بنات اجتماعيات طاالب اجمع (انا والنجوم ومنتداك )

[مريم السباعى.]

المشاركة الأصلية كتبت بواسطة shahd.

جميييييييييييييله قوووووووووووووووووووووووووووى والله يا مريومه
كملى يا قمر

ميرسى يا جميل ربنا يخليكى

[ساره جمعه]

3 حلقات اجمد من بعض ششششششششكرررررررررا يامريومه

[أبوبسملة ياسر خليفة الطحاوى]

السلام عليكم ورحمة الله وبركاته

أولاً نشكر مبـــدعة المنتدى على هذا الموضوع القيم جدا

الذى يعد من اهم موضوعات المنتدى كله فكرا

لأنه يقدم جانبا كبيرا من الجوانب التى تقع فيها الفتيات

ثانيا : مريم تتميز فى هذا الموضوع بانها تقدم الحيلة التى يقوم بها هؤلاء الشباب للايقاع بالفتيات

سواء فى الجامعات

سواء فى الشات

سواء كمان فى المنتديات

وكم من فتاه صارت ضحية لهذا الامر

وكم من فتاه انكسر قلبها

وكم من فتاه ضاعت مشاعرها

وكم من فاته خسرت نفسها والعياذ بالله

والسبب فى ذلك عدم إدراكهن

عدم معرفتهن للحيل التى يقوم بها

أشباه الرجال من الشباب

وانا باقول اشباه رجال لأن من يفعل ذلك من الشباب لا يعتبر رجلا اساسا

ثالثا نصيحة اختى فى الله داخل المنتدى

حذاااااااااااااااااااااااااااااااااااااااااااااااا اار


من الانسياق وراء شاب او رجل بسبب ( كلماته - أسلوبه - ضحكاته - ردروده )

كل ده والله العظيم ليس مقياسا

اجعلى لكى اختى فى الله رادعا ومقياسا هو الدين والشرع

وعلشان كده دائما بأقول

مفيش دين إيدك والطين


اختنا مريم

بارك الله فيكى

وجزاكى الله خيرا

وجعل كل كلماتك في ميزان حسناتك يوم لا ينفع مال ولا بنون إلا من أتى الله بقلب سليم


اختنا هالة مشرفة القسم

يا ريت تثبتى هذا الموضوع بالفعل

له فائدة كبيرة جدااااااااااا

فى خدمة الفاتيات

فى فهم حيل انصاف الرجال


بارك الله فيكم

واسف على الاطالة

اخوكم

ابو بسملة

[مريم السباعى.]

ربنا بصراحة يكرمك بجد يا استاذى ويكم كل الناس الى دخلت حتى وقرت واستفادت بالموضوع وكلا حضرتك مظبوط وربنا يحمى جميع شباب وبنات المسلمين يارب واتمنى فعلا الموضوع يثبت ومش عارفة اقول لحضرتك ايه بجد جزاكالله كل خير اشكرك وان شاء الله حبقى انزل الحلقات بعد كدة وحدة وحدة
خالص تقديرى

[princess nona95]

الموضوع جميل
ميرسى ياقمر

[مريم السباعى.]

بصو يا بناتيت انا حنزل باقى الحلقات ان شاء الله حلقة حلقة بس بشرط كل حد حيدخل يقول رئيه فى الحلقة ماشى ولا هااااااا مين موااافق

[مريم السباعى.]

[QUE=بنات أحلى حياة;452040]

الحلقــــــــــــــــــــ ( 4 )ــــــــــــة
♥.. الحب الصامت..♥
tell:


الحب الصامت معنى حوليه معاني كثير خفية :entzar:
عاوزين نوضحها )





ألو أنا والقلوب ومنتداك
هو لو حبيت واحد من غير ما أكلمه يبقى غلط ؟

♥♥♥♥♥♥♥♥♥
ألو أنا والقلوب ومنتداك
مش عارفة هل مجرد إستمتاعي إنى حسه إن فى شخص بيحبنى
أو إنى بحب شخص من غير كلام فيه مشكلة ؟؟
أنا مش هعمل ذنوب مجرد خيال جميل بينى وبين نفسي ؟
♥♥♥♥♥♥♥♥♥

ألو أنا والقلوب ومنتداك
طيب لو دعيت ربنا إنه يكون من نصيبى في مشكلة !



