ما بحبش أكون الا أنا

[حميد بدوى]

ما بحبش اكون ألا انا

ما بحبش الرسميات

ولا عمرى لبست بدل

ولا أعرف الكرفتات

ومبروحش مؤتمرات

ولا بحضر ندوات

ومش غاوى منظرة

أنا زى ما أنا

وما حبش أكون ألا انا

فى كل المناسبات

وما بحبش الرسميات

ولا أخترع حكايات

بلعب مع العيال فى الشارع

وبحبهم كلهم

ولم يتعركوا

أصلحهم على بعضهم

هما دول بكرة اللى جاى

هما دول اللى فى عينهم الضي

أنا زى ما أنا

كل واحد مفكر نفسه شيخ قبيلة

يحط بينى وبينه سد

وبعرفه ان مهما كبر

انه حاجة قليلة

ومش طالبة منظرة

ولا ناقصة فشخرة

وكل واحد فينا

لازم يعرف انه قاطع تذكرة

رايح جاى


الشاعر
عبد الحميد بدوى

[حميد بدوى]

كل سنة وانتم طيبين

[الأستاذة ام فيصل]

جميلة بساطة في الفصيدة وبساطة في النفس والتفكير
تسلم ايدك
وكل سنة وانت طيب
تحياتي

[حميد بدوى]

وانتى طيبة يا استاذة الكل