؟!!!! _أيوه ربنا _بس هو ينفع يكون ربنا صديقى وبعدين هيساعدنى ازاى؟!! _أيوه طبعا ينفع..ياالله...تخيلى لما يكون صديقك ربنا..لما تتكلمى تتكلمى معاه..لما تتعبى..يقويكى..لما تفقدى الثقة بنفسك..بثقتك فيه تكونى أوثق _ازاى..؟!! _اسمعى كده الحديث الرائع ده... ربنا عزوجل بيقول فى حديث قدسى: (أنا عند ظن عبدى بى وأنا معه إذا ذكرنى فإن ذكرنى فى نفسه ذكرته فى نفسى وإن ذكرنى فى ملأ ذكرته فى ملأ خير منه وإن تقرب إلى شبرا تقربت إليه باعا وإن تقرب إلى باعا تقربت إليه ذراعا وإن اتانى يمشى اتته هروله )!! تخيلى..لما اكون واثقه أن ربنا هيساعدنى وهيقوينى وهاقدر أكمل ... ووقت لما كل الناس تتخلى عنى لأنى بغير نفسى للأجمل ... تلاقى لا الناس ولا اللى بيعملوا فارق معاكى أصلا لانى حطيت كل ثقتى فى ربنا ... ربنا وبس تخيلى بقى لما تكونى محسنه الظن بربنا... الدنيا هتفرق أد إيه معاكى...!! _...............؟!!!! _اسمعى كده ربنا عزوجل بيقول إيه : (إنما أمره إذا أراد شيئا أن يقول له كن فيكون) تخيلى (كن...فيكون) إللى امره منفذ بالسرعة ده وإللى مالك كل الكون ...مش يستحق منى اثق فيه... _(البنوتة منتبهه جدا... وبدأت عيونها تدمع..؟!!!!) _ حبيبت قلبى..ربناوحده هو اللى لازم تثقى فيه..يعنى انتى لما وثقتى فى البشر عملوا إيه؟! _هه...مع أول حاجه كنت محتاجهم ...ولا كأنهم موجودين...!!! _شوفى بقى لما تثقى فى ربنا..فى أى وقت تحتاجيه هتلاقيه... ده ربنا يعنى اللى دايم وموجود على طول ... ومش كده وبس ده ثقتى بيه هتنفعنى أوى _....؟!!!! ازاى؟! _فى دنيتى..هانجح واتفوق وأكون أجمل لانى وثقت بربنا.. فعملت اللى عليا ووثقت أن الخالق مش هيخذلنى فنجحت فيه وفى آخرتى ..هيكون مكانى الجنة _الجنة...؟!!! _ بالظبط..لانى لما وثقت فى ربنا عملت كل حاجة حلوه واجتهدت اوى وجاهدت نفسى _طيب افرضى الناس اتريقت عليا واستهزأت بيا اعمل ايه وقتها؟!! _وقتها لا كلام الناس ولا اللى بيعملوا معاكى هيفرق خالص ولا هيأثر فيكى لانك واثقه فى ربنا وبتعملى لربنا فبقيتى متأكده أن ربنا هيكون معاكى وهتنجحى فى اللى بتعمليه.. قولى لى بقى ..بالله عليك لما وثقتى فى البشر عملوا ليكى ايه؟!! _ولا حاجه خالص.. ده حتى كمان طلعوا اى كلام ومش يستحقوا الثقة لانهم مش يقدروا يعملوا اى حاجه خالص _طيب .. بالله عليكى ينفع أفضل واثقه فى البشر اللى... ولا أثق فى رب البشر اللى مش بيتخلى عن عباده أبدا؟! _أكيد طبعا لازم أثق فى ربنا..ربنا وبس _واعرفى طول ما أنتى واثقه فى ربنا هاكون أجمل...وهافضل أجمل... _أنا من دلوقتى مش هاثق فى حد غير فى ربنا وبس... _وهو ده المطلوب...أثق فى الخالق .. وبثقتى فيه هاقدر أتغير واعمل كل حاجه وكمان هاكون اجمل... وخلى فى بالك دايما الحديث القدسى (أنا عند ظن عبدى بى...) _طيب.. بعد إذنك دلوقتى عشان عندى ميعاد مع ربنا ... هاروح له وأطلب منه يعينى ويقوينى لأنى خلاص مش ليا أصدقاء غيره ... _وأنا مش هأخرك على ميعادك وإن شاء الله المرة الجايه تقولى لى ثقتك بربنا فرقت معاكى اد إيه... _إن شاء الله _يلا.. السلام عليكم ورحمة الله وبركاته _وعليكم السلام ورحمة الله وبركاته  استنونــا ان شاء الله مع حلقة جديدة وخليكــى اجمــــــــل
