رسالة الى كل أطباء المستقبل

[احمد رضا]

تم النقل مره اخري للركن الطبي

[همس]

ربنا يوفقك يا دكتورة ماجدولين

الموضوع رجع اهو يا ستي

ربنا معاكم جميعا

تقبلي مروري المتواضع

[د/ ماجدولين]

الموضوع رجع اهو يا ستي

:av4056b b7jp3:
أقيموا الأفراح واليالى الملاح

ميرسى يا هند
ربنا يوفق الجميع

[د/بسمة الاسلام]

[quote=د/ ماجدولين;740828]

بص يا دكتور

للأسف الطلبة دول بكلامهم بيبقوا حاسين أنهم بيخدمونا
تلاقى الواحد من دول بيقول
أنت هتطلع عينك...........وهتكرة اليوم اللى اتولدت فية
لأ و أية فى الأخر العملية هترسى على 300 جنية
ويا سلام بقى لو كنت شاطر ومعاك ابن معيد فى الكلية
مية مية هو اللى هيبقى معيد مش أنت
وهتطلع عينك...هتلاقى صحابك فى الكليات التانية اتخرجوا وبدأوا حياتهم
وانت لسة فى الأمتياز
مالها أسنان ولا صيدلة؟!!!!!!
لأ ودفعة سنتنا بقى ليها ميزة احباط اضافية بتتقال لأول مرة
تلاقيهم بيقولولك
ومن حظك الجميل أن التكليف اتلغى على سنتك يعنى
لو أنت مش طلعت من ال200 الأوائل ع الدفعة انسى حتى ال300 جنية دول
وهتبقى ضيعت سبع من عمرك
وأخرك...............................
أحنا يا بنى بنقولك دة عشان مصلحتك
أحنا كنا فى يوم من الأيام زيك كدة
عيال بتحلم أحلام كبيرة بس اكتشفنا ان احنا فى الطب
وفى الطب ممنوع الأحلام
وغيرة من الكلام اللى بجد فى يوم من الأيام خلانى أعيد التفكير بشكل جدى
فى التحويل من الكلية التعيسة دى
لما بقول للناس بحبها......يقولولى لسة مش فاهمة حاجة
بقولهم نفسى اعمل بالكلية دى حاجة لدينى ووطنى.......يقولوا حماسة شباب
بجد زهقت منهم
بس الحمد لله ربنا حط فى طريقى ناس ساعدونى وادونى أمل ومنهم أخويا ربنا يخلهولى ياااااارب
لما لقانى متلخبطة كدة
قالى
(أنتى عارفة........الناس كلها كدة.........طالب هندسة مش عاجبة حالة
بيقعد يحضر فى مشروع التخرج سنتين...........وهو وبختة
وممكن بعد أما يحضر اساسيات المشروع ويصرف عليها حوالى 500 أو 1000 جنية
الدكتور بمنتهى البساطة يقولة
try again later
وطلبة علوم بيقولوا انها كلية دمااااااااااار وصعبة وشاقة
دى حتى طلبة حقوق وتجارة مش عاجبهم حالهم
يبقى أحسن حاجة مش نسمع كلامهم
اللى بيقولوا كدة بيبقوا طلبة فاشلين بيحاولوا يعلقوا فشلهم على صعوبة الكلية)
أخويا لية زمايل فى كلية الطب ........ماشاء الله بيجيبوا امتياز من سنة أولى
وأنا ليا واحد يقربلى من بعيد.......بيرتب من الخمسين الأوائل ع الدفعة و معانا فى الكلية ما شاء الله
الخلاصة
كل مكان مهما كان حتى لو كان طب عين شمس (المعذبون فى الأرض) فية الكويس والوحش

ليه كده بس ؟؟؟؟؟؟؟؟؟؟
أهم حاجة الطالب نفسة
الكلام دة بجد مش بقى بيفرق معايا
وأى حد يبتدى يقول فى الأسطوانة المشروخة دى برد علية بكلمة واحدة
(عاجبانى)
دكتور
أنا مش هنكر أن الطريق صعب فعلا وشاق
بس احنا اللى اخترناة بأرادتنا ........
ومش اخترناة طمعا فى منصب أو جاة أو وجاهة اجتماعية
لأ...........احنا اخترناة حبا فى العطاء .........وابتغاء مرضاة الله عز وجل
فهل تعتقد أننا لو أخلصنا النية لوجهة تعالى
سيضيعنا الله؟؟؟؟؟؟؟!!!!!!!!!
لا والله ابد
استعن فى طريق الطب الطويل بالصحبة الصالحة التى تدفعك للأمام وتزيد من عزيمتك
ولا تستمع لكلام هؤلاء المغرضين......
سامحهم الله وهداهم
والله يا أخى
أننى أعرف من الأطباء الذين يقسمون لى بأنهم لو عادت بهم الحياة للوراء
لما اختاروا بديلا عن الطب
رافعين شعار
(لو لم أكن طبيبا لوددت أن أكون طبيبا)
يقولون أنك تحس فى مشوار الطب بالألم اللذيذ أو اللذة المؤلمة
وكل معاناتك سوف تزول مع أول مريض تعيد البسمة الى وجهة
مع اول أم ترد اليها روحها بأن تكون سببا فى شفاء صغيرها
مع كل هؤلاء.......
سوف تشعر بأن لحياتك معنى.........
سوف تشعر بأنك تقدم شيئا للأنسانية
سوف تشعر بالهدوء والسكينة........
.سوف تعاد التعب....ولكنك ستعتاد راحة البال معة
ولكن للأسف فالدراسة فى أول ثلاث سنوات هى دراسة أكادمية
ولذلك فهم يرون أنة لكى تحب الكلية وتشعر بقيمة ماتفعلة
أن تذهب الى المستشفيات فى الأجازة الصيفية وتقيم فى الأستقبال
وأن تشارك فى القوافل الطبية......وغيرها
لأن الطب .......مجال عملى........ومعظم الناس يأخذونة بشكل نظرى
وهذا ما يسبب لهم الأرهاق والتعب
دكتور
أعلم اننى قد أطلت كثيرا
ولكن ماذا أفعل؟؟؟؟؟؟؟؟؟؟!!!!!!!!!!!!!
أتمنى فقط أن يقرأ هذا الكلام طلبة متقدمين فى دراسة الطب
ويبطلوا نصايحهم الحلوة دى
ووالسلام خير ختام