طيب النقطة دى محتاجة توضيح عشان بيبقى فيها لبس
لإن فى ناس كثير متخيلة إن كل المشكلة فى التصريح والكلام وأى شىء تانى يبقى مفهوش مشكلة وحلال ...

فعاوزين نتكلم بالتفصيل

مجرد الشعور بالميل القلبي لشخص لا تلامي عليه

ولكن بشرط


1-غصب عنك = بدون تفريط ولا سبب منك
في عدم غض بصر أو إختلاط وكلام مالوش
الحب اختياري طالما تحكمت في مداخله ... واجباري مالوش دفع ان تم التقصير في منع أسبابه ..

2- لا يصدر أى فعل أو قول نتيجة الإحساس ده

- فمثلا ًمتابعيش أخبار الشخص
- ولاعينك تلاحقه لإنك مأمورة بغض البصر
- ولا تحاولى تلمحى بأى شكل له (فى شباب يقول هقولها عشان تستناني وبنات تقول هلمحله بحيث يبقى عارف
- وبردو متروحيش تحكى لصحباتك ولا لأى حد
حتى لو ميعرفش الشخص
- ومتسترسليش مع الخواطر وتفضلى تفكرى فيه وتحلمى



واحدة تقول مشاعر إيه دى الى هحبسها من غير لا تلميح
ولا تصريح ولا أحكى لحد عنها وكمان أجاهد نفسى فى التفكير

حب إزاى بس من غير سرحان وعد نجوم !
ده حتى الشىء لزوم الشىء (الهلال والنجمة )

طيب ما هو ده الى بنقوله إن الموضوع مش سهل والوقاية خير من العلاج :mbtsm:
لإن فى ناس فاكرة خلاص مش هكلمه يبقى أعيش حياتى أفكار وسرحان وأحلام !

**** لكن أحنا محاسبين على أوقاتنا
وهيسأل الإنسان عن " عمره فيما أفناه ؟"

*** وقلوبنا هى محل نظر الله

***ومعلوم أن أي حب يصد عن طاعة الله ويبعد الإنسان عن ربه فهو مذموم
و إن كان مباحاً فى أصله كحب الأم لطفلها مثلا و الزوج لزوجته

قال تعالى{يَا أَيُّهَا الَّذِينَ آمَنُوا إِنَّ مِنْ أَزْوَاجِكُمْ وَأَوْلَادِكُمْ عَدُوًّا لَكُمْ فَاحْذَرُوهُمْ وَإِنْ تَعْفُوا وَتَصْفَحُوا وَتَغْفِرُوا فَإِنَّ اللَّهَ غَفُورٌ رَحِيمٌ} [التغابن : 14]

****ومعلوم أن كل ما أدى لحرام فهو حرام
مش هتعرفي تغضي بصرك ولا متحكيش
وتبع نظرية التطور الطبيعي للحاجة الساقعة هتبدأ التجاوزات خطوة بخطوة
فالي خارج عن إرادتك لا تلامي عليه و لا يكلف الله نفسا إلا وسعها

و لكن استرسالك مع هذا التفكير بالساعات بإرادتك



وجع قلب على الفاضي :SnipeR (34):

فأول حاجة : أنتي بتفسدي قلبك لإن الموضوع ده هيأثر بالسلب الشديد على علاقتك بربنا

ثاني حاجة : بتعذبي نفسك بالتفكير فيه وتزين صفاته في عينك
في حين إن في الحقيقة الصورة الي رسماها غير مكتملة ووممكن الشخص يكون فيه من العيوب الي يخليكي لو أتجوزتم تكرهي حياتك وممكن يكن كويس جدا ورائع جدا بس مينفعكيش
ومش هتتفقوا