__________________
إيد فى إيد .....نبدأ حياتنا من جديد حملة هنتغير بجد مين معانا مين عايز يتغير ويغير
|
|
#48
18-11-2009, 08:06 AM
|
||||
|
||||
|
اقتباس:
طب ورينا مشاركاتك يا قمر يلا عايزة اشوف مشاركة تهز المنتدى
ههههههههههههههههههههههه
__________________
إيد فى إيد .....نبدأ حياتنا من جديد حملة هنتغير بجد مين معانا مين عايز يتغير ويغير
|
|
#49
18-11-2009, 11:16 AM
|
||||
|
||||
|
جزاكم الله خيرا
__________________
ما أصعب الاحساس بالفشل
|
|
#50
18-11-2009, 07:12 PM
|
||||
|
||||
|
جزاكم الله خير يا شباب
مجهود رائع جعله الله في ميزان حسناتكم ان شاء الله
__________________
أجمل شي في الحياة حينما تكتشف وجود أناس قلوبهم مثل اللؤلؤ المكنون في الرقة واللمعان .. والصفاء والنقاء .. قلوبهم تحمل الحب والعطاء .. اللهم احفظهم واكرمهم واجمعنا بهم تحت ظلك يوم لا ظل إلا ظلك .. اللهم ياارب لا تحرمنا من وجودهم فى حياتنا آمييييييييييين يا رب العالمين.
|
|
#51
19-11-2009, 07:02 AM
|
||||
|
||||
أتحرك بجد (الحلقة الثانية)
 اتحــرك بجـــد يقدمـه لكم / محمد عيــد  الحلقة الثانيــة ( استغفر الله العظيم ) كلمه بنقولها لما نتخانق وكأنها بتعبر عن غضبنا ولسان حالنا فى الكلمه دى كأنه بيقول للى قدامك ابعد عنى الساعه دى علشان ما اضربكش الحلقه دى بقى عاوزين نقول نفس الجمله وعاوزين لسان حالنا يقول للشيطان ربنا يلعنه ابعد عنى الساعه دى وكفايه الذنوب اللى انا فيها علشان ما ابهدلكش بالاستغفار الكتييير وبعد لما يغور برضه كتر من الاستغفار علشان ما يفكرش يقرب منك ويقول لنفسه يا عم انا كل لما اقرب للجدع ده يستغفر ربه مش ناقصه خلينى بعيد احسن وعلى فكره لما تكون مخنوق قول استغفر الله وبرضه لما تكون فرحان قولها وعلى فكره الاستغفار ده شئ مهم جدا لازم كلنا نعمله لاننا كلنا محتاجينه لان كلنا مذنبين وكلنا نفسنا ربنا حبيبنا يسامحنا ولو مش بتحس بيها قولها برده ما احنا بنقعد نجيب فى سيره الناس ونشتم و..و... وكل ده بنطيع نفسنا يلا بقى نطيع ربنا وده لمصلحتنا كلنا واجبنا بقى كل موقف نقف فيه نقول استغفر الله 5 مرات بس مثلا لسه صاحى من النوم اقولها وانا فى المواصلات وانا فى الكليه او فى المدرسه او فى الشغل وانا راجع للبيت لما ارجع وانا بفتح جهاز الكمبيوتر على ما يحمل ويفتح قبل ما انام وكده كل حاجه من دول اقولها 5 مرات بس استغفر الله والله كلمتين بس ومش هياخدوا مننا دقيقه ولو عاوز تكتر ياريت بس ياريت لا تقل عن 5 مرات استغفر الله واحنا متفقين اننا عاوزين نتغير وبرده مش عاوزين حد يقول يعنى الخمس مرات دول هما اللى هيغيرونا اوعى تقلل من العمل وحتى لو كان صغير جدا كله بحسابه وعلى فكره بقى مقلب صغير خالص كل اللى قرأ الحلقه دى اشترك معانا بالفعل لانه استغفر ربنا وهو مش حاسس 5 مرات يلا بقى اى مكان نروحه نقولها 5 مرات بس وعاوزين تقرير يومى من كل مشترك معانا ونخلى نيتنا اننا نشجع غيرنا علشان يقلدونا فناخد ثوابهم عاوزين نعرف انت عملت ده فين يعنى الاماكن اللى استغفرت فيها ال5 مرات وعاوزين نشوف شغل مشجع زى الاول وعاوزين كل واحد يقول لاصحابه وكل بنت جدعه عاوزه تبقى صح تقول لصاحباتها ان فى حمله اسمها " 5 مرات " اشتركوا معانا وكله يبلغنا يلا بقى بدايه التغيير مين هيشارك معانا ؟؟
