احباط

[DR mazen]

احباط كبير سببه كل الدكاتره الخريجين و النقابه
كل مجالتنا بتتأخد واحد ورا التانى و مش عارف بتعملوا ايه
علوم و زراعه بيخرجوا يشتغلوا فى التحاليل و بيسموا نفسهم دكتور و المسمى بتاعهم "فنى تحاليل " و بقوا بيفتحوا مراكز تحاليل كمان دلوقتى
علاج طبيعى المفروض و ظيفتهم تنفيذ اوامر الطبيب عايزين يبقوا بيعرفوا يطلبوا تحاليل و يكتبوا ادويه و هيعملوها فعلا و دول شغالين فى تخصصات كبيره زى الاطفال و العظام و الاعصاب لسه شايف واحد كان بيقول فى منتدى دكاتره الاطفال ((((( بيفتوا))))) و بيبوظوا شغلنا !!!!!!!!!!!!! مسخره و الله لاء و الاحلى من كدا حط مصطلح بعديه طالب اولى طب يعرفه و بيقول طب انتم تعرفوا معنى دى
ده غير المرتبات الزفت و السنين الى بتضيع و نظام الحفظ بس كل ده كوم و الكوسه الى بتحصل كوم تانى
خايف عقبال ما اتخرج اتلاقى دكتور ربيع فى كل مكان و اتلاقى غيرى شغال بالفهلوه بالنصب فى الزيطه فى دوله فاشله
الموضوع مبقاش حساسين و لا جهاز بيعالج كل الامراض الموضوع اكبر من كدا بكتير

[DPT-Blue Phoenix]

اولا الموضوع دا اهانة كبيرة فى حقنا ((العلاج الطبيعى)) ثانيا انت تعرف العلاج الطبيعى فى العالم كله اسمه ايه و لا هو كلام و خلاص حضرتك ؟! و تعرف ان شهادة الدى بى تى دى عالمية و لا لأ و لا كلام و خلاص ؟! و تعرف ان كليتنا بقت بتدرس 6 سنين و سنتين دى بى تى دا غير الماجستير و الدكتوراه زيكم بالظبط ؟! 8 سنين دراسة عايز ايه تانى ؟! جاوب على الاسئلة دى و لو جاوبت سعتها يبقى ليك حق الاعتراض ...

نرجو التعبير عن الرأى باحترام دون الانقاص من اى كلية ((الطب الطبيعى لم يعد معترف بيه عالميا))

[DPT-Blue Phoenix]

ردا على كلام حضرتك :-

بسم الله الرحمن الرحيم (مع انى مش بحب ادخل فى الحوارات دى بس هرد) :-
اولا هل علاج طبيعى دا فرع من فروع الطب و لا لأ مش هتكلم انا هسيب الموسوعة هى الى تتكلم اتفضل و اقرأ :-

http://ar.wikipedia.org/wiki/%D8%B9%...A7%D8%A6%D9%8A
http://en.wikipedia.org/wiki/Physical_therapy

ثانيا مش عايز اقول على فكرة ان ((منهج علاج طبيعى فى سنة أولى اكبر من ضعفين منهج بشرى فى أولى و ممكن حضرتك تتأكد لو رحت كلية العلاج الطبيعى جامعة القاهرة و شفت كتبنا و كتبكم قد ايه فى سنة أولى ... منها اناتومى فسيولوجى هستولوجى بيوكمسترى))

حضرتك بتقول اننا بنتخصص فى مجالات كبيرة دا عالميا على فكرة نا مش هقعد اجيب مثل لكل مرض لكن مثلا خلينا فى مثال مرض زى الscoliosis او الجنف دا مرض بينحنى فيه العمود الفقرى و دا ياما بيتعمل عملية جراحية (و مش بتبقى فعالة زى العلاج) ياما بيجيلنا احنا علاج طبيعى ...احنا بندرس عظام و اعصاب و عضلات بالتفصيل عن بشرى بكتير مواد زى علاج كهربى و علاج مائى و تمارين و اختبار العضلات و الميكانيكا الحيوية و نقاط الابر و النقاط الحفازة و نقاط الحركة و غيرها 4 انواع للنقط تعرفوا انتم دول ايه ؟!

و فى مرض الجنف دا مثلا احنا بنيجى على ناحية العمود الفقرى المحدبة و بنعمل بالاجهزة الحرارية و غيرها راحة و فك للشد فى العضلات و فى الناحية التانية بنعمل تقوية للعضلة و لو فى فقرات اتحركت من مكانها عندنا الليزر و غيره فالمريض بيرجع زى الأول و احسن لأننا بنكون كمان عملنا تقوية للعضلات غير طبعا امراض الاعصاب و منها انواع كتير جدا للشلل مينفعلهاش الا العلاج الطبيعى ....

