رداً على كلام الوزير الجزء الثاني " انتم عارفين المرتب من الاول "

[محمد حسين الشربينى]

رداً على كلام الوزير الجزء الثاني " انتم عارفين المرتب من الاول "

الاعتراف بالحق يا معالي الوزير

على فكرة مش عيب ابدا انك تعترف انك مش قادر ترفع مرتبات المعلمين عادي والله
يعني ممكن تعترف ان مش قادر توزيع الميزانية المخصصة للمرتبات في وزارتك وحسب كلامك 67 مليار تقريبا بالعدل وان الديوان مستحوز علي ما يقرب من نصها لاننا ببساطة لو قسمنا المبلغ دا علي مليون ونص معلم واداري هيطلع اقل مرتب 4500 جنية تقريبا في الشهر....عادي عادي قول ان حضرتك مش قادر تسيطر على الديوان وانهم اقوى من الوزير والوزارة احنا عارفين كدا وعارفيم انكم مش بتتشطرو غير على المعلمين

عادي بردو ممكن تعترف ان حافز الاداء بتاع حضرتك وبتاع كل متخذي القرار مش فردة بردو زي حافز المعلمين وان مفيش حد فيكم يستحقة زينا بردو حسب كلامك الا المخلص المجتهد اللي بيحب المهنة مش بيحب الرغي... لان ببساطة انتم فشلتم في تحقيق اي انجاز ملموس في الوزارة في اي اتجاة ولو عايز تتاكد اعمل استفتاء عام لكل الناس ولي امر وطالب ومعلم وشوف النتيجة... 😛😛
عادي بردو ممكن تعترف انك اما اتزنقت في التصريح اياة بتاع الحرامية طلعت كمية وعود بالاستعانة بجرايد موالية ليكم انك هتنغنغ المعلمين وهتظبطهم واما عدت الازمة رجعت فكلامك

عادي على فكرة انك تعترف ان بنك المعرفة بتاعكم واللي بلع مليارات من ميزانية الوزارة طلع ملوش اي لزمة مع وجود منصات معرفية تانية زي دار المنظومة اسهل واحسن واعمق في المادة العلمية

الخلاصة...ان المعلمين مش بيشحتوا منك ولا من الدولة دا حقهم وبيطالبو بية واذا كنت حضرتك مش قادر تجيبة عادي اعترف بكدا لكن متحاولش تقلل مننا لاننا بردو نعرف نرد

عبودة مصطفى

[Mr. Bayoumy Ghreeb]

كلام في محله بس المشكلة ان الوزير مش هايقرأ هذا الكلام

[zizo-20099]

يسلم فمك يارجل كل الكلام اللى اتقال فى الجرائد كان كلام جرايد بلح او فنكوش زى كل مرة يعشموا المدرسين وبعدين يقولوا من مين ياجماعة

[Nasr Fouad]

كلام جميل و يسلم فمك زي مبيقولوا
لكن لي تحفظ على كلمة الجرايد المواليه ليكم و لينا
هما مين و احنا مين
احنا شعب واحد و محدش مضيعنا غير الانتماءات و التحزبات و ال ااات ااات ااات