__________________
إيد فى إيد .....نبدأ حياتنا من جديد حملة هنتغير بجد مين معانا مين عايز يتغير ويغير
|
|
#52
19-11-2009, 07:08 AM
|
||||
|
||||
|
اقتباس:
اقتباس:
وربنا يجازيكم خير يارب
__________________
إيد فى إيد .....نبدأ حياتنا من جديد حملة هنتغير بجد مين معانا مين عايز يتغير ويغير
|
|
#53
19-11-2009, 07:51 AM
|
||||
|
||||
|
استغفر الله العظيم من كل ذنب اذنــبــــتـــه ... استغفر الله العظيم من كل فرض تركـــــتــه استغفر الله العظيم من كل انسان ظلـمـتــــه .... استغفر الله العظيم من كل صالح جـفــوتــــه استغفر الله العظيم من كل ظالم صاحـــبتــه .... استغفر الله العظيم من كل بـــر أجـــــلتـــــه استغفر الله العظيم من كل ناصح أهنــتـــــه ... استغفر الله العظيم من كل محمود سئـمــتـــه استغفر الله العظيم من كل زور نطقت بــــه ... استغفر الله العظيم من كل حق أضــعــتـــــه استغفر الله العظيم من كل باطل إتبعــتـــــه .... استغفر الله العظيم من كل وقت أهــــدرتــــه استغفر الله العظيم من كل ضمير قـــتلــــته .... استغفر الله العظيم من كل سر أفشـــيـــــتـــه استغفر الله العظيم من كل أمين خدعــتـــــه .... استغفر الله العظيم من كل وعد أخلــفـــــتـــه استغفر الله العظيم من كل عهد خــــــنتــــه ... استغفر الله العظيم من كل امرئ خذلــــــتـــه استغفر الله العظيم من كل صواب كتمــــته ... استغفر الله العظيم من كل خطأ تفوهــت بـــه استغفر الله العظيم من كل ضلال عرفتـــه ... استغفر الله العظيم من كل ديــن أهمــلــتـــــــه استغفر الله العظيم من كل ذنب تبت لك به ... استغفر الله العظيم من كل ما وعــدتـــك بـــــه ثم عدت فيه من نفسى ولم أوفى به استغفر الله العظيم من كل عمل أردت به وجهك فخالطنى به غيرك استغفر الله العظيم من كل نعمة أنعمت على بها فاستعنت بها على معصيتك استغفر الله العظيم من كل ذنب أذنبته فى ضياء النهار أو سواد الليل او فى ملأ أو خلا أو سراً أو علانية استغفر الله العظيم من كل مال إكتسبته بغير حق استغفر الله العظيم من كل علم سُـئـلـت عنه فكتمته استغفر الله العظيم من كل قول لم أعمل به و خالفته استغفر الله العظيم من كل فرض خالفته ومن كل بدعه إتبعتها استغفر الله العظيم من جميع الذنوب كبائرها وضغائرها استغفر الله الذي لا اله الا هو الحي القيوم واتوب اليه استغفر الله العظيم على النعم التي انعم علي بها ولم اشكره استغفر الله العظيم من الرياء والمجاهره بالذنب وعقوق الوالدين وقطع الرحم استغفر الله العظيم لي ولوالدي وللمؤمنين والمؤمنات والمسلمين والمسلمات الاحياء منهم والاموات وصلي اللهم على محمد وعلى آله وصحبه الى يوم الدين
__________________
|
|
#54
19-11-2009, 07:53 AM
|
||||
|
||||
|