ثالث حاجة وأهم حاجة : لن تنالي إلا ما كتب الله لكي
شغلتي نفسك وعذبتيها مش هتاخدي إلا ما كتب الله لكي
فلازم تعرفي إن تعلقك وحبك وإنشغالك وسهر الليالي
وعد النجوم مش هيغير شىء في قدر الله
والشخص ده لو مش نصيبك والله لو حتى بقى مبقاش حب صامت وبقى متكلم
ولوعلاقتكم دامت سنين وقصتكم كانت قصة روميو وجوليت بردو مش هيكون نصيبك
والقصص كثير وجداً وفى ناس بتفركش يوم الفرح !!!!
وعمر ما فى حد يقدر ياخد حاجة ربنا مقدرش إنه ياخدها

طب شوفى رسولك صلى الله عليه وسلم الذي لا ينطق عن الهوى بيقول إيه ؟

( احفظ الله يحفظك ، احفظ الله تجده تجاهك ، إذا سألت فاسأل الله ، وإذا استعنت فاستعن بالله ، واعلم أن الأمة لو اجتمعت على أن ينفعوك بشيء ، لم ينفعوك إلا بشيء قد كتبه الله لك ، وإن اجتمعوا على أن يضروك بشيء لم يضروك إلا بشيء قد كتبه الله عليك ، رفعت الأقلام وجفت الصحف )

يعني الموضوع منتهي
فليه العذاب ده ! وإيه الى يستاهل ؟؟



نجى لنقطة مهمة وهى التعلق بسبب الدين :SnipeR (26):

شوفي الأثر ده الشيطان قال:
(أهلكت بني آدم بالمعاصي فأهلكوني بالاستغفار .. فزينت لهم الحرام .. فهم يعصون ولا يستغفرون ويحسبون أنهم مهتدون )

فالشيطان مش هيسيب حد في حاله
يعني البنت تبدأ تلتزم فالصورة الى رسمتها فى خيالها بتتعدل لشخص متدين وده طبيعي وعادي
لكن المشكلة إنه لما تلاقى حد شبه حلمها لتدينه وأخلاقه تبدأ تتعلق بيه وتقنع نفسها إن تعلقها ده مباح لإنه لسبب ديني !

طيب أنتي حاسة أنك بتحبيه عشان دينه = (حب في الله) عشان هو متدين وأخلاقه عالية و... و... و

طيب اتفقنا أنه عشان نحل المشكلة لازم نقف الأول ونتفق أنها محتاجة حل وتكون الرؤية واضحة

طالما دخل في الحب كلمة (الله) .. يعني بقى دين ...
فهل الحب ده أساسه (طاعة الله) .. بيزيد بقرب المحبوب من الله (اللي حبتيه فيه) وينقص ببعده عنه (طالما كان منشأ الحب هو الطاعة لله) ؟

أم أن القرب من الله والبعد عنه مش مقياسا والمقياس هو الهوى ؟

لأنه لو على مقياس الحب في الله
كنتي هتحبي كل شاب ملتزم قرأتي له كلمة على الانترنت
وكل شاب ملتزم من جيرانك توسمتي فيه الخير

لكن المشكلة أن برضو في حتة هوى عايزين نطلعها
فأنتي (1)عارفة الله (2) وبتحبي انسان .. وعايزة تتخذي بين الطريقين سبيلا وتجمع بين الاتنين بأن تحبيه على شريعة الله
وده طبعا مش موجود في الشريعة.

إنتي عارفة إن قلوبنا لابد أن يكون حبها كله لله و أى حب بعد ذلك يكون تابع لحبك لله فهل ميلك الآن و حبك تجاه هذا الشخص هيكون تابع لحبك لله..؟؟؟


وكمان في حاجة خاصة بالحب في الله
1-أنه لن يؤدي إلى شىء يغضب الله ولا يلهي عن الله
من نظرة أو خاطرة أو كلمة
2- إن ربنا يرضى عن الحب ده ويديكي عليه ثواب ؟!!
فهل ده ممكن يحصل في حالة حبك لشاب
أكيد الإجابه لا . يبقى متبرريش لنفسك واعرفي إن في حاجة غلط



طب بصى هدعي ليل ونهار إنه يكون من نصيبي o3aaa2:

لو عاوزة تدعي أدعي بس خلى بالك أنتى ممكن تكوني بتدعي بشر !
لا يفضل أبداً التخصيص بشىء معين من أمور الدنيا فى الدعاء
فمثلا واحد عمال يدعي يارب اتجوز فلانة ،أو يارب اشتغل فى الشركة الفلانية
فيتجوز فلانة وبعدها يندم ويشتغل في الشركة فتحصله مشاكل كبيرة مثلا !

