اهلا وسهلا بك فى بوابة الثانوية العامة ... سجل الان

العودة   بوابة الثانوية العامة المصرية > الركن الإجتماعى > اجتماعيات طالب

اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية

إضافة رد
 
أدوات الموضوع انواع عرض الموضوع
  #16  
قديم 09-12-2013, 10:12 PM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي


بص يا أستاذ محمود ..
سوء الحفظ ده بيرجع لعدة أسباب .. أهمها ...
1- سبب نفسي .. وهو الخوف والتوتر والقلق ..
2- سببب عضوي .. لنقص بعض العناصر الغذائية الهامة ..ك زيت أوميغا 3 الموجود في السمك .. وانصحك بالاكل المكتامل والفواكه والخضروات ..
3- سبب ديني .. وهو المعاصي .. لقول الشافعي رحمه الله ::

شكوت إلى وكيع سوء حفظي فأمرني بترك المعاصي ..
وعلشان تتغلب على كده .. لازززززززززززززززم ..
التركيز في الذاكرة ..
التكرار ..
الكتابة فكما يقال لليد ذاكرة ..
قراءة القران .. فعلميا هو يقوي الذاكرة ..

رد مع اقتباس
  #17  
قديم 09-12-2013, 10:20 PM
الصورة الرمزية هتـــلر
هتـــلر هتـــلر غير متواجد حالياً
عضو قدوة
 
تاريخ التسجيل: Aug 2013
المشاركات: 1,762
معدل تقييم المستوى: 12
هتـــلر has a spectacular aura about
افتراضي

حضرتك جبت كام فى ثانوى
وكنت علمى رياضه ولا علوم ؟
__________________
...
لا اله الا انت سبحانك انى كنت من الظالمين
لا اله الا انت سبحانك انى كنت من الظالمين
لا اله الا انت سبحانك انى كنت من الظالمين
لا اله الا انت سبحانك انى كنت من الظالمين
رد مع اقتباس
  #18  
قديم 09-12-2013, 10:34 PM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي

أنا جبت 98.1 علوم ..
رد مع اقتباس
  #19  
قديم 10-12-2013, 03:55 AM
محمود صفى الدين محمود صفى الدين غير متواجد حالياً
عضو قدير
 
تاريخ التسجيل: Jan 2013
المشاركات: 488
معدل تقييم المستوى: 12
محمود صفى الدين is on a distinguished road
افتراضي

اقتباس:
المشاركة الأصلية كتبت بواسطة ahmedelfangary مشاهدة المشاركة
بص يا أستاذ محمود ..
سوء الحفظ ده بيرجع لعدة أسباب .. أهمها ...
1- سبب نفسي .. وهو الخوف والتوتر والقلق ..
2- سببب عضوي .. لنقص بعض العناصر الغذائية الهامة ..ك زيت أوميغا 3 الموجود في السمك .. وانصحك بالاكل المكتامل والفواكه والخضروات ..
3- سبب ديني .. وهو المعاصي .. لقول الشافعي رحمه الله ::
شكوت إلى وكيع سوء حفظي فأمرني بترك المعاصي ..
وعلشان تتغلب على كده .. لازززززززززززززززم ..
التركيز في الذاكرة ..
التكرار ..
الكتابة فكما يقال لليد ذاكرة ..
قراءة القران .. فعلميا هو يقوي الذاكرة ..
جزاك الله خيرا وبارك الله فيك تقريبا عندى اول حاجة اكتر سبب عندى ( التوتر والقلق ) والمعاصى والذنوب متعدش كلنا بنخطأ المهم انا لما بلاقينى متأخر فى مادة مبعرفش اذاكر بقية المواد التانية خالص لازم اخلص منها الاول وطبعا بتاخد وقت منى ومش عارف اضبط مواعيد لنومى ومواعيد للمذاكرة خالص ولو عملت جدول مبعرفش امشى عليه اعمل ايه ؟؟!! هفشل ؟؟!!
__________________
اللهم وفقنى وكل طالب علم لكل خير
رد مع اقتباس
  #20  
قديم 10-12-2013, 08:38 AM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي

بص يا استاذ محمود ..
التوتر والقلق لازم تخلص نفسك منو ..
انتا الزاي بتقلق على حاجة محضلتش .. لما تحلص يبقى ربنا يسها ..