فى رعاية الله

,وعليكم السلام

[د/بسمة الاسلام]

بجد كلامك زي العسل
اول مرة اضحك وانا داخلة طب
اصلي بعيد عنكم داخلة عين شمس ومكتئبة
ربنا يعديها ع خير
جزاكى الله خيرا

[/quote]

[hawass007]

كلام جميييييييل

[magnonat el teb]

اه طبعا البنت عمرها ما هتبقى زى الولد ابدا ابداااااااااااااااا
عارفين ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
علشان البنت ألطف وأحن وأرق وأطيب وأحلى وأجمل هههههههههههههههههههه

اسمعوا بقى البيتين دول للمحبطين فقط


العلم بحر واسع
والجهل جمر لاذع
فوجدت عقلى قد غرق
فى بحر علم مشترك
من قبل قوم قد سرق
ووجدت قلبى قد احترق
من جمر جهل قد فرق
بينى وبين المنطلق
رغم العناء فلا ابالى
اسعد بحالى ولو يقالى
يرثى لحالى كيف حالى
سأرد قائلة مجالى
علمى ولو طال انشغالى
سأحبه قدر الجبال
بلا تعالى
يارب لو كثرت خطايا
فامحو به عنى ذنوبى
يارب قد طال انتظارى
وانت خير الاكرمين
فالحمد لك والشكر لك
رضيت بقضائك ولك
شكر فى قلبى لن يقوى
عليه اى لسان تقوى


ومعايا بيتين لأحباء الطب والطموحين

يا طب لم اقصدك الا لعلاج داء
كثرت ضحاياه فقد غاب الدواء
عن اعين تملّك مرضاها العناء
من شفقة اختلطت بالرثاء
رأوا عذاب اقوام ذا الوباء
ماتوا بأصعب صور الابتلاء
والصبر خير وهو شر* دواء
صعب على المرضى والاصحاء

ملحوظة:شر بمعنى اصعب
وتحياتى ,,,,,,,,,,,,,,,,,,,,,,,,,,,,,,

[Dr.M!DO]

جزاك الله خيرا على هذا الموضوع الجميل
الذى جعلنا متفائلين بعد ان كثر كلام المحبطين المثبطين
الحمد لله الذى اعطانى الفرصه ان اكون طالب فى كلية الطب
لاكون رساله وسبب فى اشفاء المرضى باذن الله

[لوجين 3]

بجد موضوع جميل اوي ربنا يكرمك يا دكتورة

[mohammedhamed22]

موضووووع جميل جدا خلي الواحد يتفائل شويه
الفففف شكر
بس عجبني اوي التعليق ده

المشاركة الأصلية كتبت بواسطة dr.neuro

حضرتنى مقولة ها هنا للدكتور على خليفة _رحمة الله عليه..

وقد سُئل يوماً
"طالب الطب بيتعب كم سنة؟"

فأجاب قائلاً
"بيتعب 10 سنين"

فسُئل
"و بعد ال 10 سنين؟"

قال
"بيتعود على التعب !"

[شعبان رجب]

موضوع حلو اوى
بس كنت عايزة اسال هو فى دكاترة منتقبات وهل بيشتغلوا ولا ايه بالله عيكم حديقولى

[ArabianPDA]

المشاركة الأصلية كتبت بواسطة شعبان رجب

موضوع حلو اوى
بس كنت عايزة اسال هو فى دكاترة منتقبات وهل بيشتغلوا ولا ايه بالله عيكم حديقولى

في طب بنها (عن نفسي)
فيه طلبه كتير منقبات يعني في دفعتنا بتاع 12 كده
بس ولا معيده منقبه مش فاهم ليه!

[شعبان رجب]

شكرا على اجابتك وان شاء انتظروا طالبة منتقبة بس ان شاء فى القصر العينى يارب

[د/نداء الجنة المصرية]

جزاكم الله خيرا الكلام ده غير من فكرتى كتير وخصوصا انى لسه تالته ثانوى وكنت حاسه ان دخول الطب يعتبر موت لدرجة ان ماليش اقبال على المذاكرة عشان مش حابة ادخل كلية معينة وحاسة ان كده كده مش هيكون لى لازمه وكل الحكاية هزود عدد الدكاترة الكتير واحدة ومش هافيد ولاهاستفيد لكن الحمد لله الكلام ده غير رايى وبجد بادعى ربنا دلوقت يوفقنى السنه دى عشان ادخل الطب واساعد المرضى

[الآملة]

الموضوع رائع