أيه موضوع مجموعة العشرين ..

[محمد محمود بدر]

أيه موضوع مجموعة العشرين ..



الاول لازم نعرف ان مجموعة العشرين دي بتمثل اهم اكبر اقتصاديات دول في العالم .. واللي بيملكوا اكتر من ٩٠ ٪‏ من الناتج العالمي الخام اللي هو مجموع الناتج المحلي لكافة دول العالم .
المصدر : http://goo.gl/82xBmt



كان الاول عددهم ٨ واسمهم التمانية الكبار وهم ( امريكا - اليابان - المانيا - روسيا - ايطاليا - بريطانيا - فرنسا - كندا ) لكن بسبب الازمات المالية في التسعينات فعملوا مجموعة العشرين لتعزيز التماسك الاقتصادي بضم عدد من الدول اللي بقت لها ثقل اقتصادي عالمي .. وبقت مجموعة العشرين مكونة من ( امريكا - الصين - اليابان - المانيا - فرنسا - البرازيل - بريطانيا - ايطاليا - روسيا - كندا - الهند - استراليا - كوريا الجنوبية - اندونيسيا - المكسيك - تركيا - الارجنتين - السعودية - جنوب افريقيا - مندوب عن الاتحاد الاوربي ) .
المصدر : http://goo.gl/lzBjiN




بيحضر المؤتمر رئيس كل دولة ومعاه وزير مالية دولته ورئيس البنك المركزي له .. وعلى جانب اخر الاف من رجال الاعمال والاقتصاد في العالم لعمل استثمارات مع الدول الكبيرة دي ..
المصدر : http://goo.gl/w1fFCx



امال فين مصر ياعم الحاج مجيبتش سيرتها يعني ولا انت مش مصري ؟



كل سنة فيه دولة من الدول العشرين بتستضيف باقي الدول وكمان بتبعت دعوة لعدد من الدول بس مش من الدول العشرين .. يعني حسب مزاجها هي وبدون موافقة اي حد من العشرين دول .. يعني مثلا السنة اللي فاتت ( تركيا ) كانت الدولة المستضيفة فدعت رؤساء كل من ( اذريبجان وماليزيا وسنغافورة ) ومعاهم ( موجابي ) بتاع زيمبابوي !!! .. الرؤساء دول ليس لهم بقرار في الاجتماعات اللي هيحضروها .. ماعدا الاجتماعات الهامشية اللي ممكن يعملوها مع اي رئيس من الكبار شرط قبوله الدعوة .
المصدر : http://goo.gl/NK1hf5



السنة دي ( الصين ) استضافت الاجتماع واختارت كام دولة من ام فوق البيعة دول وهم ( مصر ) و ( السنغال ) و ( تشاد ) وكام دولة تانية حلوين .. ودي اول كذبة بتقول ان الاستضافة هي دليل زعامة من الرئيس الفلاني او قوة اقتصادية من دولة فلانية .. ( تشاد والسنغال ) من افقر دول العالم .. لكن الصين شايفاهم هم ومصر مصادر مواد خام واستثمارات من نوع معين من بتاع اليد العليا واليد السفلى .

المصدر : http://goo.gl/sHnNKw



دور مصر في القمة مش هيكون اكتر من متفرج على اللي بيقولوه الكبار وشوية اجتماعات هامشية مقررة لكن للاسف لسه متعملتش ومش باين لها .. زي اللقاء مع روسيا وامريكا وغيرهم .. اما اللي تم الاعلان عنه هو ان السيسي قابل رئيس الارجنتين !! .. ودي الدولة اللي عندها دلوقتي اكبر ازمة ديون في تاريخها .

مصدر المقابلة : http://goo.gl/CDt1mW

مصدر ازمة الديون الارجنتينية : http://goo.gl/e2X4Er



استقبال رئيس مصر تم كاستقبال اي رئيس دولة مستضافة .. ببروتوكل عادي ولا بحفاوة زي ما الهبل بيقولوا .. ولا بفتور زي ما الكارهين بيقولوا .. طيارة بتنزل على نفس السجادة الحمرا والرئيس وزوجته بيقابلوا الرؤساء واطفال بيدوهم ورود .

