اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الركن الإجتماعى > اجتماعيات طالب

اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية

إضافة رد
 
أدوات الموضوع انواع عرض الموضوع
  #1  
قديم 08-12-2013, 10:18 AM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي انجح هات مجموع عالي .. ازاي


بسم الله الرحمن الرحيم

كلنا بيسأل نفسه .. عايز اجيب مجموع عالي بس ازاي .. أنا أقوالك ازاي
نجاحك ده بيتلخص في بعض العوامل أهمها :
1- لازم الثقة بالنفس وتحديد أهداف وطموحات
2- طاعة الله ورسوله والحرص على الصلاة في وقتها خاصة الفجر ، وطاعة الوالدين وفعل الخير والإحسان للناس .
3- حب المادة .. طب ازاي ( انك تفتكر يوم النتيجة وانتا رافع راسك وراس أبوك وأمك .. وانك تشوف نفسك بعد عشر أو 15 سنة طبيب أو مهندس أو أي حاجة تحبها ) وحط المقولة دي في دماغك ( حب ما تعمل حتى تعمل ما تحب ) .
الاجتهاد .. وانك اتعتقد إن ربنا مش هيضيع جهدك 4-
5- انتا خايف من الامتحان .. صح .. طيب ليه متعتبرش الامتحان ده خصمك ولازم تعرف نقاط ضعفه وقوته ...وتشوف كل مبارياته علشان تعرف تلاعبه .. وتلاعب ناس كتير في مستواه أو اعلى منو .. يعني تحل امتحانات كتير
6- تنظم الوقت .. وانك تعرف ازاي تذاكر .. وتقدر تقعد على الكتاب لمدة طويلة
دول ست نقط كل نقطة ليها إن شاء الله درس منفرد

رد مع اقتباس
  #2  
قديم 08-12-2013, 02:45 PM
محمود صفى الدين محمود صفى الدين غير متواجد حالياً
عضو قدير
 
تاريخ التسجيل: Jan 2013
المشاركات: 488
معدل تقييم المستوى: 12
محمود صفى الدين is on a distinguished road
افتراضي

نااااااااايس توبيك اكتر من رائع
__________________
اللهم وفقنى وكل طالب علم لكل خير
رد مع اقتباس
  #3  
قديم 08-12-2013, 04:00 PM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي

أنا لسه مخلصتش الموضوع .. عايزين نسمع رأي حضرتك بعد الانتهاء
رد مع اقتباس
  #4  
قديم 08-12-2013, 04:54 PM
الصورة الرمزية كامل خميس
كامل خميس كامل خميس غير متواجد حالياً
طالب بكلية الصيدلة
 
تاريخ التسجيل: Dec 2012
المشاركات: 679
معدل تقييم المستوى: 12
كامل خميس is on a distinguished road
افتراضي

ومتى البقية
__________________

الحمدلله
رد مع اقتباس
  #5  
قديم 08-12-2013, 06:53 PM
إبراهيم داود إبراهيم داود غير متواجد حالياً
عضو مشارك
 
تاريخ التسجيل: Jul 2009
المشاركات: 147
معدل تقييم المستوى: 15
إبراهيم داود is on a distinguished road
افتراضي

حــلو أوووووى ..
كمـل بسـرعة ...
رد مع اقتباس
  #6  
قديم 08-12-2013, 09:26 PM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي

من عنيا يا أستاذ إبراهيم
رد مع اقتباس
  #7  
قديم 08-12-2013, 10:38 PM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي

الدرس الأول : الثقة بالنفس وتحديد الطموحات :
إزاي تثق بنفسك .. انتا أكيد جواك أفكار سلبية
( مثلا : إنك هتعيد السنة أو هتجيب مجموع وحش أو مش هتدخل الكلية اللي بتتمناها ) ..
أنا مش قادر .. أنا مش بفهم .. مش بعرف أحفظ ..
يا عم والله العظيم انتا عندك حاجة في راسك وزنها كيلو تقريبا .. تقدر تحفظ بيها أي حاجة ..
ربنا بيقول في القرآن الكريم ( وعلم آدم الأسماء كلها ) .. شفت ازاي انك تقدر تحفظ أي حاجة ..
انتا ليه بتقول مقدرش ..
انتا جربت ..
حاولت ..
طيب اعمل اللي عليك والباقي على ربنا ..
فأول كلمة هنقولها ..
أنا أقدر ..
أنا من وجهة نظري نظام التعليم في مصر غلط في غلط باختصار فاشل ..
أكيد انتا بتقول كده .. لأنوا بيوقف مستقبلك على ورقة وش وضهر ..
طب لو قلت للناس ( أنا شاطر بس النظام فاشل )
الكل هيرد عليك بشكل واقعي ( لما هوا فاشل ازاي فلان ابن عمو فلان جاب مجموع عالي ازاي مع النظام الفاشل ده )
يبقى لازم تنسى ان النظام ده فاشل وتحط في راسك المقولة دي ( الناجح هو الذي يحقق نجاحه في أقصى ظروف الفشل ) ..
نسينا إن النظام ده فاشل ..
في أفكار بتيجي لبعض الطلبة ..
يقول انه ازاي يحل امتحان طويل عريض بدون ولا غلطة ..
ازاي يجيب 98%
طيب ..
ازاي في طلبة جابوا مية في المية وطلعوا أوائل الجمهورية كمان ..
هل فيه فرق بينك وبينه .. لا طبعا .. فيه .. انو هو بيطرد الأفكار السلبية دي ..
ويحط بدلها ايجابيات
( إن شاء الله هقفل المواد كلها .. وهجيب 100% .. وهدخل الكلية الفلانية )
بعد ما طردنا الأفكارالسلبية ..
ازاي أحدد طموحي ..
انا بذاكر ليه ..
انا عايز اووصل لايه ..
وكام نسبة نجاحي أو وصول للشيء ده ..
اللي انا متوقعها .. ودايما حط نسبة نجاح عالية ..
لان لو ما حققتاهاش .. حتحقق أقل منها بدرجة بسطة ..
انا هجيب 100% .. لو قلت كدا ..
مع المذاكرة الجادة ممكن تجيب من 95 الى مية في المية
بص من غير تحديد هدف .. حتى لو جبت مجموع عالي .. حتى لو دخلت الكلية الفلانية ..
انتا فاشل ..
يعني لازم قبل ماتذاكر .. أنا هذاكر ايه .. هذاكر ليه .. عايز أوصل لايه ..
وبتحديد هدفك هتكون عملت 70 % من اللي عليك .. والنسبة الباقية دي .. مذاكرتك ..
احنا هنمشيها ثقة وطموحات ولا ايه .. لا يا عم انا مبقولش كدا علشان تقعد تقولي أنا هنجح وهجيب وهاعمل .. من غير مذاكرة .. لا يا عم الحاج .. لازم علشان النجاح تحقق المعادلة دي ..
نجاح = 70%تحديد أهداف + 30 % مذاكرة
ويدخل برضو في تحديد الاهداف .. تحديد هدف على المدى البعيد ..
اللي هو أكبر هدف
يعني مثلا انك عايز تترشح لمجلس الشعب ..
او تكون عميد الجامعة الفلانية ..
او حتى رئيس الجمهورية ..
وبص للنقطة المهمة دي .. مش الحياة الطب والهندسة والصيدلة .. ممكن تكون مدرس بس بارع في المادة بتاعتك .. يعني القصد انو اهم حاجة التميز .. مش المجال ..
فخلاصة الدرس هو طرد السلبيات ووضع ايجابيات مكانها .. تمحوها .. وتحديد الهدف اساس النجاح ..

وبكدا انتهى الدرس الأول .. ان شاء الله الدرس الجاي قريبا.. جدااااا
رد مع اقتباس
  #8  
قديم 09-12-2013, 10:48 AM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي

الدرس الثاني : طاعة الله ورسوله والحرص على الصلاة في وقتها خاصة الفجر ، وطاعة الوالدين وفعل الخير والإحسان للناس .
يمكن الحاجات دي صعبة شوية .. وانتا تفتكر انها ممكن تضيع وقتك ..
بس انتا لو تعرف أهميتها وقيمتها .. مش هتقول كده ..
طاعة ربنا كانت سبب في نجاح ناس كتير .. وفي نفس الوقت كانت من عوامل الفشل لناس تانية ..
انتا أكيد بتقول .. ان الحكاية جهد .. مش صلاة وبر..
ممكن تكون بتجتهد وربنا هيديك على قد جهدك ..
بس مش ربنا هو اللي اداك العين اللي بتشوف بيها ..
والعقل اللي بتحفظ وتفهم وتفكر بيه ..
وغيرها من النعم .. كتيييييييييييييييييييير ..
يعني كل النعم دي وانتا مش عايز .. تشكر ربنا ..
يا اخي ده انتا لو واحد بيعملك أي خدمة في الشارع .. بتقوله شكرا ..
طيب .. انتا فاكر ان الصلاة أجر وبس .. لا طبعا .. دي حاجات كتييييير ..
ربنا بيقول في كتابه الكريم ( ولئن شكرتم لأزيدنكم ) .. أهي أول حاجة استفدناها ..
الزيادة والبركة ..