الفتاة المسلمة أنا الفتاة المسلمة مصونة مكرمة عفيفة محتشمة أنا الفتاة المسلمة بالدين والفضيلة وعفتى الاصيلة وشيمتى النبيلة أنال كل مكرمة أسير للأمــــام على هدى الاسلام نهج الكتاب السامى أنا به ملتزمــة يأبى على الدين والخلق المتين تبرجا يشين أو سيرة متهمة أعتز بالحجاب وسابغ الثياب فضائل الآداب أحيا بها منعمة لى قدوة عبر السنين بأمهات المؤمنين والصالحات كل حين إلى الفلاح ملهمة عرفت واجباتى كما عرفت ذاتى فأشرقت حياتى نضيرة مبتسمة لقد طلبت العلما هداية وفهما غدا أصير أما أبنى الحياة القيمة أعلم الاجيالا أنشئ الابطالا وأبعث الامالا فى أمتى مجسمة يارب تكون عجبتكم .. منقول
__________________
|
|
#55
19-11-2009, 12:41 PM
|
||||
|
||||
|
اقتباس:
والأجمد منه والأخطر الموضوعات اللي طرحتوها جميلة جدا ومفيدة بس يارب كلنا نسمع ونقرأ *************ونفذه ***************
وجزاكم الله خير الجزاء وجعله في ميزان حسناتكم وادخلكم الجنة بغير حساب آمين آمين
__________________
<<لا إِلَهَ إلا أَنتَ سُبْحَانَكَ إِنِّي كُنتُ مِنَ الظَّالِمِينَ>> <<أَنِّي مَسَّنِيَ الضُّرُّ وَأَنتَ أَرْحَمُ الرَّاحِمِينَ >>
|
|
#56
20-11-2009, 12:47 AM
|
||||
|
||||
__________________
|
|
#57
20-11-2009, 02:26 AM
|
||||
|
||||
|
أنت نور الله فجرا جأت بعد العسر يسرا ربنا أعلاك قدرا يا امام الأنبياء أنت في الوجدان حيا أنت للعينين ضيا أنت عند الحوض ريا أنت هادي وصفيا يا حبيبي يامحمد يرتوي بالحب قلبي حب خير رسل ربي من به أبصرت دربي ياشفيعي يارسول الله أيها المختار فينا زادنا الحب حنين جأتنا بالخير دينا ياختام المرسلين يا حبيبي يامحمد يانبي سلام عليك يا رسول سلام عليك ياحبيب سلام عليك صلوات الله عليك
__________________
|
|
#58
20-11-2009, 02:28 AM
|
||||
|
||||
|
حكمة
يجب أن أفتح نوافذ بيتي .. لكي تهب عليه رياح جميع الثقافات .. بشرط ألا ت***عني من جذوري ... ( غاندي )
__________________
|
|
#59
20-11-2009, 02:38 AM
|
||||
|
||||
 حلقات موضوع للنقاش
بقلم / Mega Mend    بســــم الله الــــرحـــمـــن الـــرحـــيـــم ميكروباص على أبواب جهنم .. دلائـــــل بـالصور يكتــظ العـديـد مـن الركـاب حـول بـاب الميكروبـاص .. فالكـل يريـد اللحـاق بمـوعـده  يكتمـل الـعـدد .. ومـع صـوت إغـلاق البـاب ينـطـلـق السـائـق .. ------------------------------------------------------------- فى المقـعــد الأمـامى كـانت تجلــس عبـيــر شــابة عـمـرها 24 سنــة ... وهى الان فى طريقهــا لمـلاقـاة حـبـيبهـا ( أو صديقهـا .. بمصطلحات هذا الـزمن ) بالرغـم مـن انهـا تحاول الألتـزام .. ولكنهـا تعتقـد انها لو لم تقابـل شبـاب فـلـن تـتـزوج وتخــاف مـن شـبــح العنــوســـــة قبـــــح الله كـل زواج بـهذه الطــريـقـــة وأسجـــل أعجـابـى بإبداعـــات الشـيطـان فى خـداع البشـــر ------------------------------------------------------------- بجــوارهـا يجلــس أستــاذ سـامــى مــوظف بسـيــط ... ينهمـك فـى قــراءة الجـريـدة ولكن نصيحــة منـى لا تـحـاول أن تصافحه ... فالمصافحة عـنـده مـعناهـا أن تـضع فـى يــده بـعـض الـجـنيـهـات  للأسـف هـو مـوظـف مـرتـشـى ... أذا كـان لديــك ورقـة حـكوميــة تـريـد أنجـازهــا ....