|
#1
29-07-2011, 01:12 AM
|
|||
|
|||
اذاي تعرف المصري
1. لو سالت سواق تاكس على عنوان وبدل ما يدلك قالك امش...ي ورايا.. يبقى مصري.. (وعلى فكرة ساعات بيغير اتجاهه عشان عنده رغبة صادقة يوصلك وخايف تتوه) 2. لو صليت في مكان وبعد الصلاة اللي جنبك مد ايده وقالك تقبل الله.. يبقى مصري 3. إذا سمعته بعد ما يضحك يقول " خير اللهم إجعله خير " .. فتأكد أنه مصري ... 4. لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري ... 5. لما تقابل واحد علامة وعمره مايقول "ما أعرفش!" جينيوس مصري 6. لما تنزل تلاقي واحد ساند على عربيتك واول ما يشوفك يضحك ويقولك لا موأخذه يا باشا 7. لو دخلت عليه وكان بياكل ولو حتى عيش وبصل لازم يقولك اتفضل معانا ويعيدها عليك ثلاث أربع مرات 8. . و لما ركبه تخبط فى بعضها من الرعب و هو داخل القسم يعمل بطاقة الرقم القومى 9. و لما عربية تعمل حادثة فى الطريق الصحراوى أو الزراعى , و فى ثوانى تقف لها خمسين عربية ينقذوا المصابين و يعدلوا العربيات و لو اضطروا يشيلوهم من على الأرض .... هم دول المصريين 10. لما تلاقي ناس بتقضي العيد فى المقابر مع حبايبهم اللي ماتوا يبقي أكيد في مصر 11. لما تلاقي ست في الرايحة والجاية عمالة تدعي لأولادها ... تبقى دي أم مصرية وطموحاتها وأحلامها الشخصية فى الحياة إن ولادها يبقوا مبسوطين 12. لو شفت واحد وقف فجأة و هو ماشى فى الشارع و مد ايده على حتة عيش مرمية على الأرض وقام رافعها لراسه قبل مايحطها جنب الرصيف... يبقى الواحد (او الواحدة) ده مصرى. 13. لو شفت عامل اول ماياخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى. 14. لو اديت لواحد فلوس وبدأ يعدها بصوت عالي وبدأ بقوله الله واحد .. ومع الورقة الثانية : مالوش تاني، ومع الورقة الثالثة: العدد ثلاثة .. يبقي أكيد مصري ابن مصري 15. لو شاورت لتاكس ووقفلك فى نص الطريق عشان تركب حضرتك بمزاج يبقي أكيد مصري 16. لما تيجي تدفع الأجرة لواحد أول مرة تعرفه، يحلف عليك تخلي بأه 17. لما تلاقي خناقة فى الميكروباص والأصوات عليت كل واحد فيهم بيحلف إنه يدفع للتاني ثمن التذكرة 18. لما تلاقي ست البيت بتحوش برطمانات المربي الفاضية سنين طوال بدون استخدام يبقي أكيد دي مصرية 19. ولما تلاقى شعب فى اكبر ازمه بيمر بيها ... مابيناسش يضحك ويضحك اللى حوليه وكل العالم يتكلم عليه .... يبقى انت اكيد تقصد اعظم شعب ... شعب مصر
__________________
لا اله الا الله محمد رسول الله 
|
|
#2
29-07-2011, 01:36 AM
|
||||
|
||||
موضوع جاااااااااااااااااااااااااااااامد  دليل التميز للتلامذة المصريين
__________________
لنِ احآوٌلِ انِ أغيرِ من نفسّيِ لأجلِ أي شخصِ ولنِ أعبثِ بشخصيّتيِ لأرضّيِ الآخرينِ فأنِ لمِ تٌعجبكِ شخصيتّيِ كماهيِ .، ... فغيرّكِ يعشّقهآِ بجنوٌن...........
|
|
#3
29-07-2011, 02:03 AM
|
||||
|
||||
|
ازاى تعرف المصرى
لما تنزل موضوع فى المنتدى عباره عن سؤال وتلاقى 500 مشاركه وولا واحد هان عليه يجاوب هما دول المصريين ولما تلاقى عضو متعرفوش باعتلك رقم تليفونه فى رساله عشان يكلمك دول المصريين سؤال هو لسه بعد الثورة فى شباب سيس ؟
__________________
بدون مرايات ولا حركات ولاتلزيىء وشغل بنات..انا حوا...بدون مكياج ولا مونتاج..ولا صوت سرسعة ودوبلاج...ومش بالعافية ولا قوة...ولا هلون ولا همثل ولو مش عاجبه يتنيل...انا عجبانى كدا حلوة
|
|
#5
29-07-2011, 09:51 AM
|
||||
|
||||
|
هو الواحد لازم يقعد فى مصر كام سنة علشان يبقى مصرى مصرى يعنى
__________________
محمد حسن السويركى
|
|
#6
29-07-2011, 12:55 PM
|
||||
|
||||
|
المصريين طول عمرهم شعب طيب و قلبه ابيض و ده الاساس و الاصل يمكن القسوة جت من قسوة الحياة عليهم و الاهانة و الذل و البلطجة جت من الجوع و البطالة و الغلب اللى طول عمرهم عايشينه وكل اللى فى ايديهم الصبر .الصبر . الصبر
وان شاء الله بعد تحسن الظروف اصل المصرى هيظهر واظن ان اصلنا ظهر فى احلك الظروف زى الذهب اللى بتبان اصالته فى وسط لهيب النار
|
|
#8
29-07-2011, 09:58 PM
|
|||
|
|||
|
اقتباس:
__________________
لا اله الا الله محمد رسول الله
|
|
#9
29-07-2011, 10:18 PM
|
|||
|
|||
|
اقتباس:
ثانيا يعنى انت ما خترتيش غير الجمله دى وعجبتك الواحد يوم العيد لازم يفرح وينسى الحزن والرسول صلى الله عليه وسلم نهانا عن زيارة القبور يوم العيد ثالثا انا اسف اذا كنت قلبت المواجع بالجملة دى رابعا الله سبحانه وتعالى من علينا بنعمة النسيان لانه عارف ان الانسان ضعيف ولو فضل فاكر الاحزان مش هايقدر يعيش
__________________
لا اله الا الله محمد رسول الله
|
|
#10
29-07-2011, 10:56 PM
|
||||
|
||||
|
اقتباس:
معلش ياستاذ مصطفى انا اخترتها من باب انها اكثرهم غرابه وعادة سيئة انا ضدها اسفه انى ماوضحتش ده سبب اختيارى وبعدين انا سبق وشوفت الموضوع يعنى وكان الغرض منه الفكاهه فى بعض المنتديات بس حضرتك واضع نقاط مهمه تضيف على الموضوع الجديه احييك على حسن اختيارك واعتذر على عدم التوضيح
__________________
ان صمتي لا يعني جهلي بما يدور حولي
|
|
#11
30-07-2011, 07:01 AM
|
|||
|
|||
|
هههههههههههههه
لما تلاقى وزير ..........................
|
 |
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 05:20 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