ربنا كمان بيقول .. ( ومن أعرض عن ذكري فإن له معيشة ضنكا ) ..
تاني حاجة .. الراحة النفسية ..
ربنا برضو بيقول ..
( إن الصلاة تنهى عن الفحشاء والمنكر ) ..
تالت حاجة .. تبعدك عن المعاصي .. والذنوب ..
احنا قولنا صلاة الفجر بالأخص ليه ..
أولا :: انتا لما تقوم الصبح بيبقى فيه هدوء شديد .. لما تنزل تصلي في الجامع .. هتكون بدأت يومك بجرعة نشاط ..
وفي نفس الوقت برأت نفسك من النفاق .. طيب .. وثبت علميا إن فترة الصبح هي أفضل فترة في اليوم كله ..
بعد كده طاعة الوالدين ::
انتا هتطيع أبوك وأمك ليه .. علشان الامتحانات صح .. تبقى غلطان .. لانك كدا عملت الحاجة دي ..
علشان حتة ورقة وش وضهر ..
يبقى مفيش إخلاص .. يا أخي مش كفاية ان هما اللي جابوك للدنيا دي ..
وهما علموك وربوك .. وعملوا كتييييير كتيييير ..

يبقى أنا هطيع أبويا وأمي علشان ربنا أمرني بكدا .. في كتابه العزيز .. ( وبالوالدين إحسانا )
يبقى أول حاجة هنستفيدها من طاعة الوالدين هي .. الامتثال لأمر الله ورسوله ..
ايه تاني .. انتا عارف ان دعوة الوالدين ليك .. خصوصا أمك ..
دي كبيرة جدا .. لان من الثلاثة الذين لايرد الله دعاءهم .. دعوة الوالد لولده ..
تالت حاجة .. الراحة النفسية برضو ..
تالت حاجة فعل الخير والإحسان للناس ::
انتا لما بتدي واحد مسكين أي فلوس .. حتى لو ربع جنيه ..
انتا مش عارف ايه الفوائد من كده ..
اقولك يا عم ..
اول حاجة .. الصدقة تدفع البلاء .. يعني تحوش عنك المصايب ..
تاني حاجة ترضي عنك الله ..
تالت حاجة .. تكفير الذنوب ..
يعني شوف الربع جنيه ده .. مفعوله ازاي ..
بعد كده الإحسان للناس ..
يدخل على فكرة في الإحسان للناس .. صلة الرحم ..
مش زي قرايبك اللي بتشفوهم في العيد الكبير بس ..
اولا :: صلة ربنا ليييييييييك .. ودي الأعظم ..
تاني حاجة .. دخول الجنة ..
تالت حاجة .. زيادة الإيمان ..
ومن الأسباب المهمة القران الكريم ..
هل تعلم أن الربع الواحد مش هياخد منك ربع ساعة ..
يعني ايه المانع تقرا ربع كل يوم وانتا رايح المدرسة ..
أو بعد ما تصلي الفجر ..
على فكرة القران فوائده عظيمة جدا ..
منها راحة النفس .. والشفاء من كل داء .. بس لمين للمؤمنين ..
( وننزل من القران ما هو شفاء ورحمة للمؤمنين )
الدعاء ..
وده سبب عظيم للناجح ..
) إن الله يستحي من عبده إذا رفع يديه أن يردهما صفرا )
ازاي ربنا يستجيب دعاءك .. !!؟؟؟
أن يكون مالك حالك ولبس حلال وشربك حلال ..
انك تلح على ربنا في الدعاء ..
يعني مش ترفع ايديك وعندك شك في الاجابة حتى لو 01.% ..
لا ده انتا لازم تكون متأكد من الاجابة ..،،
الاخلاص في الدعاء ..
فعل الخير بشتى أنواعه ..
الطمع فيما عند الله ..

وبكدا الدرس التاني خلص ..
انشاء الله الدرس التالت قريبا .. جدااااااااا

نسألكم الدعاء ..
رد مع اقتباس
  #9  
قديم 09-12-2013, 10:52 AM
محمود صفى الدين محمود صفى الدين غير متواجد حالياً
عضو قدير
 
تاريخ التسجيل: Jan 2013
المشاركات: 488
معدل تقييم المستوى: 12
محمود صفى الدين is on a distinguished road
افتراضي

جزاك الله خيرا انا قريت الاولى و و كنت مستنى الكمالة
__________________
اللهم وفقنى وكل طالب علم لكل خير
رد مع اقتباس
  #10  
قديم 09-12-2013, 10:57 AM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي

وجزاك .. ولسا فيه كمان .. بس دعمكم لينا ..
رد مع اقتباس
  #11  
قديم 09-12-2013, 07:45 PM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي

يعني مفيش ردود .. بكتب لنفسي أنا ..
رد مع اقتباس
  #12  
قديم 09-12-2013, 08:04 PM
Yasmeena.R Yasmeena.R غير متواجد حالياً
عضو قدير
 
تاريخ التسجيل: Oct 2011
المشاركات: 403
معدل تقييم المستوى: 13
Yasmeena.R is on a distinguished road
افتراضي

ازاى احنا في اشد الحاجة للموضوع دا

انا اول مرة اشوف الموضوع وعاجبنى جدا جدا جدا

يريت تستمر معانا حضرتك

انت لو شوفت كمية الشكاوى اللى الطلبة بيشتكوا منها هتعرف ازاى محتاجين للتوبيك دا بكرا هتلاقى كله دخل وكتب مشكلته كمان يعنى

وانا هقولهم الجروب تالتة ثانوى لانهم اكيد عايزين الموضوع دا

وحضرتك لو شوفت التوبيكات هنا معظمهما شكاوى محتاجة حلول من المجربين زي حضرتك

استمر

وجزاك الله خيرا وهكمل قراية
__________________
حديث الرسول -صلى الله عليه وسلم- :
"المؤمن القوي خير وأحب إلى الله من المؤمن الضعيف وفي كلٍ خير، احرص على ما ينفعك، واستعن بالله، ولا تعجز،
وإن أصابك شيء فلا تقل: لو أني فعلت كان كذا وكذا، ولكن قل: قدر الله وما شاء فعل، فإن لو تفتح عمل الشيطان"



رد مع اقتباس
  #13  
قديم 09-12-2013, 08:15 PM
Yasmeena.R Yasmeena.R غير متواجد حالياً
عضو قدير
 
تاريخ التسجيل: Oct 2011
المشاركات: 403
معدل تقييم المستوى: 13
Yasmeena.R is on a distinguished road
افتراضي

حضرتك بس عشان في فترة محدش من الطلبة القديمة سأل احنا ضايعين ازاى بسبب امتحانات الميد تيرم فالطلبة اللى زى حالتنا فقد الامل في النصيحة دلوقى الى حد ما
اول مهيلاقوا الموضوع دا هتلاقى تفاعل غير عادى
لان بجد واقعين
وجزاك الله خيرا
__________________
حديث الرسول -صلى الله عليه وسلم- :
"المؤمن القوي خير وأحب إلى الله من المؤمن الضعيف وفي كلٍ خير، احرص على ما ينفعك، واستعن بالله، ولا تعجز،
وإن أصابك شيء فلا تقل: لو أني فعلت كان كذا وكذا، ولكن قل: قدر الله وما شاء فعل، فإن لو تفتح عمل الشيطان"



رد مع اقتباس
  #14  
قديم 09-12-2013, 08:19 PM
محمود صفى الدين محمود صفى الدين غير متواجد حالياً
عضو قدير
 
تاريخ التسجيل: Jan 2013
المشاركات: 488
معدل تقييم المستوى: 12
محمود صفى الدين is on a distinguished road
افتراضي

شكلتى اذاكر وانسى ع طول النظرى وطبعا معظم الدروس ان لم تكن كلها مبحلش عليها لان اول ما سؤال يقف قصادى بتعقد من المادة واسبها واشوف غيرها يعوض ربنا
__________________
اللهم وفقنى وكل طالب علم لكل خير
رد مع اقتباس
  #15  
قديم 09-12-2013, 09:09 PM
محمود صفى الدين محمود صفى الدين غير متواجد حالياً
عضو قدير
 
تاريخ التسجيل: Jan 2013
المشاركات: 488
معدل تقييم المستوى: 12
محمود صفى الدين is on a distinguished road
افتراضي

موقع حلوووووووووو http://www.skoool.com.eg/Default.aspx?tabid=87
__________________
اللهم وفقنى وكل طالب علم لكل خير
رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 03:57 AM.