فلن تــسمـع إلا الـجمـلـة الـمـشهــورة (فـــوووت علينا بكرة )  لكــن أذا وضعـت يـدك فــى جيبـك .. وأخـرجـت مـا لــذ و طـاب مـن الـجـنـيهـات ...فطــلبـك يــنـجــز فــى الـحــال مع أبــتســامــة رقـيـقـة مـنـــه ------------------------------------------------------------- فى المـقــعـد الـخــلـفـى يـجـلـس مـحـمـد كـل مـا يـربـطـه بــالإســلام هـو أنه مـسـمـى عـلى أسـم أشـرف الخـلـق (ص) فهو شــاب جامعى ... ولكـن لـو أردت الـبحـث عنـه فتـأكـد أنـــك لـن تـجـده فـى قاعـة المحاضرات من الممكن ان يكــون مـع صديقـتـه فـى كـافيتريـا الجـامـعـة  او مع أصـدقــائه فـى جـلسـة كـيـف أو ... أو... أو اى مكـــان أخــر ما عــدا المـسجـد و الجامعـــة ------------------------------------------------------------- بجـــواره يجــلـــس طــفـل صـغيـر عـائـداً مـن مـدرستــه  ولـه قصـة طريـفــة ستـعـرفـوهــا لاحــقـــاً ------------------------------------------------------------- يقطــــع صــوت أجــش صـمــت الـــركاب قـــائلاً (الأجــــرة يا جمـــاااااعة ..... ) أنه الأســطـى فــرحـــات ســائــق المـيكروبــــــاص  لا أعــرف لمـاذا الفكـرة الســائـدة عــن مـعظـم السـائقيـن انهــم أشخــاص عـديمـى الأخــــلاق ولكن يبـدو أن هــذه الفكـرة تـنـطبـق علـى الأسطى فــرحات فـهـو أذا تـكــلم لا تـسمــع مـنه إلا الـقبـيـح و الـسئ مـن الألفــــــــاظ وأذا كــانـت ألفـاظـه هكــذا ..فـمـا بـالك بـأفعـالـه ------------------------------------------------------------- تفتـح منـال حـقيبـتـهـــا ..لتـقـوم بإخــراج الأجـــرة بيـنمــا هـى تـبحـث عـن الـنقـود سـأقص لـكم حـكايتـهــا هى امــرأة متـزوجـة 35 سنة .. غيـــر مـحجبــة دائماً ما تضـع الأعــذار لـنفـسهــا ... فـهـى تـريد أن تــتحجب عـندما تـلتـزم بـكـل أمــور الــدين لأنهـــا لا تــريــد أن تـكـون مثـلـهـم مـجـرد غـطــاء لـلـشـعـر و أخـلاقـهـم عـــارية  بــصـراحة عـنـدك حـق (المـحـجـبات الـــعراة .. دنـسـوا الـحجـاب بـأفعالهم .... اللهم اهـــدهم ) لكـن عـذراً .. هـذا يسمــى بالأمانــى وهـو مـن مـداخل الشيطــان ... يا ريـت تـفهمى يا منال ------------------------------------------------------------- رنيــن مــوبـايــل بـيـنمـا الـركـاب يـجـمـعون الأجــرة أنه موبـايـــل الحـج صـلاح  يــــرد فى بـــرود (أيوا .. انـــا قولـتلكـم كـل اللى عـنـدى ..ومـفـيـش اكتر مــن كـده هـتخـدوه ) ثــم ينـهى الـمـكـالـمة فـى غـضـب لــقـد كـان عـلـى الـطـرف الأخــر أبـنـة أخـوه الـذى تـوفـى ... وهـى تطـالبـه بـحقـهـا فى الميـــراث يــاله مـن وغــد .... أبنـة أخـيه الـيتـيـمة ..