يوميات طالب طب - الصفحة 4

ahmed monsif · #46 30-08-2006, 10:49 PM

<div class='quotetop'>إقتباس(ميتاب @ Aug 30 2006, 04:37 PM) [snapback]205932[/snapback]</div>

اقتباس:

جميله اوى اليوميات يادكتور احمد وياريت تكملها
وربنا مايحرمنا من حضورك الجميل
[/b]

ميرسي لحضورك ياميتاب وجزاكي الله خيرا علي الدعاء
بس اني اكمل او ماكملش معلش مش هاقرر دلوقت

اينشتاين · #47 31-08-2006, 07:59 AM

جميلة اليوميات دى خصوصا انها فيها مواقف كوميدية

الله يكون ف عونكم يا دكاترة ما كنتش متخيل ان الوضع غريب بالشكل ده

دكتور احمد انا هاسألك سؤال

هتاخد كام لما تتخرج وامتى مرتبك هيزيد ويا ترى هيزيد قد ايه

سؤال مؤلم اهو

ahmed monsif · #48 31-08-2006, 09:50 AM

<div class='quotetop'>إقتباس(اينشتاين @ Aug 31 2006, 08:59 AM) [snapback]206583[/snapback]</div>

اقتباس:

جميلة اليوميات دى خصوصا انها فيها مواقف كوميدية

الله يكون ف عونكم يا دكاترة ما كنتش متخيل ان الوضع غريب بالشكل ده

دكتور احمد انا هاسألك سؤال

هتاخد كام لما تتخرج 200جنية وامتى مرتبك هيزيد لما اخد الماجيستير ويا ترى هيزيد قد ايه هايبقي في حدود500 جنية

سؤال مؤلم اهو لاة هو سؤال مش مؤلم لاننا كاطباء بنصبر نفسنا اننا هانشتغل ان شاء الله شغل خاص يعني مش هاعتمد علي المرتب دة
[/b]

اسلام رشوان · #49 31-08-2006, 11:27 AM

بصراحة يا دكتور روووووووووووووووووووووووعة

و ربنا يستر ع الطب من الاشكال دي

ahmed monsif · #50 02-09-2006, 11:22 AM

انه يوم امتحان التشريح
جاي مذاكر كويس الحمد لله
واستلمت ورقة الاجابة
قريتها ففيه سؤال عارفه كويس قلت ابتددي بيه علشان يشجعني
اذ بي افوجأ اني مش فاكر ولا كلمة من السؤال دة المهم قلت خش علي بعده
مش فاكر مش فاكر مش فاكرررررررررررررررررررررر
اعمل ايه بقي قعدت اضحك والله
المهم سميت الله وباعصاب هادية جدا جبت الامتحان من تحت لفوق المهم سؤال سؤال كدة حليته والحمد لله افتكرت
تاني يوم بقي امتحان المشرحة
مسخرة هههههههههههههههههه
بندخل الصبح بدري حاطين في طرقة طويلة طربيزات صغيرة وعلي كل طرابيزة جزء من الجتثة وعلينا نقول اية دة واسم الحاجة دي اية
المهم فيه واحد قوامي وواحد ورايا ولما نخلص الدكتور يقول change ونغير
المهم اللي قدامي الدكتور يقول شينج الواد مش عارف حاجة يقول بصوت عالي بليييلة بليييلة
واحنا نضحك الدكتور يقوله بس يابني يقوله اطردني احسن هههههههههه
المهم جاء امتحان الشفوي لاقيت واحد صاحبي خارج بقوله عملت اية قاللي
انا قلتلها باللي عملتيه دة انتي كدة خسرتي دكتور
يتبع

Miss_CaR!zma · #51 02-09-2006, 11:39 AM

هههههههه
بجد يا دكتور ضحكت من قلبى
موضوع جميل بجد ولذيذ اوى
وكان الله فى العون

ahmed monsif · #52 02-09-2006, 01:19 PM

<div class='quotetop'>إقتباس(tweety_girl793 @ Sep 2 2006, 12:39 PM) [snapback]208556[/snapback]</div>

اقتباس:

هههههههه
بجد يا دكتور ضحكت من قلبى
موضوع جميل بجد ولذيذ اوى
وكان الله فى العون
[/b]

ميرسي ياتويتي لمرورك
وسعيد اني اضفيت بسمة علي اي حد من اعضاء المنتدي

اسلام رشوان · #53 02-09-2006, 01:36 PM

هههههههههههههههههههههههههههههههههه

حلو قوي الموقف بتاع انتي خسرتي دكتور

انت حكيتلي عنه قبل كده

بس جامد

haitham2005 · #54 02-09-2006, 10:45 PM

ههههههههههههه
انا مش قادر امسك نفسى موضوع جااااااااااااااااااااامد
مش موجود فى اى منتدى آخر
يارب تكمل هذه اليوميات الرائعة يا د\أحمد.

