|
||||||
| أخبار و سياسة قسم يختص بعرض الأخبار و المقالات من الصحف يوميا (المصرية والعربية والعالمية ) |
 |
|
|
أدوات الموضوع | انواع عرض الموضوع |
|
#1
15-03-2013, 07:26 AM
|
|||
|
|||
د.محمود العادلي يكتب: باكي ( نام) .. بس العريان (صاحي )
د.محمود العادلي يكتب: باكي ( نام) .. بس العريان (صاحي )
الخميس 14 مارس 2013 - 9:57 م د.محمود العادلي رأي ورؤى  د.محمود العادلي يُحكي أن ...أن إيه ...أن ( قراقوش ) ..قام من نومه مرعوباً ...مفزوعاً ...مقهوراً ....باكياً ...شاكياً ...وعيونه زائغة ...وأفكاره حائرة ....فاستيقظ الخدم ...والحشم ....على صراخه ...مستفسرين : مالك يامولاي ...ألم تشرب الشاي ...وتسمع الناي ...قبل أن تنام ... في هناء وسلام ....فرد قراقوش : نعم ..ولقد نمت بانسجام ....ثم فوجئت ..بكابوس ...حيث ظهر لي رجل بلبوص ....وكلامه زي الجلوص ..... وهو يقول لي : أنت فاشل ...يا فاشل .... فقلت وأنا مرعوب : أزاي أبقى فاشل ...ده أنا عالم في (ناسا) ...وأسأل عني كل ( الناسا ) .. فقال البلبوص : ولكن كل قراراتك ....مضروبة ...ومدينتك أصبحت مخروبة ...فمن يوم ما جلست على كرسي المدينة ...والقلوب كلها حزينة ...لأنك تتخذ القرار في المساء ...وفي الصباح يُكتب عليه الفناء .. وبصراحة – والصراحة راحة - قرارتك غير مدروسة ...( وتمامك) تلعب طاولة محبوسة ... فكل قرارتك فاشوش ...مش كده ولا أيه يا قراقوش فقلت له : أزاي ابقى فاشل ...وأنا استلمت دولة ....واحدة ...فجعلتها دولتين ...دولة رسمية ...ودولة موازية ....وأستلمت شعب واحد ...فتحول لشعبين ...وأحياناً عدة شعوب ..شعب تبع الجماعة ...وشعب بينضرب كل ساعة ... البلبوص : طيب أيه مشكلة .... البنزين والسولار ... قراقوش : المشكلة في الدولار ....وكمان أحنا ناويين نرفع الأسعار ...وهنخليها نار ...نااااااااااااااااار ...ناااااااااااااااااااار ..نار ياحبيبي نار ... ويستطرد قراقوش مكملاً : هنا وجدت النار تشتعل فيّ ..وفي قصري ....وفي أهلي وعشيرتي ....والصراخ من حاولي ...في جميع الأماكن ....والناس يصرخون بأعلى أصواتهم .....أرحل .....يا فاشل ....أرحل يافاشل ....يافاشل ...يافاشل .....يافااااااااااااااااااااااااااااااااااااشل فتدخل كبير الشمرشجية قائلاً : أحنا يامولاي نعملك ( زار) . .ونجيبلك الأخ ... (باكي / نام ) ومعه عريان باشا ملط ....ومعهم ( المرشد ) ....وأخوك ( الشاطر ) ....ويرقصون لك ..ويغنون ...ويطلعوا العفريت اللي ركبك ...من أيام ما كنت في الخارج ...قراقوش مين (باكي/نام ) ... كبير الشمرشجية : .ده واحد من الجماعة ....فاكر نفسه فيلسوف عصره ....وأنه كبير السياسيين في العالم .....وهو لا يعرف الألف من كوز الدرة ..وكل مؤهلاته أن بيعرف شوية لغات ...وأنه من الأخوان ....ده مرة راح .....مؤتمر دولي ...عك عكاً لا يعادله عك سوى عكك يا مولانا قراقوش قراقو ش: آمال سموه ( باكي / نام ) ليه ... كبير الشمرشجية : لأنه لايستطيع أن يعرض أفكاره التبريرية لأخطاء الحكم الجهنمية ...إلا بعد ....أن يبكي ساعتين قبل الكلام ...وساعتين بعده ...وبعد كده ينام.. قراقوش : عشان كده سموه ( باكي / نام ) . كبير الشمرشجية : بس (عريان باشا ملط ) (( صاحي )) على طول ... صاحي لأى موقف يثبت فيه ولائه ....لماما أمريكا ....وربيبتها (دلوعة ماما ) أمريكا . .وكمان صاحي ...لموضوع مجلس نواب الشعب ..... قراقوش : أزاي ؟!! كبير الشمرشجية : أي حاجة تمنع تشكيل مجلس نواب الشعب ...بيقف لها بالمرصاد ... قراقوش : ماهو ده اللى مجنني ...وبيحرجنى مع الشعب ..