يــأكل حــقــها ... ------------------------------------------------------------- يجــمع الأجــرة عـم خـلـيـل .. ويعـطـيهـا للـســائق .. قــــائلاً (ما تنســاش الباقى يــا أسطــى ) عـم خـلـيل هــو بـائـع الخـضـار و الفـاكهــة ... يـعتبـر نفـسـه بــائـع مـاهـر  فمــكسبـه فـى تـزايد مــسـتـمـر وإليـك الـطـريـقـة .. أذا كـنـت تـريـد أن تـكـون مــاهراً مـثـله أنه يغـش فـى المـيـزان ... والفـرق فـى الـوزن يـتـحول إلـى جنـيــهات  عــزيـزى عـم خـليـل .. أنـت غيـر رابـح ... انـت الخــاسر الأكبــر ويــل للــمـطـفـفـين ------------------------------------------------------------- واضعــاً سـمـاعـات الأم بـى ثـرى Mp3 فى أذنيــه عينيــه تتتجـول مـن نـافذة الشـباك و لا تتـرك أى أمـرأة إلا وتـفحص كـل جـزء فـيها  بــالرغم مـن أنـه لا يـعـاكس بـالكلام فهـو خجـول بعض الـشئ .. ولكن هـوايتـه النـظر ثم النـظر ثم النـظر ------------------------------------------------------------- ينــادى احـد الــركـاب (علـى جنـب يـا أسـطـى ) ينـزل الـراكـب و للأسـف لـم أستـطيـع مـعـرفة تفاصيــل عـنه  ------------------------------------------------------------- ولكن صعـد شيخ وقــور ... وقد أمتـدت لـحيـته حـتى مـنـتصف صـدره لو تكـلـم المـيكـروبـاص لـقـال (يا شيـخ مـا أركـبك هنـــا مـع هــؤلاء )  بعـد قـليـل تـبـيـن الأمــر الشيـخ يـظن ان التـدين يـعنـى الـتقـشــــف لـذلك ضيـق علـى أولاده و زوجتــه فـى كل شئ بخيــل فى صرفه علــيهـم بـدعـوى التقشف و الـــزهد حتـى الأبتسامــة يبخــل عليهــــم بهــــا .. أيــا مـن يـدعـى الـفـهـم .... فـكـر مـن جـديـد . فــى هـذا الميكــروبـاص يجـلس أيــضاً .. شخـص تـعـرفوه جـيـداً أنه كاتـب هذا الموضـوع .. نـعـم انـه مـيجــا مـينــد يجلــس وتــدور فـى رأســه كـلـمـات المـديـح و الشـكر التى انهالت عليه بعد الموضوع الذى كتبه بالأمس وكذلك ترشيح الاعضاء له كـصاحب قـلـم مـمـيز ... ويظــن انــه قـد أرضـى ربـه بـذلك ... فلـقـد كتـب و أبـدع وبـلـغ رســالة هـامـة لكـن يبـدو أنــه يـنسـى شئ هـام .. تـطبـيـق ما يكتبـه و الـعمـل به .. يا ميـجا مـينـد أصـحـى وفوووووق ... لا تـكـن كـالـحمـار الـذى يحـمل أسفــار .. ينـقـل الـعـلـم ولا يـعمـل بــه  ------------------------------------------------------------- بينمـا مـيجا ميـنـد مستـغرق فـى أحــلامه الوهـمـية يأتــى صـوت شاحـنـة كبيــرة تمـر بـجـوار الميـكـروبـاص .... وتـصـدم سـيـارة مجــاورة لـه و تـحـطـمـهـا تـمامـاً .... وتـستمـر فـى الـزحـف  لــكـن هـنــاك خـطـب مــــــا الأسطى فـرحـات يـحـاول فـى فـزع الأبـتــعـــــاد ... ولـكـن عـجـلـة القـــيــادة تـخـتـل فـى يـده .. ويـفـقـد السـيطـرة تـمـامـاً  ------------------------------------------------------------- صـراخ و عـويـل ثـم صـوت أرتـطـام شـديد جـــداً لـقـد سـقـطـت الشـاحنـة من الـكـوبـرى وأخــتـرق المـيكروبـاص سـور الكوبرى ... وأصبـح نـصـفـه مـتدلى بـالخـارج و عـلى وشـك السقـوط مـن أعـلى  هكـذا استـقـر الميكروبـاص نـصفه بـالخـارج و نصفـه عـلى الكـوبرى ... وفـى اى لحظـة مـمـكن أن يــسـقــط جمــيع الـركـــاب فـى فـزع.. يـصـرخـون فالنـهـاية مـحتـومة ..