اذاكان الأمس قد ضاع،،،،فبين يديك اليوم
واذا كان اليوم يجمع أوراقه وسيرحل،،،،فلديك الغد
لا تحزن على الأمس فلن يعود لك،،،،
ولا تأسف على اليوم فهو راحل،،،،
واحلم بشمس مضيءة في غد جميل،،،،

فانتا ليه تقلق ..
أما تنظيم مواعيد النوم .. فحاول تنام وانتا مش مرتاح راحة كاملة .. ومتنمش في مكان هادي أوي .. وانتا عارف نفسك .. وخلي اللي هيصحيك سواء أبوك ولا أمك أو اختك أو أي حد .. يستخدم كل الطرق .. يعني أحلا حاجة الميه .. وأول ما تقوم صلي ركعتين .. علشان متكونش نعسان .. ويروح النوم .. ولو محدش بيصحيك اظبط منبه صوته عالي .. وحطو بعيد عنك .. يعني مرتفع بحيش انك متقدرش تمسكو وانتا في مكانك .. يعني باختصار انك تقوم وتكتسب جرعة نشاط .. فهتكون فايق ..
طيب مواعيد المذاكرة ..
خلي في اليوم فترتين أو فترة .. أو تلاتة حسب قدرتك ..
لازم الجدول لا يزيد عن 3 مواد ..
مثلا مواد الاجتماعيات كعلم النفس .. لازم تكون في مكان هادي ويكون زهنك صافي ..
مواد الحل زي الرياضة .. تكون في اي وقت واي مكان ..
اكتب لكل مادة بداية الوقت ونهايته ..
ازا نقصت خمس دقايق زود خمس دقايق .. عشرة زود عشرة .. وهكذا ..
مش مهم الوقت المهم الانجاز والتركيز ..

ممكن الجدول تقولي ايه المواد اللي عندك والسهل والصعب منها .. وانا اعمله .. بس قولي بتزاكر امتى ..
رد مع اقتباس
  #21  
قديم 10-12-2013, 09:20 AM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي

الدرس التالت : مرحلة المذاكرة الفعلية
قبل المذاكرة ::
1- لازم تشبع حاجاتك النفسية :: يعني انك تكون نايم كويس ..
وتكون لا شبعان على الاخر أو جعان ..
يعني خليك وسط ..
2- لو المدرس بيشرح في مدرستك .. لازم تروح ..
لانك لو مروحتش تبقى غلطان ..
لأن لو رحت المدرسة مش هتستفيد ..
غلط .. ياعم استفيد لو حتى خمسين في المية .. على الأقل تكون دي مذاكرة مبدئية ليك ..
3- الدروس الخصوصية ::
هي حاجة مهمة جدا ..
بس لازم علشان تاخد درس لازم ::
تختار مدرس كويس وخبير .. مش اي حاجة وخلاص ..
ازاي تعرف انو كويس ؟؟!!
بعد ماسألت عنو .. تروح اول حصتين تلاتة ..
اذا كان بيراجع علطول .. وأول بأول .. وامتحانات علطول .. وبيدي واجبات كتير ..
يبقى ده ممتاز .. وكمل معاه ..
أما لو كان .. كده وخلاص .. من غير مراجعة .. وشرح أي حاجة ..
يبقى .. اخلع ..
بعد ما اختارنا المدرس القوي .. واظب على الدرس كل يوم ..
مش تاخد الفلوس وتروح اللي بالي بالك ..
4- الدروس التعليمية ::
يعني لو مثلا انتا بتتفرج على التليفزيون ساعتين .. يا عم اعتبر نفسك بتتسلى ..
واتفرج .. واستفيد أي حاجة ..
ده انتا بتدفع للمدرس فلوس .. وبتمشي وتركب مواصلات علشان تروح ..
طب دي عندك .. وببلاااااااااش ..
ومش هيسألك في نص الحصة ..
يعني حلوة من كل ناحية ..
5- هيء نفسك ::
يعني جهز اقلامك وكتبك .. واعرف انتا هتزاكر ايه ..
وقبل كل ده حدد طموحاتك .. زي ماقلنا ..
ولما تزاكر زاكر بجد .. يعني ساعتين يبقى ساعتين ..
لعبت خمس دقيقة زود خمسة .. وهكذا ..
خلي راحة عشر دقايق بين كل ساعة .. مش ساعة لكل عشر دقايق .. زي ما انتا فاهم ..
اختار المكان المناسب ::
يعني لازم مكتب وأباجورة .. واوضه هادية .. ولونها أزرق .. وتكييف ب4 الاف جنيه ..
واغلى انواع الاقلام .. ولازم البلكونة تبص على جنينة فيها حمام سباحة ..
لا طبعا مش كدا .. احنا هنجيب ده كلو منين ..
ده ( الجود في الموجود ) ..
يعني من افضل الأماكن فوق السطح .. بس مش تقعد تعاكس في بنات الناس ..
غض بصرك ..........
اختار الوقت المناسب ::
واحسن وقت هو قلب الفجر وبعده .. وانتا براحتك .. حسب ماترتاح ..
قبل ما تبدأ المذاكرة توكل على الله .. واحسن النية ..
مثلا قول ( انا هذاكر عشان اخدم ديني ووطني )
يعني تزاكر وتاخد حسنات ..
وابدأ بدعاء ::
( اللهم إني أسألك فهم النبيين وحفظ الملائكة المقربين .. اللهم اجعل لساني عامرا بذكرك .. وقلبي بخشيتك إنك على كل شيء قدير .. وحسبنا الله ونعم الوكيل )..

أثناء المذاكرة ::
لأزم يكون معك ورق أبيض ..
لأن فيه مثل بيقول ( لليد ذاكرة ) ..
وشويت أقلام حلوين .. وخطهم حلو .. واجمع كل ادواتك ..
ابعد الملهيات : لأن المعلومة لو تدخل مشتتة مش هتسترجعها لما تحتاجها ..
1- اقفل المبايل : يعني مش لزم تبص فيه .. مفيش رسايل جديده .. لسه الرصيد زي ماهو متخفش .. ومحبكتش تكلم صاحبك دلوقت .. واوعى تشغل على المبايل أغاني ..
2- خلي قدامك مادة وحده بس .. لإن لوقدامك كتاب تاني أكيد .. هتتفرج فيه .. فهتتشتت المعلومة .. يعني خلي قدامك المادة اللي بتذاكرها بسسسسسسس ..
3- متذاكر على الكمبيوتر :: لأن أول حاجة تعرضك للضوء ده هيتعب عينيك .. ثانيا لما تكون المذكرة في ايديك وتعلم فيها .. وتخطط .. انشاء الله هتفتكر أحسن ..
ذاكر من مذكرة واحدة بس :: عشان متتلخبطش .. ومش تطبع من النت وخلاص لازم تتأكد من صحتها .. يعني تكون بتاعت المدرس بتاعك .. أو ملخص مشهور ..
ابدأ بالأصعب :: لأنك هتكون في كامل نشاطك .. وبالتالي نفسيتك هترتاح أكتر .. لما تخلص الصعب وتدخل في السهل ..
لما تذاكرجزء خد نظرة عنو .. بمعنى ان تقراه قراءة مبدئية قبل المذاكرة ..
وذاكر الجزء على بعضه .. يعني درس يبقى درس كامل عشان يكون في ترابط ..
وحاول تشرح لنفسك وحط أسئلة .. يعني اعتبر نفسك طالب ومدرس وجاوب واسال ..
واكتب الدرس أكتر من مرة .. بس مش كل المواد طبعا .. في مواد تختلف ..
وماتعتبرش اي حاجة في الكتاب تافهة .. اللي حاطط الكتاب عارف انها مهمة .. مفيش اي تفاهات في الكتاب ..

