حصريا ...... نموذج الاجابة الرسمي لأمتحان الاحياء 2012

[m7md abdo]

شكرااااااااااا بجد عالنموذج اللى مستنيه من زمان

[m7md abdo]

بالنسبة للفار اللى ليه 5 اباء مش المفروض انه خمس اجنة مختلفة وكده اللى مكتوب فى النموذج ده صح؟
وبتاعت ذكر كلاينفلتر انا كتبت التركيب الصبغى وقلت وجود صبغى y يجعله ذكرا ومقلتش انه ناتج من كذا هل كدا انقص؟
افيدونا......................

[nooor ali]

مستر لو سمحت
انا كاتبه في السؤال بتاع الدوره الدمويه
رقم الوعاء بتاع نسبه الاحماض الامينيه 3 و كاتبه جمبها الوريد البابي الكبدي
يعني الرقم غلط بس اسم الوعاء صح
ده هيبقي ايه نظامو في التصحيح بعد اذنك ؟؟؟

[مسلمة11]

بارك الله فيكم و جزاكم الله خيرا

[EhabFathi]

سؤال للسادة مدرسي الأحياء الأفاضل:
تقريبا نموذج الأحياء هو الوحيد الذي لم يذكر عبارة (مع مراعاة الإجابات الصحيحة الأخرى)
هل يجب أن يلتزم الطالب حرفيا بما هو مكتوب في النموذج؟
أقصد هل كتابة الإجابة الصحيحة بأسلوب مختلف قليلا عن النموذج يقلل من الدرجة؟
وشكرا لكم

[كــارمن]

يارب

[Mohamed pepo]

لو سمحت يامستر في السؤال بتاع اختفاء طبقة الكيوتيكل
انا كتبت توقف النتح الكيوتيني صح ولا غلط

[alfars215]

عدة استفسارات
فى سؤال مكان الاخصاب انا فى اجابة السؤال رقم 1 وكتبت ال1/3 الاول من قناة فالوب وفى اخر بعد ال6 اسئلة عملت حل اخر للنقطة دى وكتبت رقم 2 تتحسب 2 صح ولا مش تتصحح

بالنسبة لاختفاء طبقة الكيوتيكل انا كتبت سيتوقف النتح الكيوتينى

[alfars215]

المشاركة الأصلية كتبت بواسطة alfars215

عدة استفسارات
فى سؤال مكان الاخصاب انا فى اجابة السؤال رقم 1 وكتبت ال1/3 الاول من قناة فالوب وفى اخر بعد ال6 اسئلة عملت حل اخر للنقطة دى وكتبت رقم 2 تتحسب 2 صح ولا مش تتصحح
السؤال الرابع بتاع رقم الاوعية انا كنت كاتب 7 بعد كده شديت عليها خط بالرصاص وكتبت 8
بالنسبة لاختفاء طبقة الكيوتيكل انا كتبت سيتوقف النتح الكيوتينى

اين الرد ؟؟؟؟؟

[Mohamed pepo]

ياريت اي حد يرد علي سؤال الكيوتيكل ده هتمشي توقف النتح الكيوتيني

[محمد اسماعيل 99]

الامتحان ده فيه اخطاء كتير من واضعه وربنا يستر

[بنوته مسلمة]

جزاك الله خير بجد على النموذج
بس انا طالبة طلب صغير ياريت حضرتك تطمنى وولو حتى بكلمة وتقولى نظام التصحيح فى الاحياء بيبقى عامل ازاى
الا انا بجد ضايعة خااااااااالص كنت تعبانة جدا اليوم ده وحليت حتى الحاجات الى انا عارفها غلط

يعنى مثلا سؤال زى بتاع تجربة هرمان ذولك لو انا كتبت تجربة تانية بتاعة الانتحاء الضوئى ممكن اخد عليها اى درجة

والسؤال بتاع الضفادع انا عملت زراعة الانوية تنفع ولا لأ

معلش انا اسفة انى طولت بس بجد انا مخنئوة جدااااااااااا لانى ضعت فى الاحياء ديه وعندى غلطات كتييييييييييييييييييييييير

[tweetaya]

حسبى الله ونعم الوكيل فى اللى حاطط النموذج هنقص فى بتاعة قناة فالوب مع ان 1 ادق ومقتنعة تماما بدة لانها قناة فالوب مش قمع وادق من 2 اصلا ولو غلط فى السهم يبقى منتحاسبش عليها مش ذنبنا