والـمـوت يـقـرع الأبــــواب ------------------------------------------------------------- الجميع يرتجــف و يتمتـم بكلمـات غـير مفـهومـة .... ولكـنى أقــتبسـت لـكـم منـهــا الاتى  عبيـــر ( يا رب سامحنى .. يارب ناجينى .. واعاهدك مش هخرج مع اى شاب تانى ... ) أستاذ سامـــى (يارب نجينى ومش همد أيدى للحرام تانى ...يا رب ناجينى علشان عيالى ..انا كنت بعمل كده علشانهم ) محمــد (يا رب سترك .. يا رب هصلح حياتى كلها ..يا رب انا عمرى ما صليت...) الطفــــــل الصغير ... هـــل تـــتـذكره  يقول (يا رب انا أخدت قلم صاحبى اللى جانبى فى المدرسة من غير ما يعرف ... وكمان كذبت على ماما و قلتلها انى باكل الستدوتشات و انا برميها .. سامحنى يا رب ) عــم فــرحات (يا رب ..انا معملتش اى حاجة حلوة فى دنيتى ..ادينى فرصة تانية) مــــنال (يا رب .. انا أول ما اخرج من الميكروباص ده هتحجب .. ) الحــج صــلاح ( يا رب .... أنا هرجع حق بنات اخويا ...يا رب سامحنى انا كلت اموالهم ...) عــم خـلـيــل ( يا رب انا عندى كوم عيال ...يا رب مش هغش تانى ... يا رب سامحنى )  الشخــص الذى لا أعرف أسمه (ناجينى ... يا رب انا كنت ببص بس ..مش بعاكس ولا بعمل حاجة تانية ..يا رب انا فهمت رسالتك ومش هعمل كده تانى .... ) الشيــخ الــوقـــــور ( يا رب عفوك و رضاك ... لقد كنت ممسكاً متقشفاً ... وزرعت الكره فى نفوس اولادى و زوجتى ... يارب نجنى حتى اعتذر لهم ... )  ميجــا ميـند (ألهى .. انت تعلم حالى .. بداخلى خير كثير و أفكار كثيرة ولكن لا أنفذها ... أنا فقط اتكلم و اكتب ... يا ألهى انا أتكلم و أكتب .. ولا أعمل .... فأعطنى الفرصة لأعمل ...) ------------------------------------------------------------- مــــــرت الـدقـائــق القــليـلة كأنها ساعـــات ... الــجمـيع يـنـتـظر الـمـــوت ...  دمــــوع و أهــــــــات أستغفــــــــار و عــهـــود مـــع الله تــوبــة .. وهـل تنـفــع تــوبة فـــرعــون عـندمــا رأى المــوت أعتـــــــــرافـــات أســــرار خبــــــايا منـــاجـــــــــاة .. كــلـها ظهـــــرت و سجــلـت لـكـم أحــداثـــهــــا ----------------------------------------- فى الخــــارج يـتجـمــع حـشــد مـن النـــاس يــحاولــون الـمــساعــدة شــد و جــذب و مـحــاولات ولكـــن قــضاء الله و قـــدره فـــوق أى محــاولة و مـجهــــود بعــد قـلـيل ينـجـحـون فـى أعــادة الميكروبــاص للــكــوبـــرى  نجــا بـفضــل الله جميـــع الــركـــاب .. وسيــــارة الأســـعـاف تـنقــل بـعـض الـمصابــيـن بجــروح طـفـيـفـة عــــــاد الجميــع لـبيـته سـالــمـــاً ------------------------------------------------------------- رااايــــــــح فـــين .... مــش ديه الــــنهاية لانــك لو أستطعت توقــع نـهـاية مـوضوعى و فكرته .... فـأنا ســأعتزل الكـتابة لـلأبد ------------------------------------ بعـــد عــدة شهـــــــور هــل تـــرى هــذه الــمـشـــهـــد  إنــها عبيـــــر .. هــل تتـــذكروهــا ... تجــلس الأن مع شـاب أخــر فـى مـوعـد غـرامـى لـقـد كــررت نفـس الذنـب ------------------------------------------------------------- سأخــتـصر الأحــداث ... فــلقـد عـاد الـجمـيع لـطبـعـه السـئ مـرة أخــرى .. نقضــوا عهــدهم مع الله الذى نجــاهم و نسـوا فضـله ... مجــرد أيـــام التــزمــوا فـيـها بعـد الحـادثـة ... ثـم بدأ الأنسحــاب بالتـدريـج حتــى عـادوا إلـى مـعـاصيـهـم..