تمااااااااااااام عملنا كل ده خلصنا مذاكرة ..
انهي المذاكرة بدعاء ..
( اللهم إني أستودعك ما قرأت وما حفظت وما تعلمت .. فرده إلي عند حاجتي إليه إنك على كل شيء قدير وحسبنا الله ونعم الوكيل ) ..
خلي المذاكرة دي روتين يومي .. زي النوم ..
مش لو منمتش هتموت .. خلي المذاكرة كده ..

وبكدا نكون انتهاينا من جزء المذاكرة ..
ان شاء الله الأجزاء الجاية عن المراجعة .. وكيفية مذاكرة المواد ..
رد مع اقتباس
  #22  
قديم 10-12-2013, 09:42 AM
محمود صفى الدين محمود صفى الدين غير متواجد حالياً
عضو قدير
 
تاريخ التسجيل: Jan 2013
المشاركات: 488
معدل تقييم المستوى: 12
محمود صفى الدين is on a distinguished road
افتراضي

الاول خالص انا مش قلقان من الامتحان قلقان علشان مقصر جامد فالمذاكرة يعنى العربى بفضل احفظ فى مظاهر الجمال وبنسها وخصوصا الايحاءات والمحسنات البديعية والاحياء ذكرت فيها شوية لكن لسه مذكرتش ع الوراثة خالص لان المدرسة بتاعة الاحياء مبنحلش معاها خالص هى بتفضل تشرح تشرح والجولوجيا مادة حفظ بس لسه مذكرتهاش بردو رغم انها عليها 60 درجة ربنا يستر الفرنسى سهل لكن عايز حفظ انا قررت انى مرحش الدرس بتاع الفرنسى الشهر دا علشان اذاكر كويس الشهر دا وكمان انا حاسس ان كل اللى ذكرتو الشهر اللى فات ناسيو وفى مسائل بتقف قدامى فالفيزياء والكمياء المواد الصعبة الفيزياء مش علشان صعبة لا علشان لما بذاكر الشرح ساعتين بحتاج افضل احل عليه 6 ساعات تقريبا علشان منسهوش ولو حليت ومسالة وقفت قصادى بفضل اجرب فيها وفى الاخر ممكن تطلع غلط ودا غالبان حضرتك تنصحنى انى اللى عارف نفسى انى مش هعرفها اشفها فالاجابات وخلاص واحفظ الفكرة ولا احاول وكمان بتاخد وقت كبير فالمحاولة ييجى عشرة دقائق او اكتر والكمياء اعتبرها من الصعبة بردو علشان الحل عليها لان النظرى سهل تقريبا اما العربى فالاستاذ بيمتحنا كل حصة وبناخد 3 حصص فالاسبوع هنتظم معاه وذاكر اللى هنمتحن فيه الجولوجيا مذكرتهاش والفرنساوى مذكرتوش بس عارف القواعد واالانجليزى ماشى مع المدرس فالدرس معلش طوووووووووولت اوى معلش اولا انا عايز ابدء من الاول خالص يعنى ابدء كانى لسه مذكرتش حاجة بس احل ع اللى هذاكر لانى مبحلش فبنسى بسرعة انا مش عارف الوقت الافضل من 12 بالليل لحد 7 ونصف ولا من 8 بالليل لحد الفجر اصلى وانام يعنى مشكلتى انى مبعرفش اضبط الوقت ولما بعمل جدول مش ببقا عارف المادة دى هتاخد وقت قد ايه فاضل 5 شهور تقريبا ع الامتحان وكل اللى اقدر اقلك انى ذكرتو واكيد نسيت معظمو الفصل التاسع فيزياء والعاشر وحليت عليهم والكمياء شرح الباب السادس والسابع والثامن ومحلتش لان السادس عقدنى من الحل بحل مسائل كتير غلط هى مش كتير بس لو لف فالمسالة بالذات الباب دا والعربى ذكرت غربة وحنين ونسيتو والمساء وشكلى بردو نسيتو والاحياء ذكرت الفصل الاول ومنستوش والحمد لله علشان حليت عليه لكن لسه مذكرتش الوراثة والجولوجيا (النفسية صفر من ناحيتها ) مفيش خالص والفرنساوى بحفظ فى الكلمات والانجليزى كويس الى حد ما بس انا عايز ابدء من اول درس فكل ماد مش عارف هلحق اخلص ولا لا بس ان شاء الله هلحق مشكلتى مبعرفش افضل قاعد ع الكتاب كتير بحس بالملل اغير وضع المكتب ولا حاجة ؟ هو فى حل انى افتح باب البلكونة علشان منعسش بس هموت من البرد بس لو مفيش الا الحل دا عادى برد برد نفسى فى حاجة واحدة بس اقعد ع الكتاب مزهئش لازم اعمل ايه افتح النت وهترحم منو ولله الحمد زى ما بعت عن الفيس تانى انا الحمد لله كويس فى الفهم لكن الحفظ خربان بس عادى الحمد لله بردو بكتب وبحفظ لكن مشكلتى مش عارف انتظم ع جدولو لا وقت انام فيه واذاكر فيه ولا اتلم ع الكتاب علشان استهتارنا فتانية واولى المهم قبل ما ابص الاقلا نفسى ع الامتحانات زى كل سنة ومذكرش الا اخر شهر اعمل ايه ؟؟؟؟؟؟؟؟؟؟؟؟؟؟ طبعا طبعا عارف انى طولت مش كتير وبس لا كتيييييييير وبغباء معلش
__________________
اللهم وفقنى وكل طالب علم لكل خير
رد مع اقتباس
  #23  
قديم 10-12-2013, 10:37 AM
محمود صفى الدين محمود صفى الدين غير متواجد حالياً
عضو قدير
 