فلازم نبقى عارفين إننا لا نعلم الغيب ولا نعلم الخير من الشر
ولا نعلم ما يصلحنا وما يفسدنا

وعشان كده ربنا شرع لنا صلاة الإستخارة فى الإختيار
لإننا لا نعرف من الأساس الخير من الشر
لنسأله فيها أن ييسر لنا الأمر إن كان خيرا ويصرفه عنا إن كان شرا

***فنحن ندعو أحيانا بالشر لعدم علمنا ظنا منا أنه الخير لنا قال تعالى {وَيَدْعُ الْإِنْسَانُ بِالشَّرِّ دُعَاءَهُ بِالْخَيْرِ وَكَانَ الْإِنْسَانُ عَجُولًا} [الإسراء : 11]

***ونحب أشياء أحيانا مع كونها شر ونكره أشياء مع كونها خير قال تعالى بعد ذكر القتال { وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة : 216]فادعى إن ربنا يختارلك وييسر لك الخير
ولو هو خير ربنا هيرزقك ولا لأ ربنا يصرفه عنك


دعاؤك المستمر أنتي بتأكدي لقلبك إنه هيكون لكي وبتعلقيه به أكثر وأكثر !
فادعي ربنا يرزقك بالخير ويرضيكي به
فلو فى خير هيجي ولو لأ تبقى حافظتي على قلبك

وياريت تقري قصة الأخت هنا
وحده ومرض ....ثم فرج كبيييير من عند الكريم ***

لو شغلت نفسها به 7 سنين كان هيبقى عذاب حقيقي !



إنتهت حلقتنا بفضل الله ..

فإنتظرونـــــــــا في الحلقة القادمة
و " حب تيك أواى "

مــــــــــــــــن

[/QUOTE]

[مريم السباعى.]

ايه يا بنوتات انزل الحقلة الى بعدها ولالالالالالالالالالا

[moon light2012]

جميييييييييييييييييلة جدا جدا

[moon light2012]

ايوه نزلى الجديد احنا مستنينوا

[مريم السباعى.]

=بنات أحلى حياة;454472]

الحلقــــــــــــــــــــ ( 5 )ــــــــــــة

♥.. حب تيك أواي ..♥



بدون مقدمات نبدأ الحلقة


ألو أنا والقلوب ومنتداك
أنا مش عارفة أقول إيه ؟ لكن أنا دخلت كذا قصة وكل مرة كنت بقول هى دى المرة الى هستقر فيها وهو ده الشخص الى هرتبط بيه كل يا خسارة كل مرة صدمة جديدة مش عارفة فين المشكلة ؟
♥♥♥♥♥♥♥♥♥

ألو أنا والقلوب ومنتداك
أنا كنت عاوزة أسأل هو فين الحب ؟ بعد تجارب كثير بدأت أشك في الكلمة دي !ليه الحكايات بقت كثير والفشل بقى أكثر !

♥♥♥♥♥♥♥♥♥
ألو القلوب ومنتداك ♥مستفز وبيتعمد يضايقني ويكلم بنات
♥♥ القلوب ومنتداك كل ما نفتح سيرة أمتى هيتقدملي نتخانق ويتهرب
متحكم جدا القلوب مش حاسس بيا :SnipeR (72): جاف وبيعاملني ببرود ألو سابني ! مش قادرة أنساه
تعبت متقلب جدا ومنتداك زهقت كل يوم بحال


الاتصالات كثير فالخطوط دخلت فى بعض )
دول ضحايا الحب وسنينه وأهل الحب صحيح مساكين




دلوقتي كلمة حب بقت مطاطة جداً وبقى عندنا ملايين من قصص الحب :SnipeR (26):

ولو مش مصدقين ممكن نعدي قدام أي مدرسة بنات إعدادي أو ثانوي عشان نشوف مئات من الشباب واقفة في إنتظار خروج البنات