بـل منـهم زاد عـنهـا ------------------------------------------------------------- ولكن لا تنـــدهــش فلقــد أخـبـــرنـا المـولـى عـز و جـل عـن كـل هـذا بـالـتـفـصـيـل من فضـــــلك .... مـن فـضـــــلك... مــن فــضـــــلك أقــــرأ هـــذه الأيـــة بــهــدوء و تــــــركيز وركـــز عــلــى الكــــلمـات الــمــلـــونة يقول تعالى "هُوَ الَّذِي يُسَيِّرُكُمْ فِي الْبَرِّ وَالْبَحْرِ حَتَّى إِذَا كُنتُمْ فِي الْفُلْكِ وَجَرَيْنَ بِهِم بِرِيحٍ طَيِّبَةٍ وَفَرِحُواْ بِهَا جَاءتْهَا رِيحٌ عَاصِفٌ وَجَاءهُمُ الْمَوْجُ مِن كُلِّ مَكَانٍ وَظَنُّواْ أَنَّهُمْ أُحِيطَ بِهِمْ دَعَوُاْ اللّهَ مُخْلِصِينَ لَهُ الدِّينَ لَئِنْ أَنجَيْتَنَا مِنْ هَـذِهِ لَنَكُونَنِّ مِنَ الشَّاكِرِينَ فَلَمَّا أَنجَاهُمْ إِذَا هُمْ يَبْغُونَ فِي الأَرْضِ بِغَيْرِ الْحَقِّ صدقت ربى ومن أصدق منك قيلاً هذا الأيــــة تلــخـــص بــبســـاطـــة قــصـــة الـمــيكـــروبـــــاص .... وكــــذلك قصــــة كل مـــعـصيـة نتــــوب عـــنها وقـــت الـشــدة ثم نعـــــود إليهـــــــا بـعـد الـفــرج بالله عليك كم مـــرة حــدث مـعــك هـــذا الــمــوقــف فــى حــيـــاتك .. تــتــعرض لــمـشكـلة كـبـيـرة و تـســأل الله تــفريـــج هــمـك ...ثــم بـعـد الـفــرج تــعــود مــن جــديــد لأفــعـــالك ... من فضـــلك كــن صـــــــادقاً مــع نــفــســك و أعـــترف لها وأذا كنت من ركاب هذا الميكروباص عليك النزول فوراً ..... قبل فوات الأوان (اللهم لا تجعــلنى مثل ركـــاب هــذا الميكروبــاص ... واجــعــل فى قلبى الاخـــلاص ) تم الموضوع بحمد الله ------------------------------- والان نفتح باب النقاش للجميع 
__________________
|
|
#60
20-11-2009, 11:43 PM
|
||||
|
||||
|
اقتباس:
السلام عليكم بجد مش لاقية رد يوصف شدة اعجابي بالموضوع وفعلا القصة تلخص حكاية حياة ناس كتير انا حطيت نفسي في موقف اني اكون في الميكروباص ده بجد عنيا دمعت لاني فعلا في مواقف انا كنت بعاهد ربنا اني مرجعش ارتكب الخطا الفلاني وتلاقيني رجعتله تاني حقيقي موضوعك فوقني جزاكم الله خير الجزاااء جعله الله في ميزان حسناتك ان شاء الله
__________________
أجمل شي في الحياة حينما تكتشف وجود أناس قلوبهم مثل اللؤلؤ المكنون في الرقة واللمعان .. والصفاء والنقاء .. قلوبهم تحمل الحب والعطاء .. اللهم احفظهم واكرمهم واجمعنا بهم تحت ظلك يوم لا ظل إلا ظلك .. اللهم ياارب لا تحرمنا من وجودهم فى حياتنا آمييييييييييين يا رب العالمين.
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 02:45 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