تاريخ التسجيل: Jan 2013
المشاركات: 488
معدل تقييم المستوى: 12
محمود صفى الدين is on a distinguished road
افتراضي

بص انا هكلمك بصراحة خالص علشان والله ارتحتلك اولا انا اول شهر ونصف فالمدرسة كنت بذاكر من ع النت وطبعا دا اخطر حاجة المهم دخلت ع المنتدى دا بالصدفة لقيت قسم اجتماعيات طالب دخلت لقيت موضوع لطلبة علمى علوم دخلت عليه كانت دكتورة ميادة فاتحة قلتلى ابعد عن الفيس خالص حلفت ما انا فاتحو لمدة اسبوع وبعدها حلفت ما انا فاتحو لمدة شهر والشهر دا هيخلص يوم الخميس اللى جى دا المهم بقا المنتدى دا نفسو عمل زى الفيس بالنسبة ليا وبصحا علشان اذاكر اول ما اشعر بملل اشغل الكمبيوتر وافتح النت واضيع وقت انا فى اسبوع حلفت فيه ما هفتح لا نت ولا الكمبيوتر خالص او 10 ايام ذكرت فيهم الفصل التاسع والعاشر وحليت عليهم فيزياء و5 دروس احياء وحليت ع درسين تقريبا وذكرت الباب السادس كمياء وكلمات 5 وحدات انجليزى ونصين فالعربى بس لما ذكرت بجد اسبوع وبعد كدا رجعت تانى للاهمال انا عارف نفسى لازم احلف بالعظيم علشان اعمل الجاجة دى يعنى لما حلفت كنت كل يوم اجى افتح الجهاز افتكر انى حلفت وشكلى هحلف بس بعد يوم الخميس علشان افتح الفيس هفتحو يوم وبعدها هذاكر وحلف ما هفتحو الكمبيوتر تانى ولما احب ادخل اشوف شرح فيزياء او حاجة هبقا افتح الاب بتاع اخويا وهحلف يوم الخميس وبعد ما الاسبوع يخلص هدخل واقول لحضرتك انا ذاكرت ايه فالاسبوع دا واقفل ع طول ويا ريت تكون حضرتك متابع معانا علشان لو فى مشكلة ولا حاجة تقدر حضرتك تفدنا بخبرتك المهم انا منتظر رد حضرتك علشان اول ما هترد باى نصيحة هعمل بيها وبعدها هحلف طبعا هحلف ما هفتح الكمبيوتر تانى ع العموم والله ما انا فاتحو بكرا خااالص هفتحو يوم الخميس بس وبعدها كل اسبوع مرة ( النت يعنى لانى مش هفتح الكمبيوتر دا تانى بعد النهاردة هو سبب فشلى ) بعت عنو ارتحت رجعتلو اهملت اهمال شديد حتا فى موضوع عملتو علشان كل يوم انا و not msaked نكتب ذاكرنا ايه مش عارف اكتب نا ذاكرت ايه مكسوف اقول ذكرت حاجة بيسطة وبس انا هفتح كل يوم