أو ممكن ندخل أي كلية عشان نشوف "الكبلز " ونلاقي على رأي الى قالت كل الأحبة اتنين اتنين

أو ممكن نروح أي جنينة أو نعدي على أي كوبري

ويا سلام لو كان يوم القديس فلانتينو هنلاقي كل البلد لبسة أحمر ومعاها دباديب وورد وقلوب وهدايا

أو ممكن نتابع الأغاني الجديدة والأفلام والمسلسلات وكلها كلها لازم يبقى فيها قصة حب
وهنلاقي إننا في عالم مليان حب × حب

ومع كل المشاهدات دي هنعرف إن دي قضية جيلنا وأولى إهتماماته



بس برغم كل ده !
موجود عدد كبير من مشاكل فشل العلاقات !
و تأخر سن الزواج !
و إرتفاع شديد في نسب الطلاق !


ولو بصينا على أي موقع أو برنامج أو جريدة لها ركن لحل المشاكل العاطفية هيجيلنا ذهول من الكم الرهيب لفشل العلاقات !
وذهول أكبر من تعدد العلاقات !!
وإن فلانة فركشت مع فلان وبعدين ارتبطت بعلان

والسؤال لو هو ده الحال و أحنا رومانسين ورائعين أمال إيه الي بيحصل ؟و راحت فين كل الأغاني والورود والدباديب الحمر :entzar:



أحنا خدنا فكرة البوي فرند والجرل فرند مع تغير المسمى والحدود

فبقى الطبيعي إن طول الوقت لازم تبقى في حدوتة وقصة شاغلة نفسها بيها وتخلص حدوتة تبدأ غيرها

وبقى عادي سؤال أنتي مرتبطة ؟ وإجابة مرتبطة أو مفركشة قريب و لسه مفيش جديد :SnipeR (34):

مرة اتكلمت مع بنت عدت الـ30 ومتجوزتش
وقالت إنها من وعمرها 17 سنة بتعرف في السنة 3 ! وحسه إنها استهلكت مشاعرها وقالت القصص كلها شبه بعض
نفس كلام الحب ونفس الأحداث وبتختلف النهاية ولكن النتيجة واحدة ومشكلتها إنها لسه مستمرة !
أنتم متخيلين هى عرفت كام واحد أكثر من 40 !!

وكل مرة على أمل إنها هي دي الى هتتجوز فيها !!!

فلو حللنا الموضوع هنلاقي :
فراغ كبير جداً عاطفي وفكري عند الشباب
مع ميل طبيعي لل*** الأخر و ظروف حياتية جافة
وتكثيف إعلامي على مواضيع الشهوة والحب
ونضيف على دول تقبل الناس لعلاقات الحب مع تهميش رأي الدين جانباً كالمعتاد

كل الأسباب دي أدت للحالة المنتشرة

ولكن نرجع ونسأل يعني إيه حب ؟
الحبب الى بنشوفه ومنتشر؟ حب الكلمات والشهوات ؟
الكلام الحلو ومسكه الأيد وبوكيهات الورد ؟

هو ده الى ضيعتي نفسك عشانه ؟!!

الحب إنه يرنك 150 مرة فى اليوم وبعد شهرين تلاتة يسيبك !
ولا إنه يبعتلك كل يوم مسدج وأغنية وأول ما تكلميه على الإرتباط يتهرب !

مين الى فهمك المعنى ده؟؟ الروايات والأفلام وكلمات الأغاني !

- إن كان على الكلام مفيش أسهل منه والى ميعرفش لازم يكون اتعلم بعد كل الأغاني والأفلام والأشعار....

- والشهوة غريزة عند كل إنسان وميله لل*** الأخر فطرة مخلوق بيها

الموضوع بقى أي شىء يسد الفراغ العاطفي وبعدها ملل ومشاكل وتنتهي ونشوف الى بعده وفي عصر السرعة والتيك أواى المشاعر كمان بقت تيك أواى !
الولد بقى عاوز يحس إنه راجل ويعيش قصة والبنت نفس الحكاية

وبصراحة ومن غير زعل ولا تحامل
بقى وسيلة لإشباع فراغ عاطفي وللهروب من ضغوط الحياة

فأول ما بيدخل في الجد وهيبقى له مسئوليات وضغوط
فركش !
لإنه كان من الأساس برشامة مخدر عشان نهرب من الضغوط لكن يبقى فيه ضغوط ومسئولية بلاش منه !