وتانى حاجة هنقص فيها بيانات رسمة التجربة بتاعة النتح والله حرام طب ليه كاتب بالرسم فقط ما دام هيحاسبوا على البيانات ؟؟

بجد المفروض يتقوا الله شوية وبرده نفس الحركة حصلت فى العربى فى النحو كان حاطط حاجة فى النموذج مش سائل عليها بس اتلغت بفضل ربنا وبعدين المدرسين

يا ريت يا مستر تعمل حاجة بخصوص السؤالين دول والله حرام الواحد تعبان طول السنة وييجى ينقص بسبب كدة

[مستر حسن متولى]

رفقاً بنفسك ياإبنتى

عذراً أبنائى الطلاب نظراً لضغط العمل وضيق الوقت لن أستطيع اليوم الرد على كل تساؤلاتكم وسأكتفى اليوم بالرد على ابنتى
بنوتة مسلمة
نظراً للضغط العصبى الشديد الذى تعرضت له
بالنسبة لتساؤلك عن نظام التصحيح أحب أطمئنك أن أوراقكم بين أيدى مجموعة من خيرة المعلمين الذين يخشون الله وأى إجابة صحيحة من الناحية العلمية تأخذ الدرجة حتى لو لم ترد فى النموذج والإجابات المشطوبة يتم تصحيحها وتأخذ درجات والمسودات يتم تصحيحها وتأخذ درجات وإذا أجيب على أسئلة المقال بأكثر من إجابة وبطرق مختلفة تصحح كل الإجابات وتعتمد أعلى درجة
وفى حالة الأسئلة الموضوعية كأسئلة اختر
عند الإجابة بعدة إختيارات تعتمد الإجابة الأولى فقط .
ويتم مراجعة التصحيح ومراجعة الجمع للتأكد من دقتهما وإعطاء كل ذى حق حقه .
وإذا حصل طالب أو طالبة على 18 درجة يتم رفعه لـ 20 درجة وهى درجة النجاح .
هذا بالنسبة لتساؤلك عن نظام التصحيح .
وبالنسبة للسؤال الخاص بتجربة هرمان ذولك:
لى تعليق قبل أن أجيبك خاص بتعريف الإنتحاء
فقد لفت إنتباهى أن كثيراً من الطلاب قد وقعوا فى خطأ ساذج عند تعريف الإنتحاء حيث كتبوا:
الإنتحاء عبارة عن إنحناء ساق أو جذر النبات عندما تقع تحت تأتير بعض العوامل كالضوء والرطوبة والجاذبية الأرضية .
التعريف شكله حلو ولكنه غير صحيح علمياً
لأن جذر أو ساق النبات لن ينتحى فى هذه الحالة لكنه سينمو نمواًًًًًًًًًًًًًً عادياً .
ولذلك حتى يكون التعريف صحيحاً لابد من كتابة :
الإنتحاء عبارة عن إنحناء ساق أو جذر النبات
عندما يقع جانبيها بصورة غير متساوية تحت تأتير بعض العوامل كالضوء والرطوبة والجاذبية الأرضية .
بالنسبة لتساؤلك الآخر :
إنك كتبتى تجربة الإنتحاء الضوئى بدل تجربة هرمان ذولك
إذا ورد فى إجابتك أن النبات فى الوضع الرأسى الطبيعى ينمو الساق مباشرة لأعلى والجذر لأسفل وذكرتى أن الأكسينات موزعة بإنتظام فى القمة النامية للساق والجذر أو حتى كتبتى أن الأكسينات موزعة
50% : 50% سوف تأخذى نصف درجة
وأيضاً تأخذى نصف درجة على تعريف الإنتحاء
ولكن سيتم خصم درجة كاملة على تجربة ذولك
بمعنى أنك ستأخذى درجة من درجتين فى هذه الجزئية .
وبالنسبة لتساؤلك الأخير عن الحصول على ضفادع بدون إخصاب للأسف لن تحتسب طريقة زراعة الأنوية إجابة صحيحة وعليها نصف درجة .
وعذراً لباقى أبنائى الطلبة والطالبات لتأخر الرد عليهم .

Mr.Hassan Metwally

[مستر حسن متولى]

إبنى الغالى محمد بيبو
وصلتنى رسالتك ع الخاص
للأسف الإجابة غير صحيحةوعليها نصف درجة
وربنا يكرمك فى باقى الأسئلة
ولايهمك يابطل .
Mr.Hassan Metwally