اكتبلو ذاكرت ايه علشان اتنافس انا وهو بس خمسة دقائق لان اخويا اصلا مش هيسمحلى باكتر من كدا ع الاب ههههههههه بضحك من همى بس عادى بقا بس انا الحمد لله لو بدئت مذاكرة مادة مبحطش فى تفكيرى انها صعبة ولا سهلة عادى جدا بس المشكلة مبعرفش استمر ع الكتاب ومتقليش افتكر يوم الامتحان بردو مبعرفش المفروض اذاكر المادة كام ساعة متواصلة علشان مزهئش وكدا وهل مذاكرة المواد كلها فى يوم واحد حلو ؟؟
__________________
اللهم وفقنى وكل طالب علم لكل خير
رد مع اقتباس
  #24  
قديم 10-12-2013, 06:59 PM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي

بص يا استاذ محمود .. قولي ايه المواد اللي عندك تحديدا .. وانتا نظام حديث ولا قديم .. وانا هزبطلك جدول تمشي عليه .. بحيث تزاكر المنهج في 3 شهور وتبدأ تراجع الشهرين الباقيين ..
رد مع اقتباس
  #25  
قديم 10-12-2013, 08:19 PM
محمود صفى الدين محمود صفى الدين غير متواجد حالياً
عضو قدير
 
تاريخ التسجيل: Jan 2013
المشاركات: 488
معدل تقييم المستوى: 12
محمود صفى الدين is on a distinguished road
افتراضي

انا نظام جديد علمى علوم المواد (عربى - احياء - انجليزى - فرنساوى - جولوجيا - كيمياء - فيزياء - ) مواعيد دروسى السبت 11 احياء 2 عربى 5 فرنساوى الاحد 3ونصف فيزياء بس فى نصف ساعة قبلها مواصلات وبعدها والدرس ممكن يكون ساعة ونصف او اقل ع حسب ويوم الاثنين الساعة 1 e والساعة 4 الا ربع كمياء و5 احياء و7 عربى يوم الثلاثاء الساعة 4 فرنساوى بس مبرحوش الشهر دا و6 جولوجيا ويوم الاربعاء 4 فيزياء نفس نظام يوم الاحد والساعة 7 عربى يوم الخميس 4ك 5 f
__________________
اللهم وفقنى وكل طالب علم لكل خير
رد مع اقتباس
  #26  
قديم 10-12-2013, 10:29 PM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي

أنا عندي فكرة ليك انك تخلص المنهج في 3 شهور وبعد كده تبدأتراجع .. الشهرين الباقيين ..
بس انا هعملك جدول أسبوعي ..
رد مع اقتباس
  #27  
قديم 11-12-2013, 01:37 AM
محمود صفى الدين محمود صفى الدين غير متواجد حالياً
عضو قدير
 