والأغاني بقت
تخلص حكاية وتبدأ حكاية... ويومنهم وهيجي غيرهم !!

هو ده بقى الحب الي بتغضبي ربنا عشانه ؟؟؟


أنتي بتعذبي نفسك بيه!
يقول ابن القيم " من أحب أحد سوى الله عُذب به ولابد"

هو بيبقى سبب عذابك في الدنيا وفى الأخرة لو مرجعتيش

لإن أنتى سلمتى قلبك للعبد فربنا وكلك ليه ...أنتى الى اختارتي تسيبى قلبك لعبة فى أيده
فمتزعليش لما تتألمي بسببه طول الوقت

لإنك
1- حبتيه وعرفتيه وربنا منعك من كده لمصلحتك فعصيتى ربنا عشانه
2- حبتيه أكثر من ربنا..ومتستغربيش
ربنا أمرك بحاجات وممبتعمليهاش وهو لو أمرك بتنفذي
مبتقدريش تصلى أو تقرى قرآن ساعةوتكلميه بالساعات
ربنا نهاكى عن حاجات وهو لما يطلبها منك بتعمليها عشان متزعلهوش
غضب ربنا أسهل عليكى من غضبه مع إن قلبك وقلب الى بتحبيه بايد ربنا !

وده اسمه شرك المحبة ..

{وَمِنَ النَّاسِ مَنْ يَتَّخِذُ مِنْ دُونِ اللَّهِ أَنْدَادًا يُحِبُّونَهُمْ كَحُبِّ اللَّهِ وَالَّذِينَ آمَنُوا أَشَدُّ حُبًّا لِلَّهِ وَلَوْ يَرَى الَّذِينَ ظَلَمُوا إِذْ يَرَوْنَ الْعَذَابَ أَنَّ الْقُوَّةَ لِلَّهِ جَمِيعًا وَأَنَّ اللَّهَ شَدِيدُ الْعَذَابِ} [البقرة : 165]

{قُلْ إِنْ كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُمْ مِنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّى يَأْتِيَ اللَّهُ بِأَمْرِهِ وَاللَّهُ لَا يَهْدِي الْقَوْمَ الْفَاسِقِينَ} [التوبة : 24]



ربنا كرمك وحماكي من كده بشرعه ليه بعدتي وضيعتي نفسك !

ليه تقبلي إن قلبك يستهلك بالشكل ده ! عشان سعادة مفيش حد يملكها لقلبك إلا هو !

ولاعشان رزق مكتوب لك من قل ما تتولدي ! ولا تسخط عشان لسه ربنا مرزقكيش بالحب الحلال الحقيقي الى هو مودة ورحمة ومسئولية فخدتي أى بديل ؟!


اقفي مع نفسك وأسأليها قبل ما تقفي قدام ربنا ويسألك

أنتهت حلقتنا بفضل الله

فإنتظرونـــــــــا في الحلقة القادمة
و" بداية النهاية "

مــــــــــــــــن

[/QUOTE]

[Nihal !]

بصراحه انا قريت الحلق 3 بس ههه سوري حسيت انها اهم شويه هههه
بس الموضوع حلو اوي
جزاكي الله خيرا

[د/نداء الجنة المصرية]

موضوع مفيد جدا فعلا المشاعر دى بتكون مجرد وهم ومافيش بجد حاجة اسمها اتنين بيحبوا بعض الشيطان هو اللى بيخدع الشباب باسم الحب والكلام ده عشان يوقعهم فى الذنوب وفعلا موضوع راااائع

[Aya Mn Allah ♥]

بجد توبيك حلو اوى يا مريومة
وبجد هنستفيد منه جامد
ربنا يبعد عننا الحب الحرام ويرزقنا الحب الحلال