المصدر : http://goo.gl/O3ADQ1


بالرغم من ان الرئيس بيحضر كل الاجتماعات وبيروح كل الدول دي عشان عايز ينجح بجد .. لكن للاسف بيظهر كتير بشكل سيء .. فهو اولا لا يجيد اللغة الانجليزية فبيقف بابتسامة الشخص اللي مش عارف بيقولوا ايه من حواليه .

صورة : http://goo.gl/apNrsq



بخصوص الصورة المتداولة على ان اوباما راح له وهو بيكلم هولاند عشان يسلم عليه .. فده طبعا غير سليم .. لان الفيديو الكامل للقطة دي ان اوباما عدى عليهم ولا سلم لا على ده ولا على ده وراح وقف في مكانه اقصى اليسار ..


مرجع الخبر : http://goo.gl/DJbVP6

الفيديو الكامل : http://goo.gl/MEuqy1


الصحف المصرية قبل الاجتماع قرنت 3 اسماء مع بعض قال يعني هيقابلوا بعض كقادة متساويين وكده .. وهم ( بوتين و اردوغان والسيسي ) .. فقامت من شوية الصحف الروسية والتركية مطلعه لقاء بوتين واردوغان ونتايجه الهائلة على اقتصاد البلدين وسياساتهم الجديدة .. وحلول لخلافتهم وطبعا ولا حد فيهم قابل الرئيس .

المصدر : http://goo.gl/rQY1iY


رأس هرم امتهان الكرامة المصرية هو اللي عمله السيسي لما وقف مستني دوره يسلم على اوباما وهو واخد الرئيس الهندي بالحضن .. وجت منسقة الاحتفال الصينية وخدت الرئيس اللي قبل السيسي وعملت زي حاجز بشري عشان السيسي يمشي .. لكن اصر انه يسلم على اوباما .

المصدر : http://goo.gl/Gwzcq0

[ragb782]




محمود رفعت: الإمارات أقحمت السيسي في "قمة العشرين"

الأحد, 04 سبتمبر 2016 22:19 غادة بريك



محمود رفعت
http://www.masralarabia.com/%D8%B3%D...B1%D9%8A%D9%86




رأى محمود رفعت، رئيس المعهد الأوروبي للقانون الدولي والعلاقات الدولية، أن الإمارات العربية المتحدة كانت السبب في مشاركة مصر في قمة العشرين المنعدة بالصين.



وقال رفعت في تدوينة عبر صفحته الشخصية على موقع التواصل الاجتماعي "فيس بوك": "أؤكد على مسؤوليتي الذي أقحم السيسي في قمة العشرين هو الإمارات عبر مكتب توني بلير ولم تتم دعوة مصر فهي ليست ضمن أقوى 20 اقتصاد بالعالم".

وانطلقت أعمال قمة العشرين، التي تستضيفها الصين، اليوم الأحد، لأول مرة في تاريخها منذ إنشاء المجموعة عام 1999، بمشاركة زعماء 25 دولة على مستوى العالم، بينهم مصر التي تشارك للمرة الأولى كضيف شرف.

وتعقد القمة بمدينة هانقتشو، وتناقش أربعة محاور رئيسية وهى "الإبداع فى أنماط النمو الاقتصادي، والإدارة الاقتصادية والمالية العالمية الأكثر فعالية وكفاءة، والتجارة والاستثمار الدوليين القويين، والتنمية الشاملة والمترابطة"، سعيًا للتركيز على سبل نهوض الاقتصاد العالمي وكيفية تنميته.

[محمد محمود بدر]

جزيل الشكر والتقدير لحضرتك

شكرا على المرور الكريم

جزاكم الله خيرا وبارك الله فيكم

[ragb782]

[شيماء احمد/]

اللهم إني أعوذ بك من العجز والكسل والجبن والهرم والبخل ، وأعوذ بك من عذاب القبر ومن فتنة المحيا والممات .
الله أهدني وسددني ، اللهم إني أسالك الهدى والسداد.
*********

[محمد محمود بدر]

المشاركة الأصلية كتبت بواسطة ragb782

المشاركة الأصلية كتبت بواسطة شيماء احمد/

اللهم إني أعوذ بك من العجز والكسل والجبن والهرم والبخل ، وأعوذ بك من عذاب القبر ومن فتنة المحيا والممات .
الله أهدني وسددني ، اللهم إني أسالك الهدى والسداد.
*********

شكرا على المرور الكريم