ناس مخوفانى من طب !

[ezmz3]

انا الحمد لله طالب ثانوية عامة نظام حديث جبت 99.02% بمعدل 406 من 410 طبعاً من اول ما النتيجة طلعت كل الناس بتكلمنى تباركلى و طبعاً مفيش ولا واحد من اللي باركلي دول غير ما قعد يقولي اوعى يابني تخش طب هتبعزق عمرك هتضيع نفسك هتعيش حياتك بتذاكر و فى الاخر هتطلع مش حاجة و هتقبض 250 جنيه و التمرجي يكسب اكتنر منك انا اتعقدت بصراحة مع انى كان نفسي فى طب اوى ياريت اى حد يساعدنى و يقولي الكلام ده صح ولا ايه مع العلم انى كنت بعشق الاحياء فى ثانوية عامة

[Islam_sokar]

الصراحة .. انا عندى نفس المشكلة ديه

[نقاء الروح]

فالبداية الف مبروووووووك ويارب دايماً في تفوق
تاني حاجة بالنسبة لطب او غير طب كل الكليات محتاجة مجهود
مافيش كلية سهلة وكلية صعبة كله بالمذاكرة بيبقى كويس
ايوة احنا مختلفين شوية عشان عدد سنين طويل بس الطالب ال بيذاكر بييجي فالاخر ويجيب تقدير وممكن يرتب كمان تخيل !
وكل الناس ال بتخوفك من طب او بتبينلك سلبياتها لو سألتهم لو رجع بيكم الزمن هتدخلوها هيقولولك ايوة !!
م الاخر هتتعب ايوة وهيطلع عينيك كمان لان فالكلية عندنا لو عاوز تجيب تقدير لازم تذاكر من اول السنة او مش اول بس عالاقل ماتسبش نفسك للاخر وتقول هلم نفسي فاخر شهر لان المناهج كبيرة شوية
بس فالاخر شوف هتطلع ايه وربنا هيجعلك سبب فشفاء كام واحد ..
ولو انت عندك الرغبة فعلا والميول هتمشي فيها وهتحبها
وزي ماقولتلك مافيش حاجة بتيجي بالساهل هتدخل بشري ، اسنان ، صيدلة ، علوم الخ الخ
هتذاكر بردو مع اختلاف المجهود ال ممكن يزيد شوية فبشرى مثلا ( ماعرفش نظام الدراسة فباقي الكليات )

فلو انت حابب الكلية وميال ليها فعلا ادخل واتوكل على الله
لكن لو داخلها منظرة فنصيحة بلاش هتتعب اوي لان الكلية عاوزة صبر وانك تكون عالاقل بتحبها

وماتسمعش كلام الناس الكبيرة والتريقة انت بعد كام سنة هتقول نفس الكلام

دا مجرد تنفيس وتفريغ شحنات والشعب المصري اصلا زياط بطبعه

اه صح وبالنسبة للمرتب مش هكدب عليك انت بتقعد لمدة ست سنين ونص يتصرف عليك

فالاخر الامتياز بياخد ميتين وحاجة تقريبا

بس بعدين ربنا بيفتحها عليكم وانت وشطارتك وخصوصا الميلز يعني

وفيه مواقع كتير ممكن تفيدك زي مداد تيم دا فيه كل حاجة تخص السنوات الدراسة من اولى لحد تقريبا مابعد التخرج محاضرات ، شرح ، نظام ، كله

وربنا يووفقكم يادكاترة المستقبل

[بـــخـــتـــهـــ]

السلام عليكم

مبارك عليك التفوق

انا ايضا مثلك هذه السنة تخرجت من الثانوية و مقبلة على الجامعة

الكل قال لي اختاري الطب و كنت في حيرة بينه و بين الصيدلة و قررت في الاخير الصيدلة بها فرص عمل في المستقبل اكثر من الطب
- نقدر نفتح صيدلية
- نفتح فرع التحاليل في صيدلية اخرى
- ادرس في الجامعة بعد ما ادرس التخصص
- العمل في مصانع الادوية و هذا اكثر شيء عجبني صح صعب نوعا ما لكن لاشيء يستحيل مع التحدي
قد يكون في فرق بيننا و بينكم لكن لا أعتقد انه بالشيء الكبير ~ (أنا من الجزائر )
بالتوفيق