فرحه الربيع · #55 03-09-2006, 12:51 AM

الصراحة انا الموضوع دة اكتر موضوع متابعاة فى المنتدى و الاحداث جمييييلة اوى

يلا يا دكتور احمد كمل بقى

ahmed monsif · #56 03-09-2006, 10:11 AM

<div class='quotetop'>إقتباس(-سوسو- @ Sep 3 2006, 01:51 AM) [snapback]209166[/snapback]</div>

اقتباس:

الصراحة انا الموضوع دة اكتر موضوع متابعاة فى المنتدى و الاحداث جمييييلة اوى

يلا يا دكتور احمد كمل بقى
[/b]

ميرسي ليكي يا سوسو دة شئ يسعدني

<div class='quotetop'>إقتباس(haitham2005 @ Sep 2 2006, 11:45 PM) [snapback]209045[/snapback]</div>

اقتباس:

ههههههههههههه
انا مش قادر امسك نفسى موضوع جااااااااااااااااااااامد
مش موجود فى اى منتدى آخر
يارب تكمل هذه اليوميات الرائعة يا د\أحمد.
[/b]

متشكر ياهيثم علي مرورك يارب ماتشوف اللي شوفنااه هههههههههه

خالد_khalloda · #57 04-09-2006, 04:38 AM

بتفكرنا بالمأسي اللي شوفناها يا دكتور

تقريبا هو دة اللي حصل معايا في أمتحان الشفوي

بس أحنا كانت عندنا 10 عينات عضم و5 ترابيزات جثث وعلى كل ترابيزة فيه 3 عينات لازم تتعرف عليهم وتكتبهم وكل دة في دقيقة واحدة على كل ترابيزة

وطبعا جثث الأمتحان كانت غريبة مختلفة خالص عن الجثث اللي أحنا بنشوفها خلال السنة واللي أحنا راجعنا عليها

وقبل الأمتحان كله كان خايف من العضم ومطمن نوعا ما للجثث لأن تقريبا كنا راجعنا عليها 700 مرة وأنا عن نفسي كنت تقريبا شاربها شرب

المهم أحنا أول مادخلنا دخلنا على العضم اللي كان عليه 20 درجة من 50 وسبحان الله كان زي العسل وسهل جدا

كنا بنقف على كل عظمة دقيقة و نكتب في الورقة 4بيانات موجودين على العظمة

المهم طبعا كله بعد ما خلص العظم قال دة أنا خلاص ضمنت ال50 درجة بتاعت الأمتحان

المهم دخلنا على قطع الجثث ( دراع- رجل- قلب رئتين) وطبعا هي مافيش غيرها دقيقة وتلاقي الدكتور على طولMove يا عم أصبر مافيش

المهم كل واحد بيدخل على الجثة يعد يفعص فيها ويغير مكان العضلات واللي بعده دة طبعا يتحرق مش مهم

وممكن تلاقي حتة مقطوعة ماتعرفش دة عصب ولا شريان ولا وريد ولا أيه وطبعا لو حاولت تتبعه لأصله يبقى مش هاتلحق تكتب أسمه وتقعد الدقيقة كلها في أول بيانة

يعني من الأخر كانت حاجة غلب وبصراحة دة كان أصعب أمتحان عملي وأول أمتحان عملي نمتحنه

والواحد كان طالع بعده نفسيته زي الزفت وحاسس أنه هايشيل المادة

يا جدعان اللي لسة داخل طب مايقراش اللي أنا كاتبه أحسن يتعقد

معلش يا دكتور أحمد أنا كتبت اللي حاصلي من غير ما أستأذنك بس بصراحة أول ما قريت رد حضرتك أفتكرت كل البلاوي اللي حصلتلي

يلا ربنا معانا

ومعلش باعتذر للمرة التانية أحمد

ahmed monsif · #58 04-09-2006, 10:02 AM

ماتقولش كدة ياخالد الموضوع مفتوح للي عايز يقول اي حاجة
ومعلش ياما دقت علي الراس طبووول

ahmed monsif · #59 04-09-2006, 10:20 AM

اليوم هو امتحان مادة الكمياء bio
الصراحة كلنا مستهيفين المادة بالنسبة للتشريح مثلا
الصراحة مذاكر نص نص مش قوي يعني
المهم امتحان الشفوي
داخل لدكتوور اسمه صفوت
المهم بيقولوا دكتوور وحش قوي
دخلت انا وواحد صاحبي مع بعض
سالنا سؤالين بس
كارنيهاتكم فين
قولي يابني انواع الdiabitis السكر
قلتله DM
قالي كفاية
وانت لصاحبي يعني قالله DIABITIS INCIPIDOUS
قالننا شطار قوموا اربعين من اربعين
سبحان الله فرق شاسع بين مادة ومادة

أحمد خليل · #60 05-09-2006, 02:06 AM

السلام عليكم ورحمة الله وبركاته أزيك يا دكتور أحمد وازي با قي الدكاتره في كلياتهم انا قرأت الموضوع وعدبني جداً جداً لأنه روعة وصدقني ده يستحق النشر في كتاب زي مهو كده بس
أنا على فكرة الحمد الله فلت من الكلام ده ودخلت رياضة وبعدين دخلت بفضل الله هندسة بترول
بس انا مستمتع باليوميات جداً جداً ومستني الأجمل منك يا دكتوووووووووووووووووووور