فى مجال فى الطب و (مش معترف بيه عالميا دلوقت اصلا لو مش مصدق كلامى حضرتك ممكن تبحث عل ىالنت) .. الطب الطبيعى كان بياخدوا بعد سنين الدراسة حوالى 6 اشهر عشان يعرفوا بس عن العلاج الطبيعى انما و لا بيعرفوا طريقة عمل الاجهزة و لا اى حاجة ...

بالله عليك لما الطب الطبيعى كان هو الى يكتب المريض محتاج جهاز ايه و عدد الجلسات و كدا و هى ميعرفش و لا درس اساليب علاج طبيعى الى احنا بندرسها فى 6 سنين يبقى بيحدد ايخ مفيش ؟!

احنا بقى دراسين قوانين و اداب المهنة و عارفين الى علينا و الى لينا كويس أولا فى نص قانون ... فى قرار وزير الصحة رقم(150) لسنة 1986 بالائحة التنفيذية للقانون رقم(3) لسنة 1985 فى شأن تنظيم مزاولة مهنة العلاج الطبيعى .... فى المادة (الثامنة 8) ان دكتور العلاج الطبيعى هو الى بيحدد برنامج العلاج و طرق تنفيذه و عدد الجلسات و كل حاجة ...

لكن + ان المريض يكون متحول من دكتور بشرى للعلاج الطبيعى و فعلا قال ان الحالة محتاجة علاج طبيعى ....

لكن بعد السنة دى و بعد ما اتطبقت شهادة ((الدكتوراة المهنية DPT)) الى هى بناخدها من ((2 ل 5 سنين لحد دلوقت ب 30 الف جنيه)) نص القانون اتغير و بقى ايه ؟!

ان دكتور العلاج الطبيعى من حقه تشخيص الحالة + كتابة الروشته و طلب التحاليل + تحديد برنامج و اساليب العلاج....

طيب الشهادة دى بتعمل ايه ؟! الفرق بينا و بين بشرى ان بشرى بتدرس موادكم طبعا زى التشريح و الفسيولوجى و غيره تفصيلا عننا شوية احنا فى الدكتوراة المهنية ((ينتعمق فى مواد بشرى و بالتالى الفرق دا بيروح))

قارن بقى بين طب طبيعى الى لم يدرس اى شىء فى علاج طبيعى و يرجع يحول لعلاج طبيعى .... و بين العكس المريض يروح لدكتور العلاج الطبيعى يشخصله و يعالجه بالى هو بيدرسه على مدار 6 سنين و جربه عملى لحد ما زهق مفيش مقارنة ؟!

بالنسبة لباقى الاقسام عالميا المريض بيروح لدكتور العلاج الطبيعى و لو دكتور العلاج الطبيعى شاف ان الحالة محتاجة عملية جراحية بيحولها لدكتور بشرى عشان الجراحة .....

و اخيرا عالميا برده دور كل واحد من الفريق الطبى (( الدكتور البشرى تشخيص و عمليات جراحية - دكتور العلاج الطبيعى الحاصل على شهادة دى بى تى تشخيص و علاج طبيعى و بيبقى فى حوار و تكامل بين الدكتورين المفروض فى المستشفى - وصف الدواء للدكتور الصيدلى .... لكن هنا فى مصر البشرى هو الى بيكتب الدواء مع ان احنا و انتم بندرس قد ايه من علم الدواء فارما بس انما صيدلة بتدرس قد ايه يبقى الأولى انك تقول ان بشرى واكلين حق الصيادلة))

طيب اخيرا هل احنا بنتبلى على بشرى و ((اخترعنا الدكتوراة المهنية DPT)) لأ دى ((شهادة عاملية منها امريكا و اكبر دول فى العلاج الطبيعى بتطبقها))

اخيرا ان شاء الله بعد ما الدى بى تى هترخص او تكون بفلوس قليلة فى المستقبل هيتضم عدد سنين العلاج الطبيعى كله فى ((7 او 8 سنين و يبقى اسم الخريج دكتور علاج طبيعى Doctor of physical therapy)) يعنى بعد الدكتورا المهنية احنا الكلية الوحيدة فى المجال الطبى الى الخريج بتاعها يطلق عليه لقب ((دكتور))

طبعا لقب دكتور دا مجرد درجة دا غير الماجستير الى بنتخصص بيه و الدكتوراة الفلسفية ؟! و طبعا عشان حضرتك تقرأ عن الدى بى تى برده من مصدر موثوق راجع حضرتك القانون و راجع الموسوعة .... و احنا زيكم بنتخرج ممارس عام و نتخصص بالماجستير و كله يبقى ايه الفرق ؟!

http://en.wikipedia.org/wiki/Doctor_of_Physical_Therapy

الى احنا مطبقنها دلوقت اسمها الدى بى تى الانتقالية هى هى بس الفرق انها بتتاخد بعد سنين الدراسة انما الدى بى تى العادية بتتاخد ضمن سنين الدراسة و دا الى هيحصل مستقبلا ان شاء الله ....