تاريخ التسجيل: Jan 2013
المشاركات: 488
معدل تقييم المستوى: 12
محمود صفى الدين is on a distinguished road
افتراضي

اقتباس:
المشاركة الأصلية كتبت بواسطة ahmedelfangary مشاهدة المشاركة
أنا عندي فكرة ليك انك تخلص المنهج في 3 شهور وبعد كده تبدأتراجع .. الشهرين الباقيين ..
بس انا هعملك جدول أسبوعي ..
فييييييييين يا ريت
__________________
اللهم وفقنى وكل طالب علم لكل خير
رد مع اقتباس
  #28  
قديم 11-12-2013, 06:35 AM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي

اقتباس:
المشاركة الأصلية كتبت بواسطة محمود صفى الدين مشاهدة المشاركة
فييييييييين يا ريت
انا عملتلك الجدول ده مناسب لمواعيد دروسك .. وزي ما انتا قلت انك بتذاكر من 8 - 4 الصبح ودي فترة جميلة جدا
بس أنا ملاحظ ان معندكش رياضة ..
ايه النظام الغريب ده ..
امشي على الجدول .. والبداية هتكون صعبة شوية ..
بس هو اسبوع واحد والجدول هيكون روتين يومي ..
الملفات المرفقة
نوع الملف: pdf جدول ؟؟.pdf‏ (95.3 كيلوبايت, المشاهدات 339)
رد مع اقتباس
  #29  
قديم 11-12-2013, 02:25 PM
محمود صفى الدين محمود صفى الدين غير متواجد حالياً
عضو قدير
 
تاريخ التسجيل: Jan 2013
المشاركات: 488
معدل تقييم المستوى: 12
محمود صفى الدين is on a distinguished road
Star

اقتباس:
المشاركة الأصلية كتبت بواسطة ahmedelfangary مشاهدة المشاركة
انا عملتلك الجدول ده مناسب لمواعيد دروسك .. وزي ما انتا قلت انك بتذاكر من 8 - 4 الصبح ودي فترة جميلة جدا
بس أنا ملاحظ ان معندكش رياضة ..
ايه النظام الغريب ده ..
امشي على الجدول .. والبداية هتكون صعبة شوية ..
بس هو اسبوع واحد والجدول هيكون روتين يومي ..
متشكر جدا لحضرتك وربنا يبارك فيك جدول حلو اوى ان شاء الله همشى عليه النهاردة
وبعد اسبوع ان شاء الله هقول لحضرتك انا انتظمت بنسبة كام فيه يا رب اقدر امشى عليه ومفيش حاجة تعطلنى
جزاك الله خيرا وياريت يثبتو الموضوع دا علشان بجد مهم اوى
__________________
اللهم وفقنى وكل طالب علم لكل خير
رد مع اقتباس
  #30  
قديم 11-12-2013, 07:54 PM
الصورة الرمزية ahmedelfangary
ahmedelfangary ahmedelfangary غير متواجد حالياً
عضو ممتاز
 
تاريخ التسجيل: Sep 2013
المشاركات: 305
معدل تقييم المستوى: 11
ahmedelfangary will become famous soon enough
افتراضي

اقتباس:
المشاركة الأصلية كتبت بواسطة محمود صفى الدين مشاهدة المشاركة
متشكر جدا لحضرتك وربنا يبارك فيك جدول حلو اوى ان شاء الله همشى عليه النهاردة
وبعد اسبوع ان شاء الله هقول لحضرتك انا انتظمت بنسبة كام فيه يا رب اقدر امشى عليه ومفيش حاجة تعطلنى
جزاك الله خيرا وياريت يثبتو الموضوع دا علشان بجد مهم اوى
ولو عايز تبلغني يوميا مفيش مانع .. اهم حاجة دعواتك .. وربنا يوفقك ..
رد مع اقتباس
إضافة رد

العلامات المرجعية

أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا يمكنك اضافة مرفقات
لا يمكنك تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


جميع الأوقات بتوقيت GMT +2. الساعة الآن 01:03 AM.