لدرجة أنه طلب الطعن على حكم المحكمة اللى وقفت الانتخابات ...رغم أننى وعدت شعبي الحبيب ..أننا مش هنطعن عليه ... كبير الشمرشجية : أنا أسف يامولاي أن أقول لك إن الناس بيقولوا حاجات مش كويسة على حكمك قراقوش : زي أيه .كبير الشمرشجية : تعطيني الآمان قراقوش : أعطيك الأمان . كبير الشمرشجية : بيقولوا ..بيقولووووووووووووا ..بيقولووووووووووووا قراقوش: قل ..بيقولوا أيه ! كبير الشمرشجية : بيقولوا : إن حكم قراقوش في مرحلة التليين ....وعدم الخبرة السابقة تؤدي الى تخبطه هو وجماعته . كما أن وجود أكثر من ريس للمركب ...تؤدي الى تناقض القرارات التي تصدر عن قراقوش ...وجماعة قراقوش..واللى جابوا قراقوش ..لدرجة أن واحد من الكُتاب بيقول ( لمؤاخذة ) : إن (( سراول الحكم سقط ....وعورته بانت )) قراقوش : طيب أنت شفت حاجة زي كده ... كبير الشمرشجية : لا يامولاي ...ديه معارضة لا تري الا النصف الأسفل من الحكم .. قراقوش : يعني أنت عجبك النص الأعلى من الحكم كبير الشمرشجية : طبعا يامولاي .....( ثم يهمس قائلاً ) : أصلاً النص الأعلى للحكم أزفت وأدل سبيل ...ربنا يستر على البلد ..قراقوش : والناس بتقول أيه كمان !!! كبير الشمرشجية : بتقول إن دولة قراقوش دولة فاشلة ... قراقوش : ليه فاشلة . كبير الشمرشجية : لأنهم بيقولوا كلام مجعلص كده قراقوش : زي أيه . كبير الشمرشجية : بيقولوا الدولة الفاشلة ..هي الدولة اللي بتفقد السلطة القائمة فيها : قدرتها على السيطرة الفعلية على أراضيها ...أو.. تفقد إحتكارها لحق استخدام ال*** المشروع في الأراضي التي تحكمها..ده علاوة على فقدانها لشرعية اتخاذ القرارات العامة وتنفيذها..... وكمان بتعجز عن توفير الحد المعقول من الخدمات العامة.... ده غير عجزها عن التفاعل مع الدول الأخرى كعضو فاعل في الأسرة الدولية.... قراقوش : طيب بذمتك ده حصل في مدينتي ..· كبير الشمرشجية : أبداً يامولاي ...ثم يهمس في سره قائلاً : كل البلاوي اللى حاصلة في مدينتك ..ومش حاسس بيها ...ده أنت يا أخي (( جلدك تخين صحيح ))... · ويفتح قراقوش التليفزيون فيجد المذيع يقول : ولقد أستولى بعض الجهاديين على بعض الأحياء في المدينة ...وشكلوا شرطة خاصة ...كما أستولوا على جبل الحلال ...ومازالت الأنفاق مستمرة في نقل المجرمين..والأسلحة والبضائع المهربة من وإلى قطاع غزة الشقيق ...كما تم تراجع وزير العدل عن أقواله وأدعى أن وزير الداخلية هو الذي غششه في إمتحان عدالة قضية ( محمد الجندي ) ...وطلعت معلوماته مغشوشة ؛ لذلك سيرفع وزير العدل قضية ضد وزير الداخلية أمام محكمة العدل الدولية لإسترداد كرامة وهيبة الدولة وكرامة المواطن .... كما أن رئاسة المدينة تعلن لجماهير الشعب الكريم ... أنها ستتراجع عن كل قراراتها السابقة ....نظرا لأن الصالح العام يقتضي ذلك ..وتحذر جماهير الشعب العظيم أن يصدقها في أي قرار قادم ....وفيما يتعلق بزمةأأزمة السولار ..ستنفرج عما قريب . في خلال العشرين سنة القادمة ..فصبراً أيها الشعب الكريم ..وبالنسبة للمرتبات ...فوزارة المالية تطالب من كل الجهات تدبير موارد ذاتية لها ...حتى يتم تصليح ماكينة طباعة النقود التى تعطلت بسبب الإسراف في إستعمالها خلال الشهور السبع الماضية ...والله الموفق وإلى الأمام .. ****** · وهنا يظهر على الشاشة ....مجموعة من البلطجية ( ويقال إنهم ميليشيات ) ..يحاولوا أن يقبض على المذيع بحجة أنه بيضلل الرأي العام ....فتظهر سيدة وتصرخ فيهم .....الله يخرب بيوتكم .....ويخرب بيت ال أداكم ..الحق في القبض على الناس .....عمَّال على بطَّال .....· فيصرخ فيها واحد من الميلشيات -...قائلاً : تقوللي الكلام ديه للنائب العام ...اللى أعطانا الضبطية القضائية .....· فترد عليه السيدة : بتقول أيه ..النائم العام ...مش ديه برضوا اللي كان ظابط في الأمن مركزي .... · فيأتي صوت المذيع قائلاً : ووعد بلفور ...هو وعد بموجبه أعطي مَنْ لايملك إلى مَنْ لايستحق .... · فتصرخ السيدة قائلة : والنبي أنتم لاتستحقوا ...إلا ضرب البراطيش ..أنتم واللى أداكم البتاعة ديه اللى بيقولوا عليها الضبطية القضائية ......وتمسك السيدة الشبشب وتجرى وراء الميلشيات ....قائلة : خربتم البلد .ياولاد.....الــــــــــ.........( تيت ) ..... **** وتبقى كلمة : 1. على المواطن المصري أن يحمد ربنا .فالسلطة خدت منه كل حاجة وأعطته الضبطية القضائية .2. سبب الاختناق السياسي في مصر : أن الفصيل السياسي المتأسلم يشعر أن المعركة ( السياسية )هي معركة حياة أو موت ...فإن خسرها الآن ...قد لا تتاح له مثل هذه الفرصة قبل عشرات السنين .3. الطعن على الحكم بوقف الانتخابات ... يؤكد أن مشروع التمكين هو الأهم ...من أي أمر ..بما في ذلك :مصداقية القرار السياسي......4. لاصحة لما يقال بأن المراكب المصرية لها أكثر من ريس ..مش كده يا ريس ياحنفي...مش هتنزل المرة دي....بس يكون في علمكم المرة الجاية ... لا يمكن تنزل أبداااااااااااااااااااااا. ***** * د. محمود العادلي - أستاذ القانون الجنائي ورئيس قسم القانون العام - كلية الشريعة والقانون بطنطا - والمحامي أمام محكمة النقض والإدارية العليا والدستورية العليا. http://dostorasly.com/news/view.aspx...1-9e5fddea3ccb 
|
|
#2
15-03-2013, 01:21 PM
|
|||
|
|||
|
ان شاء الله الاسلام قادم بكل مظاهره
بكل تعاليمه و سوف يعود الجهاد فانت و امثالك اصحاب القلوب الخانعة فانتم الفاشلين في كل شئ حتي الانتخابات
|
|
#3
15-03-2013, 09:13 PM
|
||||
|
||||
|
الله ينور ياباشا
و لاتجعل كلام الخاتعيين الراضيين بالسمع و الطاعة أو اللجان الاليكترونية او اتباع الفشل ان يجبطوك فهم يعرفوا ان ساعاتهم اصبحت معدودة فالمتغطى بأمريكا عريان و اللى فاكر ان الظلم حيسود يأخد مبارك عبرة و ربنا شاهد على الدم اللى سال و الله اعلم هما ليهم فيه دهل و لا لاء و لكن بجد الله ينور و اسمع لى بنشر موضوعك لو تكرمت على بذلك و يكفى ان نقول مرة موتوا بغيظكم و اعرفوا حجكم فالشارع بدأ يلفظكم ايها الفشلة المتسترين بالأخلاق
|
|
#4
17-03-2013, 03:43 PM
|
|||
|
|||
|
[quote=icdl_man;5180398]الله ينور ياباشا
و لاتجعل كلام الخاتعيين الراضيين بالسمع و الطاعة أو اللجان الاليكترونية او اتباع الفشل ان يجبطوك فهم يعرفوا ان ساعاتهم اصبحت معدودة فالمتغطى بأمريكا عريان و اللى فاكر ان الظلم حيسود يأخد مبارك عبرة و ربنا شاهد على الدم اللى سال و الله اعلم هما ليهم فيه دهل و لا لاء و لكن بجد الله ينور و اسمع لى بنشر موضوعك لو تكرمت على بذلك و يكفى ان نقول مرة موتوا بغيظكم و اعرفوا حجكم فالشارع بدأ يلفظكم ايها الفشلة المتسترين بالأخلاق[/quote] و حضرتك تبع اي لجان؟ ام انك هاوي و لست محترف؟ ليس لاحد لي سمع و طاعة الا الله و رسول و السلف الصالح وولي امري من دانت له البلاد ولما الشارع بيكره فئة الاخوان يا محترم لماذا تخافون من بدعة الانتخابات هههههههههههه ليس لديكم مخزون من الزيت و السكر تقبل تحياتي فانت زمل في المهنة